星海薈 (利舞臺廣場)

营业中

休息中

今次朋友約喺銅鑼灣嘅利舞臺酒樓，入到去感覺摩登，裝修時尚典雅大方，樓底夠高，成個佈局好適合婚宴場地，仲有華麗嘅旋轉樓梯打卡，完全同普通酒樓唔同風格！另外仲要大贊呢度服務非常好，職員不停幫我哋清理枱面同埋換碟，有留意住我哋嘅需要提供即時嘅幫助🫶🏻望到餐牌比白胡椒蟹深深吸引，呢個亦都係出邊比較少有既菜式多數都係避風塘或者普通炒蟹🦀 招牌白胡椒蟹極力推薦嘅招牌菜😇胡椒蟹份量十足，蟹蓋size 大個男士嘅手掌！嚟到嘅時候職員再灑上胡椒汁，鐵鍋嘅熱力將醬汁鎖住喺蟹既表面！每嚿都啖啖肉，肉質爽口新鮮，蟹蓋入邊仲有蟹膏，加埋秘製嘅白胡椒汁夠鑊氣又惹味，辣得過癮🤩 薑蔥煎焗魚頭上碟有用鐵鍋鎖住肉汁保持溫度👍🏻魚頭脆炸加埋大葱、薑一齊炒，香口得黎吸晒配料精華台山蠔啫啫走地雞煲雞煲用大量蒜子爆香，陣陣香味，台山蠔有4隻左右，新鮮厚身唔會有腥味，雞肉入味，肉質鮮嫩紅燒皇子乳鴿乳鴿燒得啱啱好，咬落去有肉汁

星海薈有數間分店,位於銅鑼灣利舞臺分店擁大型水晶吊燈,階梯上滿佈花朵,紫色配金色為主調浪漫優雅.還有專用獨立電梯,是適合婚禮或宴請親朋好友好地方.當日午市人如泉湧,但店員亦自動波密密服務,非常不錯🔸椒鹽魷魚鬚($78) 🔸雞粒天鵝酥($44)🔸老干媽蒸鳳爪($38)🔸鮮蝦腐皮卷($44）🔸黑胡椒安格斯牛肉腸($48)🔸生磨蛋白杏仁茶($38)🔸砂窩鱆魚雞粒炆飯($168)特別最愛【砂窩鱆魚雞粒炆飯】砂鍋盛載香噴噴,每匙都有章魚及雞粒,足料又香口,底層更有飯焦.【黑胡椒安格斯牛肉腸】內裡牛肉又厚又大件,軟腍而充滿牛肉味道,黑椒味重,非常惹味.【雞粒天鵝酥】酥香又吸精~所有點心及菜式普遍大大件,一點都不的骰,份量十足,完全對得起價格,而且熱辣辣上枱,新鮮吸引.酒樓不時推出頗實惠推介套餐,晚餐與父母聚餐應該亦不錯～

約咗朋友嚟到位於利舞臺五樓嘅星海薈，一打開𨋢門就見到條好華麗嘅旋轉樓梯，嘩，好fancy喎！除咗樓梯之外，星海薈嘅樓底都幾好，喺大堂嘅一邊有一個高枱，適合攪宴會、活動，係婚宴嘅理想場地。另外，星海薈嘅特別之處係有專用𨋢，招呼賓客都唔擔心佢哋等得太耐，好細心周到。🔹招牌白胡椒蟹 $638個白胡椒蟹係第一道嚟嘅菜式。未見到隻蟹已經聽到佢啱啱煮好嘅吱吱聲。呢個胡椒蟹嘅胡椒味非常之濃郁，蟹肉都幾鮮味。白胡椒蟹上有金不換，下有紫洋葱，全部都吸收晒啲白胡椒嘅精華，送飯一流！🔹台山蠔啫啫走地雞煲 $188 啫啫雞煲同蠔煲都食得多，但兩樣都有嘅啫啫煲就第一次食，走地雞件半煎炸後配上海量蒜子爆香嘅台山蠔啫啫走地雞煲蒜香十足，香噴噴之餘食入口都有濃濃嘅蒜香味🔹籠仔梅菜蒸菜遠 $138呢道順德菜幾特別，蒸菜本身都唔係太常見，仲要用籠仔蒸好新奇。蒸菜心味道清清地加上梅菜薑絲嘅微香，配搭唔會太單調🔹瑤柱珍菌炆伊麵 $138食完咁多味道濃濃嘅菜式之後，食返個清清地唔算油嘅伊麵都係一個唔差嘅選擇。什菌淡淡嘅味道滲透咗入啲伊麵度，既好味，又飽肚，滿足呀！

