普慶餐廳

营业中

休息中

12:30pm到達餐廳,生蠔供應南非及紐西蘭,但像雞蛋般大小,每次限取兩隻,太寒酸。羊架燒西冷ㄧ般,魚生三文魚、𩶘魚,八爪魚及北寄貝亦是切得太細,魚樣四小件!其它熱食,燒味及甜品ㄧ般,2:15pm已通知last order,員工全場已趕收工執拾,價錢$378/位,幸好我滿六十減$100為$278加ㄧ為$305。服務需改善,不可太早執拾清場趕客,份量亦需大方些,别太小家。

一入到餐廳，感覺好Food Court Feel，同樓上果層Food Court差唔多裝修，完全無o係酒店high high地食自助餐既感覺，雖然佢唔係最高級既酒店，但加一後都差不多$700一位，呢個裝潢幾唔掂講番食物，種類幾豐富，有：凍海鮮、沙律、芝士、壽司、天婦羅、西式熱點、燒味、麵食、燒海鮮、中式熱盤、甜品；最值得講既係佢既凍海鮮，種類選擇比一般酒店自助餐多，生蠔都有三款即開生蠔，啲生蠔靚就唔算靚架啦，不過都好食過一般自助餐啲大大隻開晒殻既生蠔；除咗生蠔，仲有龍蝦、小龍蝦、長腳蟹、青口、肉蟹、老虎蝦、蝦等，選擇算多同新鮮，不過味道一般，好似龍蝦咁，唔夠多膏啲肉又實又硬，果日最好食既凍海鮮係長腳蟹，有海水鮮味另外比較好食既熟食係天婦羅炸蝦，外皮脆，隻蝦啱啱熟，又嫩又滑口；其他熟食好一般，尤其係個西廚啲野，燒牛肉係自助餐既家常便飯，但未食過質地咁爛既燒牛肉，肉質同味道都似足炆牛腩而甜品方面，都幾吸引，唔算特別好食，不過有十幾款Movenpick雪糕，算唔錯不過我最唔明既係，作為一間酒店自助餐餐廳，點解要用呢啲碟比客人裝食物呢？仲要有咁多崩口？？？ 總結：食物、環境都一般，一定唔值差不

家人生日，上open rice 搜尋一下有沒有新自助餐地點推介，發現了這間普慶餐廳好評如潮，決定一試。餐廳地方十分寬敞，樓底高，座位亦多，以懷舊風格來裝修，頗有特色!食品區域分別設於餐廳不同位置，所以取食品時人流都十分流暢。食品款式方面，真的十分豐富♥️✌，令人目不暇給!海鮮區有波士頓龍蝦、青口、長腳蟹腳、東風螺、大蝦、幾款蟹和3款(澳洲、南非和新西蘭)生蠔。我推介波士頓龍蝦和生蠔，龍蝦肉質爽，充滿紅彤彤的蝦膏，而生蠔新鮮又味美!!!每人每次限取3隻，長期出現人龍，必食。熟食方面，有日式燒烤、炸物、粉麵、中式點心、燒味、印度咖哩、燒牛扒、中式小菜……如果不食生冷食物，都不怕無啖好食。另外，還有沙律、火腿、芝士、中西式湯……應有盡有 日式食品方面，前菜、冷麵、壽司和刺身，全部齊全。由於我實在太飽，所以只吃了帶子和三文魚刺身，帶子粒頭大隻，味道很鮮甜推介。甜品方面，不知當日天氣是否太熱抑或餐廳開放式雪櫃唔夠凍，甜品控的妹妹一開始7點就取來甜品，已覺得有點溶化的情況。稍後，我取的蛋糕，忌廉仍然有溶化的感覺，所以味道和口感都沒有好評，希望餐廳注意一下。雪糕方面，有好多款式，✌✌，大驚喜，讚!!總

今日來到逸東酒店，新裝修之後第一次來，感覺好好，《普慶餐廳》用了以前戲院的名字，樓底高，裝修以香港地道風格為主，香港人會特別喜歡。先行一圈，發現這餐廳buffet食物種類真真多，最受歡迎的是即開生蠔，共有三款(產地)輪流放兩款出場，每人限取兩隻，keep住有人排，其他食物包括：魚生~好特別會有三文魚子，天婦羅、沙律、凍海鮮蝦蟹，湯麵~有我喜愛的喇沙，今次試咗雞油蝦子撈麵，牛扒~燒得剛剛好，羊架也不錯，試了一件，海南雞飯都好出色，仲有燒味，另外想試湯，但朋友話麻麻，試咗麵包，外脆內軟，正！甜品包括多款雪糕也很受歡迎，有比較少見嘅焗西米布甸。

是次慶祝姨甥女生日，被家人介推下就訂了位，去到餐廳，自己都覺得好興奮，望見有很多地方都是取食物，先看到是燒牛，烤羊，然後又有海鮮吧，最特別lunch time都有生蠔，然後再兜了一個圈，還有沙律，芝士，海鮮湯，燒物等等...無意中又再發現刺身，炸天婦羅，中式點心，我自己到今日仍然對那麼多食物而感到興奮🥰我自己都覺得這家食物味道也不錯👍🏼👍🏼👍🏼值得推介這次都座無虛席，取食物時也不覺得很逼，還覺得有很多空間給我取食物🥰

