月滿坊 (已結業)

去圓方SHOPPING，十二點有少少肚餓，為咗避開LUNCH人潮，所以打算食個LIGHT MEAL。兩個人，飲茶又食唔到D乜，見月滿坊好似幾好坐，又好似幾多人，於是入去試吓。價錢唔平㗎，地方高級D，D租都貴D啦。朋友又想食燒臘，冇計啦。叫咗燒味雙拼飯（燒腩 ＆ 燒鵝）＆ 狀元及第粥。雙拼飯會附上一碗湯，入面有兩粒雲吞，雙拼飯係一般茶仔貨色，但貴一倍。。。反而個粥幾OK，粉腸，豬潤，豬肚足料，D粥好綿。總的來說，一般無要求嘅醫肚地點，再去圓方唔會特別想幫襯。

我又係返到屋企先知係喊面王.成個圓方的食店都有人等位,呢間係唯一一間只有2成滿的食店.但呢次去那間食店食不是我話事,而是我二位長輩話事...呢度坐就舒服,如果大家同朋友聚舊.要傾足十個鍾.呢間食店絕對係好地方.我一坐低先知呢間店.係聯X集團的...而店員係有禮,不過落完單就不會理會人客.因店內太少.員工有些在傾計.又有些拿出手機影日落.....好清閒,而我食左一個鍾完全無人加茶的食物...飲品的價錢...直情恐怖來形容,26元至一百多元.只是食普通粉麵和飯.食的同大家屋企附近餐廳不相伯仲.計好味仲要大家屋企附近餐廳更好雲呑...個尾好散的,而肉同蝦也不見得是新鮮材料.湯底的味道有少少鹼水...而凍檸樂要30元,可樂成罐上,都得啦,只是價錢不值乾炒牛河反而唔錯,炒到無油,而且乾身...牛肉多,而食落熟的程度剛剛好...我明白..圓方係富貴地方.食物係貴的...但係富貴的人食的東西,味道應該更出眾,為何五星級價錢,得出來的食物是無星級的質素?有的似人生.好人唔一定有好報,但都要堅持做好人.先會等到有好報的一天...我都希望食店會接受意見,改善自己不足之處

看完電影,10時多了,沒太多選擇呢,好吧就來吃點東西再回家吧。叫了炒蘿蔔糕,是夠惹味,但蘿蔔糕內的料不多,感覺整塊都是粉來的..。明明叫的應該是湯的鯪魚球,但上來的是炸的,不過由它吧,內邊炸得透,但好像沒什麼味道的,,溝了粉嗎?那個蜆芥也沒有很出色..。最出色算是這個咖哩雞肉煎米粉吧,把米粉弄成兩面黃那樣,沒有變成脆餅,但口感蠻有趣的,咖哩味道也還好。

睇2點半之前食野, 想飲茶, 之前去過隔離飲茶, 都ok 既, 想試下其他, 點知出事喇. 海蜇頭 $38 - 雖然賣相不錯, 但好淡, 跟本無味, 得個爽字 蟹籽蛋白雙面黃 $78 - 面質本身好差,無質感,同正宗既潮式雙面黃差好遠. 又係好淡, 無味.炸春卷 $28/6小條- 計正呢樣野無難度, 弈好難會好難食, 但係呢度就整到有d 怪味. 都係唔得.裹蒸粽 $55 -呢碟就極品, 叫左20分鐘都未上,再催之下比左一碟嚇左我一跳既野....正常隻粽應該立體方型, 但我眼前係一堆又扁中間又陷入左既物體.跟本唔似粽形 !! 輕輕用匙一畢就散哂, 有冇搞錯 !! 我即刻叫左個經埋黎睇下, 其實佢話換比我既, 但係我相信以呢間舖既水準, 換乜都一樣. 係唔想浪費情況下, 照要......味道梗係淡, 又唔秥, 乜粽黎嫁 ??細看原來聯邦集團, 唔怪得啦.......其間分別隔離,后面都有唔同既客人投訴,短短一個鐘有4枱人投訴,有一枱碟餸退回廚房, 其他好以我咁, 同侍應或經理反映下. 呢間野係咪要好好反省下呢, 價錢一d 都唔平, 2個人食左二佰幾蚊, 係隔離飲茶好正喇 !!! 點解可以生

