普慶餐廳

营业中

休息中

提早一個月book Lunch buffet，見到網上好多好評諗住試下，點知原來係伏，真心唔明點解咁多人推介！選擇少，海鮮選擇少，好大海水味，生蠔細隻又不夠新鮮，蟹好腥。熱食好一般，平價食物，冇一樣係令我想食多轉，刺身選擇少，得五六款選擇，連壽司都冇，唯一係三文魚好食。甜品唔ok，朱古力蛋糕正常，芒果蛋糕超酸🤮水果得4-5款選擇，西瓜冇味嘅，唔知食緊咩🤦🏻‍♀️得哈密瓜係正常。九月做緊優惠第二位半價，兩位連加一六百幾，呢個質素六百幾唔值，真係冇下次🙅🏻‍♀️

沒有無敵嘅海景！沒有華麗嘅裝修！沒有名貴嘅餐具！沒有奢華嘅食物！但有一顆與香港人同行嘅心！呢度就係逸東酒店嘅普慶餐廳！💛💛💛💛💛年紀大咗真係極少食Buffet 了！因為真係唔食得太多了！但應有個小黃人朋友誠意邀請下來作客，所以就應約嚟支持一下啦！因為呢度都真係幾難訂枱的，我哋都只係排後補位置，係即日早上先得知有位，當刻真係幾開心的！可能因為而家做緊第二位成人客人有半價優惠，所以就算係平日嘅Lunch Buffet 都爆成咁啦！因此想食就及早要訂位呀！呢度嘅野食種類都唔算少，海鮮、刺身、熟食、甜品等都一應俱全！而且衛生都做得幾好的，生蠔及海鮮都係排隊由酒店職員遞上的！呢個價錢嚟講，食物質素叫交足功課！服務都不錯！期待下次再嚟呀！

是日晚餐:-自助餐!!!逸東酒店全晒名好"黃", 大概半年自助餐佈置就有"721", "831"有關的暗示!香港武肺疫情時好時壞一直都唔敢出街食飯....直至見到「蝦兵蟹將大鬥法」海鮮主題!!點忍wor..-海鮮海鮮區有好多種蟹(分別係麵包蟹、鐘拿蟹、鱈場蟹、花蟹、三點蟹)，小龍蝦，劏半的波士頓龍蝦，海蝦，生蠔 ，青口等無論幾時去海鮮區都係有好多人排隊，所以職員要經常補海鮮! 可能疫情關係啦，會有塊擋版係海解區隔住食物， 你要邊款職員會幫你夾！職員好貼心咁放冰係隻大碗到，然後你話要咩海鮮佢就夾咩俾你！食左幾次麵包蟹身同鱈場蟹腳同鐘拿蟹蟹鉗～鱈場蟹腳最重海水咸味， 條條腿都好多肉！麵包蟹身無任何膏，但勝左都厚肉！鐘拿蟹蟹鉗係我的最愛， 每一啖肉都好厚！生蠔偏細隻而且唔太重海水味，不過夠滑夠鮮-日式區日式區分為刺身/壽司區 & 日料區。刺身有基本的三文魚, 吞拿魚, 帶子, 生蝦; 壽司就係師傅即叫即整帶子好甜, 三文魚同吞拿魚就無咩特別啦!日料區有多種天婦羅,  串燒, 日式前菜, 日式煮大根!最值得讚的係蘿蔔, 入味, 而且腍, 應該真係煮左好耐!-熱食區熱食區粗略分做三區: 中式，東

餐廳個裝修行懷舊香港風 入去有種80年代感覺 不過佢燈光稍微暗左少少🧐🧐食物有好多款可以揀，我都無每樣食哂：生蠔 好正好creamy好重海水味😝😝三文魚腩好好食🥳🥳鯛魚唔錯蝦天婦羅即炸好好食🙂🙂叉燒 出面揾唔到咁甜😊😊Movenpick 8種口味試哂🙌🏻🙌🏻其他：蟹我地唔識食😲😲海南雞要配飯所以無食到🥺🥺燒牛肉普通🤫🤫總括而言 野食ok 個蠔同三文魚腩特別吸引 加上係黃既酒店 絕對值得一試！😄😄