好耐之前黎過一次覺得very good ..對佢地d海鮮同home made chocolate with nuts念念不忘..所以今晚決定再戰！唔知係咪蟹做主題？今次好多款蟹？tbh..我覺得咁多款蝦蟹...得龍蝦...蝦同長腳蟹係ok...其他幾款蟹可以pass 利申...食左3隻龍蝦..即係6邊是晚生蠔有3款...即開..但水準一般當晚有強國人最like ge小龍蝦...熱同凍盤都有...我pass呢度好多西式side dish...全部都高質...好啱我口味..特別係個cheese spinach !最後到甜品...好多款..但無左我最想食返d自家nuts朱古力so sad 今次返黎有小小失望...無第一次黎咁有驚喜...但每人$680...有龍蝦有生蠔..仲有好多野食無影...我係會再黎

朋友生日食lunch buffet,12點前可以先入去坐住.個場好大唔似一般場咁迫.海鮮部份係蟹唔出色,唔係一般嘅靚蟹,最基本嘅長腳蟹都無.影張相就算,試都唔想試.下次都會再去💖都有80分

同朋友聚會，朋友提議去可以坐耐少少又多野食既普慶Tea Buffet，感覺唔錯一於去試下！地點易搵，一去到見到枱巳經放左兩個朱古力火鍋，一黑一白，水果係自助區取，感覺好特別～水果選擇亦多！再行一圈，原來地方都幾大，而且有一個Area係飲品區，除左基本汽水檸茶等，仲有怯毒水，芝士奶蓋等等真係幾喜出望外！沙律熱食都好多款，而講到甜品區，有出名既movenpick雪糕，亦有自助雪糕機～糕點甜品，甜度適中，款式亦多！呢個價錢又估佢唔到咁多食物款式提供，單單有朱古力火鍋巳經令人好開心，最重要地方坐得舒服，聚會唔錯既選擇～

因為知道食蟹先至嚟，但說好嘅蟹宴，本身話有多款，但得三款， 得麵包蟹，蜘蛛蟹，雪藏腳蟹。。。麵包蟹。。有冇蟹膏啲蟹肉好削。。。蜘蛛蟹。。 啲蟹肉好梅。。雪藏腳蟹。。 還可以所有蟹供應量不穩，成日都冇曬。。。 到大約7點半左右。。好快已經咩蟹都唔出。。。好失望。。

講真，依家自助餐整體都係貴而回報值唔高，除非真係比貴D價錢🤨 但食得自助餐，绝非一個人食，一家大細食都幾係野但近日發現有間價錢合理，仲要有罕有既即開生蠔食，絕對回本啦！而且有多款海鮮，刺身，天婦羅，大量甜品，绝對超值😋😋

歺廰装飾有懷舊風格，食物種類很多，不同位置擺放不同風格的食物，地方很大，有足夠空間方便取食物，並可做埋步行運動，幫助消化。👏👏還有長者(60歲) 優惠，半肥瘦义燒好味，印度食物有特色，好過去正式印度歺廰……300蚊有埋即開生蠔，抵食!

爸爸生日 一早卜定6位同佢慶祝酒店都好貼心 會之前打黎confirm 仲加錢$68 訂左個拿破崙蛋糕 寫牌 幫爸爸補祝生日爸爸已經係長者喇 咁就可以享用半價優惠食物款多 由12:00食到2:30 佢都會叫你走 因為佢有下一場下午茶buffet 人數比較多 不過可能撞岩星期六好多時拎食物都要排隊連天婦羅佢都會供不應求 都要排更可況係生蠔同刺身有個小插曲 話說我男朋友見到無哂龍蝦🦞就問個經理會唔會再refill個經理話會 但最後佢只refill左藍青口後來埋單既時候 佢有問我地覺得今日服務同食物點我地講番依件事 佢都好好人咁話「唔好意思」同問「洗唔洗而家再整幾隻俾你再食」服務都非常唔錯我訂左個拿破崙蛋糕 🎂 佢地仲會打俾我問幾時上得 好貼心既服務係其他酒店都好似未試過咁安排 熱盤生蠔初時有三款 後來得番兩種開頭個位女士開得比位男士快唔知係咪想控制食量呢？冷盤種類同質素都唔錯沙律款式都多刺身都好厚同新鮮依個waffle好好食 好脆 即整 好多toppings簡！仲有movenpick雪糕畢雪糕個姐姐好好人 好似好想客人食好多隻味咁 唔會介意要幾種味咁！仲加左$88要asahi 好大杯其實六個

感覺麻麻！同朋友dinner buffet 慶祝生日！一到9:30pm 就將所有食物倒落垃圾袋，連一整個未有人食過的cake 到照扱！其實到9:30可以唔refill 食物，比客慢慢食埋剩下的食物！真係冇見過餐廳在客面前將buffet table 上面的食物倒晒佢！我連生果甜品都未食，唔洗咁趕住收工呀！

逸東酒店內的普慶餐廳以蟹為題做緊的自助餐實在太吸引，因此毫不猶豫決定要去食自助餐了。沒有任何的優惠下最後選擇了午餐時段去食，由12pm食到2:30pm，但呢餐實在令我太滿足了！雖說是午餐自助餐，但一點都不hea呢！不論冷盤、熱盤、甜品、雪糕呀樣樣都齊！重點係：有生蠔食呀！而且仲要好好食！食物的款式真係超多，可以說是遍佈餐廳的不同角落呀！甜品亦有超多種類，根本影唔哂！仲有軟雪糕機可以自己唧雪糕，好食又好玩！而且餐廳環境真的是超大，雖然不是走高檔酒店餐廳路線，但是環境都令人好舒服，而且餐具走懷舊風，職員的服務和反應也超快，實在十分滿意，激讚呀

這第一感覺是food count，但是實際上是自助……哈哈！食物質素不錯，只是有些食物苦的，有些食物太硬，但整體想食的食物也不差，可算中等， 不是太差也不算特別好！ 但是服務態度，是十分好！起碼一叫，差不多即刻會幫你做，不用等來等去， 這點是十分喜歡！