星泰真味 (已結業)

絕對唔會再來！一心諗住黎食冬陰功，點知難食到爆，好似咖哩+喇沙亂溝埋一齊咁，一啲都唔冬陰功，仲要咸到阿媽都唔認得！食兩啖就真係食唔落，未試過一間泰式野可以難食成咁！雞中翼$44一碟，得四隻，估唔到隻雞翼仲細過隻匙羹@@ 埃塞俄比亞雞翼⋯⋯馬拉盞通菜得咸味，一d馬拉盞味都冇，仲衰過豉油炒通菜！

昨日同仔吃下午茶，因為係假日，預咗人多，只等ㄧ會就有位。点了2个下午茶餐，我叫星米+奶茶，仔食炒烏冬+凍檸茶。遭遇如下:1) 叫咗3次要杯清水都應咗無回头 2) 碟星州米快到ㄧ兩分鐘就到~~又凍又咸(算!照食)3) 星米食完奶茶未到，又催，阿姐唔去睇有冇單，一味多次重複話厨房忙，我火都來，我話我催你梗有理由，我見到附近D客比我遲order都飲緊食緊，有ㄧ個服務員捧了一大盤飲品行緊過來，仲声大大話咪有囉!点知又冇我份，終於將人哋嗰杯俾我先，仲唔係漏單?4) 阿仔相反杯凍檸茶飲哂碟烏冬都未到〈等咗半個鍾〉，又催。最搞笑每次催食物阿姐就想屈你問你係米後加單其实我當然明白人多要耐D，大家相就，但人多都有次序嘛。客人追Call應了解下先，自己錯仲黑面。cashier 嗰果收$時仲啤實我，我叫佢唔使啤啦!唔會有下次，咁嘅服務態度!間嘢好快摺

13/12/2014又到大埔超級城搵食呢間星泰真味係第二次同Mr Mo黎食，感覺食物有進步，好味左，冇咁油膩!鮮茄焗豬扒飯 $32Mr Mo 的order，份量比想像中小，下午茶份量吧~味道唔錯蕃茄唔太酸，豬扒夠入味~乾炒豬扒出前一丁 $32出前一丁炒得唔油膩，亦夠乾身~豬扒份量比預期多，肉夠入味~熱檸茶味道偏苦澀

去星泰真味叫咗個香芧雞翼撈檬加凍茶，我加入撈檬汁。D雞翼好乾身。好難食，D肉好似隔夜餸，我食唔到鮮嫩味。真係全碗撈檬粉敗筆之處。個撈檬粉無乜特別，加入咗撈檬汁後開胃咗。將原本無味架撈檬粉可以調出有限度酸味。所以我先可以將全碗香芧雞翼撈檬吃光。但我唔係好食得出星馬風味。杯凍茶太多冰塊，搞到無哂奶茶味。

一間不知所謂的食店，食物差服務更差，漏單嚴重， 貨不對辦，依間咩黎架？飲品譁眾取寵，全部都係大量的水加少量的原料，很難飲很淡。例如檸多，基本上得一兩成益力多九成冰水。肥牛金邊粉，很淡很難食。海南雞飯，雞肉沒有味道很難食。椒鹽豬扒，豬扒很硬很難食。

同阿媽行完街，諗住食少少做下午茶，行過見都係普通茶餐廳menu,啱晒！叫左熱狗同海鲜炒烏冬兩個餐，等左15分鐘黎左隻熱狗同兩杯餐飲！而烏冬等足45分鐘先到！途足已經吹左幾次，好明顯啲阿姐係咁應左你就算！又唔係別好食，直頭係唔好食，行多兩步大把野食，唔會再試囉…

試左馬來喇沙湯底金邊粉配香茅猪扒鮑片, 另一個叫肥牛魚片頭猪頸肉喇沙湯底檬粉, 配料除左肥牛好少少, 其他都好一般, 喇沙湯底亦一般, 但最抵死係個飲品, 凍檸多, 就係益力多加片檸檬, 但溝勁多水, 唔好飲。另一杯係暴風雪山....其實即係凍阿華田加CREAM, 又係溝得多水, 又係唔好飲, 咁就叫特飲。

臨近新年，這天下午跟E先生&W小姐一行三人來到大埔超級城購物，逛了好一會兒後，就到附近的星泰真味吃個下午茶休息一下。在外邊看似一間吃星泰菜的的餐廳，原來亦有茶餐廳的下午茶餐及炒粉、麵、飯等。既然，我們為下午茶而來，於是就一人點了一份下午茶餐。肥牛金邊粉 $28E先生的肥牛金邊粉，他說沒什麼味道，而我在看見碗邊那些辣油後，就不敢嚐試了。法蘭西多士 $23外層香脆可口，加上牛油、糖漿，美味。炸雞翼薯條 $27炸雞翼很細隻，味道醃得蠻入味，薯條香脆，吃起來還是熱騰騰的，不錯。熱檸茶、熱咖啡&熱奶茶吃完下午茶後，又繼續逛街、購物去了。

今晚同朋友走過超級城，見到星泰冇麼人就入去試試。記得啊媽話過如果間餐廳冇么人，記住唔好去，這個是個真理！我地叫著個海南雞飯， 同咖喱牛腩，超難吃！雞冇雞味，我都沒有吃過咁難吃的海南雞，結果成個雞飯我都冇吃，到個咖喱牛腩，都唔知是的牛腩有冇問題，好像放著成個世紀，仲有成碗牛腩是凍嘎，我同個啊姐講，她黑口黑面話邊到是凍嘎，是只碗紮！我話你可以試下𠺢，她就死死的氣拿去熱！微波爐那只。的態度真是一流！決不會再黎幫襯！ 差到暈.

