時新快餐店 (已結業)

Openrice長期5大的時新,終於有機會食了這次食芝士漢堡和薯條價錢算是很平,芝士漢堡加汽水才$19不過薯條要另外叫芝士漢堡的沙律汁沒有預期中好食牛肉也有少許焦但整體仍是不錯,薯條份量亦很多一定比M記好

　　以前家附近有一間非常舊式的快餐店，那些漢堡及薯條現在已經吃不到．估不到老公今天帶我到這家快餐店可以見返這些懷念已久的漢堡及薯條．　　去到門口已經見到一條長長的人龍，坐低後便叫了芝士漢堡＄９及雙層芝士旦漢堡＄１１，另外還有一隻卥水雞脾＄１１，看見每個人都是吃炸雞脾而且很大隻但係我又熱氣所以就點了卥水的．　　一口咬下去．．．對，就是這些漢堡了，嘩真的很懷念啊！！手打的免治漢堡肉厚但不硬，肉汁流出，雖然漢堡肉這麼厚但一點都不覺得滯，只是所有味都太配合，沒有了從前的中間夾了酸瓜茄汁那麼醒胃．而那隻雞脾很大隻，但似乎太咸，但價錢相比其他吃漢堡的快餐店真的抵食很多！

見各食家都話咁好食,1/7專程到此一嚐,點知休息一天之後叫honey外賣返來食,漢堡飽真係唔錯,漢堡好鬆,阿哥又話雞脾好食,大家妟時回到80年代小時侯年代(我好細架咋)honey就烚烚下叫非招牌菜--黑椒牛排意粉,結果?阿哥話其實時新快餐唔係特別好食,80年代比比皆是,但到今時今日仍然保持呢份味道,就係懷舊之最,即係我們的集體回憶呀

雙層芝士蛋漢堡.....肉嫩,多汁,..."正"呀

上次只試了雙層芝士漢堡﹐已經覺得好好食﹐難忘距充滿住肉汁既漢堡扒..今次黎當然要試埋雙層芝士蛋漢堡 ^ ^ 由於係即叫即整﹐去到又多人﹐都要等左一陣先有..但係咬左一啖就知道等係值得既! 原來加左蛋﹐係好食好多! 漢堡扒仍然係好多肉汁﹐充滿住洋蔥既香味.. 加上蛋汁滲左去漢堡扒度﹐配埋沙律醬﹐好 match 好好好食! 而且熱辣辣﹐個感覺係好滿足! 咬完一啖好想即刻咬第二啖.. 正!!只係15蚊﹐以距既質素真係好抵食!如果屋企樓下都有一間就好喇..

之前都食過幾次，今次同老婆黎食番次~因為諗住有下半場，所以我地只叫左一個漢堡包share~今次叫既係雙層芝士蛋漢堡($15)兩塊大大塊漢堡扒，加兩塊芝士，再多一隻蛋~做午餐分分鐘都夠食~頂同底既麵包雖然都係嘉頓既麵包，但係烘過就係唔同d~漢堡扒即煎，真係好鬼香~~~佢default會幫你落沙津汁，我覺得個沙津汁配得好好~沙津加漢堡扒係好味既保證~落其他汁真係會大打折扣的...不過如果可以既話，真係希望佢擴充下...但係以佢既味道，睇黎我仲有排去~

同老公仔share左個雙層芝士蛋漢堡~沙律汁~十分fresh, 熱辣辣,兩塊厚d牛肉夾住d洋蔥粒,..真係好香口~d沙律汁令到個包好juicy~甜甜酸酸咁~咁大個包都只係賣15蚊only~隻蛋都唔薄, 兩塊包都脆脆地~真係幾抵食架...十二點幾, 大排長龍~~....要等, 佢即叫即整, 但係真係好新鮮~~一定會再番去~

終於有機會到紅磡，試一試高據榜首的時新漢堡。早上沒有人潮，點了雙層芝士漢堡，熱奶茶，約等五分鐘有得食。包身烘得夠熱，芝士接觸肉的部份都被肉的熱力溶掉，第一啖入口的感覺很好，肉香、洋蔥香及肉汁一瀉而注，醬汁的味道也配合，誰也沒有搶了誰的風頭，吃到了中心部份，有丁點兒要挑剔，因肉的中心不夠熱，祇可說是暖，雖然看不到不熟的粉紅色，自己腦裡閃出一個問號，肉夠熟嗎？應是熟的，繼續吧！。奶茶夠水準。我個人認為煎漢堡扒的時間若掌握好一點，如多煎二十至三十秒，可能更好，內夠熱而外有一丁點焦脆，而肉又大一點，當然這祇是對名店才有的一點要求，可能有些苛刻，但並無惡意，放諸一般茶餐廳，我早已收貨了。人就是這樣，像兒子考試已拿到九十五分了，老爸仍希望下次可以努力點，拿一百。單張上有介紹鍾先生是第二代傳人，不知如果是鍾老板親自煎是否會好些？因為今次是位女士煎的，鍾先生在切檸檬。下次會再來，因質素與價目都很受落。溫馨提示：多帶紙巾或濕紙巾，因食到一手都係汁。供應的餐紙太薄。

