有間茶記响附近

营业中

休息中

呢間餐廳同普通茶餐廳都冇乜分別嘅，不過呢，佢哋啲份量又係比較澎湃同埋多嘅，佢哋啲菜上枱嘅時候都有啲花臣搞作，例如佢嗰個菠蘿咕嚕肉啦，一嚟到上枱竟然識得噴煙，作為一間茶餐廳嚟講都係非常之厲害，佢嗰個鹽焗花螺呢肉質都好鮮嫩嘅，因為鹽焗嘅方法令佢保留咗海鮮嘅鮮味，食落都幾過癮㗎，不過略嫌有啲份量唔夠呀食到舐手指嘅簡直上，同埋佢嗰個牛肉煲呢都好好食嘅，啲牛肉炆得好腍，牛肉非常之多，好抵食呀，佢嗰個魔鬼西多士呢超級多脆脆喺上邊，食完咁多嘢再食佢做甜品都非常之優秀。

餐枱地下非常污糟。入座20分鐘冇人理會，由早餐時段等到午餐時段先有人比QR code，然後就同我講話午餐時段冇得叫早餐。食物質素非常一般。常餐羅宋湯意粉冇味，仲要加$3。不建議幫襯。

秋意甚濃的星期日傍晚🌇夕陽照射下沿海心公園旁走入這間平民茶記人不多餐廳播著近十幾年不同年代的廣東流行曲🎼🎤帶來一陣回憶殺還有電視播著小丸子卡通片小朋友也吃得很安靜😅😅點了一份雞扒撈丁下午茶餐份量極巨🤩😆味道亦很好還點了三文治及咖哩雞扒焗意粉都不錯見到旁邊的食客們都點了極大杯的凍檸茶夏天來一杯應該很不錯服務也是令人舒服的不快不慢剛剛好💖💖不會一放下餐具就被收走還耐心幫我們改單很少寫食評支持這類小店希望可以長做長有下次會再試試不同的小菜

這間茶記個名有點攪鬼。環境都幾大，坐得闊落舒服。餐牌平民多樣化。點好餐，就奉上當日足料例湯。點了一份常餐，有沙嗲牛出前一丁，多士，腸仔煎蛋及餐飲，十分豐富。要出前一丁竟然唔洗加錢。出前一丁的軟硬度亦煮得剛好，帶點咬口，讚呀。沙嗲味香濃，帶點花生香，牛肉腍滑不韌。多士厚身香脆。芝士焗爆滿肉醬珍寶熱狗配薯條，十分邪惡而大份。熱狗腸粗身大條又juicy. 舖滿大量芝士肉醬再會焗香，飽身亦不會太淋身，好惹味。幼身薯條炸得香脆。

夜晚同友人系海心公園踢波後，系海旁邊附近搵左間茶記食晚餐，經店員推介後，我哋叫左一小食一小菜一炒飯，一嚐本土味道!坐底冇耐有例湯送!醉雞翼（6隻）6件雞件，滑口口感，雞肉唔鞋口，酒香入味，有香濃白酒味道！有間小炒皇多款配料的小炒！味道幾出色，好足料！有好多腰果同魷魚，啲魷魚仲要係好爽口好大隻！招牌蝦頭油膏海鮮炒飯堆砌成一條魚嘅形狀，賣相好特別 👍，好足料，入面仲有魷魚，同蝦，啲飯又炒得夠乾身，粒粒沾上蛋醬!

早排同Gavin出左去土瓜灣搵朋友玩之後，夜晚搵左間茶記食晚餐🍲呢間茶餐廳既選擇都算多，好彩Gavin咩都食，所以我都唔驚最後要我清哂啲野食🤣最後我揀左福建炒飯同埋瑤柱肉鬆蒸水蛋，仲送左兩碗老火湯，無味精好好飲！🫧福建炒飯Gavin同媽咪一樣好鍾意食有汁既飯，所以叫左呢份福建炒飯就最適合不過喇！唔單止飯粒粒分明，而且配料份量又多又大粒，Gavin食完不停叫我再𢳂比佢，係咁話「媽咪我要多啲」佢一個人食左大半碟，我地岩岩好食哂😆🫧瑤柱肉鬆蒸水蛋我諗應該無咩小朋友唔鍾意食蒸水蛋？Gavin媽都好鍾意食架！滑捋捋既蒸水蛋更加會心心眼😍呢一份蒸水蛋蒸得好靚，蛋好滑溜，叫黎送飯真係好岩😆我地兩母子最快就食哂喇飲品方面分別叫左菠蘿冰、雜果賓治、同埋紅豆冰😙Gavin對雜果賓治最滿意👍🏻仲話杯Fruit Punch係佢既🍹叫我飲其他喎🤣成餐飯Gavin食得合作又開心🥳呢度既位置好近地鐵站，一出到地面直行就已經到喇！下次再黎搵朋友玩都會再黎呢度食😆

