有囍 (已結業)

平時接女朋友收工，見到都好多人食，已經一早想試，咁就入去覓食一下啦。地方好大，好多位，坐得好舒服，店員又好友善咁推介下，感覺良好。生菜肉碎包，唔算好辣，岩曬唔食辣既人，份量超多，我諗至少可以3個人食。菜又夠爽口，包埋肉碎食，口感味道都一流。麥皮蝦，必食之選，蝦夠大隻。蝦殻又開好左，方便我地食，好細心。蝦肉又爽，又夠大，而且味道夠曬濃，夾埋麥皮食好特別，係炸過嫁，無諗過麥皮可以咁好食。雞肉串，燒得岩岩好，好香口。但係個醬先係精華好惹味，值得一試。豬仔骨，肉既味道岩岩好，又燒得岩岩好，唔會鞋曬，肉都算多，個醬汁又係值得一試，好惹味。總括黎講，美道又好好味，份量又夠多，好滿足好飽。