時新快餐店 (已結業)

一行4人專成拜訪人氣一直高企既時新快餐店，等左好多個月，終於有機會去試下....叫左雙層芝士漢堡飽，$15，即叫即整....好似都幾新鮮啵，試左淡，食多幾淡...咦..其實都冇咩咁特別姐...食唔出D咩suprise啵...唔太讚成大家特登入去紅磡尋堡...經過可以一試吧。成個飽點睇都應該用普通料堆砌而成，實在冇乜特別....

自己本身住黃埔果頭,不過之前未去過時新.因為要做專題;所以去左時新試下雙層芝士漢堡.間野真係好有feel,而且老板超好人.漢堡包真系好正,果然名不虛傳.個包食果陣仲系熱既,d芝士仲溶緊,因為系即叫即整既一咬落去,d牛肉食得出同m記果d好5同,好好味!超正.加上價錢平,抵食.超級推介~

經過友人強力推薦後，上星期行過果頭就專登過去試下！我叫左個芝士漢堡沙律汁，老婆就叫左個漢堡包黑椒汁！另好友就叫左個雙層的漢堡沙律汁，等左一陣終於有得食！一食之下... 咦？乜冇味既？沙律汁唔知係咪溝左水，好淡，件漢堡牛肉又冇肉味，唔知想點！試下我老婆個黑椒味，一樣冇肉味同好淡... 唉，我去M記食個漢堡包好過....之後我再走去諗買杯野飲，企左一陣都冇人過黎幫我落單，咁我就等一陣啦！陣左大約一兩分鐘後，佢先私私然行埋黎落單，但竟然唔係幫我！係幫我隔離個靚女落單先！個靚女都已經好有禮貎，同老闆講話係我黎先，點知個老闆竟然話：唔緊要，你先啦，佢淨係叫野飲，好快！妖... 唔會再去！

呢次已經係我大概第五次食之前次次都係食雙層芝士蛋漢堡包由第一次食開始已經覺得塊漢堡好咸好咸, 係有肉汁, 不過我食唔出係牛肉味, 淨係不斷覺得好咸好咸.....之後每次食都覺得一次俾一次無咁好食, 每況愈下...今次第一次叫單層芝士蛋漢堡包, 更加覺得唔好食... 又細又乾....原本上次我都係俾ok, 今次真係要俾喊臉...如果唔係因為要去紅磡都會廣場攪婚紗相d野, 必經呢度, 我一定唔會特登黎食.....

早排因為有親友仙遊,去了某大酒店.知道此店在附近,完了事便順道拜訪.店在路旁,門口有一張小海報,是這間了.店很小,坐滿了年輕人.只見一個開放廚房,幾個人很熟手地做着不同工作.我試了一個芝士漢堡,內面無位唯有在門外吃,包是一般的,芝士漿汁一般,但漢堡扒好鮮味,這種鮮味在其它XXXX店都找不到,收錢的可能係老細,都很友善,值得推介!

上黎睇過排行榜，人人都讚好食，尋日經開，買左個芝堡試。食完，感覺無乜特別，好彩唔係專登黎。肉質OK啦，食落無乜牛肉味，叫做即刻整有D誠意。地方唔係好乾淨，雖然呢個唔係重點，但都影響胃口。總之，我覺得一般，如無必要，不會再食。

次次黎親openrice都見到榜上有名既時薪快餐店, 即使本時去紅磡係幾唔順路, 對漢堡包無咩特別興趣都不禁對呢間餐廳起左興趣. 搵左好耐終於都搵到位舊同學願意同我山長水又遠去到紅磡試食. 好期待呢~~~之前只睇地址確實唔知係邊到. 不過好彩咁啱睇食評既時候見到有位食友講埋點樣去. 因為呢個舊同學真係好耐無見, 我都唔好意思等佢黎到先行錯路, 所以趁有時間就自己去考察下先. 2點去到見到門口有一大堆人. 暗嘆openrice既威力同埋自己唔係而家去食. 不過我3點再同友人到達, 雖然門口既人群散左d, 不過依然係好多人. 第一次黎我開頭都唔知應該點. 究竟係係門口等位定係入去裏面等? 搞左好耐我哋先知係好似茶餐廳咁企係d人行面等. 不過好彩係我哋迷惑中咁啱有兩個空位, 即刻坐落去~~~我淨係記得話時薪既漢堡包, 薯條, 同埋雞脾好食, 不過一坐底先知原來有好多唔同既漢堡. 同朋友諗住個餐$15仲有杯野飲好似好抵咁所以就一人叫左個餐. 落完order之後見到我張order排係十幾張order紙後面, 真係好生意. 十幾分鐘之後終於聽到我個number喇. 一見到個漢堡包先知我哋叫錯左.

去完大酒店,朋友說附近有一間快餐店的漢堡飽很出名,我就有朋友來到這裡.我不吃牛所以點了炸雞脾+可樂,朋友點了漢堡飽,炸薯條+可樂,先說我的炸雞脾,皮很脆,肉好滑,沒有炸得過火,可樂就是罐裝可樂,朋友對漢堡飽的評語是沒什麼特別,就像是小時候那些快餐店的漢堡飽,漢堡扒有洋蔥,吃落有肉汁,我說這就是特別之處,以前很常見,但現在不是吃m記就是burger king的漢堡飽,這樣的舊式漢堡飽你是幾年之前吃過,朋友無言.我再說,不要這麼大聲,我們這樣說別人便知道我們的年紀,因為全場都是20歲左右的年輕人,他們是m記,burger king和wendy的年代,而我們就是這種舊式屋邨快餐店的年代.

