時新漢堡飽 (已結業)

突然發現今日係𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐁𝐮𝐫𝐠𝐞𝐫 𝐃𝐚𝐲，所以決定比呢個post打個尖，同大家慶祝下🤣黃埔嘅黃店選擇唔太多，今次就同大家分享呢間我唸大家都對佢非常之熟悉嘅 @szesunhamburger 😇以前成日經過舊舖，感覺上好似好迫，所以一直都無試過。搬咗新店之後，位置闊落好多，閑日lunch time人流都唔算太多～成日以為呢度只係食漢堡包，點知原來勁多嘢食！又有飯、意粉、扒餐等等。今次主要係食漢堡包，下次再試吓其他嘢食先🤪.happy international burger day 🍔 so decided to post this hk style burger from whampoa 😋 walked across @szesunhamburger old shop a few times already but never actually went in 😆 decided to check out their new shop in whampoa and realized there was a ton of different things to t

朝早去左黃埔海傍跑步。點知落微雨，跑完就去左附近時新食野。去到餐廳，鋪頭size 唔大，但都坐得舒服。疫情期間，都有主動幫我地量體溫，同埋有搓手液。嗌左個單層漢堡+可樂，盛惠$35.好快野食就到，餐具要係出面拎。漢堡包好細份，配料只有漢堡肉同醬 ...賣細有啲求其，不過個漢堡肉意外地好食，個醬都夾。雖然唔夠飽，但都可以接受，如果可以加多啲配料或者平番兩三蚊會更好。今時今日仲食到港式漢堡，而且係由小店經營嘅，值得大家多多支持！

今次係時新搬咗之後第一次嚟幫襯，記得以前中學喺時新舊舖附近，所以放學成日都會幫襯 — 炸雞髀、漢堡包 ... 真係諗起都流口水。今日路經黃埔特登過嚟回味一下。新鋪嘅裝修比起舊鋪多咗一份時尚感，環境舒適咗。簡簡單單叫咗個單層漢堡，一杯凍咖啡。雖然已經物是人非，但漢堡包嘅未到依舊熟悉，真係令人有啲掛住中學嘅時光。

以前喺舊店已經食過一次～ 主打港式burger🍔 同其他港式小食😙，舊店嘅懷舊風味十足，新店就似茶餐廳style，不過食物味道就冇變過，一樣好食😙🍔 雙層漢堡包配火腿雞蛋🥚$35佢有唔同combinations，可以配自己想吃的～ 漢堡扒可以揀牛肉或豬肉，都幾貼心。🍔size唔算好大，可以一口咬晒所有餡，麵包好鬆軟，再配上港式沙律醬唔會比美式嘅輸蝕🤨 而且有烘過，唔會凍冰冰，係獨有嘅港式style～🍗 炸雞脾 $27炸雞脾size偏大，炸得啱啱好，外皮唔會厚粉，一咬肉汁就流出，邪惡之選😙

早前介紹過大哥時新鋪頭 今次試埋二哥既鋪頭如果中意食傳統時新的味道 二哥依一間會比較似不過都冇話邊個比較好 好個人口味 而我較喜歡大哥既一間不過貴為香港人的漢寶包 保留既係香港的味道 亦係香港的文化單層芝士蛋漢堡 + 薯條👍沙律醬甜甜酸酸係時新獨有的味道👍中式煮既蛋加芝士 同沙律醬係特別夾既👍薯條炸得新鮮 不是萬年油👉扒微干身 有少少的牛腥味 但比以前既冇咁干身推介指數: ⭐⭐⭐/5滷水雞脾👍肉質岩岩好 唔會太淋有彈性 好大隻 啖啖肉👉略為有點咸 但好入味 好上色推介指數: ⭐⭐⭐/5💁服務: 自助式⛲環境: 比舊時舒服多位 茶餐廳風格 有油煙味.二所時新都係黃店 行開黃埔都要試噢~ 搵你中意的味道 留言話我知你中意邊間~ 

