星座冰室 (已搬遷) 新店位置

兩個人呢食左呢間野叫左一個蕃茄湯牛肉通+ 蕃茄湯火腿通+ 小白菜+ 兩杯野飲嘩嘩嘩~~~d 蕃茄湯真係好正好好味呀~~~一食落去.....濃濃的蕃茄味充滿晒你個口完完全全咁令你胃口大增呢~~~雖然d 配料唔係話超級特別或者好味但係....個湯就足以令我俾個笑同埋味道5俾佢野飲十蚊杯...但係唔好飲....又冇餐...要扣少少分小白菜....都係求其整熟就上....不過呢間野.....係尖咀度咁的價....都真係算係咁!!!!抵!

叫左(i)蕃茄牛肉出前一丁($22);面頭好多蕃茄粒，好甜．D牛肉好滑，好食！不過個湯底好"傑"，本人就唔係好鍾意．(ii)鮮油多($７)；一般茶餐廳味道．(iii)大支可樂($9);雖然味道可以，但價錢就好似貴左D！！下午茶份量還可以，做晚餐的話就唔夠我啦！！

叫左(i)蕃茄牛肉出前一丁($22);面頭好多蕃茄粒，好甜．D牛肉好滑，好食！不過個湯底好"傑"，本人就唔係好鍾意．(ii)鮮油多($７)；一般茶餐廳味道．(iii)大支可樂($9);雖然味道可以，但價錢就好似貴左D！！下午茶份量還可以，做晚餐的話就唔夠我啦！！

久仰大名總覺得這座位處尖咀中心的老商廈有點臥虎藏龍的感覺平素也敬而遠之這天一個人沒事幹才試試來探探險結果鑽來鑽去一大輪才找對方向內部的佈局有如村屋或是牛頭角茶記加上身在灰暗的地牢實在像瞬間離開了繁華的尖咀也使人驚嘆我們的城市原來還有很多未開發還帶有香港特式不是倒模般的商場或food court的地方的這裡的香港特式當然要由食物帶出不是很愛吃蕃茄但一場來到也是要嚐嚐茄撈蛋通想不到通粉看來竟然像粥般水乳交融!茄的確很香很甜也不太酸加上像糊的蛋夠滑如果通粉軟一點的話就更好了凍華田的味道怪怪的想是華田粉過少糖水又過多作怪了作為晚餐實在不算飽下午茶會更好一點很值得試的一餐好過吃甚麼咖喱飽吧?

我真係好鐘意食蕃茄，我第一次黎食已經係三年前既事，到依家我有時間都一定會答食。次次我都會飲埋ｄ湯架，哈哈！個呀叔真係幾好人！但係唔好諗住有咩服務喇，人地都唔係走高檔路線，想有服務又食得好既話就不如行遠ｄ去ｈａｂｏｕｒ　ｃｉｔｙ食。雖然佢唔係咩靚地方，但我真係鐘意食，地方又咁舊，講真好難整到好光鮮，而且都冇必要。講真我自己覺得佢好食過勝香園，睇下你鐘意甜ｄ定係酸ｄ啦，勝香園就用茄膏，呢度就用原隻蕃茄，我咁鐘意蕃茄，我梗係揀呢度啦！！！！

這裡若只拿著地址來光顧，想花十數分鐘都未必能把她找出來，若不是先前有食友指點，咱家可能都會在這個地庫胡同空手而回。剛是正午時段過來，但幫襯的客人不多，故可慢條斯理的細意選擇，最終當然是掛頭排的茄撈蛋牛麵。這份茄撈蛋牛是現炒現賣，故都要等上一陣子，送到檯上已經前後十數分鐘了！利用筷子夾下，湯頭不多，但濃濃的新鮮茄醬稠稠的，與麵和之然後一口啖下，鮮味無窮，而牛肉雖然都是滋味非常，但剎那間只剩下配角角色而矣，但這麵的驚喜是難以預計的。份量足稱，價錢亦合理，但環境衛生就麻麻。

地方很舊, 又隱閉, 如果夜晚一個人行入去都幾驚賣相麻麻地不過一整碗都是蕃茄濃湯, 並不是味精湯底加兩匙更的蕃茄, 牛肉夠"林", 好味道, 可以一試

久聞呢度有茄牛0野食, 今日夜晚同朋友兩個搵到0黎試試. 個location 真係幾隱閉, 行落去真係幾一步一驚心@_@叫了茄牛炒蛋麵($22; 圖下)... 原來唔係蕃茄湯底, 不過面頭好多蕃茄粒, 賣相幾澎湃, 蕃茄都幾甜, 還可以; 牛肉份量唔少, 好腍好滑又有肉味, 絕對唔係梳打牛, 好食! 炒蛋叫0黎純粹今日想食, 味道一般, 不過都算幾滑; 麵少少過腍, 同d 湯一齊食有d 糊口, 感覺麻麻. 整體還好, 不過絕對唔及勝香園, 始終都係蕃茄湯比較0岩我口味, 而且勝香園d 蕃茄真係甜好多.朋友0既茄牛麵(圖上) 賣相同我0個碗差不多, 佢亦話覺得幾好食.飲品就叫了熱利賓納($8) 同凍奶茶... 叫熱利賓納又係純粹想飲, 無乜特別, 朋友就話佢個奶茶"好茶" ie 茶味濃過奶味.環境好懷舊, 幾up dup, 好在鋪入面乾乾淨淨; 招呼唔錯喎, 阿叔好好人又有禮貌!唔差的一間0野, 人在九龍想食茄牛0野又想食得平, 都幫襯得過的, 不過千祈唔好硬同勝香園平排比較, 如果唔係你可能會好失望.