   約了兩位同學出來茶聚聯宜一下，久未見面一定話題多多飲茶食中菜最合適。選了在銅鑼灣利舞台廣埸5樓有好口碑的「星海廥」，地點，交通都方便。這酒樓點心，小菜味道都很好，尤其是環境佈置得相當舒適，有高雅的水晶吊燈，富麗堂皇的裝飾，是個很適合婚宴及宴會場地。水滾茶香！點心精緻，小菜色香味材料優質，菜式選擇多茗茶晚飯豐儉由人。雪山叉燒焗餐包  (3件)   34元軟綿蓬鬆熱熱的，味道鹹甜鹹甜好味道！化皮燒腩仔  108元肉味鮮甜柔軟，肥瘦適中皮十分鬆脆。紅燒皇子乳鴿  / 隻 68元皮色漂亮鬆脆，肉質嫩而多汁連骨也是軟的味道很好。 金粟鯪魚餅 (3件 )  34元外面煎得金黃香脆，魚肉軟滑Q彈。原隻蝦燒賣皇 42元燒賣大粒！蝦好大隻賣相靚！蝦爽彈肉香口。南翔小籠包 38元為免弄穿外皮每隻都獨立 承托 方便拿起享用，十分有心思！皮薄肉汁豐富充滿鮮味。星海薈蝦餃皇  42元粒粒圓潤 ， 晶瑩 的 蝦餃皮上有一層 金箔 顯得更名貴。不愧為蝦餃皇！蝦大隻爽甜鮮味！ 用料非常 優質！ 焦糖西米焗布丁 48元香滑甜度適中。生磨蛋白杏仁茶 38元蛋白滑溜溜，杏仁香滑濃郁。真不錯的甜品！最後，酒樓還為客人送

位於利舞臺廣場的星海薈有專屬客𨋢直達五樓餐廳，一入去已經有一條華麗長樓梯，天花板佈滿由細魚組成的水晶吊燈，整體裝修精緻有氣派，除了適合舉辦婚宴外，亦適合家庭，同事聚餐，聯誼及慶祝活動等。今晚就跟朋友到這裏試試網上很多好評的胡椒蟹以及順德菜。❤️招牌白胡椒蟹網上有不少好評以及推介都關於這道白胡椒蟹，果然沒有令人失望。雖然菜式價錢不算便宜，但絕對物超所值，由於蟹屬於寒涼食材，配合白胡椒烹調就非常適合。白胡椒蟹份量大，蟹鉗蟹腳全部都啖啖肉，味道方面白胡椒惹味香濃，微微香辣但不會嗆鼻，反而更能帶出蟹肉鮮甜，醬汁更適合用來拌飯。❤️順德煎焗雞所謂煎焗，是粵菜的烹調手法，用先煎後焗的處理，煎可以提香，帶出食材香味，至於焗就可以保留雞肉水份。此道菜口味咸鮮，帶香料味，雞肉外脆水嫩有肉汁。另外配上炸薑絲以及乾葱條一起炒，令到雞肉更加惹味。❤️沙薑豬手粒此款前菜小食處理得不錯，豬手粒啖啖肉，切成一口份量，豬皮位置呈啫喱狀，口感爽口彈牙。至於肉質亦不會嚡口，配上醬汁以及沙薑，味道微微鹹香，作為前菜以及伴酒小食都非常適合。❤️瑤柱珍菌炆伊麵瑤柱味鮮，蠔油醬汁香濃，再配合菌類增加口感，至於伊麵底麵質煙煙韌韌，整體味道

訂了一圍七千多元的晚餐，先來燒乳豬，皮脆肥瘦適中，给了一個好印象，跟着上來的是煲仔翅，現場如熱，好，熱吃特别美味，龍蝦做法特别，胡椒味重了点，蓋过了鲜味，不太钦賞，鱿鱼咸了點，鲍鱼鸭掌味道又不錯，燒乳鸽就一定要推荐，多汁肉嫩，真的是指甲留香，吃完有未盡之意，鱼是一斤重的，用來蒸煮最好的重量，新鲜肉質滑的海班，轉了一圈就全KO，飯及寿包也很好，莲蓉蛋黄的味道加上鬆軟的包皮，绝对是上品，总结一下，價錢不算平，但用料上乘，地方好，招呼周到，值得一試

