有囍 (已結業)

開得一兩個月 邊有可以有幾百人讚好？一定比錢叫人寫好評！There is no way a resturant has such a high rating selling mediocre food but double pricing. And the number of good comments is unreal in such a short period of time. Let a alone the food quality is absolutely unbearable.入得去d人都覺得中左招，不過廢事出聲。D野食 普通茶記水平，不過收1.5 至兩倍價錢。我住附近，好野食吾多。不過我睇吾眼e d false advertising. Quality =\ price.

見到OpenRice 有很多好評，又有很多種類，吸引我去試下，場內也有不少藝人的相片。第一道「星加坡麥皮蝦」，那隻蝦頭味道已經令人想嘔，外面脆，但入面臭，「柚子沙律」非常辣，但沒有顯示在menu上面是辣，最恐怖是那個「椰皇翅」，竟然是酸的，愈食愈酸，以為是特色，點知我嘗試另一個是鮮甜的，之後問職員，她承認之前食的「椰皇翅」是已經變了，簡直令人嘔心，她話是個椰子變，廚師都無辦法🤷🏻‍♀️ 我當時好想扣喉吐🤮番出來，職員仲怪我，點解唔早啲提出😒😒 她之後送多一個我，但已經無胃口食😑😑 但我們仍要付五百元🙄

再次光顧有囍，因為上次嘅食後感都好好加上今次餐廳轉左menu加入左部份新原素，所以希望有新驚喜就連餐具都落左點點心思，唔知係咪想比客人有種輕鬆用餐嘅感覺頭先當然係點反令我口水大流嘅麥皮蝦，同上次一樣保持水準，豐富牛油有咖哩葉嘅香味，香脆嘅麥皮送飯無得輸，依然係選用大蝦，師傅將蝦殻充分炸至乾身，同麥皮配合得好好。由於蝦好食，所以今次點埋星加坡胡椒蝦，同樣係大蝦同大葱加上白胡椒嘅香，但如果轉用沙巴白胡椒相信，味道會顯得更野味。上次試過海南雞，所以今次想食泰式燒雞，辣椒醬同海南雞辣椒一樣。可惜雞肉略為乾身，有改善空間。泰式豬肉蝦醬炒飯，飯炒得粒粒分明，加上微肥豬肉，蝦醬嘅咸香，青芒絲嘅解膩醒胃，真係炒得唔錯。飲料新增嘅手工啤酒，呢個個龍皇柚子味，淡淡柚味，酒味也較淡，飲落清醇，一定要凍飲先有嗰種消暑感

偶爾見到骨子雅緻的裝修日，走入嚟 tea，覺得好唔錯，後尾睇返食評先知原來好高評價。人人講食，而我只係 tea，所以想講其他野先。首先，呢度的職員都好有禮貌。唔算係太熱情，但會主動招呼，唔會掉低你唔理。同佢地講唔該，都會應返你「唔洗客氣」。第二，感覺都好乾淨。講返食物，我只係食 tea，係好普通，應該無乜特別 -- 我以前都係咁諗。但係我嚟左幾次，每次食西多，師傅都會煎到西多好四正、漲卜卜，感覺佢都好有心機煎。唔係話要為佢嘅西多而嚟，只係認為，如果餐廳連呢 d 細微野都堅持、看重，更何況其他食物呢。

呢間位於太子嘅有囍，主要提供新加坡及泰國菜🇸🇬🇹🇭呢到地方都算大，有圓枱同長枱，見到好多客人都係一班人咁嚟。但今次我正係同朋友2個人嚟🙈.今餐最好食嘅係個泰式豬肉蝦醬炒飯🇹🇭🐷🦐🍚可能因為加咗蝦醬落去炒，所以個炒飯唔係炒得乾身嗰種。但其實啲飯粒都仲幾粒粒分明，冇融融爛爛咁。而且好足料，豬肉份量多，肉質係一絲絲嘅，好match個炒飯！食落幾香同幾濃味，飯桶表示幾鐘意呢個炒飯😼同埋一碟只需68元，都抵食喎，因為都幾大碟㗎。.冬蔭功有兩款：冬蔭功蝦湯/冬蔭功海鮮湯。本身我地都好猶豫唔知叫邊款好，店員就建議我地叫海鮮，話好飲啲㗎喎🤣呢到嘅冬蔭功湯係少少辣，酸味比辣味重。我同朋友都覺得同平時飲開嘅冬蔭功味道有啲啲唔同，但飲落都係OK嘅。入面有蝦同魷魚圈，蝦肉唔梅、幾好👍🏻不過平時去食泰國菜，冬蔭功上枱之後都仲會有個火熱住，但呢到就冇，只係普通用個白色大碗裝住🙈.呢餐最好食係個炒飯，但其實本身我最期待係黃金軟殻蟹，即係咸蛋黃炸軟殻蟹。但可惜，佢令我好失望😞軟殻蟹外層炸粉好厚好厚😥厚粉之餘，又炸得唔脆😪真係好失望。同行朋友食食吓話好掛住元氣嘅炸軟殻蟹😹.btw有冇人好似我地咁白痴，叫薄餅但唔記得預要

