星海薈 (利舞臺廣場)

营业中

休息中

位於銅鑼灣利舞臺酒家《星海薈》裝橫富麗堂皇，一入去就見到一條華麗嘅樓梯同水晶燈，好適合宴會包場/百日宴及辦婚宴等等，一定唔會失禮下午茶嘅點心好多樣化，又有特式ღ趣緻荔枝百花球 $38好趣緻，荔枝造型，外層脆卜卜，入面放滿新鮮爽彈嘅蝦肉，好有口感ღ雞粒鮑魚酥 $38@面頭嘅鮑魚入口軟滑彈牙，下層嘅雞粒酥咬落香酥惹味ღ星海薈蝦餃皇 $32蝦餃晶瑩剔透，加上面頭嘅金箔更高貴吸引🤩蝦肉新鮮爽口ღ南翔小籠包 $30小籠包有3粒，每粒都有滿滿肉汁，肉餡食落鮮香十足！ღ蒜香芥末明蝦角 $38蝦角脆卜卜，入面嘅蝦肉同樣新鮮又彈牙，加上芥末味香濃，好滋味ღ櫻花蝦銀蘿脆皮腸 $38外層柔軟嘅腸粉包住銀蘿脆皮入口脆身，銀蘿脆皮層次十足，加上櫻花蝦，口感豐富ღ 老乾媽蒸鳳爪 $30鳳爪大大隻，蒸得好淋，醬汁好入味用老干媽醬汁調味，味道濃郁ღ甜品杞子桂花糕 ｜鮮芒果布丁｜芒果楊枝甘露｜甜品都有好多選擇😍揀咗3款，杞子桂花糕味道清甜可口，鮮芒果布丁充滿濃郁鮮芒果香，口感滑溜，芒果楊枝甘露香甜又帶點清爽

酒樓轉名後第一次幫襯，在未滿座的情況下，整體的員工態度都不合格。在有訂座的情況下，首先獲安排第1張枱，沒有員工帶位。剛坐下員工又要求轉位，一共轉了3張枱。點心紙只有一張，要主動詢問才會給你多一張，難道他們不預計客人加單？上菜放枱邊，沒有固定的上菜位。第一個要求你讓位俾佢上菜，之後的員工又在另一個窄位上菜。上菜時又會整濕枱面的電話。茶好淡，食物質素一般。整體就如街坊酒樓一樣。以這個地段及價錢，實在有更多更好的選擇。

今日黎到銅鑼灣利舞臺食點心😚 一入門口就見到勁靚勁華麗嘅樓梯水晶燈😍 影相打卡一流，考慮搞婚禮嘅朋友可以考慮下🥴👍 裡面樓底好高，燈光明亮，餐桌之間空間感十足，擺到好多圍枱✅ 無論宴會包場，抑或團體社團聚餐都好合適👍 今次試咗幾款餐廳本期推介😋 包括趣緻荔枝百花球、南翔小籠包同埋雪山焗叉燒餐包🌟 荔枝蝦球造型名副其實，真係成粒荔枝一樣🤣 好得意🤭 食落外層脆卜卜，內裡蝦肉爽口彈牙，好有嚼感😚 必食🥴 小籠包用一個個小籃子裝好，唔怕漏湯🥴 設計好用心🫶 小籠包皮薄餡靚❤️ 肉汁滿滿，超級高質😋 雪山叉燒包圓碌碌好可愛😍 包身軟熟鬆化，內裡叉燒餡甜美可口，令人食唔停口😋 另外亦㨂咗飲茶經典必食嘅蝦餃燒賣🤤 星海薈蝦餃皇大大隻好飽滿，上面還潵有金箔🤩 感覺好高級😚 食落鮮蝦鮮美爽口👍 超正🫶 原蝦燒賣皇頂端真係有成隻蝦🤭 好足料❣️ 食落豬肉嫩滑可口，鮮蝦好新鮮❤️ 啖啖肉好滿足😘 甜品㨂咗好多款🤭 首先當然要試餐廳新出嘅焦糖西米焗布甸❤️ 真係即叫即焗，上枱熱辣辣🤩 食落粒粒西米好有嚼感，內餡填滿香滑嘅蓮蓉，整體甘香甜美，好出色👍 另外亦試咗養顏紅棗糕、招牌酥皮焗大蛋撻、鮮芒果布丁同埋生磨蛋白杏仁

