時新快餐店 (已結業)

來到時新, 目標只係一個傳統的港式漢堡包, 別無他想, 更唔會有非分之想我要左漢堡蛋包($11)配沙律汁, 等左十分鐘左右就有得食, 包係用上嘉頓漢堡麵包, 經焗爐烘過後暖暖脆脆的, 漢堡扒係自家製, 只係牛肉碎加洋蔥這麼簡單, 咬落去好多肉汁, 加上蛋汁, 好味到痺!! 絕對唔係麥記果d片片一樣的漢堡扒可以媲美, 因為佢地一定係落單後先即刻整, 雖然要等但係一定新鮮熱辣辣, 唔會有凍冰冰同整定的, 而且醬汁都可以選擇, 有咖哩, 黑椒, 茄汁同沙律汁, 但係塊漢堡扒好似比以前細同薄食完唔係好飽, 好奇地叫份鮮牛三文治烘底($10)試下, 點知又係咁好味, 食落去有好多鮮牛肉, 牛肉炒完有淡淡的沙嗲味, 但並無太大加工醃製的味道, 配多士食簡直又係另一個新發現, 可惜片方包烘得唔咁燶呢度d麵包全部都即叫即整, 又平又好味, 食過包你愛上

山長水遠過嚟，終於食到喇：$13 雙層芝士漢堡包 - 塊漢堡勁多肉汁唔乾身，正爆，果然係好野$15 雙層芝士蛋漢堡包 - 加$2就夾多塊蛋，不過蛋味不算突出，因為塊漢堡太正喇，有冇蛋都冇所謂 $10 炸薯條 - 冇分別，同出面一樣$10 炸雞脾 - 一般味道$10 凍奶茶 - 冇茶味又好食，又平過M記，真係好想成日有得食，如果有間近我屋企或者近我公司做好喇~

好好味, 真係好好味.我和我男朋友都很喜歡吃漢堡包, 時常周圍食漢堡包, 但偏愛時新的漢堡包.係咪最好味的, 我未必識答你, 但一定係是最獨特的. 雙層芝士漢堡包: 肉真係好多汁, 有見得到的成塊芝士, 你係可以清楚食到芝士, 比起好多其他漢堡包, 真係無這樣的層次分明的味道, 醬汁多到唧到成手都係. 炸脾: 好好食, 脆皮, 肉滑, 滑到不得了, 唔太多油(適中), 我好耐未食過咁好味的炸脾, 應該係話, 我未食過咁好味的炸脾. 雙層芝士漢堡包芝士蛋漢堡包炸脾炸藉條 (一般)果個雙層芝士漢堡包加隻炸脾, 會令我成日掛住佢, 成日都好想食.盡量唔好拿走, 唔好覺得佢地方簡陋, 要坐低食, 食最新鮮的味道, 最熱騰騰的 雙層芝士漢堡包和炸脾, 要熱親個嘴就最好...

早半年前因為排OPENRICE頭位所以試左一次,仲搵左好耐TIM叫左2個BURGER同薯條,BURGER D 汁好特別,同M記個D好吾同,食到成隻手都係薯條就一般啦,度度都食到雖然環境MAMA,不過始終係茶餐廳格局都算幾有特色,不過我吾會特登走去食

聯記川王等位期間，跟南瓜到時新買個雙層芝士漢堡打底..長駐門飯喇十大食店頭三位的時新，外表只是一間港式快餐店，感覺有點似灣仔金牛，充斥著老香港的氣氛。雙層芝士漢堡，先不談味道如何好，單單看漢堡飽的賣相 (特別是堂食的 presentation)，已足以令一眾美式速食店慚愧...時新的漢堡是以牛肉、豬肉加以洋蔥製成，加上略烘的嘉頓麵包，咬下去脆口中帶點質感，難得的是半溶芝士再將整體味道昇華到另一層次，想想 $13 的價錢，的確值得一試再試!