港式漢堡名店，除咗添福之外，又點少得時新呢？呢度最出名嘅就係手打牛肉漢堡同埋自家製沙律醬。叫咗個單層芝士漢堡拼炸薯條下午茶餐，餐飲係朱古力咖啡，成個餐重點當然喺個包度，時新嘅漢堡扒肉質較為鬆軟，感覺新鮮，煎得燶燶的很可口，不過調味有點重手；醬汁方面，自家製沙律醬味道偏甜，質感亦偏稠，雖然並非我喜歡嘅口味，但由於塊漢堡扒真心唔錯，所以整體嚟講呢個漢堡包水準係 ok 嘅。相對炸薯條就比較失色，可能放得耐咗，上枱時比較凍同硬，唔合格。最後個朱古力咖啡就普普通通，當然唔可以用 cafe 嘅 mocha 嚟比較，不過始終算係喺快餐店嘅 menu 中比較少見，呢度加少少創意分啦😆。

之前會千里迢迢去紅磡食一個港式漢堡包,可惜舊鋪計劃清拆, 知道店舖向黃埔再開店實在有d再遇舊情人的感覺. 店舖比以前大一點, 有更多位可以堂食. 一入門口就有早餐及下午茶menu, 呢一刻我好希望自己係住向黃埔, 可以日日黎食呢個有heart的漢堡包, 連鎖店很多, 但有水準又有誠意小店宜家實在難搵. 由於我去到店已經差多夜晚八點半接近關門, 於是我叫左外賣一個芝士漢堡包 $26,  漢堡包放在紙袋裡, 一打開紙袋牛肉味已經撲出黎,  免治牛肉保留了汁有juicy的感覺, 亦不會有蘇味, 再加上芝士及自家製作既醬, 實在想食多一個. 漢堡包感覺依舊, 味道 我還覺得比以前更好味了,  期待下一次再去黃埔

收銀員態度極差，客人問多一句都黑面，今日2:00 去到買了兩個餐加一隻雞髀! 足足等了30分鐘都未有，就問佢地仲要等幾耐！原來漢堡包已經一早做好，但唔叫我地去取，佢地話雞髀未得，之後佢地比做好好耐的漢堡包給我，但已經凍哂! 完全唔好味!到我地食完漢堡包,雞髀都仲未有！簡直不知所謂！這間店舖名氣大過質素！以後都唔會去！差差差差

疫症環行，冇乜事都係係屋企附近食下野就算。以前中學嘅時候成日聽到同學話想食時新漢堡包，由舊鋪搬咗過嚟新鋪，人情味一啲都冇改變覺得新鋪有冷氣仲好坐咗添，以前最多會買外賣返屋企食。叫左個雙層芝士蛋漢堡同埋炸雞粒炸薯條，個時新醬仲係一樣冇變，唔知道佢嘅配方，但係食到同平時沙律醬一啲都唔同嘅味道酸酸甜甜特別惹味。佢嘅漢堡都係自家製嘅，完全食得出係手打嘅，好多肉汁而且一食落口就散開黎炸雞粒份量都算多，不過我就比較鍾意食炸薯條🍟，係嗰種有紋既炸得好脆而且都好多薯蓉係入邊依家有醫護證件仲可以用半價買到漢堡果然係一間有良心嘅鋪頭

提起紅磡的地標美食，一定會想到時新快餐店。時新快餐店在1963年開業，是香港第一間漢堡店。在2017年8月底因為家族糾紛，合夥人兼兩兄弟終止合作，二哥以「時新漢堡包」而大哥則以「SHKB1963」名義重開。招牌單層漢堡下午茶餐（HKD38）★★★★這次我試吃了「時新漢堡包」的招牌套餐—單層漢堡包加蛋、炸薯條和熱奶茶。漢堡包的麵包有烘烤過比較脆，漢堡扒不是加工扒，是手打牛肉製造，並混合了牛筋和生洋蔥碎粒，咬起來香嫩多汁洋蔥味濃，肉和脂肪比例剛剛好不會膩。配上店家自製酸酸甜甜較稠的沙拉醬和煎蛋，整體口感豐富，比一般連鎖店的漢堡美味可口。至於薯條和港式奶茶就普普通通，薯條會偏油一些。店舖的環境比較現代，少了老店古色古香的韻味。因為是開放式廚房，若店家改善抽風系統，避免食客吸到較濃烈的油煙味會更好。 ——————————————————🌟性價比：4.5/5🏡環境： 3/5（有油煙味）📍地址：香港時新漢堡飽 (紅磡)紅磡黃埔天地家居庭(第12期)地下G22-G23號舖🕐營業時間：每日10:00~20:30 ——————————————————

2個雙併單層漢堡飽汁少 個洋蔥圈就勁先望份量少到嚇親入口油浸脆洋蔥點解會同以前差咁遠..............................

