星座冰室 (已搬遷) 新店位置

前幾日同阿媽來了這兒食lunch, 大家都叫了蕃茄蛋麵. 都幾抵食, $25 好大碗...味道就一般啦.... 唔算得好蕃茄, 因為佢只是有d蕃茄係面... 唔太覺得係用蕃茄做湯底... 畢因為d湯底係清的!! 但overall,係食得過!!!

一向支持上環勝香園...知道尖沙咀這間冰室亦是蕃茄湯底..想試很久了...之前打算去試但因為約了大班很久沒見的朋友..要他們去星座食好像過意不去..後來去了pizza h_t....前天跟男朋友兩個去試...我要蕃茄牛肉撈蛋麵..佢要蕃茄牛肉麵...星座的蕃茄比勝香x 鮮甜..牛肉也很多...看其他食評說湯底很杰..我又不覺得...以蕃茄麵來說這裡是比勝香x 好..不過我和男朋友都是比較喜歡勝香x ..

濃郁的蕃茄做湯底，沒加其他味精，食完不覺口乾。

朋友剛轉新工不久,返工地點係尖沙咀,知我住呢頭特登約我食lunch,都知佢地食lunch係分秒必爭,我就早d在朋友工作地點等,因為一早已叫朋友決定食咩,見面後佢就立即蔕左我來呢度聽就聽過,不過未來過,雖然住尖沙咀,但唔係朋友蔕我來我都唔識來,問朋友點識來,佢話係新同事蔕佢來食過覺得好食,所以同我再來朋友推介茄牛撈蛋通,但我今朝先食左兩隻炒蛋,仲食蛋真係怕膽固醇超標我叫左茄牛通~上枱時看到已經唔多想食,我唔太喜歡杰的食物,佢好杰呀!不過叫左都試下啦,總覺得好像食糊仔咁,有好多茄,好濃郁的茄味,牛肉唔鞋,通粉吸晒味,總之成碗都好茄...同好杰,不過味道都ok的,但可否不要咁杰朋友叫茄牛撈蛋通~呢個我見仲杰,好像將糊咁,不過睇佢好享受咁,我諗係我喜好問題呢度的食物唔太啱我,不過朋友就覺得好好食,下次如果陪人再來都係淨叫野飲萛....

喜歡一切有蕃茄的面.最近我地搜尋到呢間古舊冰室,見到好多人都話蕃茄面好味,個環境又特別. 於是今日決定去一試.環境的確恐怖,沿路又黑又暗又殘舊,好似去左黑社會的電影拍攝場地,都算特別. Order 左蕃茄撈蛋公仔面同埋蕃茄牛肉通粉.我的蕃茄撈蛋公仔面蛋多蕃茄少,唔夠蕃茄味,蕃茄亦帶酸.男朋友的蕃茄牛肉通粉都係普普通通,茄味淡薄.我覺得未試過可以一去,試下無妨.

真係好難呀! 店舖位於地庫, 如果係金馬倫道入, 要先到條樓梯再見到係成牆招牌中, 其中一個唔起眼寫住"星座冰室沿樓梯落"類似字眼, 但環境比較嚇人(商場好似重慶大廈咁樣, 好殘舊, 同埋我係夜晚八點先去到, 差唔多所有舖都關門了, 好靜無咩人, 而且商場內有間夜總會...), 所以都係轉角條加拿芬道斜路一條巷直入轉右先叫做比較易. 咁隱蔽都有好多人食wo! 厲害! 招牌茄牛通$20, 一碗滿滿的, 湯底相信係蕃茄肉多同到淋關係, 比較"杰", 蕃茄真係好新鮮! 通粉有坑紋大粒比較硬身, 唔會得過淋, 口感好好! 牛肉都唔差. 一碗好足料,已經夠飽啦!不過都叫埋奶茶同奶醬多試下. 奶茶ok. 奶醬多就烘得好有心機, 塊多士烘得好, 夠脆又唔會又夠軟熟. 估計係真正舊式冰室出品, 而且仲可以保存到依家先可以做到! 正!

初中的時候迷上星座，曾經不分晝夜地埋頭研究；到圖書館借書參考﹑上網﹑對身邊的人或自己進行觀察都有．．．所以，得了「神婆」的稱號．．．其間，不但學校的Ｓｔｕｄｅｎｔ　Ｕｎｉｏｎ　有請過我在Ｈａｌｌｏｗｅｅｎ那天「擺檔」（ｗｈｉｃｈ　ｉｓ　ａｎ　ｉｒｒｅｌｅｖａｎｔ　ａｃｔｉｖｉｔｙ），就連老師也陪我瘋，叫我以星座來編ｓｉｔｔｉｎｇ　ｐｌａｎ（ｓｏ　ｐｒｏｕｄ　ｓＯ　ＰＲＯＵＤ！）現在，由於時間的關係，沒有在下一城．．．算了，反正該知道的都知道。話說回來．．．今日，我就去了尖沙咀的星座冰座，是一間和ｈｏｒｏｓｃｏｐｅ毫不相干的茶餐廳，而且位置十分隱閉），不知道是什麼原因起了這個名字．．．　ａｎｙｗａｙ，先見識一下他的招牌茄牛．．．　要茄牛撈蛋通賣相好像老爸以前弄的茄蛋撈飯，不個這碗的蕃茄比較大顆．．．　滿滿一口的新鮮蕃茄（蕃茄是我從小的至愛．．．　ｉｔ’ｓ　ａｎ　ｏｐｅｎ　ｑｕｅｓｔｉｏｎ　ａｓ　ｔｏ　ｗｈａｔ　ｉ　ｄｕｎ　ｌｉｋｅ　ｔｏ　ｅａｔ），酸酸甜甜，口感不俗，不會糊口．．．　還有蛋香．．．　不過牛肉就有點過鹹．．．　哈哈，管他什麼星座不星座，好吃就行！

好興奮, 剛登陸! 今日是第二次品嚐蕃茄牛肉麵, 一樣值得回味再回味, 此處用新鮮蕃茄, 並非茄膏... 很滿足!!我突然很懷念茶餐廳蛋治,男友便主動陪我吃一份, 炒蛋嫩口, 但白麵包稍嫌不夠軟, 連我這個包包痴也吃不下...

