木屋大排檔

营业中

休息中

夏天還沒來天氣就變熱天氣一熱就想吃泰國料理每次經過木屋都有一種想衝進去吃的感覺因為餐廳很大裝修有點復古可是今天要去朋友家作客所以只能點外賣帶去今天點了三樣都是很好吃的🥰椰青海鮮焗飯$148一看就厲害一整個椰青付上其實跟堂食沒分別只是外帶的關係多了一層錫紙包住雖然份量不多但味道往往比較重要椰青一打開就看到大大的青口掛在外面飯面有一層椰醬蓋住每粒飯粒都被濃濃的椰醬包圍住吃著就很清新加上海鮮也有幾樣蝦子、青口、蟹柳等都是新鮮沒有雪味的軟殼蟹米紙卷$78雖然菜帶有一點苦味但不影響米紙卷的味道炸物外賣多少會因為燜著而變軟出油但驚訝地發現軟殼蟹沒有變軟出油仍保持脆度本來以為不會飽結果吃了兩件胃就佔了些位置泰皇xo 醬雞粒豆腐煲$72這個菜看似平凡但吃著卻還蠻好吃的豆腐軟軟配上豬肉我就想起麻婆豆腐肉碎帶有微辣加上豆腐便成為配飯必備菜這一餐共$298四個人吃著都有點撐剩下的剛好隔天帶飯真滿足下次我也會再試試其他木屋大排檔 (大埔)大埔大埔太和路15號太和中心地下27-28號舖

好耐無外出食晚飯啦,今晚"罷煮”俩口子去木屋大排檔食撐檯腳。如果吾堂食,外賣7折都超抵,下次可以叫返屋企睇住電視慢慢嘆！限聚令放寬咗,一家大細四人開開心心聚餐,老闆就生意興隆！厚厚嘅餐牌,食物相當吸引,見到樣樣都好想試。Honey知我有選擇困難症,又鍾意食🦀🦀,一於嚟個全🦀🦀宴。1️⃣青咖喱軟殼蟹Crab焗麵包2️⃣蝦頭油蒜茸法包3️⃣香芒蟹肉炒飯4️⃣新鮮椰青兩大隻軟殼蟹炸到甘甘香香,鬆脆可口。再點上青咖喱醬……就係香。微辣。脆。。。青咖喱醬汁除咗香氣濃郁、順滑外,仲配搭小圓茄子同荷蘭豆增加口感。青咖喱醬點蝦頭油蒜茸法包,香香脆脆,一樣令人食上癮。香芒蟹肉炒飯米飯炒得乾身粒粒分明,加入蟹肉、櫻花蝦、芒果粒、蛋絲同蔥花,賣相吸引！口感豐富,味道清新！另外加配半個新鮮芒果,啖啖香甜滋味！食泰國嘢又點可以吾嗌返個即開冰凍清甜椰青呢?俩個人食到好飽好滿足！若果餐廳都有泰式甜品,就更加完美啦！

同朋友經過，比餐牌吸引到呀~樣樣都好似好好味咁，仲要係打卡able添~諗都唔諗就衝咗入去！MENU都好有特式，除咗介紹食物之外，仲有教泰文㗎~青咖哩軟殼蟹焗麵包 HKD128~兩大隻軟殼蟹(足6安士)被脆漿包裹，再用高溫油炸，炸至金黃色，外脆內軟而且啖啖肉，而農夫包都不容小看，由於焗過既關係，都有微脆效果，但絕不「界」口，恰到好處，青咖哩汁帶甜，極有椰香味，包吸哂汁，非常好味！豬頸肉炒河HKD72~豬頸肉片片都厚切，突顯出豬頸肉爽口既口感，另外炒河粉既調味都好出色，入味之餘亦條條乾身。巧克力巨人HKD58~女仔既重點ITEM永遠都係甜品，呢個可以歸類為飲品/甜品，香濃朱古力沙冰加上幼滑忌廉，TOPPING係朱古力百力滋、KITKAT同OREO，真心靚同YUMMY!!!

