有間茶記响附近

营业中

休息中

呢間餐廳位於土瓜灣有間茶餐廳,叫做有間茶記O向附近修面座位闊落,好多位座仲有好多部大電視機等客人可以睇下電視送下飯咁,呢度有多款小炒,晚餐價錢仲好抵,仲有晚餐會有例湯同白飯,我地叫左一個咖哩牛腩飯,例湯係紅蘿蔔湯都幾好飲同入味,另外,我地仲叫左一碟小炒胡椒洋蔥炒鱔球,呢個小編推介辣辣地炒得好惹味,鱔球仲要起晒骨,鱔球炸完再炒有彈牙同好香口脆口既口感,另外仲叫左一杯好多CREAM好滑既紅豆冰同埋另一杯好多CREAM又香朱古力粉既味道係美碌恐龍,朱古力味好濃郁,職員服務友善。

夜晚去咗土瓜灣約friend，話「有間茶記响附近」，唔講唔知原來係餐廳名，好搞笑🤣 新開業無耐，環境光猛，座位闊落，坐得幾舒服，價錢親民化，而且食物款式眾多，經過值得一試👍雖然過咗下午茶時間，但係都可以叫西多，口痕要咗個榛子醬果仁西多士，賣相一流，好大一個，外皮炸至金黃酥脆，內裏軟綿，以Nutella做餡料相比朱古力醬食落反而無咁膩，正😍咖喱三寶鍋熱辣辣上枱，咖喱帶點微辣，撈飯一流，入面有牛脷、豬軟骨、牛腩、薯仔同洋蔥，煮至入味，唔算嚡口，吸飽醬汁，值得一讚係薯仔，大大塊，好腍，薯味突出，性價比高🥔見隔離枱叫嘅菜式好吸引所以又忍唔住跟風，鮮茄炒滑蛋十分濕潤，酸甜可口，入口滑溜，老少咸宜、金銀蛋浸時菜份量唔少，蔬菜新鮮，加入皮蛋及鹹蛋，鹹香味俱全，湯底清甜，當湯飲😂

是日年初三，約了朋友拜拜年，嚴格嚟講都唔算嘅，純粹係出嚟見下面啦，本身約佢留下間茶餐廳度食嘢，不過原來新春期間唔開門，行遠少少見到有間茶記响附近，嗰店名咁得意而佢又有開，就食佢啦😆新春期間都有下午茶，全場坐滿，一半係港人一半係國内人，店來好不熱鬧。仲有一個朋友未到，咁就食住等啦，我哋落咗餐一陣，食物好快就上了👍⭐半島鹹牛肉炒飯朋友叫的炒飯，雖然一次過炒好多份，但都炒得香口唔油膩，份量也不算少，飯粒粒金黃，真係幾好食。⭐吉列豬扒配沙律自己叫咗個吉列豬扒拼沙律，似乎呢個都係店內名物，見到好多食客都叫呢樣呢😋豬扒大大塊，新鮮炸起好香脆，沙律係雜果沙律，除咗雜果仲撈咗啲椰果，甜甜哋有咬口。⭐棒子醬果仁西多士後加嘅西多士，麵包特厚睇起上嚟超大舊，西多士中間夾咗朱古力醬，上面仲淋咗好多棒子醬，食落香甜好正👍⭐熱檸茶 & 熱檸水新年食得嘢多，我哋決定飲返個熱檸水/茶解下膩，一杯有四片檸檬，檸味十足👍⭐脆脆華田朋友就叫咗個脆脆華田，阿華田沖得好濃，飲落好滑又唔過甜，正喎😍新春期間有加一，但價錢依然貼地親民，加上食物味道唔錯，唔怪得咁多人嚟食嘅。

呢個樓下的茶記，但裝修都比較新潮啲，空間感幾大，坐得都算舒服。選擇除了一般茶餐廳款式，亦都有啲中餐館的茶式，選擇都算多。大肚婆炒飯，薑粒炒飯，啲飯炒得夠乾身亦軟熟，辣到足夠，好啱女士或大肚婆食。金銀蛋浸時菜，份量都幾大，菜上面鋪咗一層蛋白，增加賣相好，味道唔會好鹹，菜亦新鮮。火腩大鱔煲，熱辣辣夠鑊氣，啲豆腐質素幾高，好滑身；鱔肉質結實彈牙，配合埋火腩一齊炒，好開胃。紅豆奶茶，賣相唔錯，似西式飲品。

對上一兩個月食個陣, 午餐、常餐、特餐個D都仲係4X蚊, 今日再去食就發現貴左勁多!!(特餐加左11蚊- -), 問左呀姐話臨近新年加價, 應該之後都係呢個價錢…咁我就叫左個午餐, 蜜汁薯仔牛柳粒飯+熱奶茶。我覺得個蜜汁薯仔牛柳粒過甜, 亦太多汁, 可能因為佢想畀你撈飯/意粉食(?) 牛肉就少少un… 薯仔就正正常常走過油脆脆地咁…同場叫特餐的同事表示雞扒都比之前細左, 如果加左咁多錢仲份量仲要細左, 咁即係加左好多價…. 味道就普普通通, 可能第日都未必會成日食了, 性價比低左…

