星林居雲南米線餐廳 (已結業)

想當年我係尖沙咀返part time成日都有同事食呢間星林居今日又被遺棄尖咀就黎試下😷-我叫左多酸+大辣+豬軟骨🐷豬軟骨得一舊 不過好大舊一舊都等於雲桂香兩舊幾味道都勝雲桂香 入味 夠淋 鬆化👍🏻-湯底方面呢 又係勁過雲桂香😅Feel唔feel到佢幾濃郁？係結結地架😍好夠酸 辣就唔算好辣我好欣賞佢所謂既"辣"唔係加辣油雲桂香係超級勁爆油😑整體黎講 呢間我好滿意 正呀😝

好耐都冇係星林居食米線，上次食係1年前，等左好耐，結果好咸食唔落。 因為早兩三年係尖沙咀翻工時佢地真係好好食，基本上個時係日日食，所以今次想比多次機會，結果兩罐嘢飲到左個米線由8:00等到9:15都未到，我地周圍啲人都等左好耐，有啲又好快有得食，食完人地走左我地都未有，問啲員工淨係不停叫人等同埋話好多人等緊，態度真係差到一個點，離曬普！ 佢而家味道如何我真係唔知，因為我未食已經走左，同埋永遠都唔會再幫襯！

幾年前食過呢間米線印象中係幾好食嘅今日咁岩行過 忍唔住想去食下由於搵唔到電梯 要行三層樓梯先上到去要食好嘢 真係要付出代價嗰陣係晏晝12點幾一點嘅時間入面都有幾多空位我問店員係咪可以隨便坐佢就話要帶位結果要同另一個女仔撘枱坐左張四人枱後尾嗰個女仔走咗 又嚟咗另外兩個互相唔識嘅女仔同我同枱其實有咁多位點解一定要逼人地搭枱呢講返嘢食先 我就揀咗雲南米線加豬紅同油麥菜 小辣小酸不過落完餐之後 都等左成三個字先有嘢食 都有啲耐碗麵黎到 個樣好清 得米線同豬血 加幾條韮菜同芽菜 油麥菜分開上即刻試吓飲個湯先 係幾香口嘅 但係小辣都好辣 反而酸味就唔夠所以唔係太食得辣嘅朋友 我都建議佢唔好要加辣米線幾煙銀 幾好 但份量偏少如果大食嘅朋友就未必夠飽啦可能要叫多幾個餸豬紅都夠入味 好食 油麥菜碌得岩岩好

星林居米線好耐以前食過，好好食同可以自選多配料。依嫁佢紅左啦，仲聲稱自己米線點稱霸法。上到去都見到好多遊客係到。有樣野佢寫明兩個人淨係叫一碗米線，野飲就要按正價計算。甘岩隔離個學生就係用學生價叫一碗米線，另外個朋友唔餓就話飲野算。店員都話甘樣用唔到學生價同要正價野飲☹️☹️☹️我叫左豬楠肉同貢丸（$36），腩肉我搵左好耐得四塊，貢丸得兩粒。而米線份量唔多，少過譚仔叫少米一大截。食埋今轉真係唔會再幫襯，好麻麻，味道都係一般般...

一開始收銀叫我地入面左邊，於是我地一行兩人就向左邊搵位，突然有個男員工指向右邊 口吻似怪責我地 「右邊咪有位囉！呢個唔係位啊」咁。之後等左好耐 我麵到左，但我朋友就等多二十分鐘。 過左段時間 我地見有好多extra位子 想話之後念住轉位，兩個員工夾住我地 好大聲話我俾轉位，長篇大論 講唔停。其實如果講完 我地都會明白兼坐返原本既位子，但偏偏員工服務差！態度惡劣！落錯單仲要等左40分鐘！以後都唔會再黎！

