星泰真味 (已結業)

星期日，好多人都會瞓到自然醒先起身食嘢，而我都係其中一份子，所以經過嘅食店都好多人等位呀！見呢間少人啲，就食呢間喇！不過都要等十分鐘！見個女侍應都好忙，自然無咩笑容，一坐底就企喺隔離，想我地直接落埋單，但佢嘅menu實在太多選擇喇~要睇都要一段時間，只好叫佢一陣先再落單喇~最終選擇咗以下食品~鮮茄焗豬扒意粉(HKD39)~個汁有好香嘅美極味，而且汁量都好夠，芝士焗得夠時間最鍾意焦香味，可惜在意粉過淋，明顯無過冷河，整體來說都OK的！廈門炒米(HKD37)~一嚟到見佢色水麻麻，亦炒得唔太乾身，不過口味都係可接受範圍!熱檸水(跟餐)+珍多冰(加HKD8)免加一嘅

今日去咗大埔食lunch 番工趕趕地得唔夠一個鐘食本身想食好小小 但放lunch時間大埔呢個美食集中地充斥住同我一樣既打工仔同放暑假既小朋友所以最後就入咗呢間茶餐廳Lunch既選擇唔多 價錢中規中矩 揀黎揀去都唔知食咩 就揀咗個應該唔會中伏既喇沙豬頸肉金邊粉 同事就揀咗喇沙豬扒金邊粉 雖然唔可以同出面專食喇沙既餐廳比較 但以茶餐廳standard評既算係咁喇沙豬頸肉金邊粉好多料 每啖都一定有樣餸 豬頸肉煎得唔錯其實湯都濃味 但係椰奶太熱嗰陣落 搞到有一舊舊固化咗既奶喇沙豬扒金邊粉都係料係足既 不過湯底有待改善下

晚上叫一份咖喱雞飯，來了一份白斬雞淋些不熱的汁。於是要求不要，便被服務員用粗口駡(X)。什菜咖喱如同垃圾，吃了後肚子痛兼疴。埋單本來五十四元，就算有加一到應該不到六十元。但要收我七十元。永不再去。

平時翻工帶開飯，但通常一星期都會同同事出去食飯一兩次。由於楂車出黎既原故，就焗住係大埔超級城塭野食，拎免費泊車。依間店唔係第一次食啦，講真平時叫既野稱不上好味，只不過係茶餐廳既一般水準。 但今日食左個 豬脾飯，真係不得不提。依個豬脾飯首先夠大碟，大食既人都應該食得飽。 其次佢d豬脾肉真係好香同好味，比左舊同事試，佢都話” OK喎”~~! 雖然好味，但都有美中不足既地方，就係醬汁唔多同整體有點太清一式，得豬手，汁，飯。中意食豬脾既朋友可以一試

極度唔建議大家去食！！！唔想各位中伏！！今日第一次去呢間餐廳食晚飯，見咁多人排隊，覺得食物應該唔會差得去邊，叫咗個生炒牛肉飯。點知啲飯黐埋一齊，好似一粒粒波子咁，個飯完全唔熱嘅，而且個飯落咗好多油，食落係濕嘅，根本唔係炒飯黎，係油浸飯！令我最失望嘅並唔係食物嘅質素，而係侍應嘅態度。當我禮貌地向待應反映意見嘅時候，佢地毫不理會，仲話：「啲飯係咁架啦！」個飯實在太難食，最後都係打包拎走，拎返屋企自己炒。廢事留係都受氣！！！下一次一定唔會再幫襯呢一間餐廳！

近排真係太忙了，到今日先有時間打食評。差小小打漏左依份高汁豬手飯。其實平時食晏仔有時真係為左解決一餐問題，食完又做嘢。所以對味道要求唔太就，有幸食到好食嘅真係會滿足一日架。而依餐豬手飯就成功令我開心左一日，仲令我成為回頭客添。地方黎講，比起普通茶餐廳，依都都坐得幾舒服。入正題！唔好睇佢個樣唔係太靚仔，但内在真係超岀我所想。首先，份量大大份不在話下，其實我係食唔曬的！真係好大份。依碟豬手真係比好多餐廳嘅豬手岀色！皮帶有小許咬口，但一啲都唔乾，入面嘅脂肪分佈得好好，同皮好夾，啲肉都好嫩。份豬手好似炆煮左好多咁，真係好入口好好食！！味道方面都好入味。對於一個打工仔黎講真係不錯！不過如果佢啲汁可以多啲真perfect 啦！不過呢，佢嘅嘢飲凍奶茶真係好甜好難飲！！有啲奇怪！

下午茶時段走左去星泰真味食，$30左右就有個炒粉麵食，仲有飲品，都幾抵食。我地睇完餐牌最後叫左個肉絲炒麵同埋豬扒炒公仔麵。等左大約10分鐘就有得食。肉絲炒麵d麵係炸麵底，係我地最中意食嘅，因為既乾身，而且脆脆地。咁佢地都煮得個麵底都幾好。而肉絲都不錯。另外，個豬扒炒公仔麵都炒得不錯，炒得都幾乾身，味道都不錯，但食到尾尾個陣，就見到好多好多油，都心知不妙。食完番屋企途中直情搞肚痛，最後搞到肚屙添。所以碟野真係太油。

