有囍 (已結業)

3人叫左兩人A餐+芒果卷+話梅豬手+水果茶😆優：-海南雞好嫩、好滑。-南瓜糊勁香、唔太甜。-水果茶幾好飲，好多水果，唔太甜😨劣：-肉骨茶只有鹹味，無咩中藥味，勁多好似叫“玉竹”的中藥，得幾塊好細的偏乾身的肉。-芒果卷，50幾蚊主要食紅蘿蔔絲，無咩味-話梅豬手，勁多骨，得少少皮同肉，無咩話梅味，就得少少鹹🙂一般：麥皮蝦肉質彈牙，但無特別蒜蓉芥蘭味道偏淡見到openrice好多好評，尋晚同朋友去食，最初服務態幾好，早到15分鐘，未齊人都入得，坐得幾舒服。d菜上得勁快，但很所有菜都味道偏淡，到喉唔到肺，每樣野分量好少，3個正常食量的女仔食左210蚊，成餐飯600幾，都唔係好飽。廁所好差地下好濕。如果係食下環境，坐得舒服，係ok！但如果係食好野，我個人就覺得麻麻，有d失望！🙈

約朋友食飯最頭痕唔知食咩，都會周圍問朋友有咩好介紹，朋友介紹我這間餐廳，今天一行3人又來開餐啦好靚，我好鍾意這間餐廳的設計，簡約得來又有時代感，歡堂大方，座位舒服，很啱朋友聊天吹水。呢間餐廳有多款新菜式😍好驚喜佢有好多東南亞小菜，新加坡菜，泰菜，越南菜，咩都想食秘製酸辣蟹、巨型蔗蝦、麥皮蝦、青咖哩紐西蘭羊架、泰式鹽燒烏頭、海南雞連個碟都好靚，間餐廳好用心泰式鳳爪 唔算太辣 適合唔食得辣嘅朋友*泰式生蝦*肉質爽口，加上秘製青檸sauce，帶出左🦐既鮮味，令人會追住食*馬拉盞炒通菜*大大隻蝦干，味道甘香*encore精選*黎到記得叫埋呢個豬頸肉呀 見住廚師係裏面用火燒 每一塊都保留到肉汁 加上陣陣嘅炭燒香味 味道一流 好食到要encore 😜*香芒紙米卷*芒果香甜 配撘埋醬油 味道唔錯好夾好清新*泰式小食併盆* 😋平日鐘意叫小食既朋友，想樣樣都試啲但又怕食唔晒。介紹你點呢個併盆，入面全部都係「人氣」小食：甜庶蝦、扎肉、炸雞翼、牛雞串燒，仲有要encore 既炭燒豬頸肉收銀位置有好多藝員同老闆既合照，相信有唔少名人幫襯最後要極讚，佢哋除左招呼非常有禮之外，原來只要係Facebook 俾一個👍

放工相約好友到花墟買盆栽，shopping 完當然要醫醫肚啦，經過開左間星加坡餐廳，為食的我們就決定要試一試啦！立刻睇下有咩好食啦！除了一般粉麵外，還有不少甜品選擇！另外還有多種小食及串燒肉類等，價錢也很合理！星加坡麥皮蝦當然要試試招牌菜啦，大蝦十分大隻，爽口彈牙，用上麥皮炒在一起，很是特別呢！牛油雞翼新鮮炸起，脆卜卜的外皮充滿牛油香味，雞翼肉質保持嫩滑！香芒米紙卷這是我食過最大件的米紙卷！包著大量蘿蔔、芒果、青瓜及生菜，配上酸酸甜甜的醬汁，很是開胃！泰式鳳爪夏天熱辣辣，當要點開胃前菜，酸酸辣辣，好滋味呀！蒜蓉炒芥蘭芥蘭翠綠，蒜蓉味濃，好有鑊氣呀！有囍特式沙冰其實是士多啤梨沙冰，由新鮮水果打成，十分refresh 又唔會太甜！今次真是驚喜大發現，想不到花墟附近也有CP值高的星馬泰菜，真的是「正」呀！