而家出去食個lunch都唔平嫁😌不如搵間坐得舒服d好好比自己放鬆食個新加坡式午餐☺️ 🍜泰國🇹🇭龍船湯米線 $72呢個係重點推介嫁份量都算幾大碗個湯我選左原味，但都非常濃郁👍🏻👅有秘制叉燒、炸豬皮、泰式豬肉丸🙌🏻第一次食呢個combination，幾有新鮮感！邪惡指數💯❗️提醒大家食得辣先好選酸辣/辣🐓海南雞飯 $66好似話係星加坡做法，仲係米芝蓮星級大廚主理👨🏻‍🍳雞的份量都多夠飽，入口好嫩又有雞油香🥢唔會有肥膩感☺️配埋三色醬汁真係越食越開胃ga🙆🏻‍♀️下次真係想直接叫半隻海南雞-美中不足既係，當天想叫特飲試下但全部特飲都無供應😭😭😭唯有下次dinner再試試啦好想試個喇沙呀

同男朋友都有段時間無出旺角行下搵下新野食，行行下就見到間未食過但係又貼左好多明星照既新式泰國菜，表面有少少似茶餐廳，估唔到內有乾坤。<有囍水果茶(凍)，$68>一杯$48，一jar$68，一jar 好似抵好多咁，所以我地就點左一jar。一jar水果茶真係好多，完全足夠我地兩個人飲，而且都幾多生果，有蘋果、士多啤梨同菠蘿，差唔多有接近一杯生果。味道唔算好甜，我覺得清清地咁幾好。<椰皇翅，$138>未放底已經聞到好香嘅椰汁味，以為會好濃，一飲原來無聞到咁濃，但係都好好飲，好清好香！仲要有翅食添，正呀！<泰式生蝦，$98>呢個設計好好，用保鮮紙將生蝦同冰分開，除左衛生左好多之外，生蝦亦唔會隨著冰溶而濕或者令到個蝦肉變腍。生蝦配上生蒜及辣椒，再加上中間秘製嘅辣汁，食落好惹味又爽口，令人食唔停口！<馬拉盞炒通菜，$78>呢個馬拉盞炒通菜好大碟，除咗有馬拉盞之外佢仲落咗啲蝦乾去炒，令到成個菜好有鮮味。<黃金軟殼蟹，$158>呢個黃金軟殼蟹真係勁好食！我勁鍾意食！首先係個皮係超級香脆，再加上啲蛋黃同埋牛油嘅香，簡直係絕配

一早電話就響個唔停，原來國朋友落黎自由行，去太子直通巴站接 friend 帶佢去酒店check-in， 放低啲行李再出去玩 ，順道接風洗塵，剛好附近有間餐廳行入去試下。睇完菜單就叫二人套餐包（ 肉骨茶， 泰國生蝦， 星加坡牛肋條， 泰式碎肉生菜包，串燒雞肉同牛肉，蒜蓉炒芥蘭， 油飯級甜品）.泰式生蝦配生蒜片食落鮮味帶點微辣。肉骨茶有, 枸杞 ,北芪,但飲落口中藥味唔太重適合怕中藥嘅朋友。星加坡牛肋條薯仔和 牛肉好冧 夠入味，汁最好用嚟撈飯。泰式碎肉生菜包 ，食落較爽口因為裏面加咗馬蹄仲大啲甜味,一點都唔辣適合怕辣的朋友仔。串燒雞和牛肉熟成剛剛好唔柴點醬更惹味。蒜蓉炒芥蘭食落索索聲爽口。油飯帶雞湯香味唔太油。睇 枱角有推廣優惠如用facebook like點讚直送特飲。