食物質素和味道，精美裝潢，都是選擇晚飯或宴會場地重要因素，進入星海薈場地，已被花花世界樓梯所吸引著。最近以不少海鮮為菜式推介，確實有其吸引力。******************************星海薈有不少分店，和朋友選上銅鑼灣利舞臺廣場分店，都方便大家放工和回家位置。從電梯而出，就已經見到花花世界的樓梯。單是花花世界的樓梯，都足夠讓人留下倩影。再走進場地，天花魚群般燈光佈置，都幾吸引，絕對合適晚宴婚宴飯局之選。餐牌以小菜為主，最近以海鮮推介，如白胡椒蟹、龍蝦。海洋公園推介，以花甲或生蠔菜式。還有順德菜，以魚和蝦菜式推介。小菜之外，還有小食和甜品選擇，食物款式甚多。茶水選擇不少，平常較少有龍井，就來一壺，龍井都幾清香，茶介HKD18/人，小食 HKD20/碟。酸薑糖心皮蛋 HKD58，皮蛋糖心夠吸引，配上白砂糖而吃皮蛋，帶少許甜味和皮蛋香好夾，夾酸薑一起吃就多，再加點白砂糖都是第一次，非常回味。順德鯪魚肉三寶 HKD128，釀蓮藕片、釀青椒和炸鯪魚球，鯪魚味鮮，最重要的連藕片和青椒表面帶點香脆，鯪魚球表面還有粒粒脆口米，口感和味道都一流。招牌白胡椒蟹 HKD638，用上肉蟹肉厚

靚靚打卡點心Tea Set係一份二人份量嘅精緻點心套餐$198。點心都會精心擺放喺一個鳥籠入面，非常可愛。套餐內有多款美味嘅點心，包括鮑魚酥、天鵝芋角、紅蘿蔔造型嘅奶黃角、蝦多士、蝦餃同燒賣。首先，鮑魚酥係原隻鮑魚，酥皮金黃酥脆，內餡則是入味嘅鮑魚。天鵝芋角以其可愛的外形吸睛。外面好似蜂巢，口感酥脆，內部係香甜軟滑嘅芋蓉。奶黃角整到紅蘿蔔造型，內餡則是滑順的奶黃。而蝦多士則蝦肉飽滿爽口、多士香脆。最後，蝦餃、燒賣係點心必備。兩款都好食😋除了Tea Set，還有其他精選點心可供選擇。XO醬炒腸粉帶來辣味的享受，古法鹽焗豬手則散發著濃郁的香氣。南翔小龍包皮薄，肉餡juicy! 下午茶燒腩仔米粉，好抵食！黑椒蜜汁牛仔骨充滿黑椒香氣，牛肉大件。

平時阿媽成日同朋友嚟飲茶，今晚想坐得舒服啲食下中菜就上嚟試吓。鐵板白胡椒煎焗澳洲龍蝦寫明足斤半，果然係大大塊肉，彈牙鮮甜。 重點係白胡椒醬真係好香，惹味得黎唔會蓋過龍蝦嘅鮮味，反而有加分作用，正到連啲配菜彩椒粒同洋蔥都食到乾乾淨淨。本地雞蛋蒸花甲皇有驚喜，花甲新鮮清甜，本地雞蛋真係食到好有蛋味，冇加好多水所以質感實淨少少，真材實料。 欣賞個豉油較得好好味，鹹甜比例得宜，會想為咗佢再嚟。紅燒乳鴿正常發揮，新鮮炸起有肉汁。

同長老係銅鑼灣食飯， 都係要酒樓先攪得掂。搵間靚小小， 又抵食嘅就啱哂佢地心水。個鋪面裝修得靚， 啱哂老人家心水。有stage有樓梯， 老人家話啱哂擺酒，，叫我要擺係到擺去到聽到咋咋聲， 睇黎好多人都嗌左白胡椒蟹，我都嗌返隻先個胡椒蟹真係勁大隻， 鐵板上，咋咋聲勁吸引。個蟹鉗成個手板咁大。。勁開心拆出黎， 勁多肉。先講肉質，肉厚實唔會散，一定是新鮮蟹。白胡椒汁勁香， d味沁到入蟹入面， 帶出蟹鮮味。 是正的。 同場有人想嗌都嗌唔到， 原來最好要早一兩日訂先有得食。另外嗌隻乳鴿，68 蚊唔算貴。 炸得香脆， 肉又夠味。 也是正再嗌多個薑蔥蠔雞煲薑絲大大條， 好有趣蠔大大粒，薑蔥汁好惹味，雞肉都唔會鞋，送飯一流。最後老人家食得滿意，話要下次再黎

星期日開開心心family day, 結果係惡夢開始，普通街坊茶樓質素仲好過哩間第一次食哩間酒樓，去到上左三層電梯之後冇路上，係三樓搭lift竟然係冇5樓，後尾先知係有一架獨立life，屋企人分頭去大家都兜圈。之後終於去到接代處阿姐態度都幾差，態度哩家野見人見智，我唔詳細講。食物質素真係唔講得笑，發左霉嘅馬拉糕都可以上枱，同佢地講完道歉都冇聲，我地仲要食左先見到，店員話馬拉糕唔收錢，到結帳時仲見到單據有收馬拉糕錢，即刻出聲同佢講。職員態度差，食物質素差，唔知點解仲咁多人食，自己都中左招，真心冇下次，一個美好的星期天哩間野搞砸了。