今天放工又與好友們到Yo Hay dinner，回味那獨特美味的星洲菜式~🍽藍蝶荔枝汁，like Facebook 就可免費獲贈一杯，紫藍色的🍹顏色夢幻，整杯充滿香甜的荔枝味，加入清新🍋片，果香滿載，冰涼解渴~牛油雞翼，🐓皮香口酥脆，肉嫩多汁，非常入味，盡收牛油香味，十分滋味!吃過小食，便來個二人套餐A:肉骨茶，加入多種藥材熬製而成，每口湯汁富濃厚的藥材味，滋補養顏，其中最愛吃清甜的杞子，養肝明目 ~新加坡海南雞配油飯，🐓皮滑溜帶點油膏，雞肉嫩滑鮮香，多肉少骨，自由添加酸辣醬/薑蓉/醬油，配香口不膩的油飯吃一流! 新加坡麥皮蝦，新加坡名菜，彈牙爽口，🦐肉鮮美，加上黃金酥脆的麥皮、椒鹽、辣椒及青蔥調味，鹹香惹味!👍時菜 (香蒜炒通心菜)，通心健康纖維多，爽脆帶鮮，充滿蒜香味，香口味美 ~是日甜品 (南瓜露)，清清涼涼，口感濃稠細滑，味道香甜，滋潤味美的飯後甜品~香蕉特飲，以新鮮🍌+🥛打成，味道天然，甜香味美不太膩!荔枝玫瑰花茶，荔枝與🌹味道合襯，花香茶香滿溢，酸酸甜甜，溫熱消滯~ 喜歡花茶的朋友們對此讚不絕💋!款款星洲菜各具特色，色香味俱全! 尤其藍蝶花荔枝汁及荔枝玫瑰花茶，芳香味美，令

不經不覺已經六月啦，好姊妹終於考完final exam ,於是相約一個慶祝飯局啦！今次就到了位於太子的新加坡菜搵食，起香港真的是比較小見到呢！餐廳設計裝修很有特色，明顯花過心機佈置的！傾計慶祝一流呀！星加坡海南雞（半隻）雞肉十分嫩滑，份量十足，配合甜豉油一齊食更是滋味！星加坡麥皮蝦侍應向我們推薦的，果然沒令我們失望！大蝦彈牙爽口，可見其新鮮程度！而且還把蝦殼𠝹開，令我們食得更容易又入味！有淡淡麥皮及奶香味！黃咖哩炒蜆大家都是愛海鮮之人，就試試炒蜆吧！蜆真的是大大隻，咖哩香味十足，真的是送飯的良伴！薄餅由於咖哩蜆有很多醬汁，當然要配令一個最佳送咖哩拍檔—薄餅啦！即叫即拉，熱辣辣，沾上咖哩汁一流呀！海皇魚翅撈飯咁大個女都未試過魚翅撈飯，真的是大開眼界！有蟹肉、蝦肉及魚翅一同撈飯，真的是海鮮味十足，真正的海鮮大集會呀！椰皇燕窩原個椰皇上碟，有淡淡椰汁及鮮奶香味，甜度適中，加上晶瑩剔透的燕窩伴在一起，真的是美顏良品！檸蜜梳打消暑良品，又有蜜糖及檸檬，酸酸甜甜，中和飽肚感！有囍真的是令人有驚喜的新加坡菜，食物份量十足，味道令人難忘，真的是回味無窮之選擇呀！

今晚難得和舊同學食飯，搵間不趕人餐廳才得，唔可以阻礙我們談心在太子開左一間星加坡菜餐廳，已經好多明星來食過全院滿座叫個二人套餐，再加小菜，就這樣吧好滑海南雞，肉質鮮美好吃，配香飯和油飯好香藥材味，飲完都暖晒由於叫套餐，所以麥皮蝦有兩餐，啖啖肉，好鮮美，完全令人愛上，下次要散叫先，可以食多幾隻炒得好香，芥蘭食落沒有苦澀滋味這個好多海鮮（蝦，魷魚）作配料，有臘腸片，貴刁即系河粉，我最愛，河粉炒得爽口彈牙食落好香好脆口，鹹蛋王味好突出，食不停口好濃果茶，飲咁多間餐廳果茶，這間最好飲，大力攞介玫瑰花浮動，飄逸出它的獨特香味，聞到少少荔枝味，甜甜地，飲完當晚應該好好睡一覺好滿足的一餐，下次再食其他

是日落雨濕濕想食d暖野但又唔想打邊爐，所以黎左寶屋企附近既有囍呢間餐廳經過左好多次都好多人，今日終於有機會入黎試下喇門口貼左好多明星相，但今日入面冇乜人，唔知會唔會伏左呢一入到去侍應姐姐就好親切問我地使唔使幫我地套遮套，服務態度唔錯內裡都好乾淨企理餐牌都好多選擇，好多都想試但今日病病地又唔可以食太辣同唔飲得酒個碟好靚湯浸芥蘭清清地岩哂我呢個病人，都好大碟喎胡椒蝦有四隻蝦係裡面，胡椒味好香好重，好惹味！炒貴刁又係勁大碟。。好足料好夠鑊氣！欣賞d臘腸一d都唔肥！肉骨茶係我至愛既藥材味，感覺好好好補！肉同懷山都煲到好稔！水果茶超級超級足料！勁多生果，成壺好重荔枝同蜜桃味，好天然既甜～最後當然係黎個甜品作perfect end啦！我估唔到有成塊燕窩係入面！超滋潤！必叫！見到隔離台叫左胡椒蟹好大陣象好勁咁，下次再黎一定要試！兩個人食咁多碟野真係超級飽！！

