普慶餐廳

营业中

休息中

餐廳：普慶餐廳 (佐敦)地址：佐敦彌敦道380號香港逸東酒店B1樓層香港人消費緊係要作出最明智嘅選擇🇭🇰，最近去咗eaton staycation，緊係唔可以錯過酒店B1層普慶餐廳theastorhk 嘅breakfast buffet啦😎普慶餐廳拎咗Openrice嘅優秀自助餐獎項🏆，相信一定有佢出色嘅地方，早餐價錢原價$200再加一，不過連住宿或者某啲機構嘅員工另外有優惠(例如醫管局)，所以今餐計埋加一都唔洗$100😍，好抵食餐廳裝潢豪派而且夠寬敞，有種歐式建築味道🤩，職員帶完位👩‍💼，坐定定果陣就問需唔需要茶或者咖啡☕️，作為coffeeholic緊係二話不說揀咗咖啡啦，值得欣賞嘅係佢地用咗壓榨咖啡嘅器皿，可以自行按壓咖啡碎豆增加咖啡醇香😋，而淡奶都係另上，比你按喜好添加The Astor成層設有七個食物專區，亦有師傅即席烹調多國美食，比較特別嘅係有唔少特色香港地道食物，例如雞蛋仔、魚蛋粉🍜、點心🧆、樽裝維他奶等，見同場都有外國人享用緊早餐buffet，真係一個好好宣揚香港文化嘅機會🇭🇰我total就拎咗4輪嘢食，其中多國嘅麵包🥯、雞蛋仔，同埋即叫即整嘅奄列都令我好滿意👍🏼，軟餐包

聽朋友講普慶ge自助餐好正，依家咁岩又做緊海鮮主題ge自助餐，合晒我地心意入到去真係好多人啊 啲位有少少迫但都可以接受啦! 啲職員都忙到首先梗係行一個圈睇下有啲咩食啦 再計劃下食邊樣野先行完都係覺得海鮮最吸引 有長腳蟹、生蠔、波士頓龍蝦、龍蝦仔、青口...食落好新鮮 肉質鮮甜又爽口 淨係海鮮都encore咗3大碟!當然仲有其他冷盤同熱盤啦 味道不過不失 最回味反而係個湯 感覺上無咩味精~甜品的選擇都幾多，不過都最後都己經飽飽地，試唔晒全部，最後係集中試晒10種味道嘅Movenpick雪糕 回返晒本啦 哈哈!總結係值得一試ge，呢個價錢唔平 但起碼叫值回票價~~

打左好多次電話都冇人聽，原來要用whatapps book位，同朋友食過dinner buffet,五百幾六百幾蚊好唔值，好多buffet 好食過佢，以後唔會再黎，熟食又小款色，生蠔又唔係即開，仲要食完龍蝦refill 得勁慢又小，冇下次

星期五的放肆。大開殺戒，各蝦兵蟹將小心睇路🐙🐚🐟🦀蠔比較細隻但味道尚算鮮甜，但唔夠我甜😘中湯有驚喜，真心老火，老過我呀公😝Sushi 普通過我屋企啲basic tee 叉燒都做得唔錯，唔會太甜又夠口感甜品有我最愛既毛分平（Movenpick）仲有得食軟雪糕，雪糕，雪糕🍦🍦🍦#卡路里爆表 ＃又係食左先減＃又係我Vivian大叔＃EatonHotel＃唔係扮空少來見工＃foodhk

見到好多人都去普慶食buffet，今次終於到我去食喇，今次食晚市buffet, 第一輪去拎左龍蝦、面包蟹、長腳蟹、三點蟹食，龍假都多肉既，面包蟹就無咩肉無咩膏，三點蟹非常細隻，食落去係無咩味既，長腳蟹反而有鮮味，之後拎左生蠔食，每次可以拎兩隻，生蠔反而有驚喜，雖然係細細隻但每隻都好鮮，所以都拎左好多轉，刺身就一般般喇，三文魚係有D Un 仲要有根既，但反而油甘魚都香口，但就好細片。之後就拎左片樣鴨食，都好香口，然後等8:00去拎左個火焰雪山食，都好creamy，總括嚟講不過不失，但服務員態度好好，每次食完好快會幫我地收好哂D碟，每次拎海鮮都會有好多冰喺底，確保食物新鮮，價錢黎講都係一般般，味道質素有望提升。

見好多人推介.咁岩我媽生日去試下.但期望太大.星期日$618一位加一咩折扣都無連生日蛋糕都要加錢當晚個場坐唔滿人侍應收碟比較慢一開場無耐海膽手卷就話無晒壽司師傅態度神仲要好差海鮮生蠔仲要限住咁俾你生蠔都幾新鮮，長腳蟹第一輪唔錯之後好咸,龍蝦都ok又無咩人排隊.唯有再排過熟食就一般.甜品無樣好食

