時新快餐店 (已結業)

一間經常高據OR榜首既食店, 所以今日決定一會!舌頭早已被一眾近年來港既三個O, 摩士, 新鮮等漢堡店寵壞了...但眼見食評除了漢堡, 雞脾既評價也不錯, 所以今日既目標放係隻脾度!一見隻脾, 外表雖然有D過火, 但感覺也相當對板!不過食落去皮不夠脆, 油也多了一點吧, 可幸的是肉亦但持嫩滑, 調味也可以○如果同日月星比就有一段距離, 上回食日月星脾既時候, 食完隻脾張吸油紙幾乎一點油都無,不過今回成張紙都係油！由於隻脾未能滿足, 於是同朱老闆再叫個芝士漢堡一同共享, 芝士被漢堡既熱力慢慢溶化外表已相當吸引, 咬落去漢堡煎得十分香口, 飽飽都烘過, 再加上溶左既芝士整體配合得很好,而且好保持到港式漢堡味道!雖然隻脾不算太出色,水準也算中上, 至於港式漢堡相信坊間好難找到對手!不過大家千萬不要抱住十多蚊既漢堡會出神入化同新晉漢堡店一比, 其實味道也很視乎食者既心情同期望!

試左兩次,都係失望而回大家大讚特讚漢堡包,我真係唔係好明點解會有咁多好評...十幾蚊一個包,我又唔係好覺得等於抵...因為真係唔係好啱我胃口個漢堡排真係好林好散,林過我阿媽向屋企自製果D肉餅...一咬落去散開哂,大大舊洋蔥向D肉入面,好可惜唔係增加左咬口...而係變左洋蔥肉餅咁,喧賓奪主左喎食左兩次都食唔到有肉汁...點解?我兩次都咁唔好彩?沙律汁我真係唔識欣賞,第二次食時以為自己食緊糖醋排骨個汁...睇到大家寫D食評寫到咁好...連隻荷包蛋都要讚到上天真係唔係好明......自己試過二次,心裡有數.

雖說是慕名而來... 也只能說說我是來開紅磡就順道一試我來到時差不多6點個BRUNCH才剛落格不久也說不上餓但因為唔係成日來開呢頭又貪心想試多樣結果就點了炸雞髀同雙層芝士蛋漢堡我先食了炸髀一咬下去皮很脆肉好juicy不過雪藏髀是沒什麼肉味沒雪味也算不錯了漢堡的肉混了洋蔥多吃到一份誠意連鎖店是不能比的最後這個變成我當天的晚餐

女友要返工, 只得我一個行街...襯她皮膚敏感有少許發作, 不食得牛肉, 我孤獨地闖入紅磡, 慕名而來, 一試全港 no 1 既時新漢堡包先!openrice 個地圖又幾準, 鋪頭其實係面向紅磡南道 , 而非 黃埔街的, 如果冇看地圖, 都可能找不到.比想像中迫, 是生意好吧! 非常港式 feel, 好有親切感.尤其係 d 橙色快餐檯, 係細個果陣棲下茶餐廳果隻橙色!!!叫了個 15 蚊既雙層芝堡. 好快, 冇等哎 number, 係即有得食~包好脆, 係剛炕過的, 熱.兩塊 肉內有不少蔥, 有口感, 好香.沙律汁配搭得好好.另有塊溶剩四角的片裝芝士.掂到爆, 獨食難肥, 係呃人架!!!!

曾經在這間快餐店寫個一篇漢堡包的食評,這間的店鋪為什麼可以維持這麼久?當然要說它的質素要維持得非常好,對煮食物的心不變才可以令到人一次又一次來再食.在小孩年代,紅叮只懂得在M字頭連鎖式快餐店食一個小小的漢堡包~當人長大後,覺得愈來愈不好食的關係,令人想跳出尋求好的漢堡包,在7月時第一次來這間時新快餐店~因為有OPENRICE的關係,這間的知名大大提升,有很多人慕名而來,紅叮也是其中一份子~上次食一個令我滿意的漢堡包後,決定找一個時間再來,可惜工作繁忙.在星期日放假的時候,本想去銅鑼灣,順便來這裏食個早餐吧大約10時左右到達,只有紅叮一個客人,當然叫雙層芝蛋堡漢包,配黑椒汁加一罐可樂,其實很快煎好,途中師傅發覺淋了沙津汁,我便說也沒有所謂吧肉和肉中夾著蛋,淋上少許沙津汁,令到食欲也提升不是,肉是自家製的關係,不難發現內裏有少許洋葱,一咬把漢堡包撕開了一部份,會發覺層次不錯,肉質鮮嫩,不怎覺得有硬的口感,因為即叫即造的關係,不會有冷的感覺,,只是食得有點不方便,如有餐巾的話會更好,漢堡包做早餐紅叮也試過,但'用一個非常美味的漢堡包作早餐還是第一次吧.想還有第三,四,,五次吧..

今日同女友終於黎一試..叫左個漢堡包,,一個雙層..一個雞面,,雜果冰..漢堡真係好得^^ 我同女友都一致讚成,,好正*個雞面就一般般啦...普普通通咁...雜果冰就真係唔得...無味的...不過ANYWAY,,,兩個人賣單都係51$,,食到好飽TIM..咁既價錢,,食到飽...抵啦!!

