星泰真味 (已結業)

我地星期日去食，叫左幾樣炒粉麵，其中有一樣係干炒豬扒意粉，超難食，完全冇味，最差既唔係食物，係服務員既態度，叫佢俾杯水，佢話要3杯呀，攞唔到喎，之後佢攞左二杯就算，仲要眼超超咁，之後要攞碗，都費事問，自己搵下係邊到攞 ，咁既服務，一定唔會再去囉！！我去過哩間野食野既朋友十個有九個都話服務超差，好似欠左佢咁，之後都話唔會再去，其實都咁多人投訴，個老闆知唔知呢？

食完仲要搞肚痛疴水嘅，真係貼錢買難受昨天一家大少去食飯，叫左一個套餐再散叫左兩個個小菜，跟住就係惡夢嘅開始：一。侍應真係冇反應，叫左佢應左你都冇行動嘅，二。西蘭花炒班片，班片“霉“到入口即溶，同佢講老板娘語氣毫不在乎： “食其他嘢呀可以換過比你“，唔通妳係知道嘅？有人出聲先換過比人？問題重點係：告訴你，想你們要處理所有有問題嘅食物，唔好再賣，比小朋友老人家食左可大可少㗎。三。成杯凍檸茶倒落我到，成身成鞋濕到冧，對唔住都冇講一句，拎唔到咁多杯要分開啦，凍嘅淋到都算，熱嘅淋到會害人一世㗎。四。茄子牛柳絲，直情咸到食唔到，我地都食完啦，牛柳絲醃到霉嘅，嚟到都仲要食唔到嘅。五。食完唔洗半個鐘，疴左三次水。真係痛苦到不堪。。。真係唔會再去

上星期六去了大埔行街, 行行下肚餓就來了這間餐廳吃個tea~ 見佢下午茶的餐牌都有好多選擇, 我揀選了"肥牛湯金邊粉" 要了冬陰公湯底~因為平時其他餐廳揀冬陰公湯底都要加錢, 但呢度就唔洗等了一陣就有得食, 賣相都可以, 湯底顏色其實似沙嗲, 開頭以為佢比錯我, 點知聞一聞就知道是冬陰公來的. 味道都正常, 入面有平時冬陰公有的菇, 仲有D芽菜, 不過肥牛就有D嚡了...有兩塊好難咬開但整體碗粉都算可以的! 另外, 飲品我見佢叫自己的奶茶做"金牌奶茶", 所以試下質素啦, 點知真係幾好飲!! 入口夠滑, 奶味香, 茶唔澀! 比起好多餐廳都要好的! 價錢全部$32, 合理啦~

遠臨大埔，朋友介紹就試下泰式野，都幾貴丫價錢，一般尖咀都係三十幾四十，依到五十幾蚊碗泰式必食串燒，個沙爹醬照正，仲要熱辣辣快快食，雞同牛都燒得好林丫！！！值得食！！冬蔭公扎肉檬粉，第一次咁食，好少湯底有冬蔭公，可以連湯食辣度岩岩好我鍾意丫🙌

食物質素一般不梗要，D細碗只只都污穢！最差D態度，落單好似欠佢咁！全程黑口黑面。點呀，你要乜，咩盪我知，之後同佢講，又嘴巴妙妙！我來食嘢唔係受氣！一定不會再來這裡！

食物算OK，不過Ｄ服務差到離譜。一身型偏矮的服務員語氣極差，又很大声對客説話。叫佢唔該比個膠袋，佢大大声話「而家唔得閒，你慢慢等吓」。其实佢當時只係逐張台擺緊歺牌，叫佢講野細声Ｄ，佢又大大声話「我講野係咁大声架喇」，完全不放Ｄ客在眼内。除非你想受氣，呢Ｄ歺廳唔應該幫襯，等佢被淘呔就啱喇。

我期待的是，食到真正星，泰菜的味道，希望感覺好似置身星加坡同泰國咁，食到嗰種feel，當然，理想同現實不相乎..同朋友兩個係大埔撐枱腳，叫左個二人套餐，本身想食海南雞，但朋友話想試下泰式豬脾，黎到我覺得賣相唔多好，可能排列又唔靚，顏色又唔吸引。泰式何在？我都唔知道XD，但係d肉好肥，肥膏一眼就睇到啦，肉既部份有d un，覺得有少少搵笨..小炒皇可以自選一款，但係睇睇個menu，全部都係中式茶餐廳feel，說好的星泰菜呢？我地揀左XO醬西蘭花炒斑片，XO醬可能重手左d，都幾咸，西蘭花焯得唔夠耐，好硬，斑片就幾滑，一咬就散，不過就多油左d。菜我地揀左薑汁炒芥蘭，炒過既芥蘭唔會太老，薑汁味重，但又唔辣，可惜份量少，兩個人每人食幾條就無晒了..既然係星，泰食物，請努力做好，可惜香港既餐廳，食物一定要五花八門先可以吸引客人，有幾多好似一X拉麵，真係可以專心做拉麵呢？