公司亞姐帶我黎第一次食，感覺好懷舊舖仔細細咁，但係好多著西裝的人黎呢到食飯我要了個蕃茄撈蛋牛肉丁見佢上檯時，一pat 紅紅黃黃的醬咁.試了一啖，嘩.好咸呀.. 我估係因為我要了牛肉+丁麵的味粉.. 下次叫米粉應該會無咁咸蕃茄係真的蕃茄打成，唔係用蕃茄醬，值得加分牛肉都幾嫩，唔鞋口.之不過，食完之後，飲左好多水囉.... =.=

晨早起床是否一定清新開朗? 早起身是否就有新鮮早餐奉獻? 是日就係一大早爬起身見客. 係乜都無食. 飲完咖啡, 個肚更加覺得空空的, 都係要吃個早餐. 雖然讓文迪久等了, 也想行來這裡吃.上次來係同個同事來的, 也有段日子了. 是日公眾假期重臨, 店方也有營業, 十時許, 無乜人了. 店內環境當然係麻麻, 也要忍受行入來那段路, 女仔人家的話, 相信都會有點驚的. 不知火sir會否打到來呢?來這裡, 又係食茄牛的時候. 兩個人, 另外一樣就要回大路的早餐.早餐$18: 6分, 要了奶油多一件, 餐肉通粉同埋凍奶茶. 其實個早餐份量不太大, 碗餐肉通粉細細的, 大男人或許不夠飽. 奶油多不知為何不太夠熱, 餐肉通粉就無乜特別. 沒有飲文迪的奶茶, 不評了.番茄牛肉米粉$22: 8分, 上次吃係相當唔得, 但又心思思想再試. 結果是次的水準係令人滿意的. 用了小時候家裡的那種碗, 真係一模一樣的, 當然加不少感情分. 上次的牛肉太老了, 完全咬不開, 是次就無問題了, 整得剛好, 起碼唔齦. 番茄繼續係好濃烈同杰杰的, 食落口係啖啖茄肉的, 也幾酸. 好像以汁底來形容適合過用湯底來形容的.

一篇essay,所以踏足好耐冇黎既尖咀去呢度係同行朋友既意思奶油多:唔係話唔好,只不過唔洗專登試下次會食西多,好似幾吸引茄牛撈蛋麵:模樣=嘔吐物,味道:住家式與我在家弄的差不多老實說,可能對它期望過大分別是平日我沒下牛肉1.你可預先用碗盛著以幾個蕃茄捏出的汁液2.然後將那些被你'摧殘'的蕃茄切塊/片3.燒小量開水然後下蛋漿4.再加半熟透公仔麵,調味料,蕃茄糊狀物如果大家冇時間去星座可以試下呢個方法頂住癮先絕對可以做到果種creamy既效果上路了

記得上次嚟食都未實施禁煙,即係話冇一年都就快喇!今次又照舊,茄牛通,細菜,紅豆冰.茄牛通$22-牛肉少咗好多,同好多肥膏.最離奇係,一路食都食到骨碎,唔知牛骨定豬骨,我諗可能用骨頭淆湯,但最後竟然食到魚骨,咁又點解呢?細菜$6-都係咁,得白菜.紅豆冰$13-都係咁,甜咗啲.加哂價,茄牛通加$2,細菜加$1,紅豆冰加$1,算數!!!

(1/11/07)好朋友帶我來。本人特別愛舊式冰室、茶座。來到真係好興奮!好有feel。二話不說,立即選「蕃茄撈蛋一丁」$22(蕃茄蛋,有炒蛋、太陽蛋、及撈蛋),好朋友選蕃茄牛肉一丁$22。整碗紅紅的蕃茄,酸得很醒胃!牛肉似是鮮牛肉,ok。蕃茄撈蛋要等耐一陣,卻是值得。蛋汁與蕃茄令一丁變得creammy!仍帶麻油味。真的很美味呀~店內只有,幾名開始上年紀的員工,廚房更是得一人,所以不要期望招呼,尊心吃會得到滿足。

是日終於到了金巴利道的星座冰室，很多人說很難找，其實一點也不難找，只要你找到美麗華的停車場入口，望向對面的香檳大廈，就係入面了﹗環境就.....一般，不過食環境就唔係黎呢度，來的是為了食茄通嘛﹗0的野都唔算貴呢，好大眾化，同普通的茶記無咩分別﹗點了茄牛通，及茄旦撈麵，茄旦撈麵，甜甜的好新鮮個感覺，茄多而不酸，從來都未試過，同大家樂食的真的完全不同﹗好有田園感覺，一睇就知健康﹗茄牛都試了兩啖，牛很滑而不覺太累贅，茄單調清新而不失牛的鮮味，加0的辣椒更是吸引呢﹗

見咁多人話茄牛麵好食，尋晚就去試下，地點果然隱蔽，人唔算多。兩個人叫左茄牛蛋麵，茄牛通，奶醬多同菜，成碗都係碎既蕃茄，牛肉有肉味唔韌，不過個麵麵質就麻麻，通粉用有坑紋個隻，冇無坑咁滑，湯冇味精好似自己屋企煲既蕃茄湯咁。奶醬多唔係厚多士，但兩邊炕得岩岩好，整體黎講唔算差。