時新漢堡飽 (已結業)

之前每次去紅磡睇演唱會，我都會去時新漢堡食個dinner，之後就好滿足咁去睇show😌😌不過之後結左業，一直都好掛住，好想食返以前味道。最近知道係黃埔開返，作為粉絲當然要去食下，懷念一下以前味道。太耐冇食就緊係叫多啲野食啦😝😝佢個時新醬真係冇得頂，一食就會食上癮咁，好想繼續食，雖然我知道好肥，但美食當前冇理由唔食嫁。而雞脾肉質滑而嫩口，實在太好食啦，雞皮脆卜卜。薯條當然係傳統既波浪薯條，有好多薯仔係入面，不過太快凍左，所以有啲可惜。

今日相約舊同事食晚飯，知道時新新開左係黃埔，就過去食個簡單晚餐，水準依然！以前大學讀九龍塘，天地堂都會特登過紅磡食過包，依家終於重開可以回味一下漢堡扒煎蛋配黑椒汁漢堡扒同黑椒汁簡真絕配！牛肉係煎過既，包住啲肉汁，食落好juicy、野味! Btw 隻蛋煎得都幾嫩滑，仲有蛋汁添，煎得岩岩好炸雞全翼香口，外脆内嫩，連骨都「損埋」！單層漢堡包（豬肉）豬肉漢堡好好食，入面有醬汁既，所以食落成塊漢堡都幾juicy，下次一定叫兩層漢堡整體黎講，係enjoy 既，服務員都好貼心，坐得又舒服

黃埔站通車後到黃埔看電影的確方便很多，一於看電影前先醫好五臟廟。地方都算寬敞，保留港式快餐店的格局。L 選雙層漢堡火腿蛋包、黃金脆雞粒配沙律醬、炸雞全翼兩隻及一杯凍咸檸七。港式風味就是在於配料的搭配，漢堡扒固然是靈魂，而火腿及蛋是家裡吃到的造法。再配上其沙律醬，那份回憶湧上心頭。咸檸七配炸雞翼及炸雞粒固然是最佳配搭。雞翼香口又不燶，雞粒都算多沾上其沙律醬特別好吃。

🍔時新呢個名由舊鋪巳經聽過，不過一直未有機會試到，今日工作關係去到黃埔個邊，真係行過路過，唔好放過🤩放工一於去試！👏門口大大個時新漢堡飽招牌，有種說不出既舊式香港店鋪味道🇭🇰！無錯，時新的確想為大家展現舊日香港味道💋～一入去餐廳，開放式廚房，一覽無遺夠乾淨～坐位都幾多，坐得舒服！入座幸好選岩時間，因為點完食物，就開始多客人！雙層漢堡包配芝士加蛋🍔🍔🧀🥚：包面烘得夠，包面芝麻帶出芝麻香味，雙層有兩塊牛，食得出真正手打牛肉🥩，因為一入口巳經分得出，手打獨有既鬆軟肉質，牛肉味道依然Keep住！牛肉入面混有洋蔥粒，食落增加層次，更大大引出牛肉既香味！🏆單層漢堡包配芝士加蛋🍔🧀🍳：兩個漢堡都超多醬，食漢堡飽醬汁夠多，的確係重要一環！蛋做到少許流心，配埋芝士令人回味無窮～🏅炸雞髀🍗：外皮炸得夠香脆可口，雞髀肉質飽滿，鮮嫩多汁，亦做到油而不膩！難怪係招牌小食～另外唔想炸既，亦可選擇黑椒/鹵水，選擇都幾多，更符合不同食客口味！😋薯條🍟、羅宋湯、生果沙律🍎🍐🥗：薯條炸得夠金黃，條條都熱辣辣，脆卜卜～羅宋湯多材料，酸甜得宜，令人胃口大增！生果沙律的確有種往日回憶既味道，而家多數店鋪用薯仔沙律代替，生果新鮮

今日想食番啲懷舊既港式小食，新店既坐位多左，時尚左，感覺舒適左「雙層漢堡芝士包拼炸薯條」必叫，仲有「煎魚柳」「炸雞粒」「炸雞腿」唔少得最愛既「紅豆冰」手打既牛肉做成既漢堡扒，都仲係保持到咁Juicy ，唔好似其他機做的乾掙掙，加埋鬆軟既麵包皮，真係一啖一享受💕薯條岩岩好，炸完出黎無重油溢味「煎魚柳」魚肉好淋，完全唔會老，唔係一通雪藏魚既味「炸雞粒」好香口，雞肉都多唔會大部分都係炸粉炸雞髀好大隻，超級脆口，啖啖肉，又唔會鞋口，兒時既回憶呀「紅豆冰」永遠都係咁吸睛，夏日飲一啖真係成個人地涼快哂，紅豆夠甜，認真不錯。整體而言，新店都保持到舊店水準

