時新漢堡飽 (已結業)

疫症環行，冇乜事都係係屋企附近食下野就算。以前中學嘅時候成日聽到同學話想食時新漢堡包，由舊鋪搬咗過嚟新鋪，人情味一啲都冇改變覺得新鋪有冷氣仲好坐咗添，以前最多會買外賣返屋企食。叫左個雙層芝士蛋漢堡同埋炸雞粒炸薯條，個時新醬仲係一樣冇變，唔知道佢嘅配方，但係食到同平時沙律醬一啲都唔同嘅味道酸酸甜甜特別惹味。佢嘅漢堡都係自家製嘅，完全食得出係手打嘅，好多肉汁而且一食落口就散開黎炸雞粒份量都算多，不過我就比較鍾意食炸薯條🍟，係嗰種有紋既炸得好脆而且都好多薯蓉係入邊依家有醫護證件仲可以用半價買到漢堡果然係一間有良心嘅鋪頭