有間茶記响附近

营业中

休息中

土瓜灣浙江街新開了一間茶餐廳，口碑不俗。今天遊覽土瓜灣海心廟，順道午膳，一試這裏的菜式。餐廳裝修簇新，光亮整潔，午餐時間都滿座，可能需要併枱的。餐牌上中、西美食選擇非常多，而最吸引我的是粤式小菜。「京都焗肉排」，色澤鮮豔，肉排大大塊，啖啖肉，肥瘦比例適中，爽口多汁，配上鮮菠蘿，酸甜可口，特別開胃。「西檸雞塊」，即叫即製，雞塊炸得香，配上鮮檸檬，芡汁調校得剛好，不太酸，又有檸檬的清香，讓人食不停口。「豉椒牛肉河粉」，熱焫焫炒起，牛肉份量不少，肉質爽滑無渣，牛肉味道濃郁，河粉幼滑，豆豉青椒炒得香噴噴。小菜加$10可配白飯例湯。例湯，是豬骨蓮藕老火湯，有家的味道。熱飲，小菜加$3有咖啡奶茶等熱飲。這裏的小菜水準高，比大酒樓有過之而無不及，性價比奇高，令人一試難忘。餐廳每日下午3-6時更有$15「揚州炒飯」外賣，惠及長者或有需要人士。

拎架車去車房整，放低咗去附近有間茶餐廳食埋飯，見到旁邊有間好光猛的 《有間茶記响附近》茶餐廳，食飽飽行過隔離就可以攞車返屋企。聽車房老闆講，《有間茶記响附近》係善心小店，每日3點後：楊洲炒飯賣15元，支持區內經濟困難人士及老人，值得我前來幫襯。二人晚餐好抵食，有小食、主菜、餐湯、飲品、白飯，加條蒸魚，食埋個甜品就Perfect啦！一坐低店員服務細心，送上例湯一碗。小食滷水牛腱額外叫多左個滷水牛腱，仲有配沙律菜，牛腱好香口，啖啖肉，滷水味道幾好。花雕醉雞翼仲要有特色小食，叫左花雕醉雞翼，份量幾大，口味又岩哂我，有花雕酒香味，又唔會太鹹，老少咸宜，非常抵食。無骨海南雞主食叫左無骨海南雞，海南雞充滿鮮味，肉質嫩滑，配搭秘製醬汁，鍾意食海南雞嘅朋友必須要叫。清蒸海魚叫了果皮蒸盲鰽，魚肉嫩滑有口感，有海水鮮味更加鮮香，好彈滑。芥末魷魚筒新鮮魷魚筒口感軟糯，招牌小菜都幾大隻，新鮮煮起熱辣辣，又夠多芥末汁，刺激上腦。上湯時菜菜心脆綠鮮嫩，香口爽脆。脆脆華田華田脆脆，有口感，水蜜桃檸檬茶 ， 味道平均，甜味剛好。紅豆咖啡清新甜香紅豆味同咖啡濃郁味，味道搭配，甜味適中。榛子醬西多士西多士配上榛子醬，味道

這間位於土瓜灣的茶餐廳，晚市主打多款小菜，價錢貼地。而且餐廳更有盡社會責任，每日3點後，以$15賣楊洲炒飯給區內經濟困難人士及老人，值得支持。餐廳還有二人餐供應，只需$178，十分抵食。例湯是紅蘿蔔豬骨湯，清甜無味精。XO醬西芹炒肥牛西芹已去筋皮，炒至爽脆，肥牛切得較細片，XO醬炒至惹味。豉汁蒸䱽魚䱽魚新鮮，一至二人分享剛好，豉汁蒸超夾，火喉剛才，蒸至肉質嫩滑。京都焗肉排肉排幾乎無骨，肉質嫩腍，醬汁酸甜開胃，送飯一流。

