星海薈 (利舞臺廣場)

营业中

休息中

今晚同屋企人黎到呢間酒樓食晚飯, 一入門口就俾佢條鋪滿花既樓梯吸引左, 好靚好啱打CARD.入到入面坐低, 環境非常優雅清靜, 好啱一家人閒聊飯聚.一邊食住飯前小食, 一邊睇下有咩好食.果度做緊一D晚巿優惠菜式, 有烤鴨,龍躉, 大元貝, 乳鴿皇, 龍蝦等等, 都幾多選擇.最後我地叫左2個家常D既小菜, 分別係黑醋蜜燒一字骨, D排骨好香好淋, 個醬汁都甜甜酸酸, 好開胃.燒汁淮山茄子, 淮山爽口, 茄子好淋, 一餸兩口感, 好有特式.最後送埋糖水, 十分滿意既一餐.

武漢肺炎越嚟越嚴重，好耐冇同過親戚飲茶😕呢個星期日想飲個茶，就人少少兩個人去到呢間位於利舞臺廣場嘅《譽宴•星海薈》☕️整體都唔錯，但食完先知係藍，如果唔係應該會再嚟😗入酒樓之前要通過體溫測試，而且佢哋有提供酒精搓手液🧼👏最欣賞嘅就係佢哋提供嘅熱水洗碗碟！好多人飲茶嘅時候都會用佢哋嘅熱水洗碗，但呢到提供闊底嘅煲同夾，碗碟可以浸晒落去，仲唔使辣親手👐裝修好靚，柱唔多，理想嘅酒席場地👰🏻座位唔算密，枱同枱之間嘅空間都頗大。唯一一個唔好處就係冷氣開得有啲大，好多客人都要求轉枱，而且嘢食都好快凍🥶黑松露鮮蝦餃 ($43)比起普通蝦餃特別，多咗份黑松露香味😙招牌酥皮焗大蛋撻 ($34)蛋撻好大個，仲要係傳統嘅酥皮，不過好似唔算好酥化同多層，同埋自己鍾意食曲奇皮多啲😹鮑汁炆鳳爪 + 薑蔥撈粗麵 ($118)「孖寶餐」好抵 －－ 本身薑蔥撈粗麵都已經$88～兩個都好食；粗麵略嫌腍咗啲。三蔥爆海蝦 ($68)三蔥係洋蔥、青蔥、紫洋蔥，乾爆咗之後勁香🤤，不過未夠熟，有啲辣。海蝦裹上炸粉後炸得香脆，三款蔥帶出蝦嘅鮮味，蝦肉口感爽口彈牙🍤-Menu:

利舞台樓上有好多餐廳去到lift口望望食咩好，隱約見到有間餐廳自己把成個lift，大發現！原來5樓有間酒樓！.環境十分優美，有如其名，好似星海般，而且有一個豪華花海旋轉樓梯，我估這裏是婚宴場所.我們兩點左右去到剛好就是下午茶時間，點心有得平！.⭐️XO醬蘿蔔糕XO醬炒得味道十足，蘿蔔糕入面有一粒粒蘿蔔十分足料。蘿蔔糕切到好似骰仔咁，更加有口感。.⭐️三葱爆海蝦十分推介！海蝦爽滑新鮮，炒得好香又不會太油膩。食到第二個才發覺每個海蝦都切成人型，後美部份切開一半就好似個人字一樣.⭐️豉汁蒸腩排骨飲茶當然少不了叫排骨這裏的排骨啖啖肉，沒有骨的部份反而更加嫩身易咬值得一題份量也是比其他餐廳多.⭐️咖哩薯角蒸土魠土魷厚身，很有咬感，加上咖喱汁更加好食！這一籠東西基本上可以當一餐飯吧，好飽肚。.⭐️胡椒濃雞湯灌湯餃這個湯餃超醒神的，雞湯有足夠的胡椒及雞香味，飲落不只解渴還很醒胃。湯餃入面餡料，很多基本上食完一碗都有幾成飽。除了湯餃還有一塊雞肉呢。.⭐️布拉米皇腸粉賣相精緻，夠滑！除了豉油，還有甜醬及花生醬。.這裏地方大，人與人之間隔得很開。而且他還會拿來一大盆熱水給你洗杯碗，更加委身安心。

