時新快餐店 (已結業)

本來是往尖咀吃日式午餐的，但太座忽發奇想，說想吃時新的炸肶及漢堡。小弟又無大所謂，反正昨日食了餐勁的，今日吃點便宜的，也是道理....很久沒來，一來就見到門口的一大條長龍，真是今非昔比。想起從前這裏只有小貓三數隻，現在已搖身一變成為名店了...吃了無數次的芝士漢堡及炸肶，想起都沒有機會吃吃其他的。沒有吃早餐的小弟餓得很，就吃個碟頭飯吧...一看見那個飯汁的色水就知不對路，一吃下去果然不錯 ---- 人造茄汁味道淡如開水。想小時候唸中學時差不多隔天便吃這類快餐店碟頭飯，也可算稱半個專家了。雖然這類豬扒牛扒或漢堡扒飯不會有甚麼驚天動地的味道，但吃得多也是可分得出優品或劣品的。這裏的絕對是後者 --- 漢堡扒表面煎得過燶，魚扒樣子也是煎到甩皮甩骨的，未吃已倒胃，再加上那個淡如水的茄汁，真的難吃得可以...連奉送的羅宋湯也是好像溝了水似的，喝了兩口便收手了...沒有吃太座的漢堡包 (因從前吃得太多了)。試了一口炸肶，油多得滴下來，水準真的今非昔比了。雖有謂炸肶不油膩又怎算是炸肶，但都不至於多油至此啩....看來要跟這名店說聲再見了。始終人一多應接不暇，品質很自然就有如江河日下了....

可能是看了食評后期望太高，特地去外賣試吃漢堡，結果只是一般般啦～～～長久排名第一就只能說是莫名其妙了點。大家都好易滿足哦～～

:我是個不喜歡吃漢堡包的人,但此店的漢堡包,由六十年代尾,已開始吃,真是很好味,因當時每周都撘船,其後搬離此區,就沒再吃.但若干年後經過此區,再去找此店,原來它仍在那裏,雖然店鋪大了,但味道仍然很好,此後每逢到紅磡,必定幫襯,並且買很多個放在冰箱內,不過,當然沒有新鮮的好吃.今次很高興看見時新的漢堡包能被多人讚賞,所以也把自己的感受和大家分享.實在太好吃,

時新 ─ 一間我好喜歡的快餐店漢堡包：好好味，即叫即整，十分夠熱，而且漢堡好香，好多汁，真的是「漢堡包」！炸雞比：比較多油，但好脆，每吃一口都知道有幾熱氣，哈哈！炸薯條：沒有太大特別，和茶餐廳差不多不過炸雞比、炸薯條都只是配角，始終漢堡包才是主角！

本人比較鍾意食 "舊式"嘅漢堡包 ......睇見"時新"在openrice有咁多人讚賞.....終於走一趟去試試........ "漢堡包加蛋" 的確係幾好味...漢堡扒入面加咗洋蔥....令到..唔會食太多肉,好濟嘅感覺!! 佢地加咗"沙津醬"....加上個飽有"脆脆地"...非常之好味!!* 特別要讚一讃佢地..就係我朋友在取食物嘅時候..唔小心倒瀉咗杯"涷朱古力"...佢地即時比番杯新嘅我地,...掉轉好多食店未必會咁做!!

今日特意同老公過去紅磡一試時新漢堡包...2點左右去到...都好多人企晒係度等位...等左5-10分鐘左右啦...老公要左個咖哩牛腩飯+雙層芝士漢堡包+cream soda而我就要左個雙層芝士漢堡包+薯條+雞扒火腿麵+凍檸茶首先一講老公果個飯先...佢話估唔到有大家樂水準(因為我地2個都好鐘意食大家樂既咖哩牛腩飯,所以去試出面果d會用佢黎做standard)...最驚喜既係有金菇,配合埋咖哩感覺佢話唔錯...而我呢...第1時間就食左個包先...因為實在太肚餓啦...一咬落去(未咬到舊肉)已經有勁香既洋蔥味...連我唔太好洋蔥都大叫好食...個凍檸茶都好正...開個茶底開得幾好...最錯誤係為左杯野飲而叫左個麵...冇咩味...而個薯條就...有D失望..老公話係因為炸得耐得濟所以硬左D...臨走老公叫左個炸雞脾一試...O岩O岩炸起行左5分鐘食佢大叫好味...去完都會廣場4點半都要行番轉頭俾番個包留番老公今晚打完波食

平時行過都冇試....今日去完中大orientation day特登去試由於o係中大食左一大碟咖哩豬扒飯 不太餓叫左($13)雙層芝士漢堡 外賣一路行一路食d芝士加埋d salad sauce同漢保扒 真係正到呢....個包雖然係garden既 但係佢又係好脆 熱辣辣great唯一唔太鍾意佢d漢堡扒太淋 不過點都正過m記o個d