工作關係經常會打電話去星林居叫外賣自取，平時聽電話既喂完就會放低電話收錢，通常等一陣我係無所謂，同埋成日食我都慣左呢個模式。近期我打去叫外賣時，我每次講完我要咩餸，佢都用啲好質疑既態度問我係咪一個餸，有次佢仲連續問左我3次'一個餸？一個餸咋？一個餸咋係咪阿？'，咁我忍唔住就問佢係咪唔可以叫一個餸，因為佢每一次都態度差仲要咁樣問，大佬，你有無寫明幾個餸起？定你想我叫餸叫到放題咁阿？成日都係咁都算，今日我打電話去落完單我問佢個外賣幾耐左右攞得，我問左3次，可能有重疊佢講野佢聽唔到，但點都中一次掛，佢一野就cut左我線。咁我就即刻打去話我個米線幾耐攞得，同問佢做乜cut我線，佢話「我放低電話就聽唔到嫁啦」，咁我話我問左你3次喎，佢話「我而家都聽唔到你講野阿」再cut我線！我火都來埋，即刻就上去舖頭，一去到我就話係咪佢聽電話，佢話係，我問佢乜野服務態度咁樣cut人線，佢「我放低電話就聽唔到，聽唔到就收線嫁啦，我好多野做嫁，唔係淨係服侍你阿」，爭拗其間佢仲同我講「你可以投訴我嫁，投訴我丫，我姓盧(如果我無聽錯)」，我話我見到你老細岩岩落左去丫嘛，佢「係阿，你追落去丫」，點解可以衰到咁？請到呢d員

隨着物價高漲，而家已經好難搵到平嘢食。由其尖沙咀一個咁好嘅地區，能夠食到20幾蚊嘅米線真係好難得。有學生證嘅學生仲可以減兩蚊。一個米線＄24，不過沒有配料，配料每款大約$4至＄6，簡簡單單兩個配料加個米線都只係30多元，配埋飲品加＄6-$10。環境都算坐得舒服，某些位置仲可以差電。坐耐少少都唔會比人趕，都幾好。

因工作關係經常光顧但食物質素也明顯的感到下降可能吃得多了的關係明顯比了下去今天吃個米線和往常一樣點同樣的餸份量令我十分驚訝腩肉 金菇 韮菜餃我舉了手5分鐘沒有店員理會只好自己走到櫃枱交單過了5分鐘後 有人前來通知菲菜餃沒了即是我給了單後5分鐘後才下單？還是什麼的？算了 食物到了吃後。。。腩肉只有兩小片算了應該沒有下一次了

以前經常過黎食米線..今日再黎食..成個環境都好多韓國人..好似有韓國旅遊雜誌介紹..都係叫左個小鍋米線.墨丸豆卜蘿蔔三餸...呢度特別在連酸度韮菜芽菜呢d配料都有得揀..因為多人既關係..都要等一陣先有得食..黎到見到成碗滿滿的..但其實係湯多..米線份量唔算好多..連配料都好似少左..譚仔果d墨丸都最少4粒..呢度得2粒..蘿蔔雖然好淋..但勁大舊..記得以前唔係甘..製作好似求其次左甘..好失望..就連杯凍檸茶都好一般...無咩味甘...

今晚趕時間睇戲，同男朋友上左星林居快食米線。去星林居當然要講一講點餸紙，可選喜歡/不喜歡既配菜。女小編叫既係墨丸魚皮餃小小辣米線男朋友叫既係牛𦟌火雞腎小小辣米線一食，都互望，就係米線煮得太熟了😅 我地都無簡「煮久」🤣墨丸(太焾)同牛𦟌(好硬) 都係太熟，墨丸因爲太煮，咬落自然口感麻麻地。牛𦟌其實本身已經係熟過頭，邊邊明顯已經反起哂。不過火雞腎係好食既！湯底味道ok, 因為我起都選左普通酸&小小辣，所以都好濃味。埋單80幾蚊，趕住去睇戲先。

同早一年比較 無論係食材 份量 水準 真係退哂步！好失望！服務態度差唔緊要！但連蟹子丸食下去無無咪真係好高境界（絕無誇張，我與女友一人食一粒，反應一樣）唯一keep到水準係 罐裝可樂！我無話可說！

呢晚黎到尖沙咀, 心血來潮想食米線, 就黎左星林居喇。提到旅客來港必吃之選的米線, 除左十億個間外, 呢間係旅遊名單中都有一席, 皆因選址便利, 處於遊客區 – 尖沙咀。隔左一段時間沒光顧, 是次再來, 夾在左右兩旁的都是韓國旅客, 不過看他們吃了3 數啖便埋單走人, 好似唔多啱佢地口味咁喎! 好喇, 我地都自己揀番碗小鍋米線醫肚先。我個碗係雙豬 (豬紅+豬大腸)米線 ($44 小中辣), 而搵食爸個碗係懶肉羅白米線($41 小小辣), 加多罐可樂 ($7)約 10 分鐘左右, 雙豬米線到喇, 芽菜墊底的米線少得可憐, 湯底酸辣度適中,豬紅無特別, 跟一般無異, 豬大腸唔算肥, 應該有 4 小塊吧?! 至於懶肉羅白米線, 薄切豬腩肉片, 好難唔入味, 幸好羅白尚算清甜無渣, 搵食爸 3 分鐘 KO 成碗了。總括來說, 味道方面跟其他雲南風味的米線無異, 但分量少得可憐。當中小插曲, 食到中段的時候, 聽到旁邊有一枱的女食客向侍應追問漏餸一事, 卻俾該侍應粗聲回應。其實, 客人前來光顧, 基本禮貌是需要的, 俾漏左餸咪補番俾人羅, 咁惡又何必呢?

