星泰真味 (已結業)

今日見得成份工呀 e 份好過上一份好多 ......=3=心情靚到爆 .....請我個妹食下午茶 哈哈 叫左豬頸肉撈檬 ..ok wor 25 蚊幾平 個呀姐都幾好 ..我地入到去6點28 分個下午茶係去到 6點30 分佢都拿拿聲做埋我地呢round ps 我會比心機做架啦 !!!! 哈哈 ~

呢個舖位轉左幾次手,每次開張都有試,但次次都唔得,試完一次到下一次再食已經係新舖頭...唔通呢個舖位d風水唔好!?今次轉左做星馬餐廳,記得上次在第二度食過星馬野幾好食,便想試試呢間掂唔掂!2個人叫左個翠玉瓜豬頸肉煲、香草燒雞炒飯、三色冰和雜果奶酪。個炒飯正呀!Order完唔夠3分鐘就上菜,仲快過杯麵,係咪即叫即炒大家心知肚明啦!睇碟炒飯的表面,係一粒雞肉都無,用湯匙"不"起,先發現d雞肉係一堆咁埋左响中間....佢地係咪擺明想話比我知佢d飯係叮番熱就上菜呢????講明炒飯,點可能雞肉同飯唔係兜亂晒架????食左幾啖,d炒飯係無味的,淡茂茂,個廚師真係做得出色!$38一碟好好賺!!!跟住個翠肉瓜豬頸肉煲,d豬頸肉寥寥可數,2個人食都分唔到幾多塊...係用翠玉瓜墊底睇落先多...不過d汁都叫OK,係得佢d汁先可以撈到d炒飯食咋...跟住講食品,三色冰真係得多冰,d啫喱少到痺...雜果奶酪一般啦,無咩特別...但d罐頭雜果又係少得可憐...但最奇怪係個侍應,明明個煲仲有好多翠肉瓜,我就停左手,但我老公都係啱啱放低個碗飲啖水,個侍應就好似執唔切咁想拎走個煲!!後來佢見到我地仲要先收手,執隔離枱

附近的店鋪差不多已經試過了，見這間店鋪係新開張又未試過，一於去試試。記得係年初三定四去，所以沒有下午茶時段(平時有的)，但價錢都是合理的，而且不收加一添。這店係主打泰國同星加波食物，海南雞飯、冬蔭功湯等等食物都有，選擇都算十分多。等了一陣就有位，安排了卡位比我地坐得舒服，因為不是卡位的座位係比較迫的。最後我點了冇綠咖哩咁辣的紅咖哩雞飯，媽同姐點了無骨海南雞飯。可能這些食物不需要即炒，所以好快就有了，幸好還是熱熱的。我的紅咖里賣相不錯，紅紅的咖哩上鋪左少許青豆同菜，不過奇怪的是雞肉是綠色的，可能只係想賣相特別喲!這個紅咖哩味道不錯，一入口就有陣陣辣味，不過辣味是我可以接受，個咖哩都有少許椰汁香味，甜甜辣辣，胃口大開呢。至於雞肉就冇咩特別同平時既一樣。至於媽同姐的無骨海南雞飯我亦有試。油飯外表金金黃黃，食落香飯就整得不夠濃入味，濃味少少就好了。至於個雞是無骨的，啖啖肉很方便，不用吐骨，而且雞肉滑滑的，連雞胸肉都不會很鞋，推介之選呢!總括而言味道不錯，可以再試呢!不過要埋野飲熱飲要加$3，涷飲$5，有點不值呢!不過好在不用加一。

備註: 此店前身為「好麵膳」, 經過全店大裝修後, 現已改為「星泰真味」。經過幾星期改頭換面大裝修後, 鋪頭終於重開。雖然鋪頭已經改左名, 但老闆應該冇變。 (可能加左個合伙人, 多左個麻甩佬係度)而且仲轉為賣星馬泰菜, 唔再做燒味添~~~見佢剛剛重開, 於是禽晚即刻走去試試一去到, 見到門口企左好多人, 可能因為剛剛重開, 所以吸引唔少食客注意。不過雖然人多, 但好多都只係企門口睇餐牌, 未有入去坐低。而我就已經決定一試, 所以一去到就坐低叫野食裝修後多左卡位, 座位數目亦都多左, 不過仍然坐得幾舒服。可能因為人多, 要等左一陣先有人埋黎落單。叫左1個炒飯, 1個焗飯, 兩個人share食試下味。 菠蘿海鮮炒飯 ($38)多菠蘿, 有少量蟹柳+1隻青口, 味道普通, 食落仲有少少酸味, 似西炒飯多d......冇肉鬆, 腰果, 唔係正宗泰式o既菠蘿炒飯, 有點失望。 焗香芋椰汁雞飯 ($40)顏色帶少許青色, 望落有點似青咖哩。多芋頭, 可惜煮得唔夠「林」.....得兩三件雞, 但個汁椰香味十足, 送飯一絕, 「正」!!! (晚市熱飲+$3, 凍飲+$5, 全日免收加一)小插曲:等