月滿坊 (已結業)

到elements 走走。名店和ifc 的分別不大，沒有興趣。本來到百樂潮州吃飯，但fully booked. 看見月滿坊外面ok，便進去了。OH NO，原來只是茶餐廳。既然喝了人家的茶，便隨便試一試。叫了一桶雞飯。不錯! Chicken Ok，雲吞好好，飯也好味，加上一罐汽水，58HK在elements 叫做好抵。西蘭花味道一般，份量太細，價錢不合理。而粥湯勝瓜蟹好鮮，88HKD 合理。這裡服眄務幾好，不會pushy。下次再試其他。

星期日的下午, 練完歌又想再行一陣, 就來了元素. 當然係無乜野好買, 又唔係發了達. 食飯時間, 周圍都係人, 最後係定了係度等, 等了差不多三十分鐘先有位.係外面等時已定了以下四樣食物, 一坐低即叫.招牌三色腸粉$45: 8分, 有三種唔同的腸粉, 每樣一條, 收$45, 其實都相當貴. 腸粉本身都幾滑, 賣相也覺晶瑩通透, 但少了麻油香, 食落口覺得係差了點點. 面頭的鮮明蝦腸粉, 有三粒大蝦, 也算新鮮, 不錯. 金菇牛肉腸粉就麻麻喜歡, 有點像在吃金菇牛肉卷, 口感怪怪的. 皮蛋元茜腸粉, 清清地, 但係感覺上跟腸粉不太匹配. 其實本身鮮明蝦腸粉收$35, 金菇牛肉腸粉收$30, 皮蛋元茜腸粉收$30, 每樣一條加埋要$45好像不太抵了, 或者單單挑選一樣還比較好.生煎蝦餃皇$54: 9分, 微微煎過的蝦餃皮幾香口, 也沒有過火, 皮係有點點金黃色, 食落口係帶點點脆, 係覺得皮厚了點點, 再薄一點口感會更好. 蝦肉新鮮, 也大大粒. $18一粒, 係不便宜, 不過也值得試試.黃金叉燒包$28: 10分, 一客兩件, 賣相幾好, 金黃色的外表, 真係幾配合黃金叉燒包這名字.

我淨係記得好似食垃圾咁,食物質素差到冇人有,價錢貴到飛起唔在講,仲要用即棄木筷子,超唔掂!簡直係入左黑店。呢度仲有個特色,一路食野會不停聽到好多粗口,正確黎講,係呢度D侍應好鐘意大大聲講粗口,完全當D客冇到。d 咁環境下,我地為有早走早覑 !堆單時忍唔住投訴左兩句,我同侍應講: 你地D service好差,D 野仲好難食。侍應回答: “無辦法啦,呢度租金貴嘛!”絕對係一個好答案啦! 租金貴所以所有野都會好差?!?!「圓方」係一個高級Mall,裡面竟然有D質素咁差勁o既食肆-----映衰個場!! 冇下次!

見到很多圓方的食評都不太好, 抱著姑且一試的心情, 發覺反而不錯。這裡可算是高級茶餐廳, 食物方面, 有雲吞麵、粥、燒味飯、炒粉麵飯, 亦有三文治、豬扒飽同咖啡奶茶。價錢是貴了一點, 但味道還算不錯。燒味雙併配雲吞湯($52) –選了叉燒和燒肉, 燒肉皮脆; 另外跟一碗雲吞湯, 有兩隻雲吞。皮蛋瘦肉粥(~$30) –很好味, 又大碗, 皮蛋和肉片都有很多。珍珠雞(~$30) –只有兩隻, 但味道不錯。白灼生菜($30) –份量不會太少, 亦不太油。至於服務方面, 人手似乎不足, 而且大多是久經驗的年青人, 服務態仍有待改善。

見無乜人等就入左去...(食完就會知點解會無人入去!!!)未夠十一點半, 唔叫得午餐住, 個侍應話唔會幫我地叫定, 驚唔記得落單(其實幾時都唔記得).....於是等夠鐘再叫, 叫左個三色腸粉,炸叉燒包...個侍應話無叉燒包, 於是晏d再叫左個女侍應落賽螃蟹糖醋麵, 等左半個鐘先有三色腸....再催下另一個男侍應個賽螃蟹糖醋麵, 佢居然check完單, 隔住成大張枱同我地講"無落到單wor,落唔落返?唔落下話...."未等我地應佢已經走左, 好過份...於是再問返之前落單個女侍應, 佢話肯定落左單, 再過三四個字, 再催下, 發現真係無落單, 咁都得?!!!落返單, 又等左幾個字, 見到個經理拎住我地叫的野, 但係唔係俾我地, 俾左遲過我地黎既隔離枱....仲見到我地無得食的叉燒包......服務勁差.....

早前去左呢間食野, 見到好似唔錯就入去試下啦, 估唔到, d野食都幾貴, 但係呢個地方, 冇法子啦...入去個陣, 已經冇咩人理我地, 於是就自己搵個位坐低,個日, 叫野個陣, d waiter個個好似好忙咁, 特別係那個陳偉x經理, 見到都當見唔到,後黎我地走個陣, 我仲聽到佢用粗口話d 客tim, 好在佢唔係serve我咋, 不過佢地樓面既服務...唉, 一句講曬, 差到冇人有, 再係咁, d野幾好食都係假我地幾個人試左幾樣野, 呢幾樣係我地覺得最好味:1.糖焟面: d味道好好, 唔太濃又唔太酸, good good2.curry chicken : 好得意, d飯係三角型, 中間放左d chicken係入面, 賣相同味道都好吸引3.貴菲雞: 好好味, 好滑))))4. 炸cha燒包: 好攪笑, 一d都唔油, 好合我地健康既style野食都幾創新, 味道好好!