假期同屋企人去銅鑼灣酒樓飲茶 雖然係第一次試呢間但已經好有好感🙆🏽‍♀️因為唔止裝修靚 服務人員又周到 而且食物仲好有新鮮感同水凖😚一入到去成個場好grand 裝飾放咗一群魚係頭頂上 令人好似置身於海底入邊呢度嘅茶雖然用咗茶包但係味道同一般放茶葉冇分別 都係好香 我哋就叫咗香片 入口順暢 而且用茶包可以唔使飲埋啲茶葉👍🏾我哋先係嗌左一個泡椒浸掌翼🤡本來一開始以為唔係好辣 但食到最後超有驚喜 原來要浸落啲汁到先感受到果種慢慢滲出嚟嘅辣味 仲有掌翼嘅味道食得出係好入味 每一啖都好有咬口🎃跟住叫咗個蘿蔔絲脆網腸粉😚平時喺其他茶樓都已經好鍾意食 不過呢度更上一層樓嘅係佢皮薄 入邊材料豐富 個脆網仲保留着脆脆嘅口感 外軟外脆🥳超推仲有個蟹籽燒賣王 入面材料有冬菇肉等等 蟹籽比嘅份量幾多 蒸嘅時間啱啱好 而且上枱時仲保持住熱騰騰的感覺🤤最後仲有三蔥爆海蝦 師傅用咗開邊嘅手法證明每一隻蝦都超巨型 而且啖啖肉 蝦殼連埋一齊炸但脆到可以食埋落肚 隻蝦都超多膏 避風塘味濃郁🥰讚

「星海薈」聽個名都Feel到佢嘅高貴品味，到左餐廳同樣不負眾望，裝橫擺設高級又舒服。由於敏感時期，所以餐廳都將客人分到散哂咁坐，一坐低會有盆熱水可以清洗下啲碗碟，感覺都乾淨。🔷黑蒜螺頭燉雞湯 (1位用) 💰68 💙80/100燉雞湯飲得出係老火足料，呈現偏深色嘅湯底。帶有黑蒜獨特而清淡嘅味道，配入邊有現純黑嘅肉，煲到個肉「上左色」，而且油脂不會很多，應該經過隔油嘅過程。強化此湯嘅益心排毒功效呢🔷川式酸菜龍躉魚 💰238 💙80/100酸菜魚用的不是常見嘅鱸魚或鯇魚，而是高質龍躉，食到好少骨量，即使有都會屬大骨，魚肉又爽又有微彈口感，既新鮮又膠原蛋白豐富。另外酸菜底有四川風吹嘅泡菜及泡椒，煮得麻香滋味又不會覺得太辣。🔷得獎金磚脆豆腐 💰68 💙80/100豆腐面灑上左7味粉或椒鹽等調味粉，炸得外脆內滑，金磚外脆炸得薄而酥脆，不會覺得有油膩嘅感覺。🔷啫啫馬友蝦乾芥蘭 💰128 💙80/100芥蘭以鐵板盛載，仲係熱騰騰、香飄飄的。蝦乾煮得竟然如此淋，另下仲有辣椒絲，食到帶有微微的辣，芥蘭爽口且綠青青新鮮，非常滋味。

為食妹👧🏻最鍾意四圍食好西。訓晏咗口淡淡。同🐽仔去飮個下午茶先。😃Wow..😱呢個時勢要等位。😎一定有質素。酒樓有🉐️夾🍬食。So Amazing黑松露鮮蝦餃～細細粒一啖一口👍🏻。外皮晶瑩通透。蝦餃又香又爽口。💯。👅👅👅安格斯和牛腸粉～哈哈。。🐽仔話似食緊黑椒牛肉😛麒麟龍躉球煎米粉～份量大大。好彩同🐽仔食。唔係想食曬都幾難一件🐟一件米粉。米粉煎到脆卜卜。幾出色❤️形米粉牙🥰有d唔捨得放入口。😎

今晚同同事去咗銅鑼灣食飯，因為啱啱收完工，同埋見好耐都未食過海鮮，咁就揀咗呢間星海薈，一入到去，啲裝修我覺得都幾靚幾華麗，因為其實呢一間嘢我覺得主打係婚宴，咁我見佢呢家胡椒蟹係做緊promotion咁我就同同事一齊去試下。招牌白胡椒蟹： 一講就一定要講呢個主角先，因為佢今期推介其中之一款，一上碟係用鐵板上嘅， 咁我覺得熱辣辣咁，令人食指大動，而且佢嘅香味及味道都幾濃厚，同埋呢一隻蟹我覺得都幾大隻， 應該係肉蟹，咁就可以啖啖肉，蟹蓋亦都幾多糕可以去食，佢個汁嘅都充滿咗好多白胡椒，雖然係辣辣地 ，但係我覺得幾惹味，可以媲美避風塘炒蟹，佢咁樣煮我都係第一次食。 呢個蟹我個人推薦， 如果食得海鮮嘅朋友呢個係一定要試吓。菠蘿咕嚕肉: 呢個菠蘿咕嚕肉係我最鍾意嘅餸菜之一，所以第一次嚟譽宴就試嘅手勢同埋試下廚師嘅功力，好彩叫咗呢一個餸，绝對冇後悔呀，我覺得呢個餸因為佢煮得真係好好味，因為佢整到個咕嚕肉外脆內軟同埋佢用咗新鮮嘅菠蘿，令到成個餸生色不少。 呢個餸個人極力推薦。黑蒜燉雞湯: 最後呢一個湯其實都幾好飲，因為係佢地主打之一， 黑蒜可以令到免疫系統增強及抗氧化和抗衰老，所以係呢個時勢我都建議大家