朝早梗係要食餐豐富嘅早餐先有動力架嘛，行過太子花墟附近，見到呢間茶餐廳，望落去好似幾靚仔，望入去又幾大間，一於試吓啲早餐好唔好味先😋😋😋打開個Menu都幾多選擇喎，選擇困難症又黎啦！！最後揀咗個番茄雜菜牛肉蜆殼粉配太陽蛋加熱檸水💕💕呢碗番茄雜菜牛肉蜆殼粉一啲都唔簡單，相當足料，勁多雜菜，而且個湯底好濃郁，加上唔係間間餐廳都有得食蜆殼粉，配埋啲番茄湯吸晒啲汁真係好好味😋😋同埋我好鍾意呢杯熱檸茶嗰銀色杯呀，印咗餐廳個名不特止，而且可以keep住保暖，好細心呀❤️❤️

太子有囍是吃東南亞茶式為主，價錢都是大眾化的以這樣的價錢吃出這樣的質數，性價比很高的喔還供應多款時令海鮮！當晚我們選了酸辣蟹呢秘制酸辣蟹味道非常濃郁，蟹完全充分入哂味"""好有鑊氣的味道酸酸地，帶微辣越食越開胃的哦，另加埋個薄餅就超正！還有蟹既份量都幾大！海南雞(半隻), 雞肉與雞皮有層薄薄地既jelly, 一咬之下~非常嫩滑，完全不乾再蘸上醬汁天惹味我覺得這個雞必點呀軟殼蟹沙律，脆卜卜既外層香而不油膩，下層既沙律清新帶爽是個非常好既小吃！整體是一間非常不錯的餐廳，店員服務都很好！讚呀

近排好想食泰菜，聽朋友講起呢間，好似幾受歡迎。餐廳名好得意，好似都幾多明星幫襯。店內清新海旁風格，好似真係去左泰國沙灘。有二人set dinner，散叫食物都選擇豐富，泰式小食、海南雞必不可少。當然仲有特色軟殼蟹、烏頭等等【軟殼蟹沙律】驚喜之選！軟殼蟹炸得酥脆金黃，入口又有小小黑醋汁的酸味，口感不會太膩，沙律菜都新鮮，軟殼蟹勁多勁大份，好抵食【海南雞】半隻，雞皮軟糯，雞肉肥美鮮嫩，份量十足，有曬雞肉嘅原味，再點醬汁，我食過嘅海南雞，呢個真係唔差。【沙爹串燒】三串牛三串雞，兩樣都有得食。沙爹醬鹹甜酸度都啱啱好，肉質鮮嫩冇乜肥膏，燒得幾入味，推介！叫左一扎【水果茶】又係驚喜！唔差過糖水舖wor，有晒果香味，好似又有啲花香，顏值爆表。甜品【斑斕奶凍】好靓，上層cream鹹鹹地，下層奶凍細膩，唔甜，算有特色。

朋友收到料，話今日有新餐廳試業，野食唔錯，價錢又抵食，抱著好奇既心態同朋友一齊過黎試下。系門口就已經見到環境，感覺好喜慶！入到間餐廳，整體環境唔錯，啱曬我同朋友聚會傾計！因為間餐廳新開，老闆擔心我地唔知食咩好，就好熱情德為我地介紹間餐廳既特色野食，有話梅豬手啊、安格斯牛扒啊、串燒都有，個話梅豬手夠香濃，夠酸，夠厚肉，食落成個人舒服曬，好似有種食肉獸既歸屬感！餐廳認真唔錯！d食材都好新鮮，選擇夠多！另外我地都叫左d小食黎試下，整體都好正，呢個串燒好唔錯，中意食肉同香口野既朋友仔可以黎試下。下次朋友聚會黎呢度是下其它野食先！

離開工作超過五年的公司，沒有太大感慨，但唯一有點遺憾的就是不能完成為期三年的師友計劃，離棄了剛剛考完DSE的中六小Mentee。但想深一層，雖然離開了公司，我們的關係也沒有改變，照樣可以出來見面，互相交流。趁著新的工作開始上手，工作沒有那麼忙，特別約小弟弟出來吃一餐好，到太子吃東南亞菜。這餐廳位於花園街，太子地鐵站A出口向界限街體育館走大約三四分鐘便到，十分方便。這餐廳以東南亞菜為主，包括泰式咖哩，沙律等等，選擇眾多。我們叫了二人套餐F，約500元，另收加一服務。1) 椰皇翅(⭐⭐⭐⭐⭐):這是整個套餐最令人期待的一道菜。整個椰皇上的椰皇翅份量十足，椰子湯椰味濃而微鹹，味道出奇地配合。另外魚翅口感彈牙而入味，值得推介。2) 軟殼蟹沙律(⭐⭐⭐⭐💢):這個沙律份量十足，有一整隻的軟殼蟹和一整碗的沙律菜。軟殼蟹炸得鬆脆，但卻不油膩，配上加上沙律醋的雜菜，吃起來十分清新，令人胃口大增。3) 星加坡麥皮蝦(⭐⭐⭐⭐💢):一份兩隻的海蝦大隻新鮮，肉質結實而彈牙，吃起來啖啖肉。值得一讚的是廚師事前已把海蝦清洗乾淨，將蝦腸去除。除此以外，伴碟的麥皮也炸得十分香口入味，令人停不了口。4) 串燒(⭐⭐⭐