上星期帶了家人去這間位於銅鑼灣利舞臺的中菜酒家慶祝中秋節，裝修富麗堂皇，樓底好高，地方寬敞，菜式精緻，服務也不錯，好適合和家人朋友聚會和宴會包場，最近更推出多款名貴菜式的優惠，當日我和家人去吃晚市，都有很多食客光顧～😉1. 🐣秘製瓦罉蔥油雞 ($98)這個是原隻雞的份量，非常抵食，原價要$288，雞的表面佈滿大量蔥油，雞皮和雞肉都非常嫩滑，配上蔥油醬汁非常惹味，送飯一流，滋味無窮！😋👍🏻2. 🐥紅燒皇子乳鴿 ($68)即叫即炸，皮脆肉嫩，咬開還有肉汁，非常Juicy又入味🤤 乳鴿體積比一般的偏大，更可以沾上淮鹽或喼汁，我覺得不用點都已經好夠味！☺️3. 🐣椒鹽雞軟骨 ($68)即叫即炸，爽彈有咬口，而且都幾大粒，記得趁熱食～這個價錢來說，份量都幾多，送酒一流！ 👍🏻4. 🦀招牌白胡椒蟹 ($638)肉蟹好大隻，肉質鮮甜，蟹肉一絲絲，蟹鉗和蟹身都幾厚肉，好香白胡椒味，味道有點辣，喜歡食蟹的朋友不要錯過呀～😉📍星海薈 (銅鑼灣) Lee Gardens銅鑼灣波斯富街99號利舞臺廣場5樓 (港鐵銅鑼灣站A出口)電話 : 2811 9181

今日我地一家三口過嚟飲茶，星期一不算忙walk in有位。12:12已落單，點知D點心全部逐樣上，我地食完一樣抖一陣再上第二樣，隔離左右D檯都係幾樣嘢一齊上，唔知真係以為嚟左食法國菜！最後一樣泰式炒飯唔知係咪泰國運嚟，等左個幾鐘都仲未嚟，我地話如果無整就由佢啦，又話要幫我地追，xx於是我地又坐係度等落去！D staff淨係識得行嚟行去扮忙，落漏單追單當冇事發生！香港D飲食業staff真係好差！！！！！

位於銅鑼灣利舞臺呢間星海薈，最近同屋企人開餐試過，覺得好值得推介😙 菜式精緻，裝修高級堂皇，連服務態度都非常殷勤✨今次我地試左：🥢招牌白胡椒蟹 $638餐牌上大大張菜式圖片，估唔到隻蟹上碟都係咁大份！🤩 白胡椒味夠香濃，襯托出蟹肉嘅鮮甜，而唔會搶咗蟹肉嘅光芒。蟹肉一絲絲，斤兩足，啖啖肉！兩個人食都好滿足！🥢紅燒皇子乳鴿 $68乳鴿皮脆肉嫩，咬開仲滴住肉汁同油香😋火喉掌握好好👍🏻🥢虎皮尖椒 $68 尖椒浸過陳醋嚟煮，又香又開胃。 🥢羊肝菌燴豆腐 $128羊肚菌夠矜貴又有香味，豆腐燴得完整又夠勾茨，調味出色，襯托清甜豆香。🥢紅燒煲仔翅 $248🥢冰鎮花雕5頭南非鮑魚 $78🥢爽皮勝瓜浸海斑球 $188 呢度嘅樓底高，裝修高雅富麗，仲有環形樓梯同多盞大吊燈，花系佈置最適合壽宴、婚宴、百日宴大開筵席🎊中秋黎呢度食團圓飯都好適合~

今日去咗銅鑼灣利舞臺星海．星海薈同屋企人飲下午茶，平日下午去酒樓比較少人，坐得舒服啲，服務員服務當然更好。酒樓屬於長方形擺位，有一個很大的台，仲有一條長樓梯可以影相，好適合結婚擺酒。化皮腩仔$108，個皮脆到好似薯片咁，肉又半肥瘦好嫩滑，屋企人話好好食，仲話應該用假牙都食到。鮮淮山蟹柳棉花雞，有好巨型嘅棉花，雞又好嫩，仲有大大條蟹柳，非常足料。芝士蝦球焗伊麵，非常多芝士，新鮮蝦球又好大隻，配上新鮮洋蔥甜椒夠晒鮮甜，仲好大碟。水晶鮮蝦菠菜餃，點心即叫即蒸，特別好食😋甜品嚟返一個熱生磨蛋白杏仁茶，好香杏仁味，滿足一下另一個胃。

今晚想食龍蝦，就隨便搵間酒樓去試下。第一次去星海薈，原來有獨立客𨋢。上到去原來樓底好高，好闊落，望落幾舒服。坐底叫左：金銀蒜蒸斑塊 - 魚肉質幾好，但金銀蒜配搭加上調味非常鹹。鐵板牛油上湯焗澳洲龍蝦伴煎腸粉 見哩個配搭煎腸粉幾新鮮。澳洲龍蝦份量很足料，肉質彈牙。牛油上湯配上煎腸粉，幾好味。呢個價錢食絕對係性價比好高。紅燒皇子乳鴿 - 皮都幾白脆，肉質幾好。68蚊都值得試。整體食物，除左蒸魚比較鹹之外，其他食物味道跟性價比都好高。下次可以再嚟試其他食物。