大埔人一定識呢間平靚正泰菜，平日嚟到都好好生意。餐牌好多選擇，今日點咗生蝦刺身、椰青飯同酸辣明爐花甲鍋。公車諗霸　$68最先上菜嘅係生蝦刺身，啲蝦肉肉質緊實肥美，爽口鮮甜，點埋酸辣醬汁，冰涼開胃！酸辣明爐花甲鍋　$98啲花甲都幾新鮮大隻，鮮甜彈牙；啲料入面仲有啲秀珍菇，超級入味目測個湯底有豬肉醉、香茅、辣椒、酸梅、蒜頭同紅蔥頭等多種材料，酸酸辣辣，味道層次豐富相信呢個泰式酸辣湯底無論配咩海鮮都會好夾，下次嚟試下佢個泰式酸辣貴妃蚌先～椰青海鮮焗飯　$148跟飯送咗杯新鮮椰子水。呢個椰青飯係我食過最香椰味嘅椰青飯，每啖都食到香濃嘅椰汁，絕對係足料嘅誠意之作。面頭有啲黃黃地色好似火灸過嘅芝士咁，食落就有啲似淡忌簾芝士椰汁多到滿瀉，「畢」咗啲碟上面嘅椰汁嚟試，甜甜地凍凍地，撈飯嚟食嘅話會有啲似平時芒果糯米飯嗰啲椰汁飯，好食！要特別讚一讚個帶子，大大粒焗到半生熟，嫩滑彈牙

若干年前，大埔並唔多泰菜選擇，只有大尾督或大埔街市，依家多了好幾間泰式美食多了選擇，今日一於去試下呢間木屋大排檔店名大排檔，環境並唔大排檔，依且座位寬闊，比起附近另一泰菜店，坐得舒服好多！午膳時間有多款lunch set選擇，今日揀了泰式豚肉炒河，另外追加了泰式春卷及炒通菜，飲品當然要我最愛龍眼冰。午餐份量夠大，一定食得飽，炒河熱辣辣，唔太油，豚肉Ok。追加春卷好鬆脆，而通菜炒得硬度適中，夠火喉，有驚喜！龍眼冰里面勁多龍眼肉，應該唔係罐頭貨，亦冇死甜，清甜！下次一於試下晚飯

天氣熱返少少，就會想念泰菜嘅味道好多款菜式望落都好吸引，選擇困難症發作～椰青食泰菜梗係要飲冰凍新鮮嘅椰青泰式墨魚脆豆卜墨魚肉釀喺豆卜入面一齊炸，炸得岩岩好，外面嘅豆卜酥脆香口，入面嘅墨魚口感彈牙。配埋酸酸甜甜嘅醬汁一齊食，唔錯酸辣明爐花甲鍋最鍾意叫明爐乜乜乜，成個爐咁上，keep住熱辣辣。花甲冇沙，肥美爽口；湯底酸酸辣辣，味道濃得嚟又唔會令人好口渴，飲得出係足料熬製而唔係味精湯。椰青海鮮焗飯椰青肉柔軟嫩滑，成個焗飯好creamy好多椰漿用椰青水炒過嘅海鮮份外鮮甜，啲飯亦都充滿椰香，令人一啖接一啖咁食唔停口好彩早咗嚟，未係好多人，走嗰陣已經見到有人等緊位嚕～

沒有訂座，當晚客人不算多，食完身邊啲枱都未full，我們一行4人，點了5個餸，包括:公車諗霸 (即係泰式生蝦)店員勁風趣幽默，堅持我地要識讀"公車諗霸"先落單😂一共有隻蝦，蝦味道新鮮，頗有鮮味，但泰式酸辣汁酸辣味亦不足，唔太夠惹味冬蔭公椰奶味香濃，不太辣，亦十分足料，點埋火熱辣辣咁送去你面前，但香料切得好碎，飲一碗湯有半碗都係渣，不太方便進食及飲用鮮蝦炒金邊粉金邊粉炒得均勻，唔會痴埋一大舊，放在一旁的辣椒粉很辣，食唔到辣要小心，隻碟幾得意頸爆生菜包睇返menu佢有分炒同唔炒既肉碎，呢個係有炒的，頗惹味，生菜份量唔夠夾晒所有肉嚟食，但單吃肉碎也不會太咸西隆路邊炸雞炸雞粉漿太厚，咬一啖都成口皮，肉亦唔算多，旁邊的咖喱麵包反而有驚喜，食過返尋味，記得食埋個麵包，配咖喱食一流總括而言，食物水準達標，細微可以分高下，有興趣再嚟試其他餸菜，加上店員友善搞笑，又會主動同我地吹水，雖然我地無叫飲品，但會好留意我地夠唔夠水飲，上菜又會事先提醒我地小心，服務態度令整體用餐感覺更良好😋😋