媽咪最鍾意食蟹，今日就帶埋佢專誠黎到譽宴食白胡椒蟹。餐廳環境有格調，店員全程服務周到，密密幫手斟茶，食物質素都相當唔錯。黑蒜雞湯聽講黑蒜營養價值高，又殺菌消炎增加抵抗力，於是就決定每人黎一碗黑蒜雞湯👅碗湯上枱時熱辣辣，雖然係雞湯但無油膩之感，味道好似老火湯咁，飲完覺得個胃暖笠笠。今次係我人生第一次食黑蒜，本身好擔心個味道會好重，但食落並沒有難聞既味道，只有淡淡既蒜香🧄士多啤梨大蝦球一向都好愛士多啤梨系列既菜式，以新鮮士多啤梨製成既醬汁，酸酸甜甜好開胃。而蝦球更加係100分，香口惹味，口感帶點微脆。粒粒蝦球都份量十足，食到我lam lam脷，味道相當有水準。招牌白胡椒蟹黑胡椒蟹就食得多，白胡椒蟹就真係未食過。上枱以鐵板盛載住原隻白胡椒蟹，聞落去香噴噴，好吸引。白胡椒蟹香口得黎，又唔會好似黑胡椒咁辣同重口味，食落唔會覺得膩。廚師幾細心，胡椒蟹已經分拆好唔同部位，蟹殼都經已處理好，我地好方便就食到啖啖蟹肉。蟹肉有香濃白胡椒味，肉質香滑，而且份量好多，好適合多人分享。

今晚去完時代廣場就搵地方食飯, 隨便揀左間酒樓食小菜估唔到一入去裝修咁靚, 果然係專門攪婚宴既專門店. 長長既旋轉樓梯, 係一個吸晴既打卡位整個場有2-3枱客人, 難得可以靜靜地食餐飯, 享受一下咁靚既環境叫左一份菜一份肉, 黑醋蜜燒一字骨同豉蒜涼瓜炒鳯片黑醋骨酸酸地, 肉質好juice, 唔會炸到好乾豉蒜涼瓜炒鳯片, 涼瓜脆口夠哂獲氣, 唔錯.食完又有糖水送. 可以慢慢食住糖水傾下計, 係一個聚會既好地方.

今朝約咗爸爸去銅鑼灣利舞臺嘅譽宴。星海薈飲早茶，酒樓平時係做婚宴場地，所以樓底高，布置得好豪華，好有氣派。桂花蛋散好好食，蛋散超鬆脆，配上桂花蜜甜甜地，食落口感有啲似馬仔。豉汁蒸虎皮椒香口，豉汁有少少辣，味道不錯。蟹籽燒賣皇大大粒，入面有一隻蝦仁，足料。金銀蒜蒸娃娃菜啱曬我，我鍾意食菜，蒸得又淋甜又又入味，每一片菜都充滿絕蒜香。好耐冇食過混醬腸粉，所以就叫咗一碟，味道ok。呢度飲茶唔算貴，埋單都係百幾蚊，以呢度嘅環境服務來講都幾抵。

今日黎到銅鑼灣飲午茶。呢到裝潢華麗，水晶吊燈同裝飾閃閃發光，好似置身係星海到。首先會送上一盆熱水俾你洗碗碟，好貼心。叫左烏龍茶，茶味香濃，係靚茶葉。我地點左安蝦鹹水角、泡椒浸掌翼、秘製五香牛雜、奶皇箭豬包、川汁滑餃子、棉花雞。安蝦鹹水角上枱仲係熱辣辣，外皮好有嚼勁，好食，但吸乾多少少油會較好。泡椒浸掌翼少少辣辣地，但好惹味，幾好吮。秘製五香牛雜有白蘿蔔、牛肚、牛肝、牛肺等，全部都好入味，好食又無腥味。奶皇箭豬包造型好得意，入面雖然唔係流心既奶皇，但成舊炸過，好香口。川汁滑餃子包住豬肉同少量菜，同個汁好夾，少少辣，餃子皮果然好滑。棉花雞好滑，淮山同魚肚都整得好好食。呢間全部野食都係熱辣辣上枱，值得一讚。