約咗住土瓜灣嘅朋友食飯，就揀咗依間茶餐廳，晚飯時間二人套餐超抵食！$200有找，已經有前菜，兩款主菜，有碟蔬菜，兩碗飯，兩碗湯，家的感覺！鳳爪酸辣味突出，非常開胃，份量都唔少👍🏻菠蘿咕嚕肉，用咗新鮮菠蘿，即刻覺得性價比好高。咕嚕肉做到香脆外皮效果，啖啖肉，冇乜肥肉，抵讚！大大棵菜心，有綠色食物嘅晚餐，特別健康我同朋友最鍾意就係依一個主菜，南乳花生豬手。南乳味道調校得好好，非常好餸飯，花生軟硬度適中，豬手好腍好入味，食到個嘴好黏，超多骨膠原！本身諗住喺附近搵個地方食甜品，但店員推薦佢哋有西多士，既然出面落雨都費事行嚟行去，一於食埋甜品先走！依個西多士，賣相非常靚，有濃厚嘅朱古力醬同花生醬味，唔使再額外落糖漿，已經好好食，真係非常飽，非常滿足！

今日中午上跳舞班足足兩個半小時,  下課已是2:00,   約了同學一齊去醫肚.    同學介紹 [有間茶記响附近] ,   由地鐵站去只須 6 分鐘,  餐廳是孖舖,  門面好闊. 裝修好標準, 光猛整潔, 座位闊落, 自助餐具在桌櫃桶, 也設有自助飲水機,   還有幾部大電視.   店長服務好,  知道我哋第一次去,  叫我們先睇餐牌,  或可以作介紹.   本想每人叫一份午餐,接著店員通知可以看 牆 上電子下午茶餐牌,  每日不同.   今日有 9 項,  超值抵食啊 !!我們立即點了 下午茶餐  D 及 G.  紅豆冰  及  凍檸檬茶  五分鐘 送到, 涼冰冰,  好大杯. D餐:  炸脆雞翼配雜果沙律. $34-   特飲另加$10,  改為紅豆冰.   店員送上時, 感覺茶記出品不但有服務, 而且抵食大件, 非常整齊.  雞翼炸得金黃香口, 外皮夠脆, 肉質又嫩又多汁, 口感味道豐富. 雜果沙律, 份量足, 雜果有齊蘋果, 菠蘿, 梨, 甘筍......加上沙律醬, 好鮮美. G 餐:   有間茶記三文治 (公司三文治) 烘底, $42,   配檸檬茶, 凍飲加 $3. 

土瓜灣新開人氣街坊茶記 唔到午市都勁多打工仔街坊幫襯 最近為答謝街坊推出咗$15 揚州炒飯 每日三點後供應 吸引咗我去試試.⭐️揚州炒飯 $15雖然只係$15 表面有六粒蝦仁 完全冇Hea你每一啖都好多配料 超級足料 糧尾救星.⭐️無骨海南雞荷葉飯比較特別用咗荷葉飯 飯粒吸咗荷葉香味海南雞無骨肉質都幾滑 旁邊仲有個沙律.⭐️菠蘿柚子斑塊$138賣相滿分 上菜嘅時候會帶住乾冰 煙霧彌漫比較似咕嚕肉嘅做法 但加左柚子醬 清新柚香.⭐️⁠黃金酥炸軟殼蟹$88軟殼蟹超級大隻而且香脆避風塘炒蟹feel 香辣惹味.⭐️慢煮椰香咖喱牛肋骨$228賣相勁霸氣 原條牛肋骨上 而且肉質幾軟底下大量咖喱汁 最後加上椰奶.#hkfunfoodrecord窮遊香港#hkfunfoodrecord_土瓜灣.#有間茶記响附近 (土瓜灣) 地址：土瓜灣浙江街19-23號旭日豪庭地下6號舖.⭐️評分：味道：3.8/5環境：3.5/5服務：3.8/5抵食：4.5/5.

