影片
更多
2021-03-31
130 浏览
今日陪朋友去到大埔消防局做啲野，做完佢就話介紹我附近間好正既餐廳，唔熟路既我就跟住去。原來係一間泰國茶餐廳，個名幾得意，叫wooden house大排檔，唔通係泰式大排檔？入面啲裝飾好靚，食飯都開心啲。Menu亦好精美，而且選擇極多，可見呢間餐廳好細心。先黎既係椰子雞湯，好香椰子味，入面都好足料，落左好多唔同既香料，成煲湯都好香，雞柳都索晒啲湯味，嫩滑又好味！小食拼盤不過不失，大部份泰式餐廳都咁上下，值得一提係佢個醬酸酸甜甜又幾好食，唔係平時啲辣雞醬，唔錯！青咖喱軟殼蟹包，呢個真係要比5粒星！$128 有兩大隻原隻軟殼蟹，炸到好脆，入面蟹肉都好鮮甜，淨食蟹都抵呀！個青咖喱亦同樣出色，唔會好辣，用黎點脆卜卜既面包食一流！我同自己講下次我要一個人黎食，叫呢個軟殼蟹，一個人獨佔食晒！另外叫左龍眼冰、青檸梳打，幾fresh，不過龍眼冰有少少太甜。埋單都係$345，真係好抵！
原來係一間泰國茶餐廳，個名幾得意，叫wooden house大排檔，唔通係泰式大排檔？
入面啲裝飾好靚，食飯都開心啲。
Menu亦好精美，而且選擇極多，可見呢間餐廳好細心。
先黎既係椰子雞湯，好香椰子味，入面都好足料，落左好多唔同既香料，成煲湯都好香，雞柳都索晒啲湯味，嫩滑又好味！
小食拼盤不過不失，大部份泰式餐廳都咁上下，值得一提係佢個醬酸酸甜甜又幾好食，唔係平時啲辣雞醬，唔錯！
青咖喱軟殼蟹包，呢個真係要比5粒星！$128 有兩大隻原隻軟殼蟹，炸到好脆，入面蟹肉都好鮮甜，淨食蟹都抵呀！個青咖喱亦同樣出色，唔會好辣，用黎點脆卜卜既面包食一流！我同自己講下次我要一個人黎食，叫呢個軟殼蟹，一個人獨佔食晒！
另外叫左龍眼冰、青檸梳打，幾fresh，不過龍眼冰有少少太甜。
埋單都係$345，真係好抵！
张贴