呢排日日都係屋企人，今日放肆少少出左街食😆呢間餐廳都做足防疫措施，入去前要探熱，亦都準備左100度嘅水俾我地淥啲餐具👍🏻令我食都食得安心啲☺️-🥢黑蒜螺頭燉雞湯呢個湯係經理推介，話有益可以抗疫😆橫掂未飲過黑蒜湯，就嗌黎試下啦一睇都見到個湯好足料☺️螺頭都俾足2舊😆個湯飲落甜甜地甘甘地咁，再加試淡淡嘅蒜味👍🏻🥢招牌白胡椒蟹經理話呢排啲蟹好多肉好新鮮，咁我地又好中意食蟹😋一定要嗌黎試下啦一黎到幾震撼！真係未試過食咁大隻蟹😅一問之下原來有成2斤半😳😳😳廚師都好細心，個啲部分都有扑左幾野，唔洗工具都食到，好方便☺️而且好聰明用鐵板上，因為食蟹都幾花時間，用鐵板嘅話食到最尾個舊都唔會凍左👍🏻👍🏻👍🏻講返隻蟹先，好多好厚肉！食到出好新鮮🤤白胡椒都好香，有胡椒味得黎又唔會好搶喉，而且都唔會蓋過蟹味👍🏻以$388黎講，就咁係街市買都唔知買唔買到咁大隻，呢度仲要幫你煮埋👍🏻真係無得頂☺️🥢鮮菠蘿脆皮咕嚕肉個名真係無改錯！首先，真係用左新鮮菠蘿👍🏻酸酸甜甜好好食第二，啲咕嚕肉真係好脆皮！同係其他地方食嘅好唔同，就算有汁係面都完成唔會林哂，做得非常之好👍🏻🥢糖水

這酒家在疫情之下全塲滿座還要等位，大家都對它的衞生很有信心每個食客都要先量體溫才可進入，而且每台桌子也相融一段距離入口有消毒搓手液供應侍應會放下一大盤熱水讓大家再次清潔食具冰燒脆皮腩酥脆外皮肉薄而脆口！肥瘦平均的三層肉油而不膩金菇安格斯牛肉腸既有濃郁牛香，又有金菇爽嫩口感，加上腸粉的米香，口感豐富蟹籽燒賣皇肉味鮮甜，蝦肉彈牙胡椒濃雞湯灌湯餃將我最愛的三個原素放在一起，又有湯飲，又有雞吃原籠機仁馬拉糕蓬鬆的口感中帶有微微的甜味在這非常時期要減少聚餐，兩個人嘆嘆茶就好了

同屋企人去飲茶周圍揀揀唔到邊間，呢段時期最緊要乾淨衛生見到佢哋門口寫住會消毒同埋店員都非常衛生所以就有興趣入去。店員非常乾淨而且上菜嘅時候亦都好衛生，一碟一碟上唔會太急，另外我地點左清淡D嘅我話菜再加埋鳳爪可以中和佢嘅味。另外呢個控油抄手嘅味道幾特別而且大大粒好抵食。鍋貼背面仲有啲脆口，點上佢嘅醬汁非常嘢味。有個勁得意嘅刺蝟原來就係佢嘅奶皇包，入邊超多醬汁而且刺蝟嘅樣好得意啱晒大人同小朋友都食，唯一係佢啲次次有啲尖記得要自己滅落嚟啦。最後乾炒牛河都炒得有鑊氣我地點左之後都飽晒兩個人大概每人百零蚊就已經可以食得飽飽下午茶來講都真係唔錯。

川汁滑餃子川汁點都會有少少spicy,但我覺得還好.唔算好多粒,但就好大隻.所以都唔錯.最後唔知點解好鍾意食餃子.和牛生煎包之前係其他店都食過類似和牛包,外觀上雖然上次間店好似色澤靚D,但係味道上大家都係咁好食.絕對遜色,連隔離枱見到都話要order一個.醬皇蒸鳳爪鳳爪同平時茶樓食嘅分別不大,但醬汁就更加多,顯得更好味.櫻花蝦海皇炒飯呢個飯超大碟,同朋友完全食唔哂,但炒得超金香,夠哂穫氣泡椒浸掌翼呢個我覺得幾得意,泡椒可能辣少少,但配埋掌翼食勁惹味.