放工去grand cinema睇toy story 2 3D版，散場出返黎已經差不多9:45pm. 夏麵館已經到last order唔再收新客; 自己喉嚨痛緊, 太辣太鹹都唔得, 只好跳過泰國菜同麵屋一平安; 喜宴早幾日先食完，於是諗住粗粗地黎呢度食一餐啦.由於已經過左peak hour, 全場都係得五六檯客. 我地叫左一個牛腩粗麵, 一個「一桶雞飯餐」(跟一細碗雲吞同餐茶).牛腩本身係可以的，但個湯勁重鹼水+味精, 想要腩汁湯更加唔使諗啦! 至於個一桶雞飯仲衰, d雞又肥又無肉又唔juicy, 我都唔知有咩可以食; 個飯乾&硬, 同d雞完全各自為政. 雲吞既上湯再次犯上鹼水+味精既毛病. 最後係杯菜蜜好少少.食飯時見到有客鬧waiter未叫埋單就遞張單埋黎, 有少少戥個waiter慘. 輪到自己既時候, 就係要叫兩次先埋到單. 其實客人都唔算多啦, 都咁多問題, 真係好難想像午市晚市full house時佢會點.呢間野只此一次, 下次無得揀的話我寧願出返旺角先食野喇.

想食粥,跟家姐選了貴價商場中的這間...店很大, 坐都還算舒服店員先奉上一杯「茶」無味無嗅飲完都不知甚麼「茶」左看右看嘩很貴, 全都高上價錢!本身想食粥, 但見一碗白粥都索價$18!實在很難想像箇中有何過人之處...想試個一鍋蟹粥但成$70, 又捨不得點...最後我還是點了個散尾雲呑麵($30),轉米粉姐要了set lunch 豬頸肉炒意粉加奶茶($68)加一加$3茶錢我的米粉先到一眼望去,湯少得可憐泛著油光.....3粒韮黃粒米粉是幼米粉4小粒雲吞藏在碗底呷一口湯先跟飲水無異而且不熱, 煙都沒冒不熱, 不咸, 不甜心即時涼了一截吃一口米粉, 還可以, 略偏硬吃一粒雲吞好細粒,但蝦乾淨, 爽, 雲吞滿是麻油味都滿意鄰桌講普通話的客人比我們遲來卻先得到送來的豬頸肉炒意粉我和姐投以奇怪的目光予侍應們她們心知不妙,互相交換眼色跟進後發現他們並沒有點炒意粉,那是我們的但他們不知, 急不及待已起筷我們唯有不出聲再等廚房另炒一碟我的米粉快吃完了姐的仍未到我吃至中段卻也忍不住要求加湯指明要熱的湯原本那碗溫溫吞吞的實在吃得人很不爽$30幾啖米粉, 沒味沒道還要不熱!侍應把米粉拿入廚房加了湯再拿出來這次

位處圓方的月滿樓，以傳統中式裝修，開放式的做法，環境怡人，我們也因此而被吸引入去。走進去才發現，原來是聯邦集團旗下的食肆。大家也餓得要命，見有個二人的風味乳鴿餐便馬上選了，都沒有細閱套餐有什麼東西吃。健康紅米瑤柱炒飯，除了有瑤柱，還有香脆的松子、蛋白和提子乾，簡簡單單的配搭，其實已不錯。炒飯不純是用紅米，亦混合了白米，紅米與白米的比例大概是6：4，這樣的做法比全是紅米炒飯要好。可惜，下得太多油了，粒粒飯都是油光，怎樣能稱得上健康呢?乳鴿一隻，幾香口，而且肉嫩，味道尚可。但同樣是太油了，咬下去滿口油，感覺不理想。有肉有飯，當然亦會有菜，揀了上湯瑤柱浸芥蘭。芥蘭色澤翠綠，爽脆不硬，亦沒有苦，再有少許的瑤柱碎，都可以收貨。最後有甜品，是紅豆沙湯丸。紅豆沒有煲到起沙，唯勝在紅豆數量夠多，味道亦可。兩粒湯丸則較有水準，皮薄而滑，黑芝麻濃香，又有流心效果，十分好吃，真的想追加兩粒。服務大致貼身，以街檔的標準來說，收貨有餘。

