普慶餐廳

营业中

休息中

很久沒有食自助餐，因不想隨意食多左，其實又唔係因為好好味，所以今次揀左好耐，上次食已是洲際了。大年初一，都算滿座，只有一枱吉，全家怉有期望開餐，首先，海鮮，有2款生蠔，size較細 但鮮味也可接受(中上)，長腳蟹有驚喜()，龍蝦無味(下)，其他海鮮有不少都一般啦。之後剌身，5款吞拿魚和三文魚，我主力帶子，大粒，唔加醬油都鮮甜()，牡丹蝦都很不錯(中上)，油甘魚更是我至愛()。号要介紹咖哩及蟹粥都不錯，而甜品真係幾失望，所有cake都唔靚又唔太好食，但雪糕確實爭取返唔少分，因味道不錯及口味很多，牌子就唔識。總分都係中上，而且待應一直帶住口罩又好手快，最後，還每枱拜年

今日黎左佐敦逸東酒店食Buffet 慶祝媽咪生日🥳~ 見網上好多人推介所以忍唔住黎試下係咪咁正!😛自助餐款式多多, 分左6個區域: 1.前菜(凍海鮮、沙律、芝士)🥗2.西式(燒雞、肉眼、意粉、湯)🍝3.日式(串燒、天婦羅、壽司)🍣4.中式(中湯、炒蟹、片皮鴨、海南雞飯)🦀5.東南亞(湯麵、粥、燒蝦）🍜6.甜品（蛋糕、自制窩夫、炒雪糕、movenpick)🍰聖誕黎食仲有Christmas 主題甜品食😍整得好精緻除此之外, 醬汁都有唔同比你簡, 食物味道唔錯, 個人推介生蠔同片燒蝦同片皮鴨, 正~~岩哂一家大細有唔同口味一齊黎食, 咁多樣野總有一款岩胃口🥰

普慶算是我系香港食過最好食的一餐自助餐 冷盤方面，有生蠔、龍蝦、長腳蟹以及麵包蟹。其中麵包蟹的殼有滿滿的蟹膏 非常滿足熟食方面，種類太多，較為特出的是燒虎蝦、燒龍蝦🦞以及咸蛋蟹粥。都很出色👍🏻甜品方面，有我最愛我焦糖燉蛋以及非常多口味既雪糕🍦。 餐廳更有設炒雪糕呢！整體非常滿意，員工態度極好，由於係燒龍蝦部門的員工，非常有禮以及主動夾食物給我們☺️ 是極少有餐廳做到既窩心行動👍🏻 其次收碟的員工，非常勤力以及常常幫我們加水，最後自助餐快結束時，會有一個有禮的員工問我們今日用餐如何、食物質素如何！？ 但由於餐廳一切都太好了，所以都沒有什麼意見可以反映喇～多謝餐廳給了一個偷快的晚上給我們☺️ 會再回來吃的！燒龍蝦🦞焦糖燉蛋❤️

由於本人較懶的緣故(打臉)，依家先一次過整理幾篇食評，其中一間值得寫嘅就係呢度嘅movenpick雪糕火鍋semi-buffet 鹹點方面選擇相當豐富，既有炸雞、芝士長通粉、mini-burger, nachos等等，亦有中式點心，輔以特色飲料如涼茶等，叫做同甜品部打個和。因為是次buffet主打movenpick雪糕，本人當然唔會錯過各款獨特口味，其中creme brulee同cookie n cream更係本人all time favorite,食多幾球都唔怕滯另外rum raisin都ok的，襯埋半溶嘅白朱古力甜酸適中..至於其他甜品如各類mousse cake,撻同曲奇、Madeleine都有水準，真係食兩個鐘都唔夠喉~同場加映仲有vanilla yogurt,軟稔稔酸酸哋正好中和返口腔嘅甜味，為今餐劃上完美句號。

Eaton Hotel 翻新左之後我地都無黎過依間位於 basement 既自助餐餐廳，大概$370 食佢既自助午餐，價錢不算貴，但係黎到真係覺得物超所值。首先講講海鮮，因為香港人最鍾意食，同埋成日覺得食依啲貴價唔飽嘅嘢先至算值回票價，咁呢間自助餐真係OK 㗎，因為佢海鮮真係有好多選擇。佢嘅生蠔即刻開，一個人負責開，另一個人就即刻拎住啱啱新鮮開嘅生蠔去水喉度洗，法國既生蠔細細粒，相對比較鹹，但真係好少肉，我食左十粒先感到滿足。蟹腳蟹鉗小龍蝦青口全部都好有鮮味！魚生部選擇唔多，但有我至愛既鯛魚同希靈魚！好多漬物！我發現呢間餐廳好多細節位，譬如佢啲羊肉牛肉隔離會擺埋好多好多唔同嘅配料啦，唔係剩係得正常餐廳會有既 pepper and honey mustard ，會有埋啲夏威夷海鹽呀咁。唔太好嘅地方就係啲嘢食散修修，依度一個 counter，轉個彎又有另一個咁，煩煩地。佢仲有新鮮現炸天婦羅，不過佢 refill 既速度不夠快。雪糕是 Movenpick甜品都好多選擇，味道正常，呢個火龍果tart未見過有人整，幾特別。總括來講算係一個好多元化嘅自助餐，不錯。