時新漢堡係紅磡區頗有名氣，當初結業曾令一眾食家失望。得知佢係黃埔重新開舖，今日終於有機會去試下港式漢堡嘅風味。門面係搶眼嘅紅色，類似霓虹光管嘅設計，好有香港特色。收銀枱下可以睇到menu...開放式廚房設計，有電視顯示叫餐號碼，亦有Menu~~~入門右邊係收銀位置，除左入門左邊(即對住收銀枱嘅牆身)及廚房位置有Menu外，收銀枱面都有Menu，可以問店員借黎埋位慢慢揀 (揀完記得還返比店員啊~~~)。除左有漢堡、小食外，仲有飯、意粉可以選擇，照顧埋一定要有啖飯落肚嘅客人~~~ Menu列出嘅選擇好多，有選擇困難嘅客人，可能要花多D時間揀心水。除左可以散叫漢堡、小食外，亦有套餐提供，一定有一樣岩你。揀好心水後，去收銀落單比錢，就可以返埋位等叫號碼。所有食物都係即叫即造，所以要少少時間，客人請耐心等一陣。二人晚餐，2個漢堡、2個小食、2杯飲品，份量剛剛好。單層芝士漢煲 $24 & 單層芝士蛋漢堡 $27 漢堡包可以揀單層或雙層，亦可以加配芝士、蛋或火腿，漢堡可以揀牛肉或豬肉，中間嘅醬料，除左可以揀熱門嘅時新醬，亦有蕃茄醬、咖喱汁、黑椒汁可以選擇，唔中意食醬嘅又可以走醬，呢一個安排讓客人可以

細細個都一定會在某快餐店吃過漢堡包,但就好少會在其他小店吃,原來以前香港有很多小店會賣小食,時新漢堡包就是一家在紅磡屹立多年的小店。它由以前細細間店變成如今很大的鋪面,得到香港人一直的支持。岩岩好過左2點,可以選下午茶餐,選左單層漢堡包+薯條+凍飲。漢堡包本身點了芝士,但錯給雞蛋,這個小失誤有些微扣分。漢堡扒確實好吃,但整體就普普通通啦~細薯條亦不太驚喜,明顯是一早炸好放在盒內,所以全軟了。凍飲要加5元,比平常貴,可能上一代都係咁?外賣要等大約20分鐘,因為都是即叫即整,這一點還可以接受。總結黎講是吃出懷舊味道的小店,還好啦~~

💛💛💛黃店推介💛💛💛雖然家姐係讀PolyU嘅，但今年因為社會運動同肺炎關係，不停停課，好少喺紅磡附近食嘢，今日同妹妹黎到，就緊係要試吓出名嘅時新漢堡包啦～我哋今日係黎食brunch嘅，人流唔多，餐廳入面嘅位置都好鬆動，坐得舒服。我哋叫咗超多嘢食ＸＤ首先係雙層漢堡芝士蛋飽（$33）呢個漢堡包好大個份量好夠！而且聽聞啲牛肉係自家製嘅，唔怪得咁鮮嫩，仲要好多肉汁！加埋蛋嘅香味同邪惡嘅芝士，我比4/5分！炸雞脾（$25）呢個唔係嗰種超多生粉發粉嘅炸雞脾，相反地係啖啖肉嘅！食落又相對冇咁有罪惡感，哈哈，我又想encore啦～咸牛肉炒蛋雙腸意粉（$50）咖啡朱古力（$17，跟餐免費）估唔到呢個意粉竟然咁大份，我同家姐都食唔曬😛佢有幾種醬汁可以揀，我哋揀咗黑椒汁。食落中規中矩，但CP 值好高，因為呢個超級飽肚，仲跟一杯嘢飲！呢間平民快餐店，如果我係住附近一定忍唔住成日去😆！

聽說這間漢堡飽在紅磡出名好吃今天來黃埔逛街便特地找去吃吃看整個格局給我的感覺有點像回到學生時代吃著漢堡、炸薯條和炸雞脾當然要配紅豆冰特別一讚是漢堡內的牛肉是新鮮做成味道很好, 值得推介來吃炸雞脾能夠做到皮脆肉嫩真的很讚 👍👍👍