轉眼又由泰國回來，闊別OR一週，現先回帶至離港前的週四。　多得OR送出《極地冰慌》戲票，3對人約好一起欣賞電影，扣除遲到的一位，五人晚餐選了清靜偌大舒適的月滿坊，其中滿月形的佈置十分切合主題。友人決定要實行慳錢大計，我亦十分認同，是晚精挑細選了：　雲吞牛腩麵x2($38)-店方正提供88折優惠，雖然實扣不多，但令食客心理上慳錢成功，感覺良好。我懷疑折扣後的麵有縮水之嫌，然而牛展位牛腩十分鬆化美味，小巧的雲吞也精細可口，以水準計是物有所值的。　切雞飯($48)-起初擔心2碗麵的雲吞不夠分，原來燒味飯也會附送一碗清湯雲吞，而且雞件份量頗多，也滑，配上滿滿一碗白飯，賣$48也有它的道理。　滑蛋蝦仁炒河-沒記錯約$80，由於蝦仁大隻兼爽脆鮮美，炒蛋又嫩滑無比，加上河粉炒得不油膩，貴得來又幾好吃的，抵它賺的。　咖哩雞柳飯-又一款約$80的食物，咖哩汁量多、香濃、頗辣，除了薯仔、雞柳、薑片外，還加入酸甜酸甜的菠蘿粒，滋味豐富也不錯。　各項食物比預期精緻美味及飽肚，2男3女清碟也有點勉強，不過也不可錯過甜品。選了又有88折優惠的薑茶芝麻湯圓，初時落單經理已問「要不要加多碗?」，回答「想先試試水準如何

同男友出外旅行十天無中菜食....回到香港好想食番D中式野咁岩晌ELEMENTS 看戲就是但揀間中菜食以我地依家對中菜既渴求基本上有啖飯落肚已經好爽點知除左碗飯,三個菜都嚇親我地...生炒骨,我都未食過生炒骨係咁既味...只係可以講,好似中式牛柳味....真係好惡搞,呢個係我成世人食得最辛苦既生炒骨.....肉質一般, 味道真係不敢想像...另一個普通燒肉燒鵝雙拼...味道無咩野,但肉質就真係可能晌街市斬廿蚊都好D....但收我78蚊幾舊野...其實越食越想拍台....最後一個西蘭花炒蝦球..唔知係咪SELL少油少鹽,成個菜無哂WALK氣...好似用水滾過走油咁....但本身個蝦球幾靚幾好味....之前前菜叫左個海蜇頭都唔錯既,不過另外杯野飲,橙溝桃汁...就好難飲了,多渣到不得了總括黎講係幫襯一次都嫌多,又貴又唔好食

這天又要到迪士尼去, 停課的日子, 差不多隔天到迪士尼, 那兒的餐廳, 仔女說不想吃了. 本到利苑飲茶後出發, 怎料沒訂位是不招待的( 以為11:30非繁忙時間不訂位也可...)見月滿坊又粥又三文治又午飯套餐, 不如試下啦, 吃過早餐不久, 不餓,只是不想在迪士尼吃飯而已對仔女話想吃叉燒飯, ok! (佢哋好鍾意食叉燒!)咁我食散尾雲吞麵啦, ($30?)一碗不會很差吧? (麥奀記雲吞水餃雙併都係$30無加一)叉燒飯份量不大, 夠一位細食女子或我對細食仔女吃. 叉燒7小件, 給他們每人3件, 而我吃了一小件"唔靚"嘅, 味道不錯, 入味鬆化有肉汁, 蜜味也恰好是水準之作呢, 所以對仔不用我唬嚇也自動吃完, 真好! 叉燒飯原來送三粒雲吞ga, 早知唔點雲吞麵啦! 不過那些微溫雲吞很是差勁, 化學雪蝦加味精作餡! 心想我點的是散尾雲吞, 個名靚d應該同這碗送嘅有所不同吧?不過很可惜, 散尾雲吞原來同送嘅是同一貨色, 不同的是熱辣辣, 湯仲係上桌時才由待應用壺斟的....門面工夫足了, 食物品質卻驚嚇, 我要慘吞化學蝦, 味精和梘水.....在迪士尼吃好過....非常悲嘆的一餐. 本

那天是端午節, 我同嘉豪都放假, 我們相約去屯門碼頭睇龍舟,賽事完了後去了屯門市中心, 之後我們去了star ferry行街, 一邊食雪糕, 一邊去吹海風, 之後下了一場雨,然後我們去elements避雨&食個晚飯, 之後我們都行了繞了個圈, 最後我們都去了"月滿坊"這間"月滿坊"有公司三文治, 炸醬麵,雲吞麵,奶茶咖啡都有, 好多元化的一間餐廳, 主打都平民化的食品,京川滬的食品也不少, 地方裝修寬敞, 座位之間不會太迫, 地方好乾淨令人感到好舒適, 我們二人坐在sofa的位置, waiter都好nice介紹我們一些食品, 茶也好快送上之後我們最後都是order了一個2人的套餐--$288, 這個price都不是便宜, 最重要是有一餐滿足的晚餐, 我們side order了兩杯飲品, 嘉豪order了coke zero, 而我order了一杯pussy foot之後上了個海皇瑤柱豆腐羹, 已經分開了兩碗, 好大粒的瑤柱, 有啲豆腐, 蝦都好爽, 有幾塊瓜, 羹味道不會太濃,稠度剛好,食落豆腐羹好細滑,又夠熱, 做得不錯, 同時我們的小菜開始來到了...先上了個西蘭花明蝦球, 西蘭花都