這間位於太子花園街的＂有囍＂餐廳，款式多樣，有新加坡菜又有西餐有圓枱卡位任君選擇。二人套餐 $498軟殼蟹沙律太肚餓連相都唔記得影😆😆沙律汁調的不錯酸酸甜甜很醒胃而且軟殻蟹很肥美椰皇翅棷皇味清甜濃厚，魚翅份量也不少，很鮮味滋潤😋串燒牛/雞四串兩串牛和雞，牛味濃郁雞肉嫰滑配上他們的秘製沙嗲醬非常夾很惹味炭燒西冷安格斯牛扒配薯角西冷牛扒我們要了七成熟，比較熟了少少，幸好不算太韌有咬口，配上薯角沙律份量一點也不少😆星加坡麥皮蝦用麥皮代替做炸漿下第一次嘗試，麥皮炸得香噴噴很脆口，麥皮包住隻蝦一起炸連殼也可以食埋😋大大隻鮮蝦亦非常爽口彈牙，美味無窮👍🏻是日甜品南瓜糊用新鮮的南瓜來做糊，甜絲絲的😊

🍖黑蒜青檸燒豬肋排 $168份量都幾多 不過齋食味道比較淡要配返佢個黑蒜青檸汁食酸酸地都幾夾🙂—🍛青咖哩煎紐西蘭羊架 $248🐏炭燒紐西蘭羊架 配薯角 $248羊架有兩個整法諗唔到到要邊款所以兩個都要晒😅青咖哩個個重口味啲炭燒就香口啲兩個羊騷味都唔重 怕太騷既人都應該食到🤫—🦐泰式炸蝦餅 $68蝦餅好脆好厚身 食得岀有蝦 好食既—🍢泰式串燒牛及雞 $72串燒燒得香口唔乾 唔韌 都唔錯—🍝泰式蝦炒金邊粉 $68🥘泰式豬肉蝦醬炒飯 $68金邊粉個汁幾好味少少酸 酸得黎仲食到啲配料既味而個飯啲蝦醬咸度岩岩好唔會太咸太濃味✌🏻—🍲冬蔭公海鮮湯$68好足料 微辣夠酸 唔重奶味 係好飲既冬蔭公湯—🥗大蝦柚子沙律$108柚子就好多 蝦就略嫌小左啲不過個沙律汁都調得幾好 好清爽 夏天食岩哂—質素唔錯 價錢唔貴 環境算舒服 可以再黎😉

約咗朋友過開太子飲兩杯之前通常都會去附近搵嘢食 ,印象食過間有囍火鍋,今次去試下小菜, 入到去有裝修過擺設餐具都精緻咗，加設有bb凳同小童餐具，適合一家大細。睇完菜單叫左個二人套餐包（ 肉骨茶、 泰式生蝦、 串燒牛雞、泰式肉碎生菜包、星加坡巴東牛助骨、 蒜蓉炒芥蘭、油飯及白飯各要一碗、 甜品南瓜西米露）泰式生蝦 點特別汁食落去唔係太辣難有食到蝦嘅鮮 。 肉骨茶飲落幾順口唔覺太重中藥味,適合受唔到中藥朋友。串燒雞同牛熟成剛剛好肉質唔覺太乾點醬更惹味。泰式肉碎生菜包, 食到馬蹄爽口帶甜, 又唔辣適合食唔到辣嘅朋友 。星加坡巴東牛肋條,牛味較濃肉質綿, 薯仔爽口 啲汁夠惹味最啱撈飯食。蒜蓉炒芥蘭 熟成剛好好夠曬爽睇到張枱角寫住用facebook點讚即送一杯凍飲。南瓜西米味道剛好唔太甜適合怕甜和減肥嘅朋友。

同朋友行完街經過有囍東南亞餐廳，門口貼滿明星合照相，再上網睇下評語，望落價錢唔貴，食物質素高，最後決定入黎用餐。先叫個柚子沙律開開胃先， 柚子沙律份量十足，柚子鮮甜不覺苦，配上酸酸甜甜嘅醬汁同香口既乾蔥，開胃之餘仲香口惹味。泰式辣肉碎炒飯，炒飯很香，飯粒乾身有嚼口，配上辣肉碎，味道鹹中帶辣，好夠鑊氣👍🏻馬拉盞通菜通菜新鮮，口感爽脆，唔伯太油膩又唔會太咸，味道剛剛好，仲要落左唔小大大條既蝦乾一齊炒，味道很香。麥皮蝦見好多人都推介，所以我哋就叫左啦。店家用咗虎蝦，所以大大隻啖啖肉，肉質彈牙，麥皮炸得香脆， 虎蝦味甜香口，果然無介紹錯，真係必食呀👍🏻泰式燒春雞泰式燒雞半只，上枱時已經嗅到好香的燒烤味，雞皮帶少少焦，食落好香脆，而雞肉好嫩滑，外脆內嫩，加埋泰式醬食，味道一流。食完正餐點小得甜品，叫左個椰皇燕窩一個 ，燕窩勁足料，椰香味濃，唔算太甜，滋潤抵食。