你有冇食過海南雞飯 D 雞係有骨既? 我真係第一次試到, 根本就白切雞.D 醬汁又唔足, 咁叫咩海南雞飯?而加錢換既油飯只係似上左色素既飯,椒鹽豬扒好似咬緊柴咁又唔係平, 叫人點再黎幫襯?後悔無上呢度睇完食評先入去. 差到暈.

新場喎，第一次幫襯。反覆睇做個 menu 四五次，都無咩特別想試，本應去食家鄉雞，但排長龍，朋友仔趕住返工，建議轉場黎依間試試。我話無啦啦轉，一陣重慢過家鄉雞仲衰，又比我開口中，叫左咪三心兩意架啦 ﹗ 星泰餐廳個 menu 都好雜吓喎，德國咸豬手、咖喱牛腩、燒羊鞍、海南雞，感覺散筲筲，求期砌滿個板面就算。羅宋湯，微暖味淡，唔夠熱又淡而無味，茶餐廳 feel。牛油餐包，熱到燙手，幾正喎 ﹗牛油完全溶晒係麵包入面，好香噃 ﹗全晚最好食個餐包喇 ﹗海南雞，又係翼 ﹗頂 ﹗連雞翼都鞋鞋地、淡淡地、乾乾地，跟標準差太遠喇麻 ﹗ 海南雞油味飯，不香不甜，飯粒偏濕唔夠乾爽，又少左陣薑味，唔合格。菜乾湯，老火湯？No 喇，菜乾水黎架乍。安格斯肉眼扒配黑椒汁，好咸啊 ﹗依舊係安格斯？﹗我真係唔知邊度似安格斯，醃得過火，味道係快餐店、茶餐廳質數，HKD55 個套餐有湯有包有扒，明白既。Order 依個扒等左廿分鐘都未黎，我個海南雞飯都食完喇，對面枱個男人剛到無耐，五分鐘左右都食緊件西冷扒。咁咪問問侍應阿姐囉，佢敷衍地哦一哦就當無件事，睇住佢 keep 住係個場度行黎行去，跟本都無跟個 order，最後我唯

繼續在大埔食早餐，這一回到了商場入面一間叫星泰真味的餐廳。店名就令我一直認為這一家是一個星馬泰菜的特色餐廳，但當我知曉這一所店會提供早餐服務時，我心已覺得不要那麼天真地相信這家是星洲菜及泰國菜。是日的早上，為了試一試這葫蘆是賣什麼的，我特意地停下來，食個溫飽的大埔早餐。麵餐不太吸引，那我就乾乾的來一份西式的早晨大餐。正確地說，這是半西半港式的快餐店形式早餐。豬扒味道雖好，但薄得如紙，午餐肉同樣是薄薄的一片，而且我感覺到我只是食緊粉而不是肉，蛋沒可能出錯吧，茄豆的份量也少得可憐，反而最有份量的東西就是麵包。整體上普通。奶茶一般，就這樣收我$28，我覺得不值。

呢間野千其唔好去食，佢地比d變左既通粉比人食，因為係order比小朋友既，佢地又唔識，點知食左一部份落肚先知！攪到小朋友不停痾，醫生話係食左d唔乾淨既食物！最慶既係佢d員工同老細既態度，簡直不知所謂，明明係佢地唔啱，但都唔認錯，串到無朋友咁，真係激死人。我講出黎係唔想再有人出事，希望大家真係要小心d! (我地已帶小朋友到大埔廣場盈健醫務看李基敏醫生，當時醫生話小朋友食左d唔乾淨既食物，所以我地亦已向食環處報案，亦得到食環處的接納並正進行跟進中）我並沒有中傷佢地，我講出黎係唔想再有小朋友出事。而且佢地老闆講既說話真係好黑人憎...

參觀完大埔的一田後，便著手找地方吃下午茶才回家去。大埔超級城內的餐廳數量都算不少，左看看右看看，來到C區地下近出口處，見有一間小餐廳，門口放有下午茶的餐牌，立眼一看...哇~選擇超多的耶，而且價錢經濟，於是就入去試試看。本身被安排坐門口旁邊的枱子，不過外面的遊人會望到食相，感到不大良好。友人剛看到店內有張四人位子騰出，店員也樂意給我們轉，仲話無所謂，隨便坐。店員好快奉上用水和餐具，水是勁熱，並不是攤了不知幾耐的凍水貨，這點都算幾細心啦。我們集中火力看下午茶餐牌，有中式炒粉麵飯﹑西式焗意粉﹑炸雞炸豬等等，最後友人點隻熱狗吃，我就對粉麵類有興趣一點。法蘭克福珍寶熱狗$23並沒有真是好JUMBO，大小一般啦，除腸仔外，還夾有青瓜片﹑蕃茄片及少少酸瓜，加一劈沙律醬。很我喜歡這裡的湯粉餐有著彈性甚高的配對法，皆因湯底和麵底都可以選擇自己愛吃的﹗我吃的是香茅豬扒金邊粉配馬來喇沙湯底$27。看到賣相已經好鬼吸引﹗煎豬扒大大塊，肉質有咬口，充滿香茅的味道，估不到還有配料：一角雞蛋﹑半粒豆卜和一片魚片。有如黃金色調的喇沙湯，味道有椰香之外亦帶有少少香辣，更飲到有不少花生碎在內，整體配合很不錯，我都忍不住

真離晒大譜！叫了一個海南雞飯，可以跟一個小菜，我跟沙嗲粉絲肥牛煲，怎料的是沙嗲金菇肥牛煲，一ｄ粉絲也沒有，個老闆整晚黑口黑臉！如果不是媽媽在場，我實發火質問她並拍枱走人！！