🎄🎅🏻Merry Christmas! 聖誕節唔知食咩好，最後選擇左💛自助餐🤣（屋企人最愛，但其實真係食唔到幾多野😥）·今次試💛普慶～我地食過咁多間自助餐，呢間都算多選擇👍🏻空間感又大，行黎行去幫助消化😆魚生/🍣/冷盤/生蠔/🦞/🦐/🦀/🍤/🐮/熱食/燒烤/甜品～咩都有！但甜品就麻麻地🤫不過Mövenpic雪糕同埋自製格餅完勝🤗·📍The Astor佐敦彌敦道380號香港逸東酒店B1樓層

今次嚟到佐敦呢間海逸酒店，普慶自助餐聖誕晚餐！大約每位價錢連+1服務費差唔多$900。以往都係媽咪請我同妹妹一齊去食聖誕大餐！今年輪到我同妹妹請返媽咪佢哋食！特意挑選今晚呢一間海逸酒店！話說對上一次同朋友嚟食過！真係大開眼界！地方大夠寬堂而且食物位置唔侷促！對比起好多酒店迫迫夾夾，呢度真係有驚喜！講返食物，選擇亦非常之多！海鮮類！有大青口，新鮮嫩滑。藍青口，長腳蟹，花蟹，仲有琵琶蝦，仲有一款蟹唔記得咗！龍蝦一定唔少得！仲有龍蝦鉗！仲有五款生蠔！海中蝦，虎蝦！海鮮種類真係非常多！輪到聖誕特別推出燒乳豬！我想講呢個乳豬超級無敵好食！另外到咗其他款式嘅肉類， 有和牛，威靈頓牛！燒雞。。。。下冊1000字！哈哈好了，輪到甜品！有好幾款聖誕特別蛋糕！窩夫，仲有十幾款名牌雪糕！我都唔講咁多總之你哋去到一定有驚喜！推介！

好耐冇食過自助餐，今日興起試吓普慶餐廳，佢有即開生蠔、又有龍蝦同埋蟹腳，賣相同味道都唔錯。牛扒生左少少，不過可以同廚師講叫佢煎熟啲，估唔到佢有聖誕火雞，比想像中滑溜，聖誕火腿配埋菠蘿食，Perfect match！夜晚有海膽手卷同埋一啲特色壽司卷，都唔錯，天婦羅要即叫即炸，所以要等耐啲同埋都會有人排隊，我哋就冇食太多。中菜嘅燒味有驚喜，燒腩仔皮脆！燒烤海鮮方面當晚有大頭蝦，我哋一人都食咗一隻👍甜品方面最開心嘅事有10款movenpick 雪糕, 另外都有啲聖誕嘅甜品，唔錯。 最欣賞嘅係員工嘅服務，收碟快、有禮貌，會問吓我哋對今晚嘅食物有咩意見，讚！

12月14晚去埋單$700一位早半年前去過有龍蝦，有3款生豪，麵包蟹蓋任拎吾嬲其他菜式大概差不多但今次貴了，為左麵包蟹蓋而去點知沒有麵包蟹只有一堆蟹鉗如果只有波士頓龍蝦同生豪出面大概$500都有完

今天和家人吃自助餐，🏠庭聚會，所以預咗兩個紅包給長輩，因為乘電梯時，老公未入電梯，電梯已經關門，於是在電梯旁等，等了好一會兒，仍然未見，所以取電話出嚟與他連絡，就未有注意掉了一個紅包。到座位時拿出來，才知道不見了一個，唯有硬著頭皮再去銀行取錢。回到飡㕔才知道有服務員拾了紅包，他們跟我確認了，就完璧歸趙，實在太開心，也十分感謝他們給我送上的驚喜🥳🥳🥳說到這餐廳的自助餐，種類選擇多、食物味道美，更重要的是服務態度好，盆子更換十分勤快，所以我十分推薦一家人來，可以各適其適的吃，重點是價錢十分合理

我最喜歡普慶自助餐內裡的環境佈置很懷舊，特別座在中空位置，感覺很舒服。眼見每一位之工作人員帶著微笑工作，待人親切及有禮，另特別欣賞經理 Walter 對每檯客人之親切態度及有禮待人。食物方面，我最欣賞晚餐時段，有三種不同生蠔享用，蟹，蝦，棘身亦很新鮮。冷盤/熱食/甜品亦不錯。我短短在三個月內，已經帶了五班不同親戚/朋友去慶祝生日飯局。每次都很感激Walter 親自幫我安排訂檯及生日蛋糕。感覺實在太好了。👍👍👍

