月．火鳳燒鳥 (已結業)

今日同男友洗完車，佢就話帶我黎食日本野。以為會好貴，但埋單價錢都幾親民，中上價位。入到餐廳發現原來好grand，成間風格暗暗地，上層仲要有榻榻米，一大班人/二人慶祝都可以揀呢間。另外，有一缸生猛嘅沢蟹做decoration，聽講食法係新鮮炸脆，然後送酒一流，今次未試，下次會想試下，聽到都覺得脆啊！首先，呢到services好好，每樣野食都逐一介紹，頭盤係新鮮運到馬糞海膽豆腐，上面有兩粒白果，聽介紹原來豆腐係本地製造，而海膽更係新鮮飛機貨，聽老闆介紹話通常二，四，五和六都會有新鮮貨，會根據當日食材對食譜有所調整。之後就係刺身，係左口魚和深口池魚，兩個都係淡味魚，食得出左口魚既清甜，而深海池魚油脂亦豐富，油而不膩！佢墊底個海帶都好爽脆，同平時食果啲中華沙律完全唔同，係新鮮冇醃製過，好fresh!跟住係銀鱈魚西京燒，上面一層烤到好脆，內裡肉汁豐富，咬落滑口又彈牙。再黎係爐端燒羊肉，平時唔食羊肉嘅我，咬左一口，唔係好膻，就食埋落去，咬到中間好juicy ，又非常香脆，做到一種外脆內軟嘅感覺。聽老闆講開，原來佢地廚師最短27年煮食經驗，怪不得爐端燒同西京燒都做得咁好！再者，就係江戶煮魚頭，個魚頭

聽同事介紹旺角白布街有一個相當高質的日本餐廳，裝修別緻，話一定要試下～ 於是我同朋友有日放工就去左食😌餐廳分兩層，地下是吧枱座位，可以觀賞師傅們大顯身手；1樓就是一個就係有20多人的餐枱設置。裝潢以月亮爲主題，處處都有圓形的圖案～最特別的是地下吧枱的酒櫃，有一個"透明"LCD顯示屏，可以望到裡面擺放的酒外，亦會見到其播放的一個月亮圖案!我今次同朋友就選擇了坐在地下吧枱，而我個人都十分推薦大家坐在吧枱，一來可以近距離欣賞師傅做菜，二來餐廳有一位老闆 (好似係除非唔係) 會在上菜時細心講解每一道菜的食材同煮法，食美食的同時，有可以增進知識!<海膽豆腐配日本銀杏>第一次食這個海膽味豆腐，味道相當特別! 清淡的豆腐浸配上感細膩鮮濃的海膽，一個字，正! 而日本銀杏同平時食的白果唔同，味道又甘又甜，加上師傅燒香左其外皮，好香口<刺身 - 甘目鯛、池魚>粉紅色的是比平常餐廳的更厚切的甘目鯛，口感煙韌，肉質細膩緊實；白色的就是池魚，混合了薑蓉同檸檬，則相對偏淋，好新鮮<炸深海阤魚>炸深海阤魚沒有油膩感，魚肉肉質嫩滑，配以師傅配制的豬扒醬，用梅子混合芝麻醬

今日去左旺角食飯。朋友介紹左一間新開張居酒屋，我就去試試啦！餐廳門面好吸引！立魚魚頭湯。湯汁奶白色，立魚魚肉非常滑溜！湯底有少少麵豉湯味道，不失魚鮮味。燒美國牛排。牛排五成熟左右，肉嫩牛味極重！必食！雞肝串。雞肝綿綿口感，帶點炭火香。燒牛舌。牛舌味道咸香，黑椒味濃突出。牛舌口感爽嫩彈牙。再叫多一枝清酒。二兔，由日本競投番黎，果味非常重！刺身四點。刺身新鮮唔會將貨就價！炸池魚。外層炸到卜卜脆，中間魚肉香嫩滑溜。