朋友話到過月滿坊食飯幾好，我一家四口在十月中到圓方行街，晚飯到月滿坊試試，等了十分鐘，坐下叫左一桶雞飯、糖醋面、雲吞面因為朋友話湯在客人面前落，個仔話食三文治，落個豬扒包加堆煎蝦餃。食品味ok，雞飯用桶上特別飯好熱有雞味，糖醋面加入蚧籽口感幾好，蝦餃加炸瑤柱好食，但雲吞面的湯不是在客人面前落，我問經理時，她解釋現在不再會在客人前落湯，我們有些失望，因為雲吞面不錯，但不夠熱。最後古不到有西式甜品，我們叫左甜品及飲品，西式甜品在中式餐廳食到酒店水準，但奶茶不夠茶香味，整體算滿意，只是在享受甜品時有位經理不停講粗口，我揮手想投訴但是沒有人看到，等了一會埋單吧，我離開看見經理的名字叫陳偉明，食物幾好都無用服務和人格太差，不會再到月滿坊。

整個商場的食肆都比較貴, 而且食飯時間排滿了人, 結果選擇了唔駛點等位的月滿坊. 這間食店經營高級茶餐廳路線, 價錢當然高級, 但質素就麻麻嘞.蜆介鯪魚球: 味道普通, 鯪魚球唔夠熱蟹粥: 有一隻細蟹, 當然冇乜肉食. 粥底唔綿, 唔得.金菇伊麵: 普通, 不過有蕃茄生菜伴碟, 有o的奇怪.炸醬撈麵: 好味!賽旁糖醋麵: 麵炸得幾脆, 上海既賽旁蟹mix 潮州糖醋麵再加埋西式既生番茄生菜, fusion得很.一桶雞飯: 雞幾滑. 另送雲吞湯, 雲吞內的蝦不夠爽.埋單要$4xx, 食品質素一般, 冇下次.

昨晚行完elements之後,選了這間比較經濟,3人叫咗:1)賽螃蟹糖醋麵-個麵炸過後入口仍脆身,面鋪了賽螃蟹+蟹籽+番茄+西洋沙律菜,好1個modern版的糖醋麵,撈埋黑醋同糖食,不錯2)金沙蟹粥-用木桶上-粥底甜又綿,友人食咗d蟹肉話甜,幾好3)1桶雞-用木桶上,附上碗迷你雲吞湯(冇粒小雲吞)-d雞唔多肥膏,有雞味,又滑,只是有1件部份未熟透-d飯表面睇好似普通白飯,入口是有味的,1定+咗嘢1齊煮,就唔知喺嘜因個飯1d都唔油,唔黃-不過好多人等,要>8個人才能book枱,而且比位唔flexible,張枱幾多人走就比番幾多人嗰條隊,例如4人等枱,唔會考慮將2張2人枱合併,於是等咗都有30分鐘才有得食-聽到個"枝"客答d客這裡主要食粥粉麵飯。自己暗暗補句- 中國偉大的4大發明!!

I went to FULL MOON yesterday and I ate some noodles and congee. Honestly the food are OK but little expensive. But I think that's the most acceptable restaurant in Elements.

十月三日同螢子去呢個新場行o下，7:15pm 肚餓搵野食，隨便揀左呢間。入去果陣先發覺係聯邦酒樓集團。坐位舒服程度一般，枱 面偏細。食具是不足半隻正常飯碗高度的白色玻璃碗、白色玻璃湯匙和一對用完即棄的木筷子！打開部份推介／主打食物圖文並茂的餐牌（我那本還是有重覆頁数的錯体！），主要供應粥粉麵飯及幾款點心。一看，雲吞麵居然索價２８元一碗。心想此处 水準总不可能比麥文記（$２１）的优勝吧，於是叫了推介食物:煎蝦餃炸蝦丸木桶蟹粥賽螃蟹醋麵木桶蟹粥先來，大约有一隻小蟹，粥無甚蟹味，但味道尚可。食粥期間經理告知煎蝦餃售罄，無奈改點了不知是炸是焗還是煎絷 燒包。真奇怪，剛开业推介食物已供應不繼，失敗！再來賽螃蟹醋麵，咦？造型為何跟餐牌上相片不同（相中是煎脆了的麵底上鋪上白色的賽螃蟹及一粒生的蛋黃），沒有蛋黃，只有蟹籽? 問經理賽螃蟹不是有蛋黃的嗎？，她結結巴巴的説：或許我們的師傅的做法不同。我指出: 有蛋黃的造型出現在你們的餐牌喎！她只能説：我会 反映o下，多謝意見。麵底普通脆但較碎，伴碟的沙律菜居然用黑醋伴過，好特别！但更特别的是賽螃蟹醋麵沒有醋，正想追問，才有人補回一碟醋。整体味道一般。炸