星海薈 (利舞臺廣場)

营业中

休息中

今晚想食龍蝦，就隨便搵間酒樓去試下。第一次去星海薈，原來有獨立客𨋢。上到去原來樓底好高，好闊落，望落幾舒服。坐底叫左：金銀蒜蒸斑塊 - 魚肉質幾好，但金銀蒜配搭加上調味非常鹹。鐵板牛油上湯焗澳洲龍蝦伴煎腸粉 見哩個配搭煎腸粉幾新鮮。澳洲龍蝦份量很足料，肉質彈牙。牛油上湯配上煎腸粉，幾好味。呢個價錢食絕對係性價比好高。紅燒皇子乳鴿 - 皮都幾白脆，肉質幾好。68蚊都值得試。整體食物，除左蒸魚比較鹹之外，其他食物味道跟性價比都好高。下次可以再嚟試其他食物。