炸薯條漢堡包，某連鎖快餐店食咗好多年已經好厭，一於今日叫新野（時新漢堡包），薯條夠脆漢堡包芝士即溶，牛肉juicy依家好多嘢都有得叫上門，叫到嚟雖然有少少凍， 不過咁熱嘅天氣真係唔想出門口下次再試埋其他小食先

時新漢堡包係好多理工讀書同學嘅回憶，午餐過嚟買個漢堡包就係一餐，又平又好食。知道佢開返，就帶太太過嚟一齊食。鋪頭大左坐得舒服左，當然要叫個雙層牛肉漢堡，一層一層咁樣食落去，好enjoy。味道冇乜變，仍然好好食，因為啲牛肉好食，唔係外邊嗰啲漢堡扒，啲沙律醬都好好味。仲有叫咗個炸雞翼同埋生果沙律，唔錯。仲叫咗個紅豆冰，好多紅豆，啲紅豆好冧，好食。好滿足嘅一餐，諗返起好多以前讀書嘅嘢，都有share俾太太，哈哈。

今日同朋友喺黃埔睇戲，睇完戲後打開Google Map一睇，發現原來傳說中嘅時薪漢堡包就喺戲院附近，於是同朋友一齊去朝聖。我同朋友一人叫咗一個漢堡包，我哋另外再叫咗一個炸薯條。先講下漢堡包，我叫雙層牛肉漢堡加芝士加蛋。時新嘅包係用嘉頓麵包，麵包有烘過。佢哋用嘅醬都係自己調製嘅沙律醬，呢個醬係漢堡包嘅精華，個包之所以特別就係因為呢個醬。呢個醬幾好味，唔會膩。另外，佢哋用嘅牛肉係自己手打嘅，牛肉有肉味，有咬口，但唔韌整體黎講，呢個包係好好味，值得推介另外，我都試咗一啖朋友嘅魚柳包。魚柳外脆內嫩，都係正的薯條係港式經典嘅波浪紋薯條。我覺得將薯條整成波浪紋係好聰明嘅做法，因為咁樣可以增加薯條嘅表面面積，咁薯條脆嘅面就會增加。時新嘅薯條絕對做到外面脆，裡面fluffy 。仲有一個位值得一讚，就係佢地唔會落太多鹽喺薯條上面，咁樣就唔會搶咗啲薯仔味，食完都唔會太口渴。

.雙層漢堡芝士蛋包拼炸薯條😻覺得單層唔太夠即刻加錢轉雙層，果然芝士味好夠。漢堡都幾夠厚，👍🏻👍🏻食落好夠味！再加埋即炸薯條的確好正。而且呢到薯條同burger都係非常出名，所以嚟到一定要嗌。😬😬😬黃金脆雞粒記得係大型連鎖快餐店都食過，但明顯呢個更勝一籌。熱辣辣整起食落更加脆。而且食落唔覺油。份量剛剛好。明顯小朋友一定會好鍾意，因為好多香口嘢，哈哈！食完記得飲返多D涼茶就OK啦！🤤🤤

以前每逢演唱會都會食時新，聽到佢話唔做真係覺得好可惜。不過而家喺黃埔新天地重開，出開黃埔梗係要去懷緬下。一來到就發現原來他們作了期間限定套餐（復仇終局·冇廁所位），當然要試試啦。店內環境比舊店闊絡，可容納更多客人，而且坐得更舒適。炸脾同薯條可以share食，朋友另外再叫多個雙層漢堡芝士包同紅豆冰。雙層漢堡芝士包包夠軟熟，兩塊漢堡煎得外層香脆，加埋個酸酸甜甜嘅沙律醬，味道依然。炸薯條仲係波浪紋，而家好少地方有！熱辣辣新鮮炸起，外脆內軟！炸雞髀香氣十足，色澤金黃，外脆內嫩，雞脾肉仍然保持滑溜多汁。紅豆冰啖啖紅豆香，紅豆味好濃而且仲起晒沙，好好味！

