星怡 (已結業)

香味獨特傳統的名菜肉骨茶:肉骨茶選用了多種不同的草藥和香料，烹制出了濃郁的湯汁和鮮美的肉。湯汁非常濃郁，口感醇厚。肉也非常鮮美，肉質鮮嫩，口感豐富。這道菜品的湯汁是由多種草藥和香料精心調配而成的，包括黨參、花旗參、黃芩和丹參等，讓湯的味道更加豐富。魔鬼魚辣死你媽，椰漿飯:魔鬼魚肉質滑嫩，以厚厚的參巴醬醃製，參巴醬是一種辛辣的調味料，基本成分為蕃茄粒、辣椒和蝦醬，相當惹味！參巴醬的甜辣，讓魔鬼魚味道更加濃郁。椰漿和米飯一起煮，讓白飯散發濃郁的椰子香。已炒香的小魚乾和花生為整道菜增添嚼勁和口感，而雞蛋和青瓜等多種配菜則讓更加口感豐富。搭配香蕉葉包裹，具有獨特的視覺效果。

呢日喺尖沙咀做野，夜晚就約埋男友食飯，由於唔想行太遠就上咗去地鐵站上蓋好少去嘅ISQUARE搵下有咩好食，原來ISQIARE個商場都幾多餐廳，見到呢間星馬菜個Menu有魔鬼魚食，咁大個女都未食過，所以就決定一試！ 🧡烤魔鬼魚（$128）利申：咁大個人都係第一次食魔鬼魚，原來個肉質係咁特別，一梳梳咁好彈牙，魚味亦好夠！佢上面個辣醬同魔鬼魚超夾，想試下魔鬼魚嘅朋友必點！ 🧡愛他愛她（$68）就咁睇名真係唔知咩嚟，其實佢係魚肉泥配上多種香料一齊，口感軟淋，香料味超級出，絕對係一口香氣盛宴！ 🧡新加坡濃湯福建炒麵（$118）金黃色賣相上枱好吸引！麵條有米線同油麵兩種，都非常掛汁，勁惹味！配料十足，有魷魚、蝦、蛋絲同肉片，正！ 🧡香芋飄雪（$78）香芋味非常濃郁嘅綿綿冰，份量非常大，4個人叫都夠食！綿綿冰質感一流，唔會太甜，配料亦非常豐富，有椰果、爆珠、綿花糖同三色蒟蒻。爆珠同綿綿冰好夾，比起好多甜品店都好食！

🚄位於尖沙咀港鐵站上蓋嘅 isquare商場內, 交通非常便利👍🍽️餐廳以湖水綠色做主色襯托木系嘅裝修, 牆身帶著濃厚星加坡地道色彩嘅大牆畫, 座位寬敞, 感覺清新舒適🥰✨餐廳除咗星加坡菜亦匯合咗東南亞菜式嘅選擇, 款式種類多, 建議三五知己聚餐, 可以選擇多啲款式共嘗🥰📝Menu 內亦有二人及四人套餐選擇, 都係唔錯之選😍🦐黑胡椒大虎蝦（2只） $240大虎蝦肉質夠厚身有嚼口感, 黑胡椒醬汁惹味得嚟又唔會太辣😋🍗不可不吃的雞髀辣死你媽（椰漿飯）$78手掌咁大嘅雞髀肉,皮脆肉嫩帶辣味, 椰漿飯口感黏身, 椰香味濃, 再配上一隻香煎雞蛋, 口感層次豐富滋味爆燈💕🍡班蘭水晶球（6件）$58班蘭香味嘅糯米糍外層, 包著軟滑味似咖央嘅餡料, 特色有喜感😍