今次再來吃午市自助餐是因其優惠吸引而來，2位來吃，第二位半價。平均約$262/位。自助餐好多時會看有什麼海鮮吃為抵唔抵的標準。呢度的海鮮有6款之多，生蠔、麵包蟹、波士頓龍蝦鉗、凍蝦、青口、小龍蝦。生蠔有一款雖唔太肥美，卻很新鮮，完全不放醬汁都唔腥。除麵包蟹唔太識欣賞，好似太過冰鮮令其水份很重外，其他的凍海鮮都不錯。燒牛肉都有，可沒想到燒豬腩肉很好味。各種燒味都有水準，燒鵝皮是脆的，义燒亦軟淋。湯：中式是火鴨煲老黃瓜湯粥：海鮮蕃茄粥燒烤：照燒汁豆腐、青口煙肉串、雞髀菇、汁燒鴨胸，日式汁煮蘿炸物：炸蝦、炸蔬菜、忌廉薯餅刺身：三文魚、北寄貝、希靈魚、八瓜魚等，亦有冷麵沙律：雜菜、混合沙律凍肉、煙三文魚、巴拿馬火腿、甜品的Counter最大，包括有5種水果、有成10多款的Movenpick雪糕可選其他有不同味道的迷你cake和果凍、椰汁煑糯米、西米布甸、格仔餅、朱古力、棉花糖、曲奇餅。相當多選擇。

星期天是好朋生日，來到【逸東酒店】旗下的【普慶餐廳】吃個甜品下午茶自助餐慶祝一下。甜品下午茶自助餐提供10多款糕點、水果，亦有即叫即做窩夫。賣點是任吃10款口味Mövenpick雪糕，還包括1杯餐飲，以$120來說，雖然選擇不多也絕對超值。想吃得豐富一點，可加$68-$148，選配一款頭盤及主菜。頭盤西班牙風乾火腿不會過鹹，肉味甘香，伴以火箭菜及哈密瓜，加上松露蜜糖，更添清香。香煎北海道帶子不算大粒倒也鮮美。主菜點了香草烤羊架及烤春雞，2款擺盤及賣相精緻。羊架羶味不算明顯，易入口，五成熟吃下軟嫩多汁。烤春雞細細隻肉質嫩滑，份量剛好Mövenpick雪糕比宣傳中的8款還要多，有：呍呢嗱夢幻、瑞士朱古力、士多啤梨、薄荷朱古力、焦糖、特濃咖啡、楓糖合桃、熱情果芒果雪葩、檸檬青檸、覆盆子雪葩，共7款軟滑雪糕與3款清新雪葩。雪糕櫃有專人服務，既方便又衛生。

今次主題係海鮮為主dinner buffet 。蟹已經有好多種：麵包蟹/長腳蟹/三點蟹等等值得一讚嘅係有專人夾俾你同埋唔會限你要幾多仲要每次都會同冰舖底，非常窩心。啲蟹腳好厚肉，平時一隻蟹腳頂多已經好少第二仲有肉食，呢款第三節都仍有少量蟹肉，新鮮嘅，甜嘅程度就視乎你好唔好彩啦麵包蟹好味。我太遲出擊，所以拎唔到啲蟹蓋食半邊龍蝦就每人每次半邊，鐘意食就要行多幾轉啦。呢個角度睇唔到，係勁多膏，不得了。我仲試埋青口，帶甜唔腥。小龍蝦就無試啦～冷盤又點少冷盤又點少得生蠔，今次係紐西蘭。睇落唔至好食，因為佢沖得好乾淨，唔單至係蠔殼，連少少海水味都無埋，食落竟然帶驚喜，有蠔嘅鮮甜，食埋第二隻連蠔嘅鐵銹味都出埋黎，每人每次限拎兩隻。今日係平日，所以唔駛等太耐，每轉都係7/8個人排。中間會有個限定時段有片皮鴨食，每人兩件，記住趁熱食，我太貪心去拎埋其他野所，凍左啲，片皮鴨無左脆嘅感覺。不過個醬好好食。刺身我覺得帶子同油甘魚最好食，三文魚一般味但勝在都帶度墊底同保持鮮味嘅。天婦羅無索索聲但都可接受。甜品corner值得一提，伯爵茶奶凍同白酒啫喱唔錯，好似成杯飲落去咁。