其實想食時新d野好耐....前幾日就同埋d同學仔去食一人叫左個雙層芝士蛋漢堡+薯條+可樂叫完等一陣間就有...新鮮熱辣影完佢個靚仔樣就立即食佢入口真係好多汁....唔係加上去既汁而係肉入面既汁個包真係幾高下....個口細d都食唔到...但係真係好好食真係食完想再食呀下次去食下其他先得

第1次幫襯，試左雙層芝士蛋漢堡+魚柳包，見全部order 都係即叫即做，魚柳包只屬一般，魚柳冇上任何粉漿，似只作調味煎香＋沙律汁； 雙層芝士蛋漢堡＋沙律汁，準備食佢發現好難入手，個雙層漢堡實在太厚，終於一大口吃下去，即刻明白點解成為食評No.1，吃過後整天都有著很滿足的感覺。事隔2個月再來惠顧，叫了雙層芝士蛋漢堡＋黑椒汁 & 雙層芝士漢堡＋咖喱汁，拎起個盤行埋位坐，未返到埋位已經發覺黑椒汁&咖喱汁真係好香!雙層芝士蛋漢堡＋黑椒汁: 黑椒汁好惹味, 但無搶去漢堡扒的香, 喜歡惹味的不妨一試。 雙層芝士漢堡＋咖喱汁: 呢個冇加蛋, 咖喱好香好好味唔會辣, 但係蓋過左漢堡扒既味.

見openrice咁好評價，一於就去試下。去到都有唔少人，由於即叫即整，如果去食就預左要等一陣。我叫左個雙層芝士漢堡、炸雞脾同凍檸茶。個炸雞脾可能係即炸既關係，好脆好有味，但就好多油。個雙層芝士漢堡就真係精華所在，個漢堡入面已經有左洋蔥粒，食落口感真係非常獨特，連埋d芝士真係一絕。$13一個雙層芝士漢堡、$10一個炸雞脾，好食過麥記多多聲，又唔算貴，值得推薦。

看到這裡很多人都推這間店舖，昨天一試之後失望而回。我叫了一個雙層芝士漢堡，炸著條同埋凍檸茶。三樣野之中只有凍檸茶合格，漢堡很鬆不夠實，咬了一口散晒了...炸著條可能放了很久，沒油同埋好乾...相信只此一次了

今日同男朋友特登係沙田去紅磡試下 因為我地都想試好耐男朋友係果邊返學 經過話果度好細間 我地下晝5點到去到都要等5分鐘到先有位我叫左個芝士漢堡加茄汁 佢叫左個雙層芝士蛋漢堡加咖喱汁 另外再叫左個炸薯條同一杯奶茶一杯凍檸茶男朋友話杯奶茶好好飲 佢個飽d咖喱汁氾濫 食到成隻手都係 我咬過一啖覺得都唔錯 佢都覺得幾好味反而我自己果個飽就麻麻地啦 塊漢堡好細塊夾係中間 茄醬又得好少 第一啖咬落去基本上係食緊2塊包同塊芝士 咬到中間先至似返個漢堡包d薯條就一般 因為我自己鍾意食薯條 其實同一般茶餐廳果d無乜分別總括黎講都ok 不過如果講真正好味既漢堡包 我同男朋友都推薦南丫島間土耳其卡巴好味道喇;) http://www.openrice.com/restaurant/sr2.htm?shopid=16562飽好味 口感一流 芝士薯條都係超級好味!

今次是第二次食啦!! 食同樣的漢堡包餐本人 : 漢堡包 + 凍咖啡 HK$17朋友 : 漢堡包 + 熱奶茶 HK$15漢堡包味道與上次一樣, 好味, 但係唔知點解, 牛肉就縮水了, 醬料也少了, 這應該是不加價的秘訣, 可是, 仍然覺得很抵食

感謝OPENRICE咁耐以黎帶俾我咁多情報, 所以我都決定要寫下食評啦! 呢篇係小弟第一篇食評, 多多指教!一直以來BURGER都係我幾鍾意既野食, 已經試過香港唔少地方既BURGER, 不過今次都係第一次來一直係榜首時新, 一試難忘。一去到, 第一次去都有少少難搵, 事關今日有雨, 佢開晒D篷, 睇唔到個名, 而周圍又多「賣花」既舖, 令人有D懷疑係唔係呢度! 但行過D, 見到店外面排長龍, 就知應該無錯啦, 同時亦見證到OPENRICE既威力!入到去, 坐滿晒人, 大部份人等買既都係外賣啦, 不過咁好彩又俾我搵到位, 就同女友坐低左。環境就唔會點好架啦, 似終係香港茶餐廳, 不過都算係幾企理既~坐低左, 我去買野食, 叫左兩個雙層芝士蛋漢堡($15), 一個炸雞脾($11), 一碟炸薯條($10), 一杯熱0賓($10), 叫我等叫NO., 我係7號, 睇左一陣佢整既情況, 四個人各自負責一部份, 一個專煎蛋同塊漢堡, 另一個專烘包, 一個收銀, 另一個出出入入炸薯條, 大家都做唔停, 真係好多人買! 睇見佢咁整, 就知一陣會食到既一定係ARM ARM整起既包, 正!點知原來先叫到