時新漢堡飽 (已結業)

朝早去左黃埔海傍跑步。點知落微雨，跑完就去左附近時新食野。去到餐廳，鋪頭size 唔大，但都坐得舒服。疫情期間，都有主動幫我地量體溫，同埋有搓手液。嗌左個單層漢堡+可樂，盛惠$35.好快野食就到，餐具要係出面拎。漢堡包好細份，配料只有漢堡肉同醬 ...賣細有啲求其，不過個漢堡肉意外地好食，個醬都夾。雖然唔夠飽，但都可以接受，如果可以加多啲配料或者平番兩三蚊會更好。今時今日仲食到港式漢堡，而且係由小店經營嘅，值得大家多多支持！