好耐都無派過負評..…事源8月26號禮拜六同屋企人飲茶,本來我想去利舞臺樓上玉X軒,但係屋企人話好耐無去星海薈,所以轉陣地,上到去前面只有一枱三位喺度等位,同個金髮紮馬尾個reception阿姐攞位,坐唔夠一個字,個阿姐好似未瞓醒咁再問我地全部等緊枱係幾位😅,然後安排我地坐門口,上哂茶,點好點心,好快就有得食,先上甜品,桂花蜜脆麻花,然後蝦餃,佢蝦餃個皮紮實唔厚得黎又唔黐底,而且個餡塞唔係好多肥豬肉,好食,羅漢上素腸,我只食到雲耳搶哂其他配料,麻麻地,蘿蔔絲酥可以話係我叫既點心之中最好食,個酥皮好鬆化,棉花雞可惜太肥,燒賣&馬拉糕可以一食,珍珠雞被佢呃左,包完牛油紙再包厚厚荷葉,打開其實超細件,再食番甜品脆麻花,師父只喺中間落少少糖漿,左右兩件dry到食木索...…之後坐一陣再叫reception個阿姐埋單,佢打開本埋單薄同我講"多謝4百幾蚊"實數都唔識講😅，埋完單佢竟然將我張咭連收據包住,然後離枱一個身位度飛去我枱面然後走左去😑😑😑😑,我唔需要話好貼心殷勤服務,至少希望都正常少少擺喺我枱面而唔係飛比我..…😑😑😑😑嗰日serve我地職位低過佢都做得好多佢,就算d野幾好食,一個員工唔掂

位於銅鑼灣「星海薈」坐落於利舞臺，裝修非常雅致，樓底極高地方非常寬敞坐得舒服，以優質粵菜屢獲好評，定期總會有新菜式，最近更推出最 Chill 粵菜推介，多款名貴菜式更以優惠價回饋客人，例如白胡椒蟹、白胡椒煎焗龍蝦、冰鎮花雕南非五頭鮑魚、紅燒煲仔翅等等，都非常抵食▪️招牌白胡椒蟹 $ 638肉蟹超巨型，蟹鉗和蟹身非常厚肉，肉質鮮甜，味道充滿胡椒香，而且香而不辣，夠晒惹味，鍾意食蟹嘅朋友絕對唔可以錯過▪️秘製瓦罉蔥油雞 $ 98這個超級抵食，原價$ 288，上枱，我們才知道是一隻雞的份量，雞的表面佈滿蔥油，雞皮和雞肉都非常嫩滑，而且蔥油醬汁非常香口，配上一口白飯滋味無窮▪️紅燒皇子乳鴿 $ 68炸得皮脆肉嫩，肉質Juicy又夠入味，鹹香鹹香，更可以沾上淮鹽，更加有風味▪️南乳榆耳粗齋煲 $ 128超級多料的齋煲，入口南乳的味道，材料有粉絲、冬菇、枝竹、茄子、木耳、蔬菜、豆腐卜、筍，越食越香口，南乳味濃到不得了

這裏裝修得非常華麗堂皇，適合婚宴，就算朋友聚會飲茶吃點心和飯局都非常合適。長長的樓梯，加上用花製成的拱門，非常適合婚宴。招牌白胡椒蟹$638，蟹肉鮮甜彈牙，吃得出是新鮮貨色，白胡椒味道香濃，加上洋蔥的份量十足，這個招牌白胡椒蟹是必點的。紅燒王子乳鴿$68 ＇乳鴿外表香脆，內裏肉質味道鮮甜，加點准鹽，味道層次更加豐富。瑤柱海皇冬瓜盅$148 ，配料有草菇、豬肉粒、瑤柱、節瓜、帶子。有大約半個冬瓜之多，湯底清甜可口，這個冬瓜盅足夠四位享用。由於數量有限，建議訂位時必定要預訂。小食$20 ，酸酸甜甜的蕎頭，是餐前小食精選。