普普通通飲茶，牛百葉蒸得很爽滑好食，鹹水餃都OK。叉燒中伏。不過不失飽肚一餐，對食物有品質要求就會失望。叫了普洱茶，茶好淡。員工都Nice，但是人手不夠，派錯野仲要派了三次來，最後經理話介唔介意食，員工落錯單。經理都有禮貌，但是始終唔想食派錯的食物，經理都即時整過再派。如果食物整得好味D，都會再來。始終算有好的員工，食的人情味。週五飲茶兩人叫了5個點心，300幾埋單，性價比不高。

    今天到銅鑼灣探望伯父帶他外出茗茶選點當然不能馬虎，因為他是一名老饕對食物，環境有一定的要求。 最近一次在利舞台廣場五樓的「星海薈」參加過婚宴，這裡華麗的裝潢令我很印象深刻。除了裝潢最重要是這裡的出品味道出色，還記得當晚的味道外氣氛更令人陶醉。從商場二樓直接乘搭電梯直上五樓全層~甫入伯父先被這座佈滿花朵的旋轉型雲石樓梯吸引著稱讚漂亮，有氣派夠華麗！在座位上他抬頭欣賞著天花顶上的海洋魚群旋轉暢遊的設計吊燈大讚有心思！器皿清雅茶也很香~多項選擇~列出的點心小菜都很精美~伯父對這份：精緻雀籠點心十分感興趣。點了出場令人眼前一亮！三層點心非常精緻！頂層~雞粒天鵝酥 和 雞粒魚酥中層~蝦多士 和  趣緻奶皇蘿蔔仔底層~  蝦餃，燒賣另再加一份點心蒜蓉蝦棒棒  觀賞一番後不知從何吃起！就先吃熱呼呼的蝦餃燒賣吧！燒賣和蝦餃鮮蝦大大隻鮮味爽口，燒賣翠綠色應是用了蔬菜汁搓皮，蝦餃表皮掃上了閃令令的金色，造型一絲不苟。蝦多士，脹卜卜的好酥脆，除蝦膠外中間還藏有原隻蝦一只Q彈鮮甜。奶黃蘿蔔仔顏色奪目精緻外表，面層酥脆帶軟糯內裏蘊含着又滑又香的奶黃醬。有點不捨得吃！天鵝做型的 雞粒天鵝酥，一絲絲酥脆外皮

今晚同朋友到銅鑼灣利舞臺5樓星海薈聚會食晚飯。今晚點了鐵板白胡椒煎焗澳洲龍蝦🦞，紅燒皇子乳鴿，蒜芯爆炒黃鱔。當出lift就可以清楚見到長長旋轉雲石樓梯，樓底夠晒高，加上水晶吊燈。絕對係婚宴進場打卡好地方。店員拎左一盤熱水俾我哋先碌一下餐具，這真是窩心，真是飯局好地方。前菜先食個酸喬頭開一開胃先。鐵板白胡椒煎焗龍蝦🦞：白胡椒香味混入三色椒，洋蔥等配料爆到香一香。龍蝦新鮮好味道，肉質爽口彈牙。鮮甜海鮮味道隨著鐵板蒸海鮮香味出來加上個汁再令餸菜味道提升一個層次。紅燒皇子乳鴿🕊️：香口好味道，肉質都好好，乳鴿香味十足。蒜芯爆炒黃鱔：試一試依個順德菜，蒜芯同黃鱔都炒到好香口。黃鱔肉質爽口彈牙，黃鱔魚香味十足，加上白飯吃簡直一流。

平時都會同爸媽嚟飲茶食點心，因為佢地中意星海薈地點夠方便，而且有私人𨋢直達，高底高又有長樓梯，感覺有氣派，好埋聚會同飯局，更適合舉辦婚禮～ 呢晚我就同佢地嚟食晚飯，原來晚市都幾多選擇，仲推出咗順德菜、海洋公園食本地鮮推介、粵菜推介等等，仲有$268-$338 嘅孖寶套餐，幾抵食！ ** 茶芥 每位 💲18 **🦀《 招牌白胡椒蟹 💲638 》 好大隻夠份量，多肉又鮮甜，白胡椒好提味～底下舖有爽甜嘅洋蔥🧅 整體惹味，果然是招牌菜～ 🐦《 乳鴿 💲68 /隻》 原價$88/隻，現推廣價$68/隻～雖然係瘦瘦的，但皮脆肉唔乾～ 🐟《 順德菜 ：蒜心爆炒黃鱔💲128 》蒜心鮮嫩無渣，黃鱔先爆炒過，香口爽脆～ 份量都多～ 🍚 《 白飯 💲17/碗 》要有啖飯落肚嘅～呢度坐得舒服又唔嘈，都係一個晚市嘅好選擇～