那天早早起來與老公專程駕著車到紅碪驚覺原來鼎鼎大名的時新就是小時候常常走過的一間平平無奇甚至是...污污漕漕的舊式快餐店..小時候從沒有聽過甚麼漢堡包大王的稱號老公想也沒有想就點了一個"雙層芝士蛋漢堡" ($15):正確一點是一塊芝士..兩塊牛肉..一隻煎蛋...配沙律醬..老公吃下一口..沒有說話..快快的接下了第二口..終能從老公手上搶了一下...咬下的一剎... 牙縫間感覺到肉質的鬆軟...牛肉汁混和著帶有香味濃濃的沙律汁..汁醬豐富得令人無法停止..煎蛋比麥記的來得嫩一點..不至於老老的樣子..最重要的當然還是那塊漢堡..鬆軟之間又帶有點點肉粒的嚼勁..肉汁豐腴還帶有濃濃的牛肉味令人無法抗拒...令熱愛漢堡包的老公也投降了..老公認為比其他一切M..Burger K...OOO...都要好....另外點了炸薯條..也許光顧的時間尚早..即點即作..等了一段時間..但波浪紋的薯條...乾身的不帶膩膩的感覺....沾上酸酸的茄汁...不消一會又消耗了...就這樣..快快樂樂的離去...

看到開飯上的時新好評如此之多不去真的會後悔的特別去到紅磡找這家店而且已經想好了要吃雙層芝士其實是因為我先以為雙層芝士指的是雙層芝士結果人家指的是雙層肉肉不過也接受啦很暖很香的漢堡吃過只能用滿足來形容芝士超香的點了份薯條就沒有這么好了沒有什麽味道的感覺

貴為開飯網的長年皇者,我本以為必有過人之處;可惜,我前後試了四次,找不出其突出之處。薯條是合格有餘,但終究沒有值得誇讚處。所謂的漢堡飽,食左四次,味道如一:塊飽一般,微硬(留意!係硬唔係脆!!)牛肉:完全唔明點解咁多人話肉味香濃無匹,我認為果塊肉餅於本人口中時,我只覺在吃一件物事:吃起來的質感像肉,但肉味係0!汁:只係一般,求其係超市買同類型既汁都可能同佢差唔多熟悉我既人都知,我係一個直腸直肚既人,平則讚,不平則鳴。機會已比盡,如無必要,絕不再去!!仲有,服務態度唔掂,我同佢講唔該,果條友(就係拎住嘉許狀果位仁兄),居然以長輩向後輩既神氣同輕視既目光向我點頭!全世界得你一間漢堡飽店!?!?不知所謂!

貴為OPEN RICE的頭三甲，相信一定係有佢既獨特之處，有一次山長水遠特登去食。。或者係期望真的過高了食了一個魚柳包，芝士漢堡同薯條，講真，我真係覺得burger king個d好食好多，而薯條亦都太油啦。。或者係我唔習慣呢種味道，但對我來講，試過一次便夠了，唔會再特登去！

期待以久的時新終於在上星期日去了可能在這看得太多它的好評了總覺得自己對它的期望有點過高=3=他們的漢堡很新鮮是沒錯,材料也毫不吝嗇漢堡扒肉汁非常豐富,吃完滿手肉汁好不狼狽!不過我還是覺得m記的漢堡扒雖然是乾了點但較有肉味,表姐說吃漢堡包不是吃牛排,肉味不重那就一定是當然的啊!她也說得有道理啊!再來炸雞脾一到手的時候就聞到陣陣香味,即使將要爆肚都不得不一試吃一口!!雞脾表面炸得乾身,裡面卻藏著不小肉汁,肉也算嫩滑,味道剛好不過咸,不過吃的時候可真要份外小心,不然真的會被裡面的雞汁燙到幸好他們還是很貼心的幫我們準備了刀叉,不用我們下手去吃有機會的話還是會再來吃的!