茄牛撈蛋意,味道唔錯.牛肉十d都唔鞋.意粉唔會淋baba,爽身架! 但下次會試蕃茄太煎旦公仔麵咯!但今次的認為得出的感覺始終比較喜歡大家食ga茄牛麵咯!呢到環境好特別如果少人來個感覺會好正架!因為好寧靜!

好好味,咁多年來都咁好味.....牛肉唔韌,蕃茄新鮮係我至愛茄牛通~

這間星座冰室,已不知來過多少遍,地點夠隱閉,樓上"愛情"酒店林立,其特殊的地理環境,造就這間幾十年歷史的餐室,成為另一間"偷情"的熱點.官方時間開八收八,晚上九點落去,仍然樂於做生意的.這段"黃金時段",人流並不多,一對"偷情"男女,自成一角.偷情也要貫切至終,晚飯也要選在這處暗角,不易被熟人撞破.長年以番茄麵作主力,眼見店內的番茄,是一籃一籃盛著,一日之內,用上不知幾多"擔".有人將其與勝香園相提並論,吃過多年,星座就原隻番茄上,味道較酸.後者就在番茄湯底內,混合了茄膏和忌廉雞湯去中和.茄牛撈蛋通加底,份量可不少,賣相絕差,面頭一"劈"茄醬,撈過蛋後才有如此曖昧色水.通粉十年如一用坑紋通粉,吸味能力強,通粉本身的味亦比其他"光頭tire"強.茄醬本身質感偏向濃杰,混合蛋之後呈現如漿糊般質感,味道茄味濃烈,不過沒有甚麼層次,一味得個酸,長年如是.牛肉質感偏齦,肉味不夠.如果愛吃勝香園的茄牛通朋友,這個未必適合你.不吃牛的話怎辦?還有其他代替品如豬扒,魚蛋,又或者淨番茄蛋麵,什麼也不要.煎蛋撈蛋,任君選擇.茄蛋通煎蛋,茄醬在沒有蛋黃之助力下,味道更加酸.衛生情況依然故我,小小強橫行絕非奇

第二次來呢間冰室，依然係覺得好”格涉”，其實如果唔係一年前朋友帶我來呢度食，都未必會知道呢道竟然會有野食。今次我點左蕃茄炒蛋雞翼麵，個蕃茄湯底好濃，好好味，ｄ雞翼又好入味，唔錯！不過我覺得ｄ麵唔係好淋，要放起ｄ湯修面浸耐ｄ先好食ｄ。今日夜晚6:30來到，冇咩人，坐得幾舒服，我下次都會再去。

一大早要見客, 早餐都未食. 見完客, 亦拿到一張不少的單, 正好跟同事慶祝一下. 當然唔係食豬手, 係走來這裡食通粉.十點幾, 一個客人都無. 都等了一等先有得食.蕃茄牛肉通: 4分, 先飲一啖湯底, 濃而杰, 係幾難入口. 沒有勝香園的清新番茄味, 而係濃濃的番茄汁, 不過番茄係幾入味. 牛肉就完全不成. 極靱, 沒有任何辦法去咬開. 我唔係要食和牛, 但起碼比我咬得開先. 坑紋通粉係吸盡濃烈蕃茄湯底, 但實在太杰, 最後還剩下很多.茶走: 7分, 不算很有茶味. 一般.我真的不懂欣賞這星座.覓覓尋尋化作夢幻的星座情人幕幕前塵那個幸運痴痴的等覓覓尋尋永遠若在的星座情人淡淡浮雲你我獨自星空下慢行

約一年前和男友幫襯過一次，味道唔錯，加上地方夠風味，於是決定帶由澳洲回來渡假的老朋友兼未來汽車設大計師來此一聚。我們都要了招牌鮮茄湯底，三碗都超快上枱，令人懐疑星座已唔再堅持逐個麵底煮，倫為另一出品粗糙的茶餐應。我的鮮茄炒蛋通(加白菜)味道其實好一般，鮮茄湯得個酸字，唯一抵讚係啲炒蛋，夠嫩滑厚身。男友的撈蛋麵太漿口，口感頗差。另叫了一客西多士，上枱時西多已不香脆，又唔夠熱，零誠意。唉！兩個字：可惜！

响香港食蕃茄底湯麵有兩大勝地--- 港島嘅勝香園及尖咀嘅呢度。女友未試過，前幾日路經此地，肚仔又有D空洞，就轉咗入嚟。蕃茄雞翼通加油占多，攪掂...食落口，凍冰冰，蕃茄份量多到瀉，但大多都係碎晒，攪到個湯杰撻撻，倒胃；雞翼用滷水鹵過，但卻淡mou mou，唔得...油占多反而不俗--- 厚切，果占及牛油份量夠，烘得微脆，有水準...但點同Irene姐比ar ?