～～～～～星怡～～～～～尖沙咀彌敦道63號國際廣場3樓303號舖尖咀ISQUARE呢個旺地方 shopping & crazy eating 中心地帶行去海旁都方便 欣賞香港夜美景呢間星怡 坐旁邊既卡位 可以睇到 彌敦道 中間道人來人往景觀裝修淺藍綠主色 簡約而不失大度店員都推薦左好幾款美食美極鮑魚4隻 美極汁味濃烈 適度加上少量紅椒點綴色調 入味 爽肉彈牙 鮑魚最怕洗得唔乾淨 黑色既位通常要刷刷呢排隻睇落白肉 唔見黑黑野麥皮/黑胡椒/蛋黃醬大虎蝦 黑松露鮑魚 炸榴槤湯丸香芋飄雪 魚露花甲等等喇沙魚旦麵班蘭咖吔多士厚凍牛油🧈咖吔醬mix and match尼食星馬菜 班蘭咖吔多士是必不可少的雷沙湯丸美祿恐龍

同朋友聚舊揀左位置最方置既isquare，好耐無黎，原來多左好多唔同款式既餐廳，我地揀左星怡，係一間新加坡菜。一入到去餐廳，有一面落地玻璃既窗，所以餐廳陽光非常充足，感覺幾舒服，我地兩個人仲可以坐梳化位。🧆黑松露香煎鮑魚一放上枱黑松露超香，不過食落味道又唔會好濃烈，食得出鮑魚係新鮮，口感彈牙。🍜新加坡喇沙麵只有粗油麵，有魚片同豆卜做餸，$58一碗喇沙麵黎到好抵。🧈班蘭咖吔多士好邪惡味道都好唔錯，做前菜或飯後菜都幾好，有飽足感。

一向以為尖沙咀商場食野價位偏高但係早兩日朋友約左我去iSquare呢間星怡原來都幾抵食！新加坡咖喱雞酥第一次見呢款小食，一份有六件。食落有啲似港式咖喱角，外層酥脆，香而不辣。新加坡魚蛋喇沙麵每次食星馬菜我都一定會叫喇沙！呢度嘅喇沙用左油麵，配上椰香味較濃嘅湯底，食落唔算辣。魚蛋幾有驚喜，爽滑彈牙。馬來炸大雞髀椰漿飯椰漿飯Nasi Lemak（辣死你媽）又係另一特色，佢跟足配料，有青瓜片、炸過嘅小魚乾、花生、煎蛋同參峇醬。炸雞髀外脆內嫩，口感非常好。班蘭咖吔多士班蘭嘅味道真係好獨特。咖央醬有層次，入口椰香先跑出，然後斑蘭香襲來。內有厚厚嘅牛油，令咖央醬味道更加豐厚立體。

我們下午茶時段過來，環境非常清幽舒服。窗邊座位看出去是尖沙咀樓景，陽光灑落肩上非常治癒～ 絕對是聊天約會的最佳之選～ฅ( ̳• ·̫ • ̳ฅ)✦ ⋆ • ☁️☾ ⋆ • ⋆ ✦ • ⋆ ☁️ • ⋆/ 食物 Food /♡ 星加坡海南雞飯 $148♡ 芒果椰汁沙冰♡ 檳城鮮蝦湯麵 $78♡ 藥材肉骨茶湯米粉 $68♡ 星加坡海南雞湯米粉♡ 薏米蓮子百合茶全日精選常餐會奉送前菜和甜品～♡ 鮮雜果楊枝甘露♡ 馬來咖啡♡ 星洲拉茶/ 環境 Environment / 餐廳環境佈置別出心裁樓底很高 空間感十足～你會不由自主的放輕腳步沉澱心靈 有一種心靈獲得療癒的感覺☀︎/ 服務 Service /餐廳收加一服務費店員全為年輕人 主要以廣東話溝通店員服務效率非常高 上菜速度很快服務態度友善 而且十分有禮貌𓁙這裡的服務非常細心 店員會不時為客人添水和換碟問一問客人食物質素如何也不會趕著收碟 催促食客離開🙇🏻‍♀️