位於土瓜灣呢間❣︎有間茶記响附近❣︎之前推出左$15楊州炒飯來答謝街坊，當時喺網絡界成為熱話，今日專登來試吓😋呢到地方算大，座位好寬敞，茶餐價錢大眾化👍🏻難怪一到午市經常爆場。❣︎焗雞扒意粉❣︎$56可以揀茄汁/招牌咖喱汁，意粉即叫即焗，雞扒大大件仲碎上方便食用👍🏻茄汁酸甜開胃，夠晒飽肚。跟餐加配熱鮮奶加$10。❣︎魔鬼西多士❣︎$58超大件嘅厚多士😍面頭鋪滿Oreo餅乾碎，超香脆，入面係芝士忌廉榛子醬，超邪惡組合😈跟餐凍奶茶加$6。

吖～粟米魚柳飯先啱😝茶記晚飯二人餐有：湯、小食、2個餸、菜、飲品另外叫多個小菜都係200零蚊食得好飽！❇️二人餐（$190）🔸越南絲網春卷有4條，炸得好脆口，餡料有芋頭蓉、肉碎，點酸甜泰式辣醬幾開胃。🔸菠蘿咕嚕肉有成條新鮮菠蘿，好香呀！咕嚕肉個汁酸甜滋味、個炸漿仲係脆架！豬肉好juicy 唔乾，好食。🔸粟米魚柳魚柳好大塊厚肉，肉好嫩。粟米汁甜甜香香，如果再多d汁嚟送飯就正喇。🔸上湯浸時蔬揀咗芥蘭，翠綠爽口、好新鮮，配上湯清清地就啱哂！🔸白飯、例湯🔸凍檸檬茶 （+$6）🔸凍奶茶（+$6）檸茶好飲，茶底香又唔會好澀，食完飯飲返杯好解渴。❇️西檸雞塊（$78）超大塊！個炸皮好脆卜卜，檸汁酸味突出，所以唔夠膩。

今日同女朋友去土瓜灣睇傢俬, 之後去附近吃個下午茶, 傢俬店老闆介紹了  [有間茶記响附近].  門面好闊, 有堂食及外賣.   裝修好光猛, 座位整齊.  今日天氣34度,  餐廳內冷氣足夠, 坐得好舒服.  店員招呼很好, 安排座位勤快,  我們先看了下午茶餐牌,  由 A-I, 有多個選擇啊.  我立即用 QR Code 落單, 下午茶餐：瑞士雞翼配雜果沙律,  紅豆奶茶  (加 $10)女友叫了西檸雞塊配脆脆華田(餐茶加 $10).    餐茶先送到, 好冰涼呀.   飲品奶味香濃, 好滑, 又夠大杯 . 瑞士雞翼有三隻,  傳統瑞士汁, 醃得入味, 雞翼肉質嫩滑, 食得滋味.  雜果沙律有菠蘿, 蘋果, 椰果, 粟米. 做得好好. 西泠檸檬雞塊, 炸得外酥內嫩, 炸粉薄脆香口,雞件好肉已去骨,  檸檬芡汁酸酸甜甜調味正, 夏日最岩食.  店長好友善, 見我們是新客, 特別介紹餐廳新出品兩款:  第一款 魔鬼西多士,  我們在澳門食得多, 估吾到此餐廳也做得到.   落單 20 分鐘才送上, 賣相像黑森林,  灑滿深啡色 Oreo  脆脆,  多士厚厚, 切開流心效果澎湃, 充

同朋友去車房後，就去附近茶餐廳吃晚餐，見到 有間茶記响附近 個名有趣，而且裝潢頗新又大，一於入去試試。內裡座位舒適，又有電視睇，有多款小菜、海鮮、咖哩、炒粉麵，食物款式夠多元化。點了是日晚餐，加$12 有菜，選了爽脆新鮮的西蘭花。飲品是凍檸茶，甜度適中。薑蔥霸王雞 $138半隻雞排列得整齊，賣相確實幾吸引肉質嫩滑，連雞胸部位也是，配薑蔥及豉油味道一流。是日晚餐，豉汁蒸倉魚相當大條，而且蒸時間剛剛好，肉質仍保持嫩滑。

