星座冰室 (已搬遷) 新店位置

來到香港，竟然遺忘了地道的港餐，是吃完午餐才想起的，好像還沒吃過1頓地道香港晚餐，是晚想起了冰室，以前小時候睇古惑仔都有九龍冰室，身在九龍為何不吃1下兒時的好奇心呢，於是找到1間人稱黑暗中的隱藏冰室：星座冰室。冰室在香檳大廈的地庫，大衆的評語是“行個條樓梯落地庫個陣，覺得好恐怖，因為條樓梯又暗又好似唔乾淨咁”，“我跟住食評指示去搵，一路落樓梯一路好似心感不妙咁，因為個環境好殘舊，又好似好污漕，落到去仲聞到一陣異味，我有少少想走”．．．看到大家在暗黑中穿梭的經歷，不禁就想1試，沒多久找到香檳大廈，埋頭找著落地牢樓梯，只見有處黑黑的樓梯口大大個牌寫住XX夜總會，老婆拉著我快走，我說等等，回頭1看，XX夜總會下面仲有個牌仔寫住“星座冰室”！錯不了，沿彎梯走下去， 雖沒大眾說得那麽黑暗，但的確滿地煙頭+1攤攤唔知咩污漬係度，但並沒有異味， 落到去真係好工場大廈feel！其實並不難找，落樓梯就能看到，可能其他人是從另1條樓梯落。不想坐外面，剛好裏面有張唯一的2人檯空著，其他滿座，是為了我們而設的~~ XDD陳舊的裝修連冷氣也是壞的，正托起冰室的名字，很住家feel，還不錯，感覺對了！來到這，最大

專程同朋友去星座冰室食~1黎就叫左最出名的茄牛麵..麵來到....23蚊SIZE真係好一般!~茄汁是唔錯，不過無想像中咁新鮮；牛肉更加不值一提= =！原全無牛肉味，是好普通的牛肉已而～所以都唔會再幫襯了！～

本身係個蕃茄迷, 所以特別去星座試下第一次試, 由basic開始所以叫左個茄牛麵的確係一碗不枉我兜兜轉轉戰戰兢兢忐忐忑忑既麵一個甚有住家風味既碗, size比飯碗大但又比一般湯碗細, 濃濃而帶有蕃茄粗粒既醬汁鋪滿響面, 以致見唔到底下既麵同埋牛肉用筷子略為將麵同汁拌勻, 一片片既手切牛肉亦隨之而現, 不大不小而且紋理清晰, 有遵從牛肉要切斷紋既祖訓喎...cccc試一口麵, 先湧入口既係一種甜味, 隨後係蕃茄新鮮既酸味同湯底本身既鹹味, 甜..酸..鹹三種味道互相調和, 恰到好處麵本身無乜特別, 不過配上呢個咁醒胃既蕃茄湯, 實在係令人食慾大增牛肉亦軟滑唔韌, 雖然響咁搶咁刺激既蕃茄味相比下就唔算好有牛味了碗麵並唔算細碗, 但因為酸酸甜甜非常開胃既關係, 未幾而經完成一碗, 當然無放過流落響湯裡面既茄粒啦,仍有點意猶未盡既感覺總結一句...味覺神經大滿足!!

幫襯過2次，地方好有80年代feel,幾有風味今次叫了蕃茄牛肉通粉, 用新鮮蕃茄切粒後俴舖面好味過中環懷舊個間,用罐頭蕃茄比較酸,值得一讚係 牛肉, 唔" 鞋", 好味不過d通粉冧左d, 不是太好味佢有支裝可樂飲,正招呼一般