今日又係每月一聚今次响土瓜灣發現新開左間個名好正既茶餐廳 ❤️本身環境已經乾淨光猛坐得舒服然後眼見食物精緻完全一洗平時對茶餐廳既印象🤭三個女仔點左四個小菜其實仲有好多想試(因為有人想飯後食甜品所以要留肚🙄)椰香咖喱牛肋骨 （招牌菜, 勁軟熟, 必食👍🏻)香茅雞中翼 （超正👍🏻）鮮菠蘿柚子斑球 （好味😋）金不換粉絲蒸花甲 (正👍🏻👍🏻) 太吸引，顧住食，唔記得影相😂非常滿足性價比高之餘亦超乎一般茶餐廳水準因為仲有勁多野想試已經即時決定下期一聚再嚟試多幾款再決定會唔會將佢變做我地既飯堂😝😝😝

朋友住喺附近就介紹我去食下佢地既招牌菜襯星期五 Happy Friday 我約左幾位朋友去茶記食晚飯聚一聚。唔係好熟土瓜灣既我，一出地鐵行5分鐘就到，好方便舖頭門面好光猛，夜麻喺街一望就已經望到。茶記還境尚算寬敞，都坐得舒服。同幾位朋友叫左幾款招牌菜，味道好好，分量尚算大碟我地叫左以下:椰香咖喱牛肋骨 - 呢個咖哩夠哂辣又有揶香。我認為係中辣情度。香茅雞中翼 - 啲雞翼好大隻，肉都夠 Juicy，真心推介鮮菠蘿柚子塊片- 真係足料，味道都濃，好甜好啱悶熱天氣食金不換粉絲蒸花甲 - 花甲新鲜，如果粉絲無甘多湯水湛住會覺得好啲，本人比較中意食乾身啲既粉絲。仲有杯熱疆擰蒙可樂真係好足料飲完一抔又再叫🥰🥰因為好好飲呀!

I visited this local cafe recently and wanted to share my experience. The place was clean, which made for a comfortable setting. I tried a few fried items on the menu, and they were all quite good—nicely done with a satisfying crunch. The curry, in particular, stood out to me. It had a depth of flavor that I really enjoyed, possibly one of the better curries I've had. I also tried the sweet and sour fish (鮮菠蘿柚子斑塊), it was a delightful surprise. Overall, a very pleasant visit with some tasty foo

事隔多日，呢一日又再次嚟幫襯呢間茶記，叫咗個福建炒飯，配熱檸水，承惠$54。檸水例牌先到，三片檸檬，味道正常，所以無影到。福建炒飯，呢個飯啲食材就間間唔同，有啲會用草菇、雜菜，有啲好似大家樂咁會用珍珠帶子，無特定規格，但都會係雞蛋炒飯做底，而呢間就用咗甘筍、肉絲、冬菇絲及蝦仁，加條芫荽起上面，配上炒飯底，豉油蠔油芡汁。記得第一次嚟，飯食配飲品$45，第二次嚟$54，飯食連湯連飲品，呢次同樣都係$54，但只得飯食連飲品，而第一次嚟食只係今年一月，短短三個月之內就加咗$9，即係20%，會唔會離譜啲？更離譜嘅係，居然無水單畀我，而上兩次都有嘅，呢次問佢要嘅時候，佢居然畀將無銀碼嘅字條我，話就咁埋去收銀處畀錢就得，但咁嘅服務係唔係離譜咗啲？雖然佢嘅飯確實係幾好食，但咁嘅加幅、咁嘅服務質素，即使好食都未必要再幫襯，同區嘅選擇依然有好多。

我今日約同好友去土瓜灣行街，順道去位於土瓜灣淅江街19-23號旭日豪庭地下6號舖的有間茶記响附近食晚餐，環境闊落光猛及開揚，坐得舒服。我點左個2人套餐$188，有（小食）無骨鳳爪，無骨海南雞，（小菜）咖喱牛腩煲，上湯浸時蔬（菜心），白飯（2碗），飲品有紅豆冰及脆脆華田。無骨鳳爪好爽脆好食，無骨海南雞的雞肉嫩滑，好味又好食；咖喱牛腩的牛腩好軟腍入味，咖喱味香好送飯；菜心好新鮮又淋甜，紅豆冰好味，脆脆華田好飲。 #有間茶記响附近 #香港冰室 #香港茶餐廳 #茶餐廳 #港風餐廳 #土瓜灣美食 #鑊氣小炒 #港式奶茶 #香港美食 #香港打卡 #香港必吃 #香港美食攻略