隨著時代變遷，舊式餐廳非常受年輕人歡迎，而今次是一間在紅磡非常出名的快餐店，原本的舊店結業後被改名為—時新漢堡包🍔店門外是有一個大招牌，非常簡單的紅黑線條，一看就知道出名是新鮮牛肉做的時新漢堡包🍔，晚上去到招牌上的霓虹燈更突出九十年代的風格，可惜店內已現代化。自助點餐，叫號取餐。枱與枱之間較窄，大多是形成長枱，像舊式長枱一樣。門口就有餐牌可看，可先找位再點餐，就樣一般快餐店的模式。今次最主要吃漢堡包，當然要點一些小食。雙層牛肉漢堡包🍔+芝士🧀+蛋🥚新鮮牛肉做的扒一層點夠呢？！當然要兩層，一上枱，先見到滿滿的時新醬，第一口吃到煎香了的雞蛋🥚再吃到好多汁的牛肉扒，比起連鎖餐廳更多肉汁。加上波浪紋薯條🍟，童年回憶都湧上心頭。吉列魚扒包朋友不吃牛肉又要陪我吃，結果要吃了魚扒包，是真的魚扒，吃到是一片片的魚肉👍🏻👍🏻👍🏻吉列脆魚餅魚餅好彈牙，好像手工魚餅👍🏻👍🏻，加上時新醬更美味可口😋😋時代改變了，味道回憶還在~

🔎時新漢堡飽 (紅磡)🍴紅磡黃埔天地家居庭(第12期)地下G22-G23號舖🍔雙層漢堡芝士蛋包🍔$35這個漢堡包🍔真的好大個好厚👧🏻完全無可能一啖咬到成個包漢堡肉味濃而已好多肉汁一塊煎蛋🍳帶多左一份香味最有特色係時新特調醬汁，似沙律醬，但又沒有沙律醬甘酸

好耐冇黎時新食~今日癮起又過黎食個tea先~雙層漢堡餐、雙層芝士蛋漢堡餐漢堡次次黎必定要叫雙層的~貪佢咬落去夠厚，口感豐富~漢堡肉夠實咬落去先唔易散，就係鍾意呢種夠實但又保持到juicy既感覺~而且冇加蛋冇加芝士更加食到漢堡扒既原味。而入面既時新醬先係靈魂~暫時我真係冇食過一個burger可以整到呢個味道~而另外一個包就加左芝士蛋，味道多左份咸香味而且成個包更有層次口感更豐富，各有各優點所以我地兩個人每人叫一款就可以試哂唔同感覺~跟餐有野飲同薯條~薯條都係一貫波浪形而且熱辣辣上檯~今次黎份量好似仲多左~炸雞脾大大隻雞脾，新鮮炸起一切開d熱煙係咁飛出黎~雖然外面炸得香脆但入面仲保留左嫩滑，最鍾意加埋茄汁點黎食~

同朋友去左紅磡買野，好似好耐冇食過時新，一於去食返個晚餐先☺️☺️新店更光猛，坐得更舒服👍🏻🍀雙層漢堡芝士蛋包 ($35)我地覺得最好食係雙層漢堡加芝士加蛋，咬落啖啖肉🤤🤤! 而且芝士蛋同漢堡係最夾，佢個秘製沙律醬甜甜地好特別!👍🏻🍀漢堡芝士蛋包 ($27)我本身都想叫雙層漢堡，但又驚食唔晒就叫左單層，都一樣好好食!😋🍀炸薯條 ($22)粗薯條香脆又重薯味👍🏻🍀黃金脆雞粒配黑椒汁 ($15)脆得嚟又唔會乾，加埋黑椒汁好惹味!🤤食唔停口🍀紅豆冰 ($23)每次見到都必叫!😍😍 大大粒紅豆好有咬口，而且好夠甜😋🍀凍檸樂 ($23)都有4塊檸檬，所以檸檬味都出👍🏻之後見到人地食雞脾又好想食😍!!!! 下次再嚟食過!!☺️☺️

以前讀書成日食時新， 約舊同學gathering 淋住重溫一下。點知發現原店已經無左，以爲以後都食唔番啦😭，原來係搬左去黃埔重開。個店面變左，個味道都係一樣無變過！ 仲多左好多其他野食。 唔洗問，識食一定係是食雙層漢堡！！我配芝士同火腿！😎😎😎同外面D漢堡唔同 ， 好濕潤 唔會乾嫁😍😍大大pat 時新醬流出黎， 見到都已經食欲大增！洋葱圈係必點嫁啦 哈哈！ ，配時新醬一流 🤗🤗🤗原塊洋葱炸 （唔係外面果種勁厚炸粉）， 正 💯兩種食漢堡包的人 😂😂😂： 1 - 用手食 。。。 老闆好好人~留意到我食到成手都係就即刻幫我攞紙巾 😘2 - 用🔪切 （哈哈哈哈 ，因爲懶）再食埋炸雞粒，正！ 食左咁多熱氣野，要食番個蘋果沙律中和番哈哈！ 🤣杯紅豆冰認真要贊一贊👍🏻， 裏面紅豆已經煮到溶曬，但係仲食到紅豆有咬口！好耐無飲過杯咁似樣嘅紅豆冰啦！ 係以前嘅味道啊啊啊啊啊啊！😭😭😭😭😭😭