如題！呢間野無論係老細定員工都係噤。不知所謂，無禮貌！本人去過呢間野10次有多。係因為佢的野食唔差，係尖沙咀係平民食店！但係佢地的態度真係不得了！無論晏就食還是夜晚10點幾食！揮手叫人，的伙記係好似避你噤，揮極冇返應，扮望第二道。明明大家都眼望眼，又要望走第二道？？？做咩姐，叫你還錢定要攞你命？如果你地食過就知。佢地要用筆自己圈野食。噤碗野黎到小左個韭菜餃，同佢講漏左...佢話同我睇睇張單。轉個頭講。哼！你都冇落，邊有得食（加埋佢個種不俏既眼神，燥左）我話，但我有圈喎🙄。唔信你攞過黎睇睇！佢去check,，跟住好遠噤行埋黎一邊講：噤你加唔加返？幫你加。道歉什麼的沒有...身有屎都噤冇禮貌。跟住追單又係，你碗野要用成個鐘淆定係點？成半個幾鐘，隔離張台兩個人遲黎，的野都食得7788。追下單好正常姐。的伙記話：等多陣啦，好多人呀！等多陣。廚房唔洗煮架？我心諗，豬紅豬潤麵...煮幾耐呀？好！等到隔離張台走埋了！都未黎！我揮手追單啦！揮左幾分鐘。。。的伙記係唔理我的！望住地下行路是基本吧🤗我直程起身講，唔食了唔該！佢老細行出黎，話叫左唔可以取消喎，廚房煮緊！。。。15分鐘前又話煮緊煮緊。人地食完

朋友不斷話星林居米線係全港最好味嘅米線。既然講到咁誇張，今晚一於試試佢。8點左右樂道果間太多人排隊，轉場過黎金馬倫道，竟然無乜人排隊。雞翼蘿蔔酸辣米線(小酸小辣) $36雞翼2隻，都算大隻，可惜唔夠入味蘿蔔有2大舊，又甜又多汁米線份量太少，食唔飽，而且過淋湯偏酸但無乜辣味芽菜同韮菜都勁多星林居米線配料選擇都多，酸度辣度可以因應自己需要黎揀。超級欣賞星林居有特別要求選擇，唔食葱唔食芫茜嘅我可以剔走，唔洗次次落完單先記得走青

我同朋友都好鍾意食酸嘢，呢間酸辣米線，如果我同朋友喺尖沙咀唔知食咩嘅時候，都會唸起呢間米線鋪！呢間米線食店嘅頭面好簡單，第一次食嘅時候都搵咗好耐。尖沙咀有兩間分店，今次食個間喺金巴利道，係樓上鋪黎，而且呢間分店嘅坐位比較多，我去個幾次都唔洗等位！就咁睇門面，大家又覺得點呢？一上樓梯，就有呢間米線嘅招牌，原來呢間店得過好多獎！呢間係佢地嘅menu，佢地係用劃紙嘅形色嚟嗌，要邊樣就剔邊樣！佢嘅款式都算多，價錢合理。同埋，大家如果係學生，記得帶學生證，會有學生優惠咖，平均每款配料平一至兩蚊，但記得得呢間分店先有呢個優惠！menu 最下面有得跟自己嘅口味簡番多酸、多芽...或者其他條件！鍾意食酸嘅我就簡咗多酸！喺星林居食米線，嘢飲係唔包咖！食嗌嘅話就要用呢個價錢嗌！今次嗌左豬潤生菜酸辣米線（多酸多芽），賣相一般般，菜係分開放而且分量都算多，豬潤分量都算ok，湯底夠酸但因為濃所以飲完會比較口渴！整體而言，都值得大家去試下！