有囍主打東南亞美食， 佢嘅辣度是一般人係可以接受嘅。 除此之外有好多明星都光臨這間食肆。佢嘅環境十分寬闊唔會有擠逼嘅感覺， 員工服務態度良好， 面帶笑容，說話禮貌， 有賓至如歸的感覺。 上菜時間會較快。冰鎮咕嚕肉，係近期主打嘅食物， 佢嘅咕嚕肉同坊間會有些少不同， 小弟建議咕嚕肉需等片刻時間， 因為需要冰鎮，若果太快進食就會同坊間嘅咕嚕肉大致相同，那就沒有什麼驚喜呀! 所以需要稍候片刻等一等才進食。另外佢哋嘅咖哩軟殼蟹， 係本人最推薦大家食的， 軟殼蟹皮脆內軟， 加上咖哩嘅話 特別好食。 本人食過最好食嘅咖哩，十分開胃，令你想一試再試。炒飯會有少少辣，不過都可以接受炒飯會係粒粒分明 ，可見火候以及飯控制得好好。甜品本人對推薦的是椰皇燕窩，燕窩份量十分足夠， 而椰汁配搭燕窩，令燕窩更加好食， 再配上椰肉那就perfect match!!若果喜歡食東南亞美食嘅朋友，這間有囍就一定要試!!!

努力溫習足足一個月今日終於功得圓滿！可以鬆返啖氣 係開心既！慶祝之夜女友話帶我黎呢度食新野有囍呢個名一開始認為係食中菜原來係東南亞Fusion菜XD”還掂未食過一於黎大吃一番啦！呢度環境簡約得黎又帶點生活品味牆上既壁畫又幾有塗鴉藝術風格甚有時代感！而且老闆娘十分友善好好人知我地第一次黎都好熱情耐心地同我地介紹唔同菜式！最後經老闆娘介紹後我地叫左泰式小食拼盤、泰式生蝦、星加坡麥皮蝦同埋泰式豬肉蝦醬炒飯泰式小食拼盤有豬頸肉、串燒雞、串燒牛、扎肉、蔗蝦同埋炸雞翼份量夠大同豐富泰式生蝦上枱用冰鎮保持鮮度用保鮮紙隔住亦顯得衛生同細心蝦肉結實夠彈牙配生蒜點特製醬汁亦幾夾星加坡麥皮蝦老闆娘重推的招牌菜式！麥皮同蝦夾埋竟然出奇合拍！蝦新鮮大大隻啖啖肉結實夠哂彈牙配上麥皮一齊炸香食落充滿口感之餘又帶有麥香十分得意又叫好XD”必食！泰式豬肉蝦醬炒飯炒飯配上蝦醬同豬肉粒一齊炒夠入味又夠哂足料香之餘亦唔會太油飯粒炒得夠靚夠企身唔會話炒得太濕而影響味道同口感

以前一年總會去新加坡幾次，但現在因為忙所以已經年幾冇去喇。我好掛住啲胡椒蟹、麥皮蝦同海南雞飯呀！今晚有朋友話同我去食麥皮蝦，我即刻叫好啦， 因為香港主打星州菜嘅餐廳真係好少， 有都要排哂長龍好難book! 佢仲要話間餐廳早去冇乜人，唔使同人迫，啱哂我地返flexi hour嘅好食之人。餐廳果然係有種好舒適嘅感覺，我地早去坐到卡位。望住餐牌，好有親切感，樣樣都想食， 但兩個人又唔食得多，於是朋友果斷地點左個二人套餐，我就冇乜所謂，只要食到麥皮蝦就OK，反正如果好食，我會時時嚟。食物好快就上齊，而食星州菜，一定要飲凍野，今次我冇搵馳名嘅檸檬薏米水，反而點啤酒。事關我嚟之前輕輕上網search過，話呢度啲手工啤酒唔錯，好有特色咁話。今次我點左嘅叫南雲，顧名思意係加入左雲南普洱，飲落好清爽，回甘真係有普洱茶香味，好正👍。下次嚟再試其他口味！開動前先飲湯，椰皇翅聽講係必叫嘅。我一向唔飲中式湯，但呢款椰皇翅好濃椰子香味，就好似鹹版嘅椰汁，好好飲，所以我都忍唔住飲哂，但啲翅就假左啲，可以不理。今餐對我嚟講正主係麥皮蝦，套餐佢有兩大只，每人一只，嘗嘗味，等你有空間食其他野。講真佢係做得到我係新加坡食嘅