#星洲套餐再安哥之前喺星怡黃大仙店食晚市套餐 印象唔錯 今晚尖沙咀行完街 於是去iSquare分店 經濟啲 又係食套餐😁-⭐️二人晚市套餐 $380⭐️🍡香辣魚蛋🥗凱撒沙律炸魚蛋係我嘅all-time favorite 蘸秘製醬汁 惹味少辣 魚蛋再巨型啲 口感仲正☺️-🥘肉骨茶成日要OT 想飲補身湯水 改良版肉骨茶嘅藥膳feel冇咁重 味道濃但幾甘香 湊近聞👃 充滿當歸/玉竹/黨參香 食埋肉排/油炸鬼 夠晒飽肚-🥢鹹魚炒怡保芽菜芽菜短身粗壯 食落爽脆嗦嗦聲 炸蒜片油香兼備-🥢星加坡濃湯炒蝦麵蝦麵味道其實唔錯 但係炒得過分濕濶 影響麵條嘅口感 蝦仁墨魚圈夠彈牙有嚼勁 秘製醬汁提升鮮味-📍星怡尖沙咀國際廣場3樓303號舖

位於尖沙咀I square的星加波餐廳，是一家以東南亞風味為主打的餐廳。餐廳環境整潔舒適～參谷雞全翼（2只）雞全翼賣相非常讚👍🏻 外皮燒得香脆，內裡肉質鮮嫩多汁，入口後香氣四溢，讓人欲罷不能🥴烤魔鬼魚魚肉質地緊實，帶有一絲微辣的味道，再加上醬汁香濃惹味，讓人吃起來十分過癮。巴東牛肉飯牛肉肉質細嫩，配上香氣四溢的咖哩醬汁和煮得剛好的米飯，味道非常搭配～新加坡鮮蝦喇沙麵湯底非常鮮美充滿椰香，蝦肉鮮甜豐富，再加上麵條的口感十分彈牙，讓人一口接一口吃得好滋味～

今晚來到ISquare的星怡餐廳，享用很久沒吃的新加坡菜。打開餐牌，選擇多元，也有套餐供選擇。南洋咖也多士（班蘭）多士烤的酥脆，夾著一片牛油與斑斕醬，微鹹微甜的口感超級開胃。雞脾辣死你媽椰漿飯比手掌還大的炸雞脾，一口咬下非常酥脆多汁，肉質不會乾柴。椰漿飯帶有些香氣，比起一般的白飯更美味。不折不扣飽足感十足的一道。新加坡鮮蝦叻沙麵餐牌上叻沙的選擇有十幾種，這道有四尾鮮蝦，少許腐皮與半熟蛋。味道中規中矩不過不失。楊枝甘露最喜愛的芒果甜品，微酸微甜的口感清爽又解膩，裡面放了許多柚子果肉，更添香氣。總體來說，食物品質不錯，價位合理，環境舒適，還會再來

尖沙咀星馬菜之選🙌🏻🌟娘惹炒蘿蔔糕蘿蔔糕唔會太鬆散炒得夠穫氣 咸咸甜甜好惹味🌟鹹蛋黃魚皮魚皮口感酥脆鹹蛋黃味夠晒香濃👍🏻🌟海南雞飯雞肉夠嫩滑 雞皮又爽滑 而且雞肉已去骨 好方便食油飯香得黎又唔會太油膩雞肉蘸完醬料後更加滋味🌟新加坡鮮蝦魚蛋喇沙麵喇沙湯底帶濃郁椰香辣味有幾隻鮮甜爽口既🦐,彈牙既白魚蛋同吸收哂湯底精華既豆卜,芽菜,油麵加半隻流心滑蛋 真係好豐富👍🏻🌟南洋咖吔多士咖吔多士烘到金黃酥脆帶香濃椰子+斑蘭+牛油香氣甜而不膩 💯

