有囍 (已結業)

今晚同朋友途經旺角太子又有新發現，呢間有囍睇落似茶餐廳，原來係星馬泰美食。服務都算不錯，上菜速度都好正常！肉骨茶～之前去沙巴才認識肉骨茶，個度周街都係，藥材味超濃。呢個相比藥材味較淡，但都好足料。泰式肉碎生菜包～食落口好香既豬肉同辣味滲出來，越食越辣越刺激，有小小麻既感覺，好正。唔食得辣既朋友仔記得要叫走辣呀！星加坡麥皮蝦～蝦整得好乾身，加埋麥皮脆脆地食，又幾好味，幾特別既食法。火焰黑胡椒蟹～呢個一定要試下，勁入味，超好食，勁多肉！睇住師傅成個過程由爆香洋蔥，落蟹，放火，再兜一兜上碟，味覺同視覺雙重享受！荔枝玫瑰花茶～只需要43蚊就可以有一Jar花茶，荔枝配玫瑰花香氣撲鼻，又有寧神既功效，飲完好relax。