朋友愛吃蕃茄湯底麵，看到介紹，便前來一試。看介紹知道小店位於地庫，但萬想不到樓梯下的「地庫」是如斯模樣－－只像舊區的後巷（後來發現所謂「地庫」的另一邊也確實是鄰近大廈的後巷），有股金屬機油的怪味－－未到店內真的想掉頭便逃。但既然來到便進去一試。雖然店面老舊，還保留了舊式茶檔的裝潢，但總算潔淨，心情也安穩下來。大家的食評不是茄牛就是茄蛋，還以為別無他選，但原來配搭還頗多的－－餐肉、雞翼、豬扒、魚片、牛丸等，要茄要蛋適隨尊便（最有趣的是蕃茄白菜麵）。我們點了蕃茄豬扒麵、蕃茄撈蛋餐肉麵、奶醬多和大檸樂。朋友點的蕃茄豬扒麵的蕃茄比較「原汁原味」，是把蕃茄切粒後勾芡略煮，再倒在豬扒麵上。是的，這兒賣的不是蕃茄湯底，是蕃茄汁。以其比例來說，可以當湯喝，但味道只有單調的酸，淨喝的話則稍嫌酸了點。豬扒比一般的薄，切了條，沒什麼調味，並不突出。以現時的物價付出二十六元只能說是合理。蕃茄餐肉麵承惠二十三，撈蛋加三，一試被稱為「嘔吐物」的茄蛋撈。無論外觀和味道都跟家母的蕃茄蛋差不多，難怪有人覺得有住家感覺。但除了沖淡了蕃茄的色澤和酸味外，吃不出蛋的鮮味、質感，不明白這三元有何作用？餐肉煎過微硬香口，是我最喜

尋日放左學,同左阿Ling及另一個朋友去食星座冰室我地入左個大廈...周圍搵都搵唔到,只係見到其他食店!!!之後行出門口...問報紙攤個個阿姐先知係地庫行個條樓梯落地庫個陣...覺得好恐怖..因為條樓梯又暗又好似唔乾淨咁!!!意想不到.....星座冰室會係個度開!!雖然外表唔多吸引,但入到入面就有種懷舊既感覺!!因為佢d裝飾比較簡單...仲而且仲用緊舊式既吊風扇!!我叫左"蕃茄炒蛋米"- 好好咪!!蛋又大份wor..撈埋d米粉好正阿ling叫左"蕃茄撈蛋麵"-好似冇蛋咁..只係間唔中見到d蛋白朋友叫左"魚片麵"- 一般冇咩特別!!!雖然環境唔多吸引..但野食補足分^^

跟朋友說起勝香園的茄, 她強烈推介星座冰室的茄牛麵. 說這裡的茄比勝香園的新鮮得多.事前她已表明這冰室有很隱蔽, 隨時走進夜總會這些煙花之巷. 好不容易才找到店子, 傳來的不是茄香, 卻是一陣陣的貓尿味. 茄未下肚, 印象已經大打折扣.坐位很窄, 怕難容下我這個胖女孩. 點了茄鹹牛肉麵. 沒有朋友口中的驚為天人, 而且還覺得勝香園的茄反而更甜. 大概我不懂吃吧.環境不好, 令人沒有吃的心情, 匆匆吃完這碗麵, 頭也不回的走了.

雖然我知道呢間食肆好耐,對佢既蕃茄湯底亦都久仰大名,但係次次去到尖沙咀都搵唔到,於是放棄,點知難得見到Yahoo有個食評好仔細咁教路,我終於知道確地點…唔怪得我搵唔到,原來唔係地舖,而係係香檳大廈地庫,而且仲要係角位,又唔起見,真係要專登搵先搵到!我跟住食評指示去搵,一路落樓梯一路好似心感不妙咁,因為個環境好殘舊,又好似好污漕,落到去仲聞到一陣異味,我有少少想走,不過同小牛一場黎到,就一齊行過去睇下,望到冰室入面又油雞翼喎,雖然都係舊架喇,而且無冷氣,但係都比出面好。咁為左食呢個馳名既茄通./茄麵,就入去啦!點左一個蕃茄腸仔撈蛋麵($26)、一個蕃茄撈蛋通($23)、一碟油雞翼($27)、一枝大可樂($10)、一枝細可樂($8)。蕃茄腸仔撈蛋麵係小牛既,原來膠你唔係一條條,而係已經切開左,方便客人食,幾細心; 蕃茄撈蛋通係我既,果然好多茄呀,成碗個面都係,食落又有一粒烞鮮蕃茄,而且個汁唔算太杰(杰既只係撈而唔係個蕃茄底),食到係無添加,唔會有茄汁成份,係真正用蕃茄做既湯底,總之我每啖都食到蕃茄粒啦!至於撈蛋就真係幾gimmick,貪佢第二度地 方無,所以一試,蛋汁令到個粉頗黏,個人