呢晚無無聊聊, 好耐冇去element, 咁就去左行下有咩野食。個晚好想食中菜, 但度度都好多人預備父親節飯, 加上好貴呀~跟住周圍look, look到呢間"月滿坊"冇咩人等, 見價錢ok咪入去食lor。我地叫左呢個係dinner set, 初時見到好似好少野食ga, 但係入到去個份量又ok wo.呢個set有:瑤柱菜芯-呢個冇咩特別, 只是上湯浸菜芯, 上面有少少瑤柱, 淡淡地。蛋白炒紅米飯-呢個ok, 0岩d要介口, 食健康飲食既人, 因為淡而健康, 但都好大碟炸乳鴒-基本上係冇醃過就炸, 只得1只, 每人兩件, 好彩有d鹽0者紅豆雷沙湯丸-d紅豆沙勁甜, 好似補返之前個幾味既味道咁, 湯圓ok除左甜品外, 基本上全部都好健康。環境方面都可以接受, 都好多人, 地方夠大

簡單地說：又貴，又唔好食。所謂的點心紙裡，點心了了可數；最平宜的，都要幾十塊錢；我們點了”手抄“，ＸＯ排骨河，上湯水胶，炒腸粉，西蘭花，甜品一個，只得西蘭花比較可取。三個人，結脹港幣360！

九月十六‧晴公幹幾天，上機前習慣上是吃得飽飽的。與其在機場那邊也沒有什麼好吃，就在九龍站這邊吃吧，至少是選擇多一些。不想吃西餐，就來了這裡吃中餐。餐廳內人客不少，但空間感也足夠。坐在二人位的疏化椅這邊，很舒適。玻璃窗透射外面的陽光進來，感覺很不錯。餐牌選擇很多，食物也是京川滬及港式大召集。但我在一人餐的系列中選擇不多，就選了個熟叉燒炆米，另外也來一碟海蜇頭作小吃。海蜇頭雖然不是最爽脆的頂心位，但好歹也真的是沒花假的海蜇頭。用麻油、辣油伴過，吃起來很爽脆，味道帶點微辣，凍凍的又很清新醒胃，是不錯的前菜。叉燒炆米即叫即炒，熱辣滾燙的。米粉炆得夠腍身，吃起來帶點過濕，但夠色夠味，算是不錯。配料很奇怪，是魚鬆多而叉燒少的，而且更是魚鬆大大塊，叉燒卻是細細條的。可幸吃起來，魚鬆夠鬆，當然加多一點陳皮，吃起來就更香。侍應生的服務不錯，有禮貌又快手，值得一讚。連凍咖啡一杯，埋單一百二十，不算便宜，但吃得飽飽，上機去睡，很滿足。

短短一個月，已經光顧了這間餐廳四次，可想而知是既好食，又抵食之選。第一次光顧是星期六的下午茶時間，顧客不太多，座位寬敞舒適，可看見西隧九龍入口的境色，而且環境清靜、侍應態度殷勤，已經給我倆非常好的印象。我們選了價值168元的「乳鴿餐」。「乳鴿餐」當然包括一隻乳鴿，還有「上湯瑤柱浸時蔬」（有三款時蔬供選擇），另外可選「炒飯」或「粥」（忘記了全名），最後還有兩客「紅豆沙湯丸」作飯後甜品。我們另外再加一客「蜆芥鯪魚球」。「乳鴿」即叫即做，十分新鮮，而且不油膩。乳鴿的體型算大隻，所以肉厚而嫩滑。時蔬方面，我們選了芥蘭。用來浸菜的上湯，是大地魚、鮮蝦上湯（一般是吃撈麪時附上的），十分鮮味，我們邊吃菜，邊喝上湯，美味極了。這個菜式十分適合喜歡吃得清淡的人士。炒飯的份量頗多，賣相很漂亮，而且沒有一般炒飯的肥膩感，十分好吃。「蜆芥鯪魚球」是我們最欣賞的菜式之一，鯪魚球的魚味很濃，明顯地魚肉的比例很高，非其他溝了大量麪粉的鯪魚球可比。「紅豆沙湯丸」甜味適中，而且火路十足，所有紅豆都「煲開」了，真正起沙。湯丸選用黑芝麻作餡，餡料夠熱又夠滑，湯丸的皮很煙韌，非常好吃。我倆除了吃過「乳鴿餐」外，還試過其他菜式