木屋大排檔喺大埔都已經開左一段時間，身邊既朋友都大讚好食，今日終於叫返個外賣返屋企一嚐佢既風味！泰北沙嗲串燒拼盤 $148（燒豬頸肉1塊/豬柳串2/雞柳串2/牛肉串2）拼盤入面最鐘意既係豬頸肉，燒得好香，少少焦香，但又唔覺得好柴既口感，配上豬頸肉既醬汁就更加正🤤另外豬串、雞串同牛串既醃料應該一樣，味道食落差唔多，不過口感絕對各有各好，一定要點佢地配埋既沙嗲醬，會更加惹味！！軟殼蟹米紙卷 $78叫咗幾款菜，個人最鍾意呢個米紙卷！軟殼蟹即叫即整，就算叫外賣拎到返屋企都仲係脆卜卜。米紙卷入面包住芒果、生菜同軟殼蟹，炸得香脆既軟殼蟹加上酸酸甜甜嘅醬汁同清爽既生菜，真係一個好特別嘅開胃菜😋！泰式海鮮粉絲沙律 $88我個人真係好鍾意酸甜口味嘅食物，所以又叫多一款令人開胃、酸辣口味既菜式！呢一款食落就會有啲辣，粉絲加上清爽既蔬菜，不過個人覺得海鮮嘅份量可以再多少少😗但酸酸甜甜既沙律啱晒呢啲悶熱嘅天氣～佢哋嘅Menu有好多唔同菜式可以選擇，令人眼花撩亂啊🤣而家仲有七折外賣抗疫套餐，都幾抵食，鍾意食泰菜既朋友不妨可以去試下，唔會失望😋😋

今日陪朋友去到大埔消防局做啲野，做完佢就話介紹我附近間好正既餐廳，唔熟路既我就跟住去。原來係一間泰國茶餐廳，個名幾得意，叫wooden house大排檔，唔通係泰式大排檔？入面啲裝飾好靚，食飯都開心啲。Menu亦好精美，而且選擇極多，可見呢間餐廳好細心。先黎既係椰子雞湯，好香椰子味，入面都好足料，落左好多唔同既香料，成煲湯都好香，雞柳都索晒啲湯味，嫩滑又好味！小食拼盤不過不失，大部份泰式餐廳都咁上下，值得一提係佢個醬酸酸甜甜又幾好食，唔係平時啲辣雞醬，唔錯！青咖喱軟殼蟹包，呢個真係要比5粒星！$128 有兩大隻原隻軟殼蟹，炸到好脆，入面蟹肉都好鮮甜，淨食蟹都抵呀！個青咖喱亦同樣出色，唔會好辣，用黎點脆卜卜既面包食一流！我同自己講下次我要一個人黎食，叫呢個軟殼蟹，一個人獨佔食晒！另外叫左龍眼冰、青檸梳打，幾fresh，不過龍眼冰有少少太甜。埋單都係$345，真係好抵！

泰式奶茶加鮮忌廉 32雖然骷髏骨頭有少少恐怖😅 但將佢調轉照飲都ok. 有咗浮冰之後，鮮忌廉可以浮係面～ 不過因為杯奶茶本身都偏甜，所以就冇食到啦🤭串燒豬肉串 40都幾高質，可能因為黑毛豬嘅關係係掛，連豬肉都可以燒到夠冧，唔黏牙，好易就咬得開。舊燒肉本身都有醃料，唔dip沙爹醬都夠味，dip左就再惹味d 燒豬頸肉沙律 78呢個係比到surprise 我嘅。豬頸肉沙律🥗就真係有足夠份量嘅豬頸肉，size 夠大之餘，而且燒得入面，食落夠爽口。醬汁係好有泰式味道嘅醬汁。酸酸地、少少辣辣。配菜上就唔係西式果種，佢主要係西芹、紫洋蒽、生菜🥬 蕃茄。青咖喱雞追加薄餅 68 + 28呢個就少少平凡，因為青咖喱有d稀，枝泰式圓形的茄子🍆煮得吾夠熟，咬落仲有啲生。雞嘅份量都OK。但係就比較大塊，似係雞扒斬件咁。薄餅都幾正常嘅份量嘅，但我自己就覺得係配法包會夾 d

今日屋企人想食泰國菜但又好懶唔肯出門😖又指定要食大埔好出名嘅木屋大排檔食泰菜，橫點未食過，就做下孝順仔去買啦，點知發現哩間餐廳質素都唔錯餐廳位於大埔區，雖然店鋪走大眾風，但店鋪好大，一眼就見到餐廳，入面地方都好闊落，係一個可以舒服食飯嘅地方 👍今次同屋企人食，所以點嘅份量都多，但價錢都唔算太貴，可以成日去食🙈野食方面，而今次叫左傳統蝦醬炒飯，大份得黎，配料超多，而且有好濃郁嘅蝦醬味道，唔同平時食開個隻蝦醬味，而係咸甜咸甜，好特別月亮黃金墨魚餅亦都好值得推介，味道好夠，唔洗點汁都好好食，而且個墨魚餅夠厚又彈牙，食到停唔到口最重要嘅係個墨魚餅竟然唔似出面餐廳整到油膩，剛剛好既然食泰國菜，當然會想食正宗泰國木瓜沙律，而今次個沙律算頗新鮮，好爽脆，味道酸酸甜甜，必點野食之一 個勁辣生菜包都超曬班，夠辣得黎，份量又足，食得好過癮，而家諗起都流曬口水總括而言，意外地搵到哩間好食嘅泰國菜餐廳，外賣水準都咁高，下次一定去食堂食，堂食一定會更好😳😳