今日去左旺角食飯，朋友帶左我黎食居酒屋，話係餐廳新開張，所以帶我黎試下啊。我地先點一枝清酒。二兔，出面好少買到既日本清酒。入口果味非常重，我最欣賞餐廳用既瓷器，好靚啊！醬油煮茄子。茄子味濃香甜，醬汁帶點辣味，加上木魚非常濃香！炸池魚。池魚魚肉香嫩，魚味突出。最愛外層薄薄炸粉，香口完全唔會油膩。雞肝、牛舌。牛舌味道咸香，肉質爽彈。黑椒味濃香。雞肝入口軟綿綿。雞腎。入口爽口，師傅燒到帶點焦香。燒美國牛排最吸引，牛肉肉嫩半熟，牛味濃香！最後仲有立魚魚頭湯！

小妹生日🎂，男朋友仔知小妹鐘意食日本野，特登卜左間居酒屋同小妹慶生一到門口就感受到日本居酒屋的味道Bar 臺隔離系個酒櫃其實系led 電視，好特別閣樓裝修超別緻，好岩坐系度chill 一個晚上海膽豆腐前菜叫左海膽豆腐，淡淡的海水味配上微微煎過的豆腐，好鮮甜刺身-甘目鯛、池魚粉紅色的系甘目鯛，白色的系池魚甘目鯛的口感偏Q彈煙un，而池魚相對偏淋兩款魚兩種唔同的口感，一樣咁新鮮炸池魚炸池魚帶驚喜小好平時唔鐘意食炸野，但系呢個炸池魚脆卜卜得黎一D油膩感都無魚肉炸完仲keep 到嫩滑，完全唔會覺得乾醬油東風螺份量都幾多，甜甜地，用黎下酒岩岩好燒香魚燒完的香魚外觀好得意，睇落好似S型咁外皮燒完好脆，香魚好多細骨，要小心D食香魚燒得好脆，微燶微燶幾香口，好似食緊零食咁燒鰻魚平時食燒鰻魚，鰻魚肉通常偏淋呢串燒鰻魚完全癲覆左我對鰻魚的理解，鰻魚口感超級彈牙帶咬口，脆卜卜好好食梅肉飯團有少少偏硬，咬飯團要用少少牙力，中間的梅肉令成個飯團有少少酸味，隻味幾得意幾開胃Sake 小妹平時唔系點飲酒，見生日咁開心就開左枝sake 試下，溝左梳打的sake 甜甜地，清甜可口個酒樽好可愛，倒酒的時候會發出鳥嗚的聲音

今晚同男朋友出左旺角諗唔到食咩，行到白布街一眼望過去有間新開既日本菜，門口有張長木凳，同周圍既環境有少少格格不入因為唔似會係旺角出現咁有設計感既裝修，人少少坐係到影相打卡好靚呀，所以就決定食呢間！一入去全部座位都係吧枱高凳，可以欣賞師傅預備食物，我平時都幾中意係吧檯可以同師傅傾下計佢地又可以介紹到菜式，前菜點左個日本番茄沙律，本身我自己係勁唔中意食番茄特別係生番茄，但有次係日本旅行朋友話好好食，比左少少我試，之後就對凍番茄改觀，火鳳燒鳥既番茄沙律加左個調配過既汁，成個感覺好清新，凍冰冰既番茄肉，完全冇平時食番茄梅梅爛爛既感覺，估唔到出黎旺角食野都有d質素。之後就上刺身拼盤喇⋯有海立、金目鯛、拖羅、帶子、油甘魚，睇擺盤用真既紫綠海藻，加埋刺身既顏色好靚好似好新鮮，咁我就由海立食先因爲平時食親都冇咩味，當堂哇左一聲因為咬落好實淨爽口，魚味慢慢滲出黎，估佢唔到，再食個金目鯛直頭露出左勁滿意既食相比店員見到，行埋黎同我地講刺身o唔ok呀，應該今日新鮮空運到貨！唔怪得個金目鯛食落咁爽脆，平時食d好新鮮既拖羅會有浸好清新既香味，有少少似菠蘿果種味道但又好油香，呢個金目鯛清新版真係不得了我估個員工應