突然心血來潮好想食自助餐，其實想黎呢間野好耐，本來想食午市自助餐，因為呢度既午市自助餐出名好平，不過最後都係夜晚先得間。呢到既食物真係令我幾滿意，首先係長腳蟹蟹腳，味道真係非常之鮮甜，生蠔都吾差，雖然吾係好高質，但都合格。之後大蟹鉗係必食冷盤之一，個人認為真係超級好食。另外佢地既魚生亦非常新鮮。熱食我會推介西冷牛排，冬陰公金邊粉。甜品方面推介芒果布丁。

今日慶祝家人生日，去左都幾出名既💛酒店食自助餐，可能出名，所以咩信用卡/生日優惠都冇。🐒凍海鮮類當日有龍蝦，蝦，蟹腳，生蠔，琵琶蝦，小龍蝦，麵包蟹腳，青口除咗青口無試，其他質素都OK，但當日生蠔偏細隻，個人最鍾意龍蝦同蝦另外都有刺身同壽司，刺身得四款質素都可以。🐒熟食熱葷類選擇種類多，質素都正常。🐒甜品類甜品area細，但都應有盡有，質素都稱得上酒店水準，另外有movenpick雪糕，不過拎咗兩次都比錯雪糕，如果擺出嚟指應該會好啲。Total食左3個鐘，餐廳都有keep住refill，$528一位未加一，價錢對得住質素！❤️

想試依間餐廳好耐嫁啦！本身都話冇晒位，我留咗後備，又真係比我等到有人棄單💛💛🥰🥰🥰今晚個主題係蝦兵蟹將之夜！唔洗諗，海鮮區域係最多人聚集嘅地方！酒店提供鐘拿蟹、三點蟹、長腳蟹、麵包蟹、小龍蝦、龍蝦、青口同蝦！由於衛生原因，會有職員負責裝一兜海鮮比你，下面會有冰墊底。不過，唔知點解冇咗三點蟹，但唔係太大問題，三點蟹相比其他海鮮又唔係太吸引😂😂！個人認為最好食係長腳蟹，麵包蟹都真係好多膏好好食😍生蠔每個人可以每次拎兩隻，產地係紐西蘭，同樣有冰墊底保持新鮮！雖然唔係好大隻，但比起啲冇味嘅珍寶蠔，個人認為比較好食。不過，依種蠔會相對比較偏重海水味魚生部份正常，雖然冇咩特別大驚喜，但我今餐主要食海鮮，所以都係試咗少少姐。每個款式每次可以拎兩塊，一樣有冰墊底👍🏻cold cut款式唔算多，但每樣都幾好食，隔離仲有幾種芝士俾你揀甜品係我比較期待嘅一部份，佢提供嘅款式都好多，所以我淨係試咗少少姐。最特別係個焦糖燉蛋係咖啡味😂其實隔離仲有提供窩夫、即整法式薄餅、菠蘿金寶、朱古力批同自助軟雪糕同椰汁黑糯米，不過食評最多放12張相，不能盡錄特別要留意佢有提供10種味道嘅Movenpick雪糕，一定要試呀！！

一直很喜歡吃 buffet, 看到有人推介呢間 buffet 食物款式多，便拉着朋友來陪我一齊吃呢間 buffet入到去的裝修風格很懷舊，座位似茶餐廳及 food court 的格局，與一般酒店 buffet 的環境大相逕庭但入到去見到食物分開類型擺放，劃分了好多位置放置食物就知道食物款式真係好多，簡直花多眼亂吃 buffet 前先吃一點水果消化下龍蝦都有兩款煮法，而且 refill得好快，不用怕被人拿完吃不到，這個是要讚的地方，有些酒店的 buffet 遲遲不 refill 食物我個人比較喜歡吃原味的龍蝦， 加了沙律醬的龍蝦好像沒有那麼好吃每人包一杯餐飲 雪糕味道也有很多可以選擇，味道不錯，不會太甜總體來講，呢間餐廳款式幾多，食物不錯，如果對環境要求高的話，呢間 buffet 可能不太適合，但就食物質素而言是比一般酒店多及好的

