時新快餐店 (已結業)

成日都睇openrice 見時新長期都好多個笑臉，好想試下係咪真係咁好食。加上佢有炸脾，你我地的最愛，所以前幾日同BF 去左食這裡環境就是很舊式的快餐店啦，細路仔個時都有去呢D快餐店架。我地叫左2個包(雙層芝士漢堡包、漢堡蛋包)、一件炸脾同一杯檸樂雙層芝士漢堡包 (黑椒汁): 個包唔乾身暖暖地，件漢堡都好厚，入面有洋蔥，好新鮮，仲好多汁，加上D黑椒汁，成個包都"惹味"。但係如果D芝士溶D更好。漢堡蛋包(沙律汁): 同上雙層芝士漢堡包 感覺差不多，隻蛋好飽肚，但沙律汁反而好淡，有D失色。炸脾: 此行重點，一見隻脾就流晒口水，雖然好多油，但好"惹味"、好香好脆咁。一入口，脆得不得了，仲好多汁，都分唔出佢係油定肉汁，但係無油汁的乾炸脾又黠會好食呢。不過就咸左少少啦，但由於隻脾有D肉係比切走左，所以唔係好大隻，好快就比我地食晒，真係好好味，而家要搵食到炸脾的地方都少左好多啦。最後黎一杯好解渴的檸樂，成餐都好好味，好好味，而家仲好回味。一定會再黎。

今日終於勾起條根去食啦, 真係古佢唔到係一落橋就到....哈哈~等我地入左去又出反黎先發現...(一額汗) 環境比想像中細..果然係快餐店(~食飽就閃記果D~) 我地叫左一個雙層芝士漢堡(一人一半食)好X1000...好食啊..,一隻炸雞脾(油到爆炸..),再黎杯紅豆冰 (唔錯唔錯!!)好想黎多個飽嫁但一陣仲有餐所以放棄左.....

其實呢d 香口野....都好難會唔好食價錢ok啦 13蚊一個芝士漢堡包塊扒的確唔同m 記果d有小小似平時gur扒果d扒芝士唔太溶...可能天氣凍掛整體不錯但環境有待改善.......................最好唔坐d 望到toilet 既位如果唔係會反胃不過可能我大食食一個包唔飽

同男朋友順路來到紅磡，原來好就腳，沿住天橋行過去就見到，未行入鋪頭已經好多人，坐低之後，就決定食咩野雙層芝士漢堡蛋包$15（男朋友）雙層漢堡蛋包$13（我）薯條$10叫左之後，大約等５分鍾就有得食，蛋汗都流曬出來！一咬落去，好多漢堡汗流出來！不過兩款包差唔多，唔細心睇真係唔知唔一樣！薯條比較淋，無咩特別！下次順路再來食過！

第 2 次來吃是因為愛吃burger愛吃這款獨有的burger只是簡簡單單用上嘉x 的包卡夫芝士的雙層芝士蛋burger足以令你回味。>3<唯一美中不足是難以泊車

係呢度個個都喜歡叫漢堡飽. 除此以外, 我最喜歡的卻係炸雞肶. 何解? 呢度的雞肶係醃得極之入味既. 一般的雞肶都係炸得香口, 味道卻欠奉. 但這裡的卻似乎先醃得入味, 或者先鹵水過吧! 不然怎可這般味美?! 皮炸得香脆非常, 一咬下已沙一聲. 雖然有點油, 但脆皮再加上嫩滑入味的雞肉, 滿分!

又到了紅磡時新快餐店，環境沒有變，仍然是七、八十年代的環境，簡單直接沒有豪華裝修，價錢還是很平宜，十多元漢堡、幾蚊雞薯條，味度還是很好。牛肉和麵包都是即叫即烤，牛肉餅有肉汁，熱辣辣美味，加上白色的醬汁和芝士生菜等，比一般坊間的西方式的漢堡包有完全不同的感覺。這裡越來越來越出名，很多人在排隊，希望將來質素不會下降了吧。http://icuteee.mysinablog.com/index.php?op=ViewArticle&articleId=1491707

朋友介紹，再加上OpenRice各好友大讚，於是放工去試下呢個咁出名嘅時新漢堡！天橋下的老鋪，簡簡單單．　坐低左就去叫野食，叫左兩個漢堡加薯條汽水．兩層芝士蛋漢堡咖哩汁如果你話味道，其實麻麻，但係以"快餐店15蚊漢堡"黎講就真係絕對抵食，size夠大，肉夠厚（雖然完全可以話無肉味），蛋夠份量，口感其實真係唔錯，咖哩汁漢堡個感覺都幾特別．　芝士蛋漢堡茄汁個情況其實都係差唔多．薯條認真麻麻，炸到乾晒．　無味道可言．唯一真係抵讚嘅，真係抵食！　兩個人$50蚊食左一餐，今時今日，去邊度搵？