Clam with chilli fish sauce 🌶️ 魚露花甲 $168味道偏辣嘅魚露花甲有超過20隻花甲，用料十足，每一隻都脹卜卜🐚，花甲嘅味道鮮甜冇沙，口感唔會太煙銀，煮嘅時間控制得啱啱好😋Kaya toast 🍞南洋咖咉多士 $48咖咉多士有蛋黃🍳、榴槤同斑斕味道，今次就揀咗充滿星加坡特色嘅斑斕味，多士烤得非常香口，裏面有煉奶🥛、牛油🧈、斑斕醬汁，味道唔會太甜，食完之後好滿足Nyonya turnip cake 🥕🍰 娘惹蘿蔔糕 $78辣辣地嘅娘惹蘿蔔糕性價比好高，蘿蔔糕食到粒粒鮮甜蘿蔔，加埋香噴噴嘅蔥花🌿、爽口芽菜、辣椒吊味，係一款值得推介嘅小食呀👍🏻Curry chicken puff 🍗 雞肉咖喱酥 $68香脆可口嘅雞肉咖喱酥外皮炸到好鬆化🔥，味道唔會太辣容易入口，裏面有嫩滑嘅雞肉、煮到好淋嘅洋蔥🧅、creamy又濃郁嘅咖喱汁🍛，都唔錯啊

餐廳除咗裝修有南洋風味，食物味道亦相當地道！喇沙大蝦拉麵湯底香料味十足，入口帶辣勁隨後再有香濃椰汁味，對唔係好食辣嘅我絕對係「好味嘅辣」，非常惹味！大蝦蝦頭已經處理好，一啖咬開就食到蝦嘅鮮甜味，真係非常新鮮！新加坡濃湯福建炒麵幾有驚喜，望落平平無奇，但越食越滋味！除咗肉絲、滑蛋，仲有蝦同魷魚仔，有咬口又有鮮味！將碟邊辣醬撈勻，更加快清碟~小食炸蝦捧有6條咁多，炸得鬆脆蝦肉彈實，脆漿再薄d就更出色！整體性價比唔錯～仲有美祿恐龍同桔仔話梅特飲，酸中帶鹹，鹹中又帶甜，非常滿足!

呢間主理地道星馬菜，唔駛到新加坡都食到地道野，而且位置方便，附近就係地鐵站。餐廳裝修亦有星州風味海南雞飯🐤海南雞肉幼滑，醬汁美味，配油飯更滋味 燒比目魚配椰漿飯🐟比目魚燒香後再加辣辣哋嘅醬料，初時微辣，但係越食越辣，配香味椰漿飯就好好味 沙嗲串燒牛沙嗲醬好香花生味，串燒牛燒香後塗上沙嗲醬一齊食就好似去左新加坡嘅感覺😊 揚枝甘露揚枝甘露甜味剛剛好，好香柚子味 春卷星州奶茶少少甜嘅濃香奶茶，充滿星州風味☕️

老公一直好鍾意食海南雞飯🍖所以我地成日四出覓食😋呢一晚剛好食尖沙咀 老公又話想食😝我地經過見到 這家星怡📍便決定一試-這家係輕鬆星馬菜📝環境舒服，係抵食之選💡估唔到仲有SET可以揀📖所以老公揀左星加坡海南雞飯餐🟤有埋飲品同甜品呢🍧雞肉好嫩滑✔️加埋醬料食一流，份量都十足😋特別一提係配送的湯🥣好好飲好夠味呀💛的確係星馬菜必點而跟餐仲有鮮雜果楊枝甘露🥭成個SET好滿足-我就點了新加坡魚蛋喇沙麵🍜真係有好多粒魚蛋，好足料🍥不過我覺得味道偏咸左少少😛如果本身清淡的朋友可能會偏咸呢!-我地再點了馬拉盞通菜🥬又係另一星馬菜之選一定夠惹味🥰同埋又可以食下菜💚唔辣的，如果少少辣可能仲過癮😁-最後，我地再點了南洋咖吔多士🥪加了班蘭呢個真係我最愛，邪惡之選🤤滿滿的牛油同班蘭醬🧈原來都幾岩，一定要襯熱食!同埋一定要試呀!🟡飲品，老公點了桔仔梳打, 呢個就普通了一點-總的來說也滿足呢! 幾抵食既星馬菜 同埋選擇都多💡係味道來說相對比較濃😆我本身重口味就都幾岩