平時接女朋友收工，見到都好多人食，已經一早想試，咁就入去覓食一下啦。地方好大，好多位，坐得好舒服，店員又好友善咁推介下，感覺良好。生菜肉碎包，唔算好辣，岩曬唔食辣既人，份量超多，我諗至少可以3個人食。菜又夠爽口，包埋肉碎食，口感味道都一流。麥皮蝦，必食之選，蝦夠大隻。蝦殻又開好左，方便我地食，好細心。蝦肉又爽，又夠大，而且味道夠曬濃，夾埋麥皮食好特別，係炸過嫁，無諗過麥皮可以咁好食。雞肉串，燒得岩岩好，好香口。但係個醬先係精華好惹味，值得一試。豬仔骨，肉既味道岩岩好，又燒得岩岩好，唔會鞋曬，肉都算多，個醬汁又係值得一試，好惹味。總括黎講，美道又好好味，份量又夠多，好滿足好飽。

之前係同一條街食過鍋心嗰間鋪頭， 發現原來呢到有咁多餐廳，見到呢間係食東南亞菜，有泰國菜、新加坡菜等等，咁啱又來開呢頭就試吓餐廳嘅裝修用海洋做主題，入面顏色以藍白為主，碗碟都係充滿着海洋生物嘅圖案。門面全部都係大玻璃窗，可以見到街道，設有吧枱位面向外街，入面亦有好多大枱細枱，無論兩個食定一大班人食都冇問題馬拉盞通菜叫完菜唔使5分鐘就已經上咗，一想嗰陣蝦醬味已經好香。我最鍾意夾一大撮菜咁食，咬落去全部汁出晒嚟，證明冇炒到老哂泰式蝦炒金邊粉呢度嘅金邊粉炒得比較濕，旁邊會有辣粉，可以自己點蝦或者撈落啲面。上面嘅芽菜好鮮甜，份量足夠一個人食泰式小食併盆有豬頸肉、串燒雞牛各兩串、扎肉、蔗蝦兩隻、炸雞翼兩隻。雞肉同牛肉嘅肉質都好腍身，充滿肉汁一啲都唔乾身。豬頸肉嘅份量超多，有成10塊或者更多。蔗蝦嘅蝦肉結實，中間嗰條蔗都可以咬埋蔗汁。炸雞翼好脆好香口👍🏿泰式鹽燒烏頭烏頭肉好嫩滑，啲鹽味已經入晒落啲魚肉好夠味，仲要勁大條，唔會話好多骨，好容易夾啲魚肉，點埋啲酸辣汁就真係勁開胃！餐廳有個優惠就係喺Facebook share佢哋個post同埋like，就會送一杯藍碟花特飲～服務員都好熱心，我哋點完啲菜

喺太子附近返工，就搵吓附近有乜嘢食做Lunch，經過見到專門食新加坡美食，我哋兩個人就入去試吓。餐廳嘅招牌用淺藍色為主，非常耀眼奪目，而且餐廳位置容易搵到，門口仲可以泊車，非常方便。餐牌食物種類多，如果是日套餐系列，非常抵食。由於我哋太鍾意食海南雞，隨即叫咗星加坡海南雞半隻，雞肉非常新鮮入味，而且肉質鮮嫩，食落去口感好林，點埋佢附設嘅兩種醬汁更加滋味。另外叫咗一個常餐，沙嗲牛肉米粉配黑松露炒蛋同埋奶油豬，仲配嘢飲，常餐非常豐富。估唔到黑松露炒蛋炒得好滑，好濃郁嘅牛奶雞蛋味道，好快就食晒。至於奶油豬外皮香脆，食落去又係好香滑。沙嗲味道濃郁，見到牛肉嘅份量都好多，米粉索晒沙嗲汁，好入味。飲品方面，分別叫咗凍檸茶同埋熱柚子蜜，茶香濃郁美味、柚子甘苦，帶點甜的味道。食到咁豐富嘅lunch，兩個人都只係$200，每人平均消費$100，位於太子區，真係物超所值嘅新加坡菜。