友人提及到這間普慶餐廳，我也聯想起普慶戲院🎬，但其實很小的時候普慶戲院已經結業。真奇怪，在網上一直搜尋相片，都找不到以往普慶戲院的內裏裝修的照片🎥，因為來到普慶餐廳，發現除了中間嘅着巨大的吊燈之外，還有兩旁竟然有兩大條與小型階磚砌成的棟樑，📽會不會大早是以往普慶餐廳原有的棟樑呢？由於餐廳內裏夠廣闊，因此，即使在疫情下，仍然可以來自助餐，桌與桌之間的距離夠闊，而且食客外出拿食物的時候亦都要戴上口罩😷防護意識都算不俗。員工服裝亦都是現代以及懷舊的混合體，比較高級帶位結帳的，穿着西裝外套，👨🏼‍⚖️得體得來又不會太過正式；其他收碟的，有些就穿着鮮艷顏色的短袖汗衣，上面印有懷舊圖案，懷舊得來又帶點老香港色彩。由於早了一點去到，在等候的時間亦都先外出看一看，發現這兒的自助餐，分區域都分得非常仔細，各據一方，燒烤區、壽司刺身、海鮮、飲品、熱莗燒味。生蠔外型細細隻，寫着是紐西蘭的生蠔，不太大、都夠肥美，質感都算實淨而且有點鮮味。麵包蟹比較細件，而且有不少蟹殼，後來店員給了一個蟹蓋，那就比較好，因為可以吃到蟹膏，蟹膏其實都不算味道濃郁，普普通通。小龍蝦更加細小，拆開之後應該都沒有什麼用，因此都沒有試；凍

酒店嘅自助餐通常都好豐富，逸東酒店嘅The Astor都唔例外。疫情期間，餐廳衞生都做得唔錯，出去攞野食都要帶上口罩，到食野嗰陣先可以除。最值得推介嘅係海鮮，選擇好多，而且好新鮮，生蠔都係即叫即開！其他海鮮仲有青口、長腳蟹、龍蝦、麵包蟹等等！其中最深刻嘅係龍蝦，一攞就已經有半隻，淡淡肉，食落都幾彈牙。至於剌身方面，種類都算幾多，切嘅厚度又幾厚，真係爽。掛住食海鮮都唔記得影其他食物添😂 但整體黎講，生熟食物一應俱全，而且食物都補充得幾快，完全唔需要搶，一定要試！.............................. 普慶餐廳地址📍: 佐敦彌敦道380號香港逸東酒店B1樓層總評分: 8/10.............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️抵食💰: ⭐️⭐️⭐️⭐️

限聚令晚市禁堂食，而普慶餐廳改攻lunch buffet 做第二位半價，價錢算係合理。變成二人一場之後原本寬敞嘅餐廳變得咁梳落。自助餐嘅海鮮有整開紐西蘭生蠔，淡水小龍蝦，普通青口，凍蝦，麵包蟹。凍海鮮方面麵包蟹蓋爆膏鮮甜，非常正，生蠔細細隻但算幾鮮甜唔錯。剌身就失色，只得三文魚，八爪魚，醋青魚，北寄貝，立魚，我就淨係食咗立魚同北寄貝，都算合格啦。肉類方面有肉眼扒，豬腩肉，羊架，三樣質素都好平均，樣樣都幾好食。而中湯同西湯兩款都幾唔掂，中湯勁咸，忌廉湯溫度只係暖嘅，飲兩飲變埋凍湯👎🏻甜品都係亮點，尤其係芒果布甸同貴價雪糕配脆窩夫，由於太飽我無食蛋糕啦計左第二位半價之後埋單$650有找，服務態度正常。

Fam was in town for the holidays, so I took them to The Astor at Eaton Hotel for their Christmas lunch buffet (yes this was a while back). I've been to their trendy food court before, it was great, but this is another level of great! It was mind-blowing to say the least! 💥 Decked out with a Cha Chaan Tang vibe, the restaurant has 7 live cooking stations each serving different international cuisines. Knowing me, my fav one is obv the seafood station. Their Boston lobsters, fresh oysters, snow cra