一個月前曾經去過時新，當時覺得水準不錯。但之後上openrice，見到網友評價有讚有彈，於是再去多一次，試真d時新既食物。上次我叫左雙層芝士漢堡+炸雞脾，今次加埋炸薯條。個新叫既炸薯條其實唔算太特出，太多油，不過都算得上幾脆，不過不失，雖然我唔太sure，但薯條應該係街買而非自製。而雙層芝士漢堡及炸雞脾水準就依舊出色，個特製漢堡在製作過程入面已經加入洋蔥，口感獨特，其他地方真係食唔到。炸雞脾雖然都係多油，但炸得夠脆，肉味亦不差，真係時新既兩大特色食物。整體來講，我眼中時新仍係一間出色既餐廳，環境雖然狹窄，但有八十年代既特色。同埋來到時新，一定要叫漢堡呀~

因為要參加葬禮，連續兩日都去咗食漢堡飽第一日下午茶食芝士蛋漢堡第二日早餐食芝士漢堡肉好厚，有肉汁，有洋蔥味但太散，咬落都分唔到包同肉，有啲似乾版蒸肉餅1X 蛟一個，係抵食，但味道冇大家形容得咁好如非路過，唔會專程去食

一行六人廣仲小隊由尖咀殺到時新 六個人每人一個漢堡包 個個都新鮮滾熱辣六個漢堡包有d 加蛋, 有d加芝士, 有d加雙層 有d 加茄汁, 有d加黑椒汁, 有d加沙律汁總括 個個都話好味 個個食完都話唔想食麥記 雖然很多人不過值得一讚是服務態度沒有因為人多而變差 亞叔亞姐都好有禮而且 漢堡包 出品依然是新鮮滾熱辣 .. 10個讚! 可能是見店內的服務員不多 眼見很多人都同我地一樣落手落腳執檯呢d就係大型連鎖店無既人情味 ~~~ 弊... 而家又心思思想食時新的 burger ~~~

昨日我們專程到時新，很多客，堂食外買都坐滿了。點了雙層芝士漢堡及炸脾，亦點了茨條，因女友鐘意食。總的來說是: 唔熱，但味道不錯。雙層芝士漢堡： 唔熱!，我相信是芝士醬唔夠熱，影響了剛煎好漢堡的溫度。 味道是不錯的。炸脾： 唔熱! 但食得出肉香，炸得不錯。茨條： 唔熱! 冇茨仔味! 最重要的是冇落鹽呀.....其實唔熱(或太快凍)是各類炸物的死穴，點解即點即整即食的炸物都可以唔熱的呢? 另外店內發出陣陣坑渠"幽香"，要改善了。

特登殺落紅磡,為左試哩個咁出名雙層芝士漢堡好多人排隊,即叫即制,新鮮熱辣,雖然前後都等左3,4個字咁既價錢都算有水準,等耐D都抵同M記比,肉質好好多,感覺唔係普通一塊普通超市都買倒既漢堡扒價錢平在無靚裝修既樓面所以都prefer買完攞走食見到D雞脾都幾大隻,無炸到干哂,縮哂水怕太油無試到,下次會試下!

紅磡第一站,就係呢間,想黎好耐今天終於有時間黎試下,初時諗住難搵點知好快就搵到初時以為普通茶餐廳格局,但去到環境比我想像中細,很逼人,食落坐得耐都唔太舒服食完兩個包就急急腳走人企係門口諗左兩諗,ORDER左個雙層芝士漢堡加個漢堡包等左一陣就有得食,話說即整,拎上手都熱熱地塊漢堡扒係ok既,自家製有肉汁肉味,仲有少少洋蔥其實最欣賞的反而是個麵包皮,食落就好似烘底咁可能係即整關係, 好熱同有少少脆但個漢堡真係勁細個囉, 女仔應該食一個都唔夠,何況係男仔呢雖然整體黎講食落唔係話太特出,但都俾出面一般快餐店好但未去到太驚人既地步,下次都想埋其他因為見到其他人食薯條同大雞脾都幾吸引

花了一些時間搜集交通資料,在一個月前的下午去了交通比想像中的方便, 由港鐵站往紅磡方向, 過了行人天橋,一到地面, 即見時新店面雖舊, 但清潔乾淨,于人好感, 店外張貼的單張,竟能貫徹懷舊氣息,叫我懷疑是否刻意營造,不過,以這間小店的實惠風格,大抵只是隅然,但發現有一系列的咖哩菜式貼在當眼處,相信會是另一王牌, 有機會的話, 一定試試店內裝潢懷舊,彷如回到中學時代, 放學後到快餐店,吃漢堡包,薯條,飲可樂的日子一個漢堡包加凍檸樂二十來元,經濟取過漢堡, 是現製的, 包是烘得熱軟脆的,醬汁香甜中帶一點點酸, 平衡得好,雖是港式,但新鮮熱烘的漢堡, 散發著肉香,且肉汁豐盈, 內有細切洋蔥, 調味適口, 吃後沒有口乾,實是其中佳品最叫我感動的是凍檸樂, 玻璃杯+冰+多片檸外,竟有一罐可樂當我手持可樂到旁邊的店子吃川菜時,心裡響起了這句話:善待客人的店子,總會愈來愈興旺的