壓力太大，下班後走到熱門婚宴場地慶祝自己嫁了給工作有專屬升降機，樓底非常高，天花掛上水晶吊燈裝修風格大方、有氣派，旋轉樓梯佈滿花花最Chill粵菜推介有招牌白胡椒蟹、紅燒煲仔翅等春季順德菜推介有台山蠔雀走地雞煲及薑蔥爆炒風鱔柳等鐵板白胡椒煎焗澳洲龍蝦熱辣辣，蝦肉彈牙秘製瓦罉蔥油雞以古法烹調，鮮嫩多汁，份量十足打卡之選冰鎮花雕五頭南非鮑魚預先切件方便食用香蔥脆皮海生蝦炸至金黃色，但不覺得油膩川貝海底椰花膠燉螺頭雞湯有止咳、強肺、潤燥功效

今日喺銅鑼灣逛完，朋友提議想食中菜，又想坐得舒舒服服，就選了附近星海薈，裝修雅緻高尚，空間感十足。不論作為婚禮場地或飲茶點心，聚會飯局，都是個不錯的選擇。🧄酸蕎頭 $20餐前小食，坐低就會有，酸甜醒胃，質地爽脆🦀招牌白胡椒蟹 $638（每隻約一斤半）1斤半的大肉蟹，啖啖肉，以鐵板上菜，鑊氣十足，再淋上白胡椒汁，即時香氣四溢，又不會搶掉蟹肉的鮮味，工價十足。蟹肉結實而飽滿，食得非常滿足。🐔台山蠔啫啫走地雞煲 $188惹味的雞煲，一上枱熱哄哄，4隻大大飽滿的鮮蠔，嫩滑的雞件，惹味的醬汁，送飯一流。

前幾星期較多工作應酬，與外國同事交流，吃了不少西式晚餐。過了這忙碌的時間，特別和好朋友找間中菜館，品嚐中國味道。 星海薈於利舞臺廣場5樓，地鐵站出發大約5分鐘便到，地點方便就腳。這裡裝修典雅， 入門口便看到華麗長樓梯，而且還有水晶燈。無論一般飯局抑或婚宴也絕對適合。我們一行二人共點了幾個不同菜色，一起互相分享。另外，我們看見這個龍蝦也看似不錯。但眼闊肚窄。唯有留待下一次品嚐。 招牌白胡椒蟹(⭐⭐⭐⭐⭐) 白胡椒蟹是這裡的推介，一場來到，當然要一試。上臺時熱辣辣。還輕輕冒著煙。胡椒蟹大隻，而且新鮮。吃起來肉質鮮味，白胡椒濃郁惹味，但不會搶去蟹的鮮味。一隻大約1斤半，2個人分享剛剛好。 紅燒皇子乳鴿(⭐⭐⭐⭐⭐) 乳鴿是我的最愛，當然要叫一隻來試試。乳鴿肉質有嫩，而且表皮消香脆可口，簡單的配上胡椒鹽或者喼汁，已經很好吃。 上湯魚肉腐乳勝瓜 (⭐⭐⭐⭐⭐) 最后還叫了個蔬菜，中和一下。勝瓜爽口新鮮。用上湯方法烹調較為健康，而且適合夏日。 總括而言，這間餐廳食物質素不錯，而且價錢十分大眾化。下次經過也一定會再來。 ~~~~~~~~~~~~~~~~~~~~~~~~ 星海薈(利舞臺廣場) 銅鑼灣波

銅鑼灣利舞臺有專屬升降機抵達的中菜廳，樓底高，裝修風格大方、有氣派，長長的旋轉樓梯被柔和色系的花圈包圈，加上華麗閃爍的水晶燈和吊飾，很適合當夢幻婚禮場地。正值有不少新品推出優惠，食物質素中上，店員與客人交談甚歡，看似儲下不少熟客！鐵板白胡椒煎焗澳洲龍蝦 $338招牌鐵板白胡椒海鮮系列差不多每一桌都有Order，店員在客人面前在熱騰騰鐵板上淋上白胡椒醬汁，沾沾聲和香味讓人垂涎三尺！大大件的龍蝦肉爽口彈牙，食材新鮮已贏了一半。加上白胡椒醬汁惹味又有辣勁，與龍蝦鮮味非常融合，連伴菜的洋蔥片也吸盡精華，清碟無難度！不嗜辣的可以選擇$268的鐵板牛油上湯焗澳洲龍蝦伴煎腸粉，賣相也很吸引！秘製瓦罉蔥油雞 $98推廣產品蔥油雞CP值不錯，一打開瓦罉蓋子，濃濃熱煙與蔥油香隨空氣四散，份量比預期中多，在蔥油的加持下，雞肉倍感滑溜，瓦罉製法讓雞汁原汁原味地保留，沾滿蔥香的雞汁更是邪惡的精華。薑蔥爆炒風鱔柳 $198吃得出大廚爆炒的鑊氣，風鱔柳份量多而粗壯，爽脆又有鱔油的獨特香味，雖有少骨，但不影響啖啖肉的奢侈享受！