UM...係紅磡番左成年工...都未食過呢間野~OPENRICE D人勁贊~所以早2日同個住呢頭附近既朋友去左食...2點幾去到~唔係好多人..間舖比我想像中既細不過好有「大力水手快餐店FEEL」我同我朋友都嗌左雙層芝士蛋漢堡包~~真係唔錯...不過我個FD一食就狂必D汁出黎我就好D...15蚊食一咁大既漢堡包，都幾抵而且佢D漢堡係軟淋淋，一咬有汁，正!另外嗌左個薯條~呢個就真係 ma ma~

去開紅磡, 專登去試下好出名既漢堡飽, 都幾多人點漢堡飽, 等左15分鐘, 熱辣辣既芝士漢堡送到我手上, 一啖咬落去, 面包幾軟熟, 塊漢堡都幾多汁, 同埋應該加入左少少洋蔥調味, 幾好味, 唔會只得牛肉味,咁單調, 而芝士因漢堡&面包的熱力, 有d融融地, 及加好味. 價錢也大眾化.

細細個住呢頭都成日喺度買漢堡包做早餐，味道當然唔記得晒，只係知成日去，嗰時佢都冇而家咁紅；分別經年，佢已經係開飯嘅超讚當紅食店，今日特登再一次重溫兒時曾經日日食嘅漢堡包。紅店果然多慕名而來嘅食客，我哋排咗一陣先可以入到去，叫完佢係即刻做嘅，所以先搵位坐低，聽號碼再攞嘢食。店入面冇乜點大整過，係佢啲膠袋印晒字，仲有啲員工有制服著咁囉，終於食得嘞，我哋叫咗： 雙層芝士蛋漢堡包：山長水遠嚟到，當然試佢最貴最多料嘅包款啦，佢嘅包有烘過，少少外脆內軟；牛肉有兩層，入面有啲洋蔥粒增加香味同食味，牛肉味唔係太濃但肉汁豐富；中間塊煎蛋啱啱煎到剩番個蛋黃有少少未熟，食落好嫩，仲可以濕吓塊牛肉，等佢再多啲汁；最底層嘅芝士因為熱到半融，亦加添美味，的確係比麥記出色好多！ 熱狗：普通咗啲，沙律汁唔夠杰身搞到個包好濕，腸仔亦係來貨，一般處理手法冇乜過人之處。 凍鴛鴦：夠香夠濃，面頭仲有啲似意式咖啡嘅泡沫，幾好飲！可能係期望過高，唔係覺得特別好味，因為好多快餐店啲漢堡包都差唔多係咁嘅味，可能咁啱紅磡呢個位得佢一間，所以先創造到佢嘅傳奇！

今日去開紅磡做野, 見到openrice有咁多好食評, 梗係去試下啦！一入到去, o係舊式快餐店的格局, 環境就一殷, 不過有電視睇！講返正題，今次點左雙層牛肉蛋漢堡($15)+可樂($6),個包即叫即整，熱辣辣...由於太多料, 個口唔夠大, 唔能夠一次過試晒o的料...>.<...第一口試左o的蛋, o的蛋白好滑, 個黃半生熟咁...煎o個個都幾犀利呀！個包就暖暖地, 好軟熟~~至於個漢堡牛肉o個邊就脆脆地, 入面有好多洋蔥好香, 牛肉亦唔會太實, 又唔會散晒出黎...塊芝士都好唔錯, 溶溶地咁, 令個包更美味。今次我揀左沙律汁, 不過個汁好稀, 一路食就一路滴成手都係, 食到好狼狽...>0<"...哈哈~~下次可以試下其他醬汁~~總括黎講，味道同價錢都好過m記同fat burger~~p.s. 入親黎既大部分都係學生, 個個都order漢堡ga~~

第一次食...都算啦...覺得無乜特別..唔諗住食第二次..第二次組過比fd拉左去食...開始有d反感...甘既burger...真係唔值長期第1位第三次再去...真係覺得難食...個沙律汁好似水甘...塊排散到不堪..屋企都整得到..真心覺得有d搵笨..

第一次去，不過是早一個禮拜的事，但印象都幾深刻。因為我食的都係雙層芝士漢堡，雖然唔會似美式餐廳咁大堆頭，但真係好軟熟，連卡夫芝士也被感染了，成件事變得好美滿。其他小食，只試過薯條，屬於普通貨色。心想，最初對時新推崇備致的，會不會是理工的學生，尤其係佢哋canteen冇啖好食，令到同學們跑出來覓食呢？時新係真係好有「香港八x」銀禧小食店的格調，食物的種類和陳設，好似帶人返咗去八十年代咁。不過，我覺得少咗一樣嘢，就係d有物相片的燈箱，如果加番，就簡直係走咗入去時光隧道，仿如置身廿年前某個屋村的快餐店一樣。p.s.有冇人可以勸得動蔡瀾來試食呢？薄酬。

看着過往不同的食評有的讚、有的"彈"本來我也不打算特意前來直到看了那篇.......還是先說回 "雙層芝士漢堡"牛肉味濃、加上洋蔥粒有肉汁、很鬆軟(m記的是很死實的...)包包外脆內軟還有沙律醬、芝士很配合、很好味其實那篇食評提到這種漢堡包以前很普遍現在卻只有那些大型連鎖食市.....請繼續支持!!!