星座冰室 (已搬遷) 新店位置

這家食肆除了茄牛類麵食外,仲有蠔油雞翼都幾好味.上食物的速度........係慢左D....

一間好隱蔽0既食店, 仲有0係d'酒店'附近. 如果唔係好食, 都唔想行去. 人稱蛇竇0既地方!! 真係好多人0係度蛇王, 都幾多人. 食左一碗茄牛蛋米, 好勁呀. 好多茄茄呀, 又大碗. 食極都唔見底. 好抵食下. d湯都幾好味. 我諗除左星座, 都食唔到呢種茄茄米. 都好特別下. 但係佢都幾唔憂做, 星期日及公眾假期休息. 想食都要睇日子!!

以前成日去食,但係而家愈來愈少去,可能記憶中既野都係美好架啦,我記得以前去食佢d蕃茄又甜又鮮好好味,紅豆冰又香又正,d腿蛋治就厚一厚,勁豐富,但係而家好多野都縮左水,已經唔似以前食得咁開心lu。而且係星期日同公假都休息,好多時出開尖咀想去食都唔得。個樹又收唔到電話,價錢其實唔平,一碗麵都廿一蚊,而且做野慢(可能係住家小製作啦),如果趕時間就無謂等了。總之而家經開尖咀都間唔時會食下,但係已經唔會好似以前咁特登去食了。

如果你唔中意食番茄的話呢個POST你可以SKIP喇呢間系美麗華商場對面地底既舊式冰室﹐個門口好難搵﹐系陳烘相機SHOW ROOM既地庫﹐但系個門口系同間夜總會SHARE既﹐所以容易MISS左。其實話系冰室都好似多果頭﹐似我中學果個飯堂多D呢間野專賣番茄牛/蛋/豬扒/魚蛋....麵/米粉我叫左個番茄炒蛋麵$20﹐朋友叫左個番茄牛撈蛋麵$23我果個番茄麵系將D番茄切碎煮汁放系麵上邊﹐紅色一PAT幾開胃﹐炒蛋系類似蛋治果種﹐滑得來仲有少少蛋汁﹐惦﹗朋友既撈蛋麵就比較得意﹐系打均只蛋落D湯到﹐變成奶白粉紅色﹐牛肉唔UN叫合格喇﹐麵就系普通光麵﹐OK喇。好食就幾好食﹐不過因為材料比較平﹐所以有少少覺得貴﹐不過系TST食都算喇。想去就要早D﹐平時營業到8點﹐禮拜日休息。

試過打電話叫外賣佢竟然叫我落街買態度奇差水準只是一般

其實只係用的茄茄做麵既湯底(好似住家feel)。<br>你再選要咩菜同咩麵。<br>不過個到唔係太多野食。<br>同埋都幾難搵唔識去既都要搵多幾次。<br>不過就幾有親切感老板好好人。

我完全唔覺得好食喎!!!!D 牛肉"鞋"到阿媽都唔認得,浪費金錢和時間!!等我仲專登去食添!!!!唔明點解有人話好食,那裏好食呢??? I DON'T KNOW??!!!

真係幾難發現呢間餐廳o既所在,但好o野自然有人知,所以呢度好多人幫趁o架.必食茄牛麵,用好多新鮮蕃茄搗爛做湯,牛肉淥得滑,好似阿媽整o個D 咁.對於我呢類好耐冇食阿媽煮o既住家飯o既人o黎講真係特別好味.

千其唔好錯過, 佢係一間專出蕃茄食品, 我每次食必叫牛丸蕃茄米, 想原汁原味就更加要試淨蕃茄嘜嘜物物, 想再野味少少可放冬菜或辣椒油. 試過後好與唔好都記得話我知