尋晚第一次食呢度嘅buffet，食物整體ok， 但龍蝦西冷牛扒都overcooked， 好嚡好韌。 只有生蠔有驚喜好味。但今次食評嘅重點係員工待客態度，比佢地嚇呆左。坐係我隔離枱有分開坐兩枱嘅朋友，為方便傾計，佢地將張抬移近少少。過左一陣有個類似經理嘅男職員氣沖沖攞住把尺走去量度距離，好惡同黑口黑面話佢地。我睇到Ｏ哂咀，個客當然有錯係唔啱，作為一間酒店職員但態度好似茶餐廳侍應巴閉囂張唔怕得罪客咁款， 其實說話用詞表現可唔可以修飾一下客氣d呢！另一位女職員都世界級，佢好倔同我地講:「 buffet 9:30完，係就快d去攞埋佢」，聽完個下呆左比唔到反應，食過Ｎ次buffet第一次聽到咁嘅用詞。但之後我地都爆笑左點解咁講嘢嘅。兩件事兩個員工，對呢間酒店已打左discount，差唔多價錢、食物質素好、服務態度佳嘅buffet仲有好多選擇。服務態度被迫俾一粒星， 如果有負數我會揀「負5星」。講出嚟係想酒店知道員工嘅溝通技巧同態度出左問題，希望能夠改善用詞對客人作出應有嘅禮貌。始終再咁對客，幾好食都唔想再嚟受罪。利申: 我絕對支持社交距離，亦好欣賞 餐廳認真執行，但要婉轉有禮至係待客之道。p.s

今次自助餐 $568 再加一 6個人食 埋單都唔係平原本好期待 但食完一次之後 一定唔會再黎呢個價錢黎講 款式十分少 亦唔夠吸引主題係蝦兵蟹將冷盆的確比其他自助餐多刺身味道不錯 三文魚 帶子 都好鮮甜但其他就mama地 生蠔唔係即開 睇落都好瘦 食落去唔算腥 但都未去到好鮮甜龍蝦肉好硬 痴住哂係殼到唔夠新鮮同嫩冷盆黎講 個人覺得蟹腳係好食熟食無咩款式 亦唔吸引無咩係好有興趣食甜品方面覺得伯爵茶奶凍好食其他就普通了總結黎講以呢個價錢絕不推薦比大家！

看到blogger 推介 便相约朋友試下。首先電話長期沒有人接聽 打左3次终於接通 但只有2星期後才有位 照book。準時3時去到 入去一看之下食物款式非常少 範圍不太 但餐廳全full的。拎左第一轉試吃 味道非常普通 尤其是窩夫 大失所望 廚師即叫即整 但一整好立刻用手拎起剪開4份 當然有戴手套但看上去不太衛生 每人拎1至2小份 窩夫非常之薄 沒有任何味道 就是麵粉……其他迷你蛋糕、cup cake 、牛角包及水果也十分平凡。沒有再取第二輪食物了 完全夾唔落手。結論: $120另加一 這價錢可選擇其他餐廳。

今次慶生特登提早一個月訂位，職員打電話confirm booking 嘅時候好有禮貌，而且佢知道係慶生就推薦咗佢哋嘅拿破崙蛋糕，價錢唔貴但係份量適中而且好好味，仲包寫生日牌，抵過買出面嘅蛋糕。食物方面，食物選擇幾多，因為食物擺放都算分散，拎嘢食唔會好迫，職員動作都幾快手，唔會排好耐隊。最滿意甜品，多選擇而且高質，現整嘅crepe好正！最可惜係飲品只係得一人一杯，唔知有冇得加錢任飲。可能係因為個主題，當日唔只普通咖啡茶選擇，仲有珍珠奶茶、青檸梳打之類嘅選擇，都算有驚喜。可能係疫情關係，當日嘅生蠔係開好咗，師傅喺雪櫃拎出嚟清洗俾人，如果係即開味道應該會更好。其他海鮮刺生都冇咩大問題，中規中矩。熱食最推薦即切牛扒，熟度啱啱好，而且好多醬汁可以揀。最值得讚許嘅係職員服務，每一位員工都好有禮貌同服務周到，拎生日蛋糕出嚟主動幫手點蠟燭，影相，仲會適時講幾句恭祝說話，非常窩心。下次有人生日一定會再去慶祝！

本來想嚟呢間食lunch buffet, 但係佢full得好緊要。。。。。 見佢甜品buffet有位， 照殺~ 食咗先 佢可以whatsapp book位，好方便~佢嘅甜品buffet只係得weekend, 3~5pm, 只係$120, 堅平！！！！ 可以加錢叫個appetizer同main course, 都好抵食佢個b1 有d難去，我地都有d盪失路， 但係呢d難我地唔到， 行吓行吓就到. 去到俾電話number佢搵返個booking, 就寫張紙仔俾我， 叫我響旁邊排隊等入坐~ 一到3 點， 好準時， 即刻放人入去~ 佢有幾個姐姐仔帶位， 好好笑容， 好快手， 話咁快就坐低可以出去拎嘢食.因為武漢肺炎，個姐姐仔話離開張枱就一定要戴口罩，我見佢響d buffet枱周圍都有搓手液， 好方便， 搓多d手都安心d.我一嚟就食甜品櫃嘅cake, 好好味~ 尤其係朱古力mousse cake, 好好食 我都食咗好多生果， 有原個蘋果， 橙，青蘋果 (呢d我冇食), 同西瓜， 新鮮菠蘿，提子， d提子好大粒~. 佢都有d面包， muffin, 牛角包咁， d friend話都幾好