月．火鳳燒鳥 (已結業)

今日去左旺角食飯，朋友帶左我黎食居酒屋，話係餐廳新開張，所以帶我黎試下啊。我地先點一枝清酒。二兔，出面好少買到既日本清酒。入口果味非常重，我最欣賞餐廳用既瓷器，好靚啊！醬油煮茄子。茄子味濃香甜，醬汁帶點辣味，加上木魚非常濃香！炸池魚。池魚魚肉香嫩，魚味突出。最愛外層薄薄炸粉，香口完全唔會油膩。雞肝、牛舌。牛舌味道咸香，肉質爽彈。黑椒味濃香。雞肝入口軟綿綿。雞腎。入口爽口，師傅燒到帶點焦香。燒美國牛排最吸引，牛肉肉嫩半熟，牛味濃香！最後仲有立魚魚頭湯！