同男朋友仔去食 ~ 知佢鍾意食burger*地方一d都唔難搵 ! 岩岩去果個時間又唔多人即叫即整的burger 好新鮮~連d蛋表面都係脆架 !!塊牛肉好juice . . . 唔會好實 但又不至於散開 !份量又岩岩好 ~ 女仔食得哂 男孩子就可能要加個薯條啦 !d薯條又係即炸 好脆 ! 不過冇特別好味 !不過地方就細左d 同dirty左d ~ 不過一定會再去 !! =]

10月1日國慶假期,同Ah四專登落紅磡的時新快餐店,因openrice食評評它獲選為10大最佳食肆第一位,招牌是他們的港式快餐店漢堡飽!唔係講少,2:30pm去到已經有人龍,望落坐位15張都唔夠,full哂仲要好多人等位,環境很擠迫!排了約10分鐘到我們order,決定要了兩個雙層芝士漢堡($26)+兩隻炸脾($20)外賣拿走,不過都要再等15分鐘才有食物,because即叫即做,新鮮熱烘烘,抵等!餐店冇位,唯有同Ah四過天橋到對面的公園吃,芝麻飽面非常新鮮,略烘底後更加鬆化,真係正過麥XX,裏面兩塊扒表面煎至微焦,咬下去D肉質香口鬆化,一D都不死實;免冶牛肉裏混合了洋葱碎才再做成漢堡扒,是港人智慧做法,不會像美式般一咬下去跌哂D洋葱粒、生菜絲,乾淨俐落!可惜是用雪藏貨,欠缺牛肉味,好淡味,差少許,不過用$13元便有一個雙層芝士漢堡,仲想點??至於炸脾,咬落有肉汁,醃得入味,不過就鹹咗D,普通貨色,可以不試!

餐廳很有八十年代快餐店的特色，漢堡包的牛肉多汁，但一定要吃漢堡牛肉，加芝士蛋亦好食，比起一般的mos burger，質素可能更高，但係牛扒包卻不需要試，因屬一般貨式。

九月二十七日 星期六 下午六時許我的寶寶很叻叻, 出門前看一看地圖, 下車後很快便找到時新店。寶寶告訴我, 大學時在附近讀書兼住宿, 但從没有察覺這間店子。我倆共ordered了:-- 沙津汁雙層芝士漢堡-- 咖哩汁雙層芝士漢堡 (兩份漢堡整體感覺新鮮, 但配汁稀而少、又不平勻)-- 牛扒太陽蛋米粉餐 (無特別: 又因為 為了填飽大食寶寶小肚子)其實這裏漢堡有很多油, 然而, 很期望50年後, 我仍嚷著, 要寶寶攜著我走到這裏, 細味往昔。

期待很久, 位置好偏, 很難搵!!!但值得去試! 試咗漢堡包及芝士蛋漢堡包, 都係 $ 30元.牛肉入口即溶, 又有洋沖, 正 !!! 包皮邊有少少脆 !!! 勁 服務態度又好, 價錢超值 !!!值得啦咁遠都去食 !!!!

前排男朋友係呢頭做野..見咁多人話好食當然襯機黎試試細細件..下午茶就岩岩好.....lunch男友都要叫2個再加雞脾...味道又唔覺好好食,不過加左d洋蔥?係肉度都幾好食而且多肉汁或者唔係好岩我口味..頭幾啖都幾好味,後尾越食越唔開胃俾埋男友食..反而寧願食m記好味d.... 都應該唔會有下次..

尋日去咗食下午茶, 好彩有位, 都坐滿人, 間鋪好細咋, 坐得都幾迫吓!1), 芝士雙層漢堡飽 $13 超值, 咁嘅價錢好抵, 好香洋蔥味2) 芝士雙層漢堡蛋飽 $15 , 都好味, 但漏咗D3). 炸雞肶, 普通咁嘅價錢好抵, 值得試吓!

麥當奴的漢堡包大家都應該吃過，但港式漢堡包相信許多人都未試過吧。這間位於紅磡近理大宿社的「時新快餐店」賣的正是地道的港式漢堡包。這次分別試了芝士漢堡和芝士蛋漢堡，手製的漢堡扒內混入洋蔥，肉汁和芝士融合，味道調和。由於是即叫即製，麵包是暖烘烘的。大概港式漢堡和美式漢堡不能一概而論，但還是要說這裡賣的漢堡包比麥當奴的好吃得多。(原文: http://blackcouncil.blogspot.com/2008/04/blog-post_13.html)