呢間茶記新開無耐～係比較新淨嘅茶餐廳 仲有自助斟水區環境闊落企理 都幾光猛而且食物款式都幾多～早午茶晚市都有唔少選擇😼-👩🏻‍🍳Idiots翻兜之選❤️‍🔥大肚婆炒飯 $78大肚婆炒飯其實就係薑蛋炒飯🌞除咗用蛋白同蔥炒 仲有好多薑每啖都有好重薑味！鍾意食薑嘅朋友必試🔥❤️‍🔥蒜蓉炒西蘭花 $58西蘭花煮夠淋 唔會太硬之餘 顏色仲好翠綠😋蒜蓉唔算多 但都夠入味 好香口～- 👩🏻‍🍳Idiots食過就算  ⚡️菠蘿咕嚕肉 $88份量偏少 肉略嫌有啲細粒😗不過其實味道幾好 醬汁酸甜適中 好開胃～idiot去食晚市 當然有跟例湯～當晚嘅湯入面有節瓜同章魚 都幾足料🤟

這一間餐廳，上個月中第一次光顧，味道不錯，回看記錄，當日是叫午餐B，這一天剛巧也是叫午餐B，當然，兩次菜式不一樣，上次是蓮藕燜腩仔，今次是胡椒豬肚粉腸。上次的價錢是$48，事隔半個月，價錢上調至$54，當然上次套餐沒有湯，今次套餐有。在落單前，看見鄰桌上的滑蛋叉燒飯賣相非常非常非常（重要的事說三次）吸引，但最終我都是決定叫胡椒豬肚粉腸，原因是相比滑蛋叉燒，我更喜歡胡椒豬肚粉腸，尤其是粉腸。飯菜連飲料的熱檸檬茶都到了，在拍照之後隨即二話不說，將整碗飯倒入湯中，泡成湯飯，或者叫泡飯，讓米飯吸收了湯汁，會更好吃。在舉匙吃飯之前（沒錯，我全程是用湯匙，沒有用過筷子），先看看裡面有什麼東西，居然給我發現有紅辣椒片，我立馬扔掉，做這道菜，根本不用放辣椒的，用胡椒就已經足夠辣了，而這個湯確實比我之前喝過的同類出品更辣，雖然有胡椒的香辣味道，但明顯辣度過了火，影響了食材之餘，更影響口感。材料方面，除了有紅辣椒、胡椒碎、豬肚、粉腸及鹹酸菜外，還有鮮腐竹，除了紅辣椒外，所有食材我都吃光，而且味道都不錯，尤其是粉腸，需知道粉腸要做得好吃（即腍而不苦）是相當考功夫的。而且食材的數量亦相當足夠，若果不是過辣的話

朋友介紹，晚飯時間，嚟咗呢間新開嘅茶餐廳，叫咗個乾炒牛河，大肚婆炒飯，辣子雞，咕嚕肉，魚香茄子煲，榛子醬西多乾炒牛河碟底唔會油淋淋，河粉唔會太腍有咬口😋大肚婆炒，好有薑味得黎又唔會太辣，好養生辣子雞辣椒好香，上枱溫度夠熱，應該係即叫即整，送啤酒一流咕嚕肉超水準，甜酸味道剛剛好魚香茄子煲唔會死咸，茄子走過油，但食落口冇啖啖油甜品叫咗個榛子醬西多，好有特色，為整個晚餐畫上一個完美嘅句號😍整體：有鑊氣，夠野味，特別甜品有驚喜，師傅有啲料到😌

見到呢間新開嘅茶記，好似好光猛又乾淨咁，所以就去試下😌一行五人，叫咗三個小菜+一個炒飯+一個甜品，價錢合理👍👍仲要幾高質😋無諗過茶記啲小炒都咁出色😁仲要環境乾淨企理！值得推介⭐⭐⭐⭐⭐豆腐好滑！個麻味好出，好特別！因為同出面食開嘅麻婆豆腐好唔同！炸粉唔厚！酸酸甜甜勁開胃❤️一啲都唔油，仲要粒粒分明😋👍見到張相好吸引～忍唔住叫埋呢個好邪惡嘅榛子西多士😍真係好好味！小朋友都讚口不絕！P.S. 仲有叫咗個椒鹽鮮魷🦑一上枱就食清光😂唔記得咗影相🤭

