時新快餐店 (已結業)

又黎黃埔行街, 又特登返時新嘆漢堡包. 炸脾剛好無血水, 粗身波浪薯條咬落啖啖薯香. 牛扒包真係成塊小型牛扒送上, 基本上可用刀叉慢慢食, 但我索性徙手將牛扒取出放入口, 成塊"恥"開好鬼正! 雙層漢堡蛋包一貫軟綿綿香噴噴. 重有杯凍檸茶同凍檸樂, 果幾塊檸檬新鮮到好似岩岩由樹上摘落黎咁, 令人食慾大增! 我見我周圍啲年青人全部都用刀叉黎食包同薯條, 好衛生同錫身. 好抱歉我完全接受唔到, 我覺得包類食物應該要用手去感受果種熱度, 先至係享受. 漢堡包係外國食物文化, 但當外國廚師如 Jimmy Oliver 及 Anna 介紹點整野食時, 都係用手去試食架啦. 你有幾可會喺外國電影或電視劇, 睇到外國人用刀叉黎食漢堡包三文治同熱狗??

只點了一個雙層芝堡加旦, 加沙律汁. 單以價錢論, 十五蚊算係幾足料, 而且都係即叫即制, 熱度夠哂. 一個當一餐, OK的了. 但係論味道口感外型, 真係唔好意思, 咁既飽距離我要求既"好"字有相當既距離. 飽好淋, 唔鬆. 漢堡係有汁, 但係一D肉味都無. 咁既價錢塊芝士當然唔會有咩味. 加埋隻煎旦同個普通到極既沙律汁, 全部野一口咬落係無混為一體既感覺. 簡單D講, 分開逐樣食同夾成一個飽都係一樣. 以漢堡論, 完全唔出色, 唔係路過, 我一定唔會特登嚟.

上openrice見到長期都係頭幾位, 於是同老公去試下. 雖然係外賣, 但係依然好正! 我地叫左1個漢堡飽加1個漢堡蛋飽, 個漢堡真係好juicy, d肉味好新鮮...仲有配埋d沙侓醬...真係好正好好味呀! 下次我地要試埋炸雞脾加紅豆冰...諗起都流口水...哈哈!

昨天終於吃到 openrice 的人氣店 -- 時新快餐店的漢堡飽. 今次我點了芝士漢堡, 果然好味又抵食. 牛肉有肉汁, 很有貴價 hamburger 的風味, 不過價錢則相宜得多. 難怪這麼旺場. 友人點了雙層漢堡, 有２件牛肉, 雙重好味, 不過要夠大口才可從容的享用. 下次一定要再來試試豬扒飽.

雙層芝士漢堡包 ~ 加多隻蛋令到漢堡包更加好味道 , 而且隻蛋整得好好食 , 唔似得M記咁冇蛋味 , 如果塊芝士再大d , 芝士味濃d就仲正。 牛扒包 ~ 友人好鐘意食牛 , 所以冇點魚柳包點左牛扒包 , 雖然係成塊牛扒夾係入面 , 但係都應該切左舊骨先丫 , 咁樣客人食起黎都方便好多啦 , 幸好d黑椒汁味道岩岩好 , 總算係好食。 炸雞脾 ~ 炸得唔油 , 而且皮好夠脆口 , 雞脾肉亦好新鮮唔會"鞋"。

返學行去火車站一定會望見時新, 但係就未入過去...星期日特登行出去試下呢個好多人讚既漢堡包...要左芝士漢堡包(外賣)幾分鐘就有得拎, 幾快...不過拎上手唔係話好熬辣辣....><"只係暖暖地...一打4都聞到肉味, 不過size就俾想像中細,我細食都唔夠當lunch, 漢堡唔係太大件,不過都算厚..包就幾軟熟咬落去一d都唔乾, 有肉汁, 真係唔錯ga..$11算係咁...芝士耍溶d會仲好, 唔係好重芝士味, 咬到有沙律醬o個到就真係耍講句..好好味呀!!!!沙律醬真係唔錯....入面環境俾我想像中乾淨, 不過位就真係唔多..會再去試下其他包...下次一定要多沙律醬呀!!!

上次放左工~見時間尚早~就行左搵呢間咁出名既漢堡飽食下啦見佢長期第一位~係咪真係好食得咁驚人呢?可能落雨既關係~店內無咩人~得幾個後生仔叫左個漢堡飽~等左2個字左右黎到啦~熱辣辣拎上手食唔..........個飽配左沙律醬~整到好似甜左少少同埋個漢堡扒可能D洋蔥份量多左少少,有D略甜唔算好難食....又唔算驚為天人囉不過如果下次再黎既話,我會試下魚柳包~見到隔離個女仔食好似幾正咁~

剛剛吃了滿足的一餐後，便決定逛一下紅磡區。從火車站過來不到二十分鐘，本來也沒想過要進來吃一點東西的，但是就在經過時我回頭看了女友一眼，她的眼神告訴了我她的意願。 算了吧，頂多也只是多一個包而已，食力還未至於完成消失。 呵呵~ 進店後女友便要了一個雙層芝士蛋漢堡，我則站在一個角落等候。不過在我站著的同時，發現這兒有鮮牛肉三文治。看到後自然眉角向上提了一下，二話不說便過去要了一份鮮牛蛋治。有趣的是，看來我是該店第一位要鮮牛蛋治的客人。為什麼可以這麼肯定呢﹖請看看以下內容:女店員A:老闆，呢個客人要鮮牛蛋治喎，點樣計錢呀﹖老闆:加蛋﹖加佢多一蚊啦...女店員B(負責煎漢堡的那位):老闆，點樣煎o架﹖我唔識整喎.......老闆:咁呀，咪打勻o的蛋再煎囉....女店員B:又會有人咁樣食o既~我一邊聽一邊驚訝一邊忍不住笑了出來，能吃到首份蛋牛治實在是小弟的光榮。漢堡的味道如何我不再重複敘述了，只可以說味道跟水準依舊維持著。至於這件蛋牛治，賣相不算吸引，因為蛋的部份被煎得有一點點碎，還幸的是蛋邊都煎得十分香脆，多了一份香口感覺。牛肉當然也受到梳打的照顧，不過還好的是有醃製過，所以味道不至於只有梳打