慶祝爸爸生日所以去咗普慶餐廳慶祝，餐廳做緊一個聖誕主題推廣，所以佈置都好有聖誕氣氛。因為近期香港環境動盪，餐廳特別做咗一個甜品擺設重寫上"香港加油" ！食物種類很多選擇，環境乾淨，餐廳地方大，樓底高， 但座位有啲密，坐得有啲唔舒服 。員工服務態度很好。講返食物方面，有凍海鮮：包括長腳蟹，小龍蝦，藍青口，麵包蟹，波士頓龍蝦鉗，海蝦，虎蝦等，選擇好多，最好食係長腳蟹好有海水鮮味，波士頓龍蝦D肉好彈牙。即開生蠔有3款，雖然唔係太大，但係好有海水味。另外還有西班牙黑毛豬，火腿，芝士，沙律供應。刺身同前菜亦都好多選擇，仲有好美味嘅海膽手卷供應。熟食方面有聖誕火雞，火腿，燒牛肉，羊腿。天婦羅炸蝦同沙追魚最好味，全部即炸，好正！日本串燒有蘆筍，甜薯，雞肉，雞腎，雞翼等等。香烤海鮮、蔬菜，大頭蝦最好味。燒味方面，燒腩仔啲皮好脆，叉燒好冧。最後就要講到我最開心嘅甜品，淨係Movenpick雪糕都有12款選擇， 重有好多聖誕主題嘅甜品，簡直睇到我眼花繚亂。總括嚟講我個人覺得呢間餐廳食物味道很好，值得推介👍👍👍

酒店自助餐難得有芝士火鍋食，仲要有松露口味，聽到都流口水，梗要即刻book枱一試究竟食火鍋前求其飲碗湯暖下胃，點知幾好飲，淡淡忌廉味襯托出濃郁菇菌香，高分之作松露芝士火鍋光澤吸引，香氣誘人。醬汁口感輕盈不膩，松露同芝士味道平衡，唯獨酒香欠奉。配料方面，白麵包粒同火鍋最夾，包身鬆軟中帶煙韌，沾滿芝士汁一齊食簡直人間美味。可惜薯仔保溫做得一般，有啲入面仲凍冰冰，浸完醬汁變到外熱內冷，口感非常奇怪甜品質素好壞參半，earl grey mousse同cheese tart都幾好，但pancake就無蛋香，bread pudding質感死實實。不得不提，oreo cheesecake尤其難食，伏中之伏。不過其實我有得任食movenpick就滿足，maple walnut口味無得輸總結而言，芝士火鍋好食，其他一律質素平平，食物選擇亦比較少。不過話說回來，價錢人均二百幾，性價比都算高啦

今晚一家12人前來提早食冬至飯，從YouTube 上看過，早已知裝修一般，但仍然堅持試試食物水準，點知全部中伏，冇一樣可以用好味來形容，海鮮一啲都冇鮮味，淡而無味，冷熱暈全部吾掂，一點食物的味道都冇，但其價錢一點也不便宜，根本一點都不值，裝修吾得，食物出品吾得，甜品也不堪一提，招呼又唔得，吾會再有下次管理層應要正視跟著，否則出年都🥶🥶🥶😡😡😡😡😡😡😡😡😡😡😡😡😡😡😡😡

來支持支持黃店，逸東酒店的主張，聽完應該來支持一下。 據知酒店內有4間餐廳，一班朋友聚餐，當然選上自助餐啦。 普慶餐廳在地庫一樓，入酒店大堂後可以行樓梯，慢慢轉落去，為大餐做定準備。晚餐6:30pm才開始，早到了繞場一周，款式好多，而且分隔得清楚，數一數，有冷海鮮、沙律、芝士一個區，西式、印度熱葷一個區，中式熱食區，燒海鮮區，和甜品。 蠔便有3款，還真是用心，在自助餐生蠔買少見少的日子裡，這裡還真是多選擇。沙律款式很多，而且很適合大眾口味，有明太子薯仔沙律(明太子份量很慷慨) 、榛子蘆筍沙律、秋葵沙律、意大利小米沙律等等，還可以自己DIY喜歡的口味。中式熱葷的老火湯很不錯，味道濃郁，火喉很足夠呢! 燒味據說是從酒店的一星中菜廳製作，燒腩仔無得頂，叉燒瘦了一點，但油雞又幾出色喎，而且負責燒味部的姐姐非常友善，落力介紹，真抵讚!甜品有10款movenpick雪糕，又有軟雪糕可以自己裝，蛋糕多以迷你小件為主，難道是因為較易處理?沒有限時，食足3小時，一大班朋友盡興而歸，下次再來試試下午茶自助餐，據聞更抵食!