旺角白布街同黑布街呢一頭，不嬲都有唔少隱世嘅餐廳，今晚我又同朋友嚟咗呢一度「搵食」，發現咗一間新餐廳門面相當低調同埋高雅，唔認真睇會唔知係一間餐廳，門口以一個月亮為logo，沒有刻意寫上餐廳名字，感覺上幾特別。一入到餐廳就見到日本爐端燒嘅格局，師傅們好忙碌地燒緊客人嘅串燒，香氣撲鼻，真係流曬口水呀～因為諗唔到食乜所以就決定由廚師發辦Omakase，第一碟就上咗前菜凍蕃茄，跟住就係刺身啦！有常見嘅吞拿魚同埋帶子等等，唔常見嘅就有魚肝，因為食材夠新鮮，所以鮮甜順口。呢碟金雕甲鱗燒值得一提！因為之前曾經喺日本嘅餐廳食過，一試難忘，因為佢嘅煮法係留番一啲魚鱗一齊去燒，就會令到成個魚肉唔單止有軟熟嘅口感，仲會增加左魚鱗嘅酥脆，大家不妨試試。師傅教路要將旁邊嘅蔥花同埋蘿蔔碎都擺係個汁入邊，再點汁食係最好味架！之後師傅都燒左幾種燒物俾我哋試，佢問過我哋敢唔敢食特別嘅部位，我哋話OK，佢就俾咗雞頸同埋雞屁股俾我哋試，哈哈，其實唔話你聽，你都唔會食到係咁特別既部位～當然，師傅都燒左一啲平常都食到嘅串燒俾我哋試，例如係雞翼咁樣，燒得好好味呀！我地仲叫左純米吟釀，呢個酒具好特別，到走嘅時候會發出雀仔嘅叫聲，

一開始係外面睇間居酒屋，已經覺得佢設計好時尚，點知入到去睇都一樣！樓下就有bar台圍住open kitchen, 樓上就有榻榻米，一班人坐就岩哂 裝修好靚好舒服好貼心，有埋usb位比人差電，岩哂城市人，呢樣好少見～叫左個柚子汁日本番茄，番茄好新鮮，完全係日本番茄，味道唔同一般沙律番茄！跟住我地點左5款刺身，有兩款仲係今日岩岩落機咋，分別係海𩶘魚，金目鯛，拖羅，油金魚，帶子，其中海𩶘魚特別出色，爽口鮮甜，而金目鯛本身都唔係到到有得食，佢肉質好爽脆，好有海魚既味道！跟住我地點左好多燒物煮物，呢款就係雞肉卷，佢有別一般，入面夾左蘆筍同蘿蔔，口感不錯！呢個麵豉湯汁煮牛脷，真係要讚一讚，佢煮得好淋，一啲都冇臊味，佢用左豆腐汁，京蔥一齊去煮，變左另一種食牛脷既體驗！老闆仲不時行埋黎關心下我地，見幾好傾，仲請埋我地飲杯清酒，清酒甜度適中，配上牛脷一流！跟住就有呢兩款串燒，燒牛小排同埋燒雞扒，牛小排鮮嫩多汁，唔會燒過老，雞扒燒完仲會切到薄薄地一條條，呢啲加分位我都好欣賞！之後就到呢個汁煮𩶘魚頭，老闆話，呢啲都算時令野，咁岩有刺身返，成條魚先會有魚頭，見咁新鮮所以用汁煮！魚頭肉不多，不過勝在夠香，好味！

旺角開左間新日式居酒屋，餐廳外面掛左個「月」好獨特。鋪店有兩層，鋪面係bar 枱式，可以睇住師傅整野食老闆又會好親切咁同你介紹每道食材，氣氛幾好眼見隔離枱有人睇左好耐餐板都唔知食咩，老闆仲會親自介紹食物俾客人食。上層係日式塔塔米咁坐地下既座位，好靚好有氣氛。三五知己黎食就可以圍埋一齊飲下酒吹下水。呢間野可以食到好多特別既食物，好多都外面少見既，例如雞頸肉，雞屎忽😂😂，聽到名可能你會怕左，不過食落其實好正常，幾好食雞頸肉好嫩滑，聽講要用好多雞頸先做到一串，而且用既都係無激素雞，睇得出好用心去整每道菜👍🏻刺身好新鮮，肉質鮮甜👍🏻跟住呢道甘鯛甲鱗燒好正，連魚鱗一齊食，好脆，跟老闆既食法，將魚浸落特製既汁到浸至完全吸收，再食仲好食😋雖然埋單最後價錢有點貴，但偶然同班朋友仔黎食都自在🥰因為餐廳服務好好又舒適！