平時早餐都會比較趕，所以通常都只是去買個飽加盒紙包飲品，求其地解決了早餐。今日決定對自己好些，早餐食得豪氣點，去了一間餐廳，點了一份精選早餐，火腿奄列配多士，沙爹牛肉公仔麵，熱奶茶。大大份的火腿奄列，飄出淡淡的牛油香味，用牛油炒雞蛋，蛋的部分炒得適中，很滑嫩，再加上滿滿的火腿。半片的多士烘得內軟外脆，上面塗抹一層厚厚的牛油，好好味。 沙爹牛肉公仔麵，沙爹牛肉份量稍嫌略少，如果再多些就會更加好。整體來說，這份早餐可算抵食

踩完單車, 餓! 泊定架車, 搵食!見到呢間門口超大張餐牌, 好多野食喎, 一於試下。呢碗叻沙有墨魚仔, 蝦仁, 豆卜, 青口, 魚蛋, 蛋..... 就係無味!湯底絕對係滾水.... 大佬, 連色都唔調好D.... 真係好差服務, 唔知係咪人多關係, 個個樓面黑哂面....喂, 我山長水遠來到, 唔係要來睇你地面色架!唔使笑, 但都唔好黑面掛。無下次, 完。

態度奇差的一間餐廳一放低碟星洲炒米未食已經聞到成陣燶味叫個侍應換過碟點知佢轉頭話：你轉過另一樣野食啦，唔好叫炒野我地師傅炒係有少少燶味，食落冇你地食唔到就唔好叫炒野我當場 下 左聲我話即係你炒飯炒米炒麵全部都會係燶味？係呀 你食唔到所以叫你地唔好再揀炒野我嬲嬲地叫佢：咁你同我cancel 左個星洲炒米佢啦😡😡😡😡😡大家記得食得到燶味先好去呢間

一個人諗吾到食咩，行過呢間有炒飯就入去食個揚州炒飯首先，炒飯落青瓜片，吾夾；其次，Ｄ蝦未挑腸，感覺污糟跟著職員在廳面嘻嘻哈哈似講緊Ｄ客是非，最離譜有個大嬸既店員走去我張枱攞牙籤撩牙，後面枱冇人又吾攞最後出去畀錢，收錢個人吾知入Ｄ咩甘緊要，竟然吾係優先收錢，吾會有下次，完

牛腩咖喱飯呢間野好似系泰國野來（雖然真係唔多覺）所以試下d咖喱應該唔會中伏，所以落左order。上到來就好簡單，白飯同咖喱分開，自便。其實我覺得真係要咁樣先make sense，咖喱同飯分開食，味道會更出，唔會系唔系都混埋一齊。白飯就正正常常，無話用特別好既米去煮。咖喱呢~個人覺得好過普通茶餐廳，至少食得出落足椰汁，見圖都見到d咖喱汁系唔透色既，食落會好滋味。另外d牛腩唔會咬唔開，煮得夠爛，但放心都唔會太松散，有牛筋既位置都要靠下牙力。辣就有小小既，但我覺得就係要咁樣先似食咖喱，唔辣都唔系中東口味啦。呢個餐唔錯，大家可以試下。

每晚都有廚師推薦，通常我都會order新西蘭肉眼扒餐。 $70,大大舊扒，仲跟埋慘湯，餐飲，仲有多士，真心夠飽，男仔都會飽曬。其實d野係好食既，但好搞笑係唔理叫幾多成熟，佢都會比9成熟你食。所以想食半生熟既朋友就有定心理準備，廚房唔識控制。講翻個扒，好咬口，扒都夠厚，唔會太硬或者太軟，適中。鹹淡就自己控制點醬汁。佢配菜薯菜係會直接切馬鈴薯去炸，我覺得咁樣既馬鈴薯先好食，連皮，多一層口感，又食多d纖維。佢特別既地方就係白湯、紅湯之餘仲有中湯，fit曬大眾口味。但係中湯硬系覺得好似會落好多味精咁樣 ;p

此乃正價餐牌上的泰式椒干炒牛河，完全同Menu 入面提供既相片唔同，係應該要有九層塔係上面同幾條原隻辣椒，連落單呀姐都話可能搞錯左。之後問佢經理同干炒牛河既分別，佢話係有分別，態度非常差劣！大家都有眼見，完全搵唔到半粒辣椒，半條九層塔，完完全全就係干炒牛河！好聲好氣，問佢可唔可以改返午餐餐牌干炒牛河既價錢，佢話無可能！重問我"你睇唔到 只供參考 4隻字?" 串到飛氣。最後我報左警 呀Sir 黎到見到都覺得同Menu 完全唔對路，佢先死狗咁改返我張單。食飯食到我要報警話有糾紛真係第一次！！！ 

想喝冬阴功汤 来了这家 真是我喝过最难喝的冬阴功！不辣也不酸，说是海鲜汤，其实半碗都是芽菜，还68，一点都不值这个价钱，除了咸就没有别的味道了。青咖喱牛腩同样的难吃！没有一点咖喱味，牛腩看上去像在冰箱冻了五十年拿出来煮的，看着就没有食欲，除了两根豆角没有其他蔬菜。米饭也难吃！唯一正常的只有可乐了。