今年父親節嚟咗呢度食自助餐🍽其實自從疫情之後都成年冇食過自助餐而家(父親節嗰陣)情況好咗少少所以先夠膽食呢度環境同平時嘅酒店自助餐好唔同行懷舊風, 都幾特別~食物選擇都幾多, 除咗平時都會有嘅食物, 仲有比較少見嘅韓國菜 (e.g. 炸雞, 薄餅), 泰國菜 (e.g.各種泰式串燒🍢), 台灣菜 (e.g. 滷肉飯, 滷味)等等餐廳會定期feature唔同菜式~特別推介✨- 長腳蟹🦀 算多肉, 味道偏咸但個人可以接受- 章魚小丸子🧆 / 大阪燒: 熱辣辣，外脆內軟好好味😋- 甜品🥰: Apple Crumble🍎: 唔會太甜，味道剛好🥰 waffle/ pancake🧇🥞: 試咗香蕉+nutella pancake, waffle就落咗花生醬, 即叫即整好好味 仲有海量嘅movenpick雪糕🍨💕衛生方面:因為而家疫情嘅關係, 所以每次出去攞嘢食都要戴口罩😷 雖然有少少麻煩, 但係我覺得可以保障返大家嘅安全👍🏻整體用餐體驗唔錯, 都算值得一試😊

同其他酒店嘅自助餐唔同，呢度嘅自助餐明顯走貼地路線，貫徹返成間酒店嘅親民格調。入面嘅座位算係隔得幾開，而侍應就係著T Shirt，所以印象冇其他酒店咁高級嘅服務。至於嘢食都幾多選擇，海鮮、魚生、甜品、麵食、亞洲熟食呢啲就一定有啦，最驚喜係佢有埋日式串燒同埋泰國炸串，都幾好味架！鍾意食海鮮嘅話呢度都算唔錯，佢有龍蝦、生蠔、蟹腳呢啲都有齊，味道都新鮮；不過每次佢會建議只係拎少少，所以想大食一餐嘅就要行多幾轉，不過我個人就幾welcome呢個理念，咁就唔會眼闊肚窄浪費食物。甜品嘅話呢度都係細細件，唔算好多選擇，不過都有心機同好食嘅，唔係HEA貨，雪糕仲有唔少味道揀添～我都算係幾滿意。整體感覺呢度叫做精品一啲，有唔同類別嘅嘢食，但每類都係得幾款選擇，不過就用心製作嘅。要講唔好嘅話，希望野飲選擇可以再多一啲，有埋果汁之類就最好，因為而家全部都係珍珠奶茶、龍眼冰之類嘅特飲，唔係人人都岩飲。最後嘅感想係，如果平少少會更好，始終格調唔係走高尚路線，希望價錢都可以更加親民。

I read many articles suggesting it is a good buffet restaurant and I watched YouTube in which youtuber said it is very good too. Once I stepped into here 6:30pm 9July for dinner buffet and felt that it is much below normal standard place for buffet. Lobster is cold with no taste meat, oyster is small limited choice of sushi and sashimi. The restaurant looks same as staff canteen using very cheap tableware. Food is bad, place is bad. Only services can meet a good restaurant but not hotel.I wi

一直也經常會去不同酒店食buffet , 預早一個月前訂座，滿心歡喜的期待，凍海鮮質素奇差，蟹腳、龍蝦、蠔也沒有味，還有需要排隊等職員配給的！ 燒牛肉普通，不知道她怎麼會切整份牛扒最尾極鞋的部分給客人，看了也沒有胃口，鹵水雞翼不過不失，刺身選擇只有帶子、三文魚，還有一款不知道什麼魚！每人只配給一杯飲品！沙律菜也有苦味，粟米也沒有refill ! 雪糕是movenpick 的最正常！甜品也沒有心情吃下去！全枱人失望極了，$ 618 另外加一，這個質素絕對不成對比！相信連大喜屋也比這裡質素高！