自從電視台飲食節目當道，經知名節目主持人推介後，那些他∕她們口中的食店，就好像成為美食大代表，不吃總會成為一生撼事。結果羊群效應不停產生，但實則該等食店可能平平無奇，只不過是主持人要盡其職責，所以才大為唱好，難度大大聲話難食咩？因此，我絕不相信甚麼名人推介，只會信自己的嘴巴和舌頭。同樣事放在「時新」上，其實也應持同一態度。「時新」在「開飯」中經常名列好評頭三甲，可想而知當中盛讚她的民眾可不少。我絕不是說當中大部份是鱔稿，或大家都不懂美食為何物，其實人人口味不同，有些食物我吃過感動流淚，在其他人而言可能不過爾爾。「時新」就是其中一個例子。之前從沒光顧過，也不知她的正確位置；後來看了多次食評推介，便心思思想試一下，因為本地漢堡包確是一份美麗的珍貴回憶，「時新」在這方面，確是已先贏取民心，取得高分。至於味道呢，當然以我個人味覺為出發點的話，是可以的，但就談不上很好味；還不過是一個普通到極的漢堡包。日前因為出席一個舊同學喪禮，而給我發現，原來傳說中的「時新」，就在「世界」附近；二話不說，立即入去填肚。要了一個芝士漢堡包，及一個牛肉公仔麵。那個麵不要提喇，除了填飽肚子外，沒有價值可言。至於芝士漢

原本想去聯記川王試食, 點知又冇開。於網上見到好評如潮, 於是便轉戰時新。叫了一客芝士漢堡飽, 炸薯條, 朋友唔食牛肉, 叫了一客魚柳飽。芝士漢堡飽 - 沙律汁特別調製, 味道ok, 芝士半溶狀態, 好味, 漢堡扒好淋, 淋到食落唔似食牛肉, 個飽size細, 好快就食完, 味道只可說是普通 魚柳飽 - 朋友話魚柳唔新鮮, 好腥, 食左半個就放低薯條 - 份量少, 唔夠脆總括來說, 一試無妨, 但no next time

十月二十九日一直看見這快餐店好評如潮，下午二時左右在紅磡辦完一點事務，還未吃午餐。正是一個好機會到此一遊。店面不大的小店卻熱鬧得很。可能遇著對面大學落堂還是午飯時間，店內迫滿很多大學生，直至二時半左右學生們就開始漸漸離去，店內才開始變得稍為清靜。看了看餐牌，價錢不貴，漢堡類都是十多元一個。要了一個雙層芝士蛋漢堡，炸雞髀和一罐可樂。食物都是即叫即製，所以要等一段時間，今天人已不算多，但也等了十分鐘左右，人多時就要多一點耐性。雙層芝蛋漢堡﹙$17﹚︰份量十足，拿起來有點困難，墊底的紙不夠大包著個包拿起，唯有徒手拿起來吃，但又怕汁會溜掉，十分麻煩。漢堡扒好鬆，入口即化，而且還有點洋蔥等在內，十分美味。芝士遇熱有點半溶的狀態，最愛﹗﹗一向食漢堡都唔中意要煎蛋，覺得會好怪咁，但今次食過原來漢堡配起蛋都幾Match。在旁的一些大學生邊吃也邊贊不絕口，果然名不虛傳。炸雞髀﹙$10﹚︰炸雞髀在以前小食 / 下午茶是最經常選擇的一項。不知從何時開始，香港很多地方再沒賣炸雞髀，即使有多也是低水準之作。今天吃到這裏的質素雖不可說是最好，但已是近年吃過最美味的炸髀。之前吃過金牛的炸髀，外皮夠乾夠脆，但連內裏也

和很多人一樣, 因openrice 而慕名去時新食漢堡包時近2點半的, 沒什麼人, 叫了漢堡包+熱咖啡: $15拿到後: 份量不大, 打開包面看看: 漢堡就更細, 沙律汁也不多, 不消一會就消滅了這個包, 是比麥記好, 但沒大家說得那麼誇吧? 只能說以這個價錢說, 是不俗, 但不是什麼非吃不可的東西

相信有時好味道，是關時代的事。香港越來越多漢堡飽，吃的都是新時代的味道。而時新快餐店的漢堡飽，吃的是七八十年代的香港味道。有天在尖沙咀閒著，想起紅磡有這裡，專誠前往．．．嘩，人很多，大人細路，甚麼年齡也有。由於知道自己不會經常來，一點，就點了最豐富的雙層芝士蛋漢堡。才15蚊雞。好味道，好滿足，好快樂。