天時暑熱，我懶於入廚，最喜歡到茶記吃家常小菜，又美味又經濟。餐廳裝修不算華麗，但光亮整潔，有大電視看新聞。我點了個二人餐，其中包括“小食”、“主菜”、“小菜”、“上湯時蔬”、“白飯+例湯”，更可用優惠價錢追加各式飲品。“滷水牛腱”，爽口入味，滷水汁香而不鹹，非常惹味。“中式牛柳”，牛柳腍軟可口，酸甜芡汁份外開胃。“咖哩牛腩煲”，熱騰騰原鍋上枱。選用了牛坑腩，炆得腍軟之餘又爽口，而且份量不少。咖哩汁調味得宜，香而不辣，帶來一陣驚喜。“上湯浸時蔬”，翠綠菜心，鮮嫩腍甜。白飯+例湯，例湯是紅蘿蔔、冬瓜煲豬骨，有家感覺，相當不錯。餐飲：紅豆冰、好立克。紅豆冰上面蓋軟滑的椰子雪糕，奶味濃郁，加上又甜又腍的紅豆，是消暑佳品。追加小食：“泰式炸蝦餅”，吉列炸蝦餅，新鮮炸起，皮脆香口，加上泰式酸甜醬，味道一流。我和家人享用了一頓既實惠又豐富的晚餐。餐廳每日下午3-6時以$15特惠價提供揚州炒飯給有需要人士。

茶餐厅位置很宽敞，一看就是做街坊生意多，菜品丰富，味道家常，价格抵食～✨沙爹牛肉拼雪菜肉丝出前一丁汤面够味！沙爹味很咸香，牛肉够多够大片～✨椒盐鲜鱿外脆里软，鱿鱼很弹牙，椒盐微辣香脆，很开胃～✨海南鸡配荷叶饭鸡肉保持了鲜嫩和汁水，清淡而不失风味。鸡油饭包裹在荷叶里，更加增添了一丝荷叶清香～✨飲品老火靓汤，家的味道～奶茶和凍檸茶也好好味🍽️有間茶記响附近 (土瓜湾)📍土瓜湾浙江街19-23號旭日豪庭地下6號舖

土瓜灣原來有間咁嘅餐廳，根本係菜館茶餐廳價錢，平過自己煮，都唔知點賺錢夜晚拍搭車宵夜吹水方便車定喺門口嗰杯奶茶凍檸茶超大杯神經病。有好多得意野食。鬼鬼怪怿。又幾好味全部黃色。都係黃人多。

最近探訪咗一間叫「有間茶記係附近」嘅餐廳，真係名副其實嘅美食天堂。呢度嘅餸唔單止味道一流，賣相都靚到爆，完全超出咗我嘅預期。第一道菜：炒飯呢碟炒飯粒粒分明，香氣襲人。每一啖都可以感受到米飯嘅彈牙口感同埋豐富嘅配料，真係一試難忘。評分：4第二道菜：鹽焗蟹鹽焗蟹嘅蟹肉鮮甜多汁，表皮焗得啱啱好，鹹香味十足。呢道菜簡直係海鮮迷嘅福音。評分：😍😍😍第三道菜：牛仔骨牛仔骨嘅肉質鮮嫩，燒烤得啱啱好，帶有一絲碳烤嘅香氣。配埋特製嘅醬汁，真係錦上添花。評分：4.5第四道菜：炸魚柳炸魚柳外皮酥脆，內裏魚肉嫩滑，配上自家製嘅塔塔醬，味道層次豐富。呢道菜無論大人定細路都會鍾意。評分：4總括嚟講，「有間茶記係附近」嘅餸唔單止味道出色，賣相亦都值得讚賞，每一道菜都可以帶畀人驚喜。呢次嘅用餐經歷真係令人難忘，下次一定會再嚟。

機緣巧合，在土瓜灣出沒的情況大增，變相經常在這區開餐，見到有間茶記，即來一頓晚餐，看看質數如何。餐廳環境布置新簇，座位多而且寬落，甚為舒服！這裏的超值二人餐 $178，真的是開心大發現，超值抵食！先來例湯，是日例湯是青紅蘿蔔瘦肉湯小食點了花雕醉雞翼，雞翼夠大隻，輕輕的酒味，恰到好處。主菜是菠蘿咕嚕肉，酸酸甜甜，開胃醒神。小菜則選了粟米魚柳，外層微脆，魚片肉厚，粟米汁伴飯，也甚為理想。至於是日的上湯時蔬，出了最愛的浸菜心，嫩綠無渣，加上炸蒜頭，不錯不錯。跟餐的還有飲品，點了檸檬🍋茶，只需加 $3另一杯是少冰的脆華田脆脆，脆卜卜阿華田加上滑溜的忌廉，正！