整體：🥜被店舖名吸引左🤣🥜環境光猛舒適🥜快速上菜🥜充滿儀式感例湯⭐️⭐️⭐️⭐️⭐️🥜無味精🥜清甜足料椒鹽軟殼蟹（例牌） $88⭐️⭐️⭐️⭐️🥜無諗過茶記有軟殼蟹🥜好香口惹味無骨海南雞（半隻） $158⭐️⭐️⭐️⭐️⭐️🥜滑滑滑滑滑滑🥜份量十足配荷葉飯⭐️⭐️⭐️⭐️🥜又係無諗過海南雞有得配荷葉飯🥜充滿荷葉香，極具誠意鮮菠蘿柚子斑球 $158⭐️⭐️⭐️⭐️⭐️🌟🥜一上枱有乾冰嘅加持，好有儀式感🥜第一次見呢個配搭🥜新鮮菠蘿夾埋啲斑球一齊食👍🏻🥜魚肉新鮮，唔會梅dumdum脆脆華田 $10⭐️⭐️⭐️🥜加脆脆大加分紅豆冰 $10⭐️⭐️🥜如果多d紅豆同少甜d就好啦🥹

第一個係椒鹽豆腐，佢係一碟好簡單但又好好食嘅菜式。豆腐煎得香脆，入口即化。椒鹽味道醇厚，夠香夠鹹，好搭配啤酒或者飯食，真係滿足感爆燈！再嚟就係無骨海南雞，佢係傳統海南菜嘅經典之選。雞肉好滑嫩，用佢嘅特製醬汁腌過，味道更加入味，食落好多汁，每一口都好咬勁！同埋佢嘅海南雞油飯配搭得好好，一試難忘！除咗雞，仲有海味雜菜煲，呢道菜煲仲有啲咸鮮味係香港人唔能夠抗拒㗎！入面有各款新鮮蔬菜同埋鮮味海鮮，煲燉得好入味，湯汁濃郁香滑！好適合同朋友一齊食，暖胃又開胃！最後就係脆脆華田，如果你鍾意食甜品，呢個絕對唔可以錯過啦！脆脆加埋嫩滑嘅華田，一口咬落去，甜味迅速填滿口腔，好過癮！

椒鹽豆腐 $48開頭係諗住叫個小食，點知一上菜嘅時候大碟到嚇親我😅擺盤仲要好靚疊高高，豆腐新鮮炸起熱辣辣，外面層粉漿皮薄鬆脆，豆腐入面嫩滑，而且椒鹽味夠，推薦大家叫既餐前小食👍🏻-無骨海南雞(半隻） $148無骨海南雞皮薄冇脂肪，肉質嫩滑彈牙，配埋薑蔥蓉、黑醬油同酸辣汁，唔同口味咁提升咗海南雞嘅層次🐓無骨海南雞跟餐仲會配埋油飯例湯，佢哋既油飯竟然係用荷葉包住上，開頭仲以為係上錯糯米雞俾我😂荷葉包住油飯除左有雞油香味仲增添左淡淡荷葉味🍚估唔到油飯都可以咁煮好好味，果然係呢度既招牌菜⭐️-海味雜菜煲 $138原個瓦煲上既海味雜菜煲，海味有蝦🦐、魷魚🦑、蝦米、冬菇🍄‍🟫，墊底仲有菜心、生菜同粉絲，佢地係個底度完全吸哂啲海味既鮮味，用黎送飯一流🥘-脆脆華田 +$10叫左杯脆脆華田做甜品，阿華田上面仲有大大pat cream同阿華田脆脆，層次豐富好有口感，真係要係茶餐廳先可以飲到呢啲特飲🥤

週末在高山劇場全日排練，五時放dinner break 非常好，可以避開晚市人潮，還可以吃到下午茶。茶記下午茶是相當不錯的選擇，總類廣泛，想吃小吃還是炒粉麵都可以。這裡的店名也相當有趣，很切合今天想吃茶記的心情。這裡的下午茶頗有誠意，有榛子果仁西多士，已經心郁郁，再發現有外面不常見的蝦多士供應，當然二話不說點了一份。蝦多士脆卜卜，內裡的蝦膠相當厚實，蘸千島醬吃非常滋味；薯條竟然落了椒鹽，無得輸！朋友點了XO醬雞絲炒一丁，XO醬是另一無得輸之選，帶點香辣惹味，配公仔麵真的令人吃不停口。