襯自己還在紅磡工作，就要試試這家傳說中的好評十大之首~~放工去搵呢個地方，由紅磡碼頭開始行，沿住黃埔街走，去到天橋位發覺冇路...以為自己記錯地址，同朋友行返入蕪湖街再出返紅磡南路....兜左一大個圈，原來就在最初到達的天橋再向前行 =口=...這真是一家很有七八十年化的小快餐店feel...應該說店主從來沒有翻新過....但的確喜歡這種懷舊的味道~~~而食物的確很便宜，兩個人點了兩個包、兩罐汽水、一隻炸雞脾+著條~~~都不過是五十多元~~~漢堡是很多汁、加上有洋蔥的口感炸雞翼雞脾薯條，全是香濃油煙味產品~~~明知勁熱氣、吃了有爆瘡的可能，但都抵擋不了那種炸得香脆金黃的吸引力~~~味道雖然不算得十分美味，卻令人吃出獨特傳統港式的風味

雙層芝士蛋漢堡+雙層芝士包~可樂+檸茶雖主打食漢堡,杯檸檬都唔係衰到冇甜冇茶味掛-_-...你收我十蚊架...呢度扣左分~講返個包...掂到爆....熱辣辣....芝士溶.....食到成手油-_-但好好好飽....一個夠晒數.....

Always try their burger which is very good compared to McDonalds, so today want to try their lunch with hamburger + porkchop with black pepper sauce ($30 with cold drink), their veggie soup.......taste like water , their rice plate....the source is ok, quite spicy and their hamburger is good as usual, but the porkchop......very dry ....and the amount is so little, I have to eat another burger after that....

高居榜首的店, 不可不試黑椒汁雙層芝士漢堡 - 汁夠味, 牛肉新鮮整, bf十分滿意芝士漢堡則不夠肉味... 可能吃慣了實實的m記, 覺得肉比較諗身, 不夠嚼勁洋蔥粒則配搭得不錯, 惟沙律的酸味不夠突出~ 另外吃到少少米酒香味?! 薯條普通茶餐廳水準~ $10一客頗貴, 比較喜歡$18的瘋薯很特別的港式快餐店~~ 相信會再試雞脾, 雙層漢堡等~~

平時只是會搭車經過, 假期必定排隊至街外~ 好彩那時人不算多, 剛好電視機下的轉角位置有一個位, 像歡迎我一人來獨食~ 便迫到入去, 享受美味的LUNCH+TEA~ 冇睇餐牌就叫野食... 芝士漢堡, 炸薯條, 凍檸茶... 其實咁樣叫, 都唔係平, 要31蚊, 但當半熔的芝士遇上新鮮自製漢堡排...wow~ 同麥記的相比, 簡直是天壤之別也!!!! 但當然, 不能和mos burger或triple o's 比較!!!! 11蚊來說, 值! 下次記得要叫雙層芝士漢堡, 一定更正~至於炸薯條, 不太油, 炸得幾靚, 香氣四溢~~~ 凍檸茶, 茶味很淡...叫汽水會化算點

見到呢度有0甘多好評, 突然好想試下, 所以叫男友帶我黎食野個位置都幾偏下, 都搵左一段時間先搵到 (好彩有男友帶路! ^ ^) 其實入邊都有好多餐, 不過都唔係好岩我地口味最後 order 左兩樣招牌菜:雙層芝士漢堡包 $13, 熱辣辣, 好多肉汁, 又有洋葱粒, 好食!炸雞脾 $10, 好多肉汁, 好食, 不過都有唔少油, 同埋略嫌個皮咸同乾左少少環境就麻麻﹐係好多年前果種快餐店既格局但係個漢堡包真係好正!! 有機會既話會為距而返來 ^ ^

最好味係塊漢堡扒 好juicy, 而且d 洋蔥味好香 $13 仲要有兩塊漢堡扒 超抵!友人選了cheese.. 如果不喜歡cheese最好不要選 因為比較"溜"drinks 較貴 $6 一罐coke

呢家野外表舊舊的..點解可以長居榜首?!我一直都好唔明,,,一直都想去虐下,,佢係咪真係咁掂?!終於搵到時間同男朋友特登過黎試下啦~~~我地2過難得黎到就係諗住周圍試,,當然唔會係一間野到食飽啦~~2個人只係叫左個芝士漢堡($11)同凍檸茶($10)..等一陣就有得食,,即刻試個包先..um...個包脆脆地,,芝士溶溶地,,塊漢堡熱辣辣..又有d咬口(洋蔥),,係唔錯..但又未至於可以長居榜首呀,,杯凍檸茶更加普通個普通~~~~茶餐廳貨色..我諗可以令佢地長居榜首既,,係店員既態度..我地2個人雖然我地叫得咁少野,,但店員都非常好..好有禮貌..我地走個時問路佢都好熱心咁教我地,,所以我都會俾~~~但下次可能順路先會黎食lu~~~

由於呢間食店是十大好評之首, 為食的我無理由唔去試下, 約埋男友, 在剛過去的星期一晚去食了, 不是太難找呢入店後, 第一個感覺, 就如自己所料, 很舊式的快餐格局, 無推陳出新的裝置, 完全保留原原本本的, 相信食物製作同質素也會保留及沿用心大心細, 三心兩意多看數次牆壁上的餐牌, 想試的東西太多, 而胃口又不爭氣的少, 所以只能作取捨 :漢堡包餐 : 漢堡包 + 凍飲 ($17)煎魚柳火腿麵餐 : 兩餸公仔麵 + 凍飲 ($22)招牌的雙層芝士蛋漢堡 ($15)漢堡包食落真係有驚喜, 包熱熱地且帶脆, 漢堡扒有口感有肉味(不像一般的連鎖店甘死實的一塊餅)加上適量的洋蔥粒, 而且份量剛好又吃得輕鬆; 其他是男友點, 自己偷吃了一口招牌漢堡, 其實覺得被過量的配料蓋過肉味, 每一口也吃得不均勻, 吃時又頗狼狽, 是好吃的但反而平實簡單的漢堡包稍勝. 至於麵餐就太過於普通, 而麵太淋所以不覺得好吃, 下次不會再叫麵吃. 必會再去食漢堡包