除左買野.平時都唔落旺角食飯。唔鍾意旺角食野又趕又嘈趕。朋友話黎呢間試下,發覺都唔錯一,有個裝潢優雅既閣樓大家可以傾下偈. 初初到既時候俾個門口嚇一嚇,見到咁grant,以為過左soho個邊。二 .食物係重質不重量.烤物,煮物,魚生等質素上乘,只懂追求三文魚的朋友(曲線要講明),對佢地黎講,呢度既魚生可能係味覺上既衝擊。三.地點真係旺中帶靜,係白布街個邊,交通方便又唔嘈仲有一樣,紅酒品酒師就聽得多,清酒御酒師就真係第一次聽。下次飲清酒唔駛再俾人拋朋友小聚之選。

有次行過白布街見到呢間新開的爐端燒, 見到個門面好靚已經好想試, 剛好有姊妹生日就即刻趁機去book位啦!! Book 位時店員已經好細心, 可能見我book 6位都估我係party, 所以主動問我係咪生日食飯, 話會安排2樓大枱俾我, 話適合人多傾計, 我覺得呢下好抵讚, 一間餐廳食物好當然重要, 但如果service差, 再好食我都唔會再幫襯。到生日飯當晚果然安排咗2樓俾我地, 原來2樓同地下風格好唔同, 上面寬敞好多, 走型格路線, 老闆話可以係俾人包場。 佢地食物款式好多, 我地成班姊妹七嘴八不停問問, 老闆就好有耐性咁為我地續一介紹, 老闆話原來佢地除咗爐端燒外, 主打係日本清酒, 佢引入咗好多唔同的清酒配襯唔同食物, 款式比一般酒屋仲要多, 可惜我地第二日要翻工, 所以無點酒, 但老闆就好好人咁送咗幾杯口感帶有微甜的清酒俾我地試下。我地未開飯已經決定揾無個happy Friday 再黎飲過! 最後我地點咗, 涷蕃茄同燒雞泡魚干做前菜, 涷蕃茄同個秘制汁超夾, 酸酸甜甜勁開胃, 而個燒雞泡魚干真係極力推介!!! 原本諗住雞泡魚干都係咁上下味啦, 點知一放入口先發現又軟熟又有咬

必到居酒屋-TSUKI IZAKAYA （食評真係自己寫）話說一天同事同大師級人馬開左間日本居酒屋，以清酒作為主打！由於本人極愛清酒，但來來去去也只飲「瀨祭」（音：刷制），而且永遠只是熱飲，因為想帶出酒香，但同事告訴我，清酒並唔係咁飲，清酒有如紅酒，要由食物帶出清酒的味道，而且杯身、每種酒用的溫度皆不同，所以清酒有分「熏」、「辛」、「爽」、「醇」等，同事吹到咁大，我就緊係去試下。 入到去，鋪面是酒吧桌的模式，其實非常方便同大廚傾計，後方是價值幾十萬既屏幕，睇到animation，都幾有趣。老闆之一的呀Paul!係cocktail bartender 亦是鍾情音樂同酒。介紹之下，由Paul少發版食下正野！一黎是前菜，是紫薯同沙律，紫薯驚喜，非常有心思，最重要是清新，但令我感到有趣是配搭上8th ocean 生貯贜的清酒！令食物變得清甜，而且酒香非常強，所是這是4度儲存下的冷「熏酒」，用闊杯口把香氣帶出，而且要冷涷下才有風味，最有趣是當慢慢進食，酒慢慢回暖，有愈喝愈甜的感覺！再來一個冷盤，我本人較喜愛紅酒蒜頭，很入味，而且甜酸而不辣，不多說，自己試。進入主菜，極肥美！極新鮮拖羅！但呀Pau