大年初四。梗係要入大埔墟”林村許願樹”，行吓玩吓食吓祈番個福啦😅今日呢度真係人頭湧湧啊！喺大埔墟站入林村嘅等巴士人龍長到舞影，結果等咗差唔多成個鐘先入到去，行吓玩吓食吓祈完個福之後，又要用差唔多成個鐘時間先出返去大埔墟，所以大家都諗住喺大埔超級城食個快飯就返屋企休息。可能畢竟都係新年呱，所以好多人都去排隊食中餐，反而呢度就唔使點排隊 -「星泰真味」見到個餐牌🤪好抵食喎！炒粉麵飯連飲品＄60有找（佢唔係一般茶餐廳嘅頹飯）好似佢個XO醬蝦球炒麵 - 啲蝦大大隻，足料之餘又大大碟。唔錯！唔錯！👍🏽

服務態度真係勁差 未見過啲餐廳可以咁做生意☹️ 打電話去叫外賣 好聲好氣講要咩 對話如下：我：唔該想叫外賣侍應：食咩呀我：T27 腸仔雞扒飯侍應冇岀聲)我:洋蔥汁侍應繼續冇岀聲)我:凍奶茶呀唔該侍應仍然冇岀聲 然後收埋我線) 我以後都唔會幫襯。。。。

今日接老公放工又去大埔開餐，因為好肚餓費事等位，入咗間無咩人嘅星泰餐廳，之前一直無食過，入去試下，但今次真係嬲到要寫食評，所謂紐西蘭肉眼扒跟本就係港式薄切牛扒，夠膽死仲問埋幾成熟，玩咩！塊扒薄到咁，仲要收成$78/份，意粉係中式茄汁炒意粉我諗住星泰餐廳叫海南雞飯實無死，點知仲衰過白切雞，完全無味，完全係食醬，d飯又硬，係得碗湯飲得下，無味精。成餐飯最嬲係佢名星泰價錢，咁餓都食唔曬，絕對無下次😡相無影，實在唔值得影

竟然被我遇上這間食肆，又竟然看到這一幕……星期六照例多人，兩個女孩坐我旁邊的四人枱。大約十多分鐘的時間，一個目露兇光的大媽侍應，行過來粗聲粗氣地，問她倆人齊未，幾時叫食物，兩位斯文的女孩連忙說不好意思，朋友差不多下車，再多等一會便齊人。話未說完，這位大媽侍應巳在咆哮，有人生人覇死地，阻住人發達，若不是這樣，巳做了兩輪生意。女孩們來不及反應，已被嚇得目定口呆。我不知哪裡來的勇氣，向這不知所謂的侍應反擊，向她說她們剛坐下不久，用不着這樣說，況且這樣待客，其他客人都不會再回頭幫襯。這侍應對我說，要做「架樑」就即刻埋單過主，入得嚟食，預咗比人鬧，吾關我嘅事就吾好插咀，否則拖埋我出去。終於，我和兩位女孩受不住這侮辱離開。點解？點解？點解呢間嘢，仲有人去食㗎？？

一直住係大埔，之前聽過呢間唔好食，但見佢裝修過又有人食就俾多次機會。嗌左一個海南雞飯加凍檸茶同菜遠斑腩炒河加凍菜蜜。首先黎左兩杯野飲，一飲菜蜜甜到癲我要倒開一半加左成杯水先飲到，檸茶啲菜又勁苦之後黎左食同炒河，個炒河味道都正常，但就勁碎，好難夾黎食。海南雞飯個雞就晍好味。食食下侍應俾張單我地，佢俾既方式係飛落張枱度，因為張單係夾住埋板，啪一野咁飛落黎，食食野既我地當堂呆左之後食完就好快咁走左，俾多次機會佢都無用，無論服務同味道都非常差

晚餐經過星泰真味，叫左個常餐同埋冬蔭香茅雞翼金邊粉。個常餐黎到，都幾大碟，有兩塊牛油多士、火腿、熟蛋，都幾豐富咁。不過，本身常餐係瑞士雞翼撈出前一丁，但無啦啦同我轉左飯，又唔同我講聲。廢事佢掉，浪費左d食物，就無同佢換，所以就照食。D飯就比較黏，唔好食，就算有汁撈都唔係太好食。瑞士雞翼就無瑞士汁嘅味，只係得滷水味。不過有幾條菜食下，都好d。至於個冬蔭香茅雞翼金邊粉就普通，得個辣味。以咁嘅價錢，係度食得飽就算。

我地一行8人，其中4個小朋友，十二點十五分放學一齊去食午餐，然後一點就去興趣班，咁呢間餐廳近近地又冇乜人，咁就坐低左。落左單，等左十零分鐘，D野食就到。D野食就普通喇，冇乜特別，味道遍濃。但呢個唔係重點，重點係D侍應，我地食左大概30分鍾，佢地不斷地埋黎問D野到齊未，又想收D未食完既野，有次仲收埋我地D餐具，我叫佢拎番黎佢就黑面，仲要細細聲講食野食咁耐。大佬，食個午餐正常都要30分鐘喇，你D餐又唔係即刻到，前前後後食左20分鍾度，食餐飯都要俾你吹吹吹。都唔明點解呢間野都可以生存咁耐，永遠冇下次!!!!!!

同男朋友落樓下求其食個tea近近地就去呢間食碗粉以前食過記得佢個喇沙係唔錯嘅始終都係茶記水平，怕豬扒整得實所以都係叫豬頸肉喇沙最穩陣男朋友就叫肥牛泰式湯河正宗就一定唔夠隔離新加坡嗰間正宗不過佢湯底幾香椰汁味，都算濃豬頸肉夠香口，＄38連野飲真係算係咁男朋友個肥牛就麻麻哋， 煮得太熟而且本來就唔夠肥，有d靭不過不失諗唔到食乜都可以再黎食嘅