朋友話帶我食好野錦我就跟住佢去，間鋪頭係翠和里果到有個停車場，都算方便。入到去見到個餐牌都幾得意，有教你泰文落單，來到食野又可以學野落單果時又可以實踐一下。我地點左個細拼盤、椰汁雞湯、青咖喱軟殼蟹包&2杯野喝（青檸梳打&龍眼冰）個椰汁雞湯幾好，香茅切開左一粒粒唔會咬唔爛，雞肉嫩滑，加上洋蔥，成個湯好有泰式風味。小食拼盤就一般都係泰國餐廳嘅正常野。而個青咖喱軟殼蟹包就比較出色，個包焗得好，外皮脆，內裡軟綿，加上吸收左青咖喱汁，領到更加好味，而青咖喱汁都有dd辣。杯野飲都正常嘅。

今日相約另外三位朋友嚟試吓呢一間木屋大排檔，初初聽個名以為係港式大排檔，原來係食泰國菜為主㗎。我地叫咗超級多餸菜，每一樣都係分量十足而且味道足夠，等我逐一介紹吓首先我哋叫咗個泰式明爐酸辣大硯，d硯唔單止好大隻，仲要係好鮮甜冇沙，酸辣湯都蓋過唔到硯嘅鮮甜，所以個湯係好開胃另一個開胃菜就係黑醋芒果蟹肉沙律喇，滿滿嘅蟹肉，黑醋再加甜甜的芒果係意外嘅夾，好fresh主食方面，我哋就叫咗個傳統辣肉碎煎蛋飯，先將蛋黃整破，再將蛋同飯撈勻，最後加上肉碎，係一個冇得輸嘅食法，肉碎唔會話太辣，味道適中。另外，我地仲叫左青咖喱軟殼蟹焗麵包，有足足兩隻軟殼蟹，炸得夠脆，送上黎既時候仲熱辣辣㗎！咖喱有少少辣，麵包外脆內軟，麵包吸收咖喱嘅精華，好容易令人食完一舊又一舊，可再encore至於小食方面，我哋仲叫咗個小食拼盤同串燒拼盤。我個人比較欣賞串燒拼盤。因為佢一上嚟就已經聞到好香嘅炭燒味，佢有牛，雞，豬同豬頸肉，每款肉都好Juice，唔會太乾，再配合埋佢嘅秘製醬汁，令人好驚喜！特別係豬頸肉極度推薦！小食拼盤就有泰式春卷蝦餅等等，相比串燒拼盤就比較普通。飲品方面我哋叫咗椰青同泰薑蜜。椰青水係好清甜，椰青肉係好嫩滑

每次黎到呢到都要簡一大輪先決定到食咩，因為呢到實在太多選擇。我們叫左個黑醋芒果蟹肉沙律，都幾fresh，蟹肉係整到好碎，估唔到而家D芒果都仲幾甜，佢個source唔會話太酸，有芒果既甜中和番。之後叫左個Combo小食拼盤，都幾抵食，每樣都可以試少少。如果多人去食都建議叫串燒拼盤，豬頸肉好好食，好厚肉又唔UN ，串燒入面最鐘意雞串，雞肉仲係好滑，配埋個沙嗲醬好好食。酸辣明爐花甲鍋係有爐咁上菜，所以熱辣辣，D花甲都好大隻，好鮮甜。最期待就係青咖哩軟殼蟹配焗面包。軟殼蟹炸好兩大隻，脆脆地。焗面包都好香脆，點埋青咖哩咁食好夾。馬拉盞通菜煲好惹味，偏重口味。椰青都清甜， 好解渴！

今晚喺大埔食完野，行過木屋，見到入面有人食緊大大隻既脆炸豬手，好吸引！再睇到門口有外賣套餐價錢都幾優惠！於是我就入去買外賣啦！menu入面既菜式更加吸引！於是我就買左3個餸，諗住第二日可以帶飯返工😬😬首先，有椰青海鮮焗飯！估唔到外賣都真係會比到成隻椰子我，仲有一杯椰子水送！飯好香椰味！每粒飯都有濃濃既椰漿包圍！超正！仲有好多椰子肉，好容易就可以刮到出黎食！😆另外，叫左個泰式墨魚脆豆卜，入面既墨魚好爽，外面既豆卜亦好脆，正！😋最後有芭堤雅先椰子雞船（半隻），雞肉浸喺濃濃既椰汁湯底之中，雞亦無雪藏味，唔錯！😀