本身我唔係咁like食M記d包...但響openrice見到"時新"企響1st咁耐.所以今日就決定同老公去試下呢間傳聞既漢堡店.一去到, 店面果然似足80年代既image....但真係好多人....店內店外都企左好多人...落左order都仲要等番咁上下由於連早餐都未食...就叫左 :芝士蛋漢堡包 - 我 > 沙律汁少左D, 但漢堡好juicy, 蛋邊脆底, 嘉頓包煎過, 正雙層芝士漢堡包 - 老公 > 漢堡夠厚又juicy, 沙律汁好match又夠多, 芝士就一般貨色炸雞脾 - share > 亳無特別, 只係炸得好凍奶T - 我 > 唔夠茶記好飲紅豆冰 - 老公 > 唔會太甜, 紅豆夠稔, 都幾好飲我地食完, 仲要order 多個 "雙層芝士蛋漢堡包" share食, 一樣咁好味~~雖然我唔太agree "choi 爛" 所推介的shop, 但係佢有一句話係好岩既, 就係"每間SHOP只要有一樣好味的食物就已經好夠" ----> Agree早餐+午餐 = $72 for 2 person 超抵咁既$$都係只可以響central某些

次次黎都係食漢堡蛋首先蛋同普通快餐店的那種已經好唔同佢係荷包蛋 (即係有脆邊果隻)其次塊漢堡混入了酸瓜,味道一流最緊要有係沙律汁,十分match

d fd知道我住黃埔,就會同我講有間好出名既漢堡包店,但係我住左十八,九年都唔知第一次我食既食雙層芝士漢堡,我食完感覺上好普通...因為包係嘉鈍包,醬又唔係特別,只係肉係特別混合而成,食埋去..除左熱,脆,冇乜驚喜之後d fd話去食過又好好食,再去多次,叫多個豬扒包,都係一樣...豬扒包勁普通,好似重係有骨(呢個唔係好記得清楚,個幾月前),一樣勁求其整出黎既野...雙層芝士漢堡就好味d,唔知係唔係我食慣左m記既關係,我認為係同等價格下,我會選擇m記既雙層芝士漢堡或mos漢堡既漢堡至於雞腿....由於我住係到好耐,我認為係富臨酒樓隔離果間268小食的炸雞腿,翼好味d

其實我都已經留意左大家對"時新"的寶貴意見, 多謝大家用心,用力,用時間來到品嚐時新出品 其實睇見大家都講用咩汁最好味 其實我們一開始只係有沙律汁, 當然其他汁都有, 不過是用來食飯同意粉用架我都唔知幾時開始, 已經比各食家開始嚐試用其他的汁啦~ 哈哈不過最重要係大家食得開心,就得啦~ 時新仔推介: 漢堡包食沙律汁, 傳統又至得~

成日好想試下傳聞中的漢堡, 今次順道去三河屋和這裡, 正!由於已吃過晚餐, 只要了一個雙層芝士蛋漢堡, 和友人share. 剛吃過飯, 又趕著睇戲, 所以匆匆趕到戲院, 入場後, 才慢慢品嚐. 已過了差不多半小時, 飽不是後黑, 但咬了一口, 嘩, 好多肉汁, 有部份係洋葱汁卦, 但好好味, 好正....漢堡扒唔係超重牛肉味但加入了洋葱, 好鬆軟, 肉汁充滿了整個飽, 整個咀.... 真係要講多次, 超正!雖然睇緊戲, 但都急不及待跟友人分享下個飽點好食, 真係要向其他觀眾賠個不是!

時新既門面真係一d都唔吸引如果唔係openrice 介紹真係唔知有呢間舖頭不過d 漢堡包又真係幾好食今晚我地就食左兩個芝士雙層漢堡包, 薯條同炸雞脾漢堡包食o左黑椒汁同沙律汁, 都係沙律汁好味d漢堡扒都幾厚, 食落去淋淋地, 熱辣辣, 真係幾好味薯條同炸雞脾都ok 除左漢堡包之外已經無其他特別野食好食點解可以一直穩首第一呢?唔明唔明

有睇開開飯,知道佢個double cheese burger最好味,就當然要左1個,朋友唔知頭唔知路就點左個牛扒包...我都有d擔心佢果個會唔好食..食得啦~double cheese burger 既 漢堡真係唔錯,好juicy又厚身,而且除左牛肉仲有好多其他配料,打得幾好食(不過食完個口真係超大股洋蔥味),但係,係得塊漢堡ok咋........我食左朋友個牛扒包幾啖...味道真係差天共地,塊牛扒好薄,冇咩味......如果係no.1既話,我相信應該係樣樣食物都有保證...而唔係只係得個招牌漢堡得!仲有叫左檸水...淡紅豆冰....甜得滯薯條.......普通雞腿......呢個反而唔錯下次去食正係叫double cheeese burger算啦~