餐廳十分乾淨，啲枱又唔會密密麻麻，其實仲好寬敞添，茶餐廳黎講好鬆動舒服！環境好之餘，味道都真係幾唔錯，標題叫得做「長期飯堂」，當然價錢都合理啦！ 屬於高質茶餐廳！另外職員都好友善，反應快，基本一舉手就有人應！酸菜魚：性格比高，鐘意食麻嘅必點，大推蟲草草雲耳蒸雞：滑，入味牛仔骨：配飯一流，另一大推之選

今日放低咗架車喺車房等整車，對面開咗間新嘅茶餐廳，叫有間茶餐廳響附近，個名幾得意一於試試同而家一般冰室一樣，都係用QR code落單，點咗一個鮮茄魚柳飯，魚柳同鮮茄嘅份量都相當多，最緊要係個汁酸甜到啱啱好，如果啲飯再多少少就啱啱好。叫咗杯凍奶茶，有茶味，如果可以滑多少少就非常好，可能叫熱會更出味，不過喺土瓜灣區嚟講，性價比值已經超出預期，對比起其他大型冰室，呢啲新開小店係價錢同份量已經贏晒。下次有機會到一定會再嚟過！

新開張食過早餐同午餐好抵食又幾好味，所以朋友生日專登去試吓佢哋晚餐！總共七個人點咗12個小菜幾杯特色飲品！超有驚喜，重點推介肉絲脆脆麵，超好食呀😋😋藥膳蒸雞、菠蘿咕嚕肉、薑蔥魚雲煲同辣子雞超水準，估計大廚應該係隱世高人全部有鑊氣，味道恰到好處！食素嘅朋友真係要試吓佢嘅南乳齋煲仲好食過素食店！我哋試咗紅豆系列嘅特色飲品，紅豆咖啡係炭燒味，紅豆非常腍真係好好飲，重點推介！朋友話紅豆奶茶同傳統紅豆冰都好正👍店員都非常健談，聽講可以order海鮮或者海鮮來料加工我哋決定下次再試！價錢性價比超高！真係真心極力推介

朋友搵到間土瓜灣新嘅茶餐廳，見到個名幾得意叫做有間茶記响附近，開頭以為食沙嗲牛肉麵，點知原來夜晚有小炒。咁我哋一行六個人就叫咗6個餸，舖頭新裝修，所以坐得比較舒服，而且幾乾淨，樓面個男經理好健談，不停推介我哋食菠蘿咕嚕肉。又真係幾好食。但係我個人推介麻婆豆腐，撈飯食咗兩碗飯。好耐未試過食到咁有鑊氣小炒，可能係新開張，所以我哋坐到收舖都未俾人趕走，聽經理講而家係試業，遲啲價錢會調整。最美中不足係支可口可樂竟然無汽，另外一位男同事話幫我哋反映 唔通寫信去可口可樂公司投訴？ 真係冇諗過支裝可樂都會無汽。

應該係我呢排冇食神定宜家啲商家無良⋯見附近開左間新茶餐廳唸著試吓啦。午餐$48係同區差唔多啦。安全起見點紅酒燴牛尾標準嘢應該都問題唔大喇掛！見佢掃碼落單有少份量唸著都係少飯啦！點知少佢就少餸喔！睇吓張相？三舊牛尾？唔係，嚴格黎講係兩舊半（實際大小比我張相細好多）！後來我睇清楚啲⋯飯係係下面果欄，得標準一個選項！可以話係我大意⋯但真係第一次體會到原來可以咁！人地少飯佢少餸！三舊仲咁細不如唔放牛尾齋汁吖？又唔見你汁少份量？算！再睇第二張杯紅豆冰⋯忌廉幾咁雄偉？我好似係點紅豆冰唔係忌廉紅豆冰喔⋯清左啲忌廉同冰⋯哇！厲害！得半杯。唔洗咁嘛？附近都係中學小學多⋯係咪唔好咁呃啲小朋友呢？

呢篇應該係呢間茶記嘅第一篇食評就等我嚟介紹下今日行到攰攰地撞手神嚟到呢間食啲嘢時間約2點佢哋嘅茶餐時間開始供應係2：30剩低午餐、常餐、特餐或即做粉麵飯可選擇於是我揀咗午餐雖然剩低選擇少只能三選一但絕對係高質蓮藕燜腩仔配上熱奶茶茶質夠香夠濃雖然未算係最滑但絕對唔嚡口配上咖啡糖感覺確一流米飯軟硬適度夠而且粒粒好分明好耐未食過咁高質嘅米飯蓮藕用上南乳及八角燜腩仔增加味道層次感而且腩肉肥瘦均勻蓮藕亦燜得好鬼腍咁嘅質素午餐只收$48好多地區都食唔到呢間明顯係新開餐具非常之新乾員工做嘢唔熟手要主管提示點做嘢QR code亦壞咗要用人手去落單午餐餐牌只靠螢幕來顯示並無紙張印本放檯面雖然要改進地方確唔少但絕對值得畀機會再試