冇意中在網上搵到呢個cafe~因為好鍾意係番茄牛通~~又係九龍~決定一試~~地點的確有點難搵~~同埋地庫環境幾恐怖下~~但入到去鋪頭又覺得冇咩野喎~~~叫左番茄牛肉炒旦通,番茄牛肉炒旦面同埋奶油多~通粉真係好好味!!個番茄湯又唔太酸~~因為之前係中環個度食覺得佢太酸啦~~呢度個牛肉都幾好味架~~仲有好大舊旦~~都係$26ja~都唔算貴啦~~所以係抵食的!!個奶油多其實同普遍一樣, 冇咩分別呀~~但又係平囉~~只係$6~好味!!!下次一定會再黎食呀!!!!但要坐入面!!唔好再出面呀~~

見到食評話幾好食, 咁就不妨一試啦但環境真係比較差, 尤其是沿路好似去咗d工廠大厦咁樣我叫咗茄牛旦面隻旦係太陽旦, 煎得好好不是太生又不是太熟d牛肉非常之"林"再加上d新鮮蕃茄非常好味但d湯若然再"結"d會好d...同埋我食唔出有出前一丁味精d味....我地又叫咗蠔油雞翼嘩好有屋企媽咪煮的味道非常好食25元有6隻, 都幾抵

若非之前曾有食友介紹尋找方法恐怕在地庫轉來轉去也找不到，此處環境十分髒亂比「重慶森林」有過之而無不及，難得在隱敝處都有美食。中午大約12時竟然無客，伙計們正準備食飯。不作他選即叫茄牛麵($22)及奶茶($8)。茄牛麵果然名不虛傳，新鮮蕃茄配手切牛肉，麵用出前一丁，用料上乘，味道當然有保証。難得係一向食評裡差的飲品反而有驚喜，杯奶茶竟然又香又滑，意料之外。到走的時侯人潮湧至，一瞬間巳座無虛席，其中仲有不少後生女，真係只要好食就一定有人捧場。

要到香檳買些東西,記起這裡,也順道來試試。穿過大廈門口,下走帶彎樓梯,暗黑燈光中從縫隙隱隱見到此店。吊扇在燈下轉動,舊門面,門外擺放兩三張摺檯、多張圓摺櫈。還是坐回店內,下午茶時間,點碗蕃茄牛肉通粉。茄牛通,表面鋪滿紅紅蕃茄,撈一撈,先喝啖湯,酸酸地頗為醒胃。再把通粉、蕃茄、牛肉、湯混合食,更酸,蕃茄味濃沃,牛肉同樣入味,通粉用有紋通粉,但煮得腍腍。最後,把湯喝光。食畢,繼續在暗黑中穿梭。

識小比ge人都知道~小比好鍾意懷舊的事物成日都鍾意去冰室..街市熟食市場同埋大排檔...今日都唔例外~去左尋找有''九龍勝香園''之稱ge星座冰室因這商場只是Located 在美麗華對面~基本上都經過不下數十次不過總是有點不敢內進的感覺..整個商場都是賣相機配件的..有好多呀叔....小比最驚呢d環境知道佢係地庫.就一路搵落ge路....我覺得自已好似打緊''九龍風水傳''....一路行一路驚..因為個環境係工廠大廈內部咁..不過..又好有feel 好彩..直行轉個彎就到~門口有3,4張檯~~不過~~~我呢d清新空氣主義者~就當然即係走入鋪啦..haha店內環境陳舊~但由踏入呢度第一刻~我已經覺得好有。家。ge感覺老闆同員工們都在中間ge大檯食緊飯~見我地入黎都即係放低餐具拎餐牌比我地~早說過..番茄同牛肉是不能分開的.大比就叫了個茄牛炒蛋麵...小比就試了這裡獨有的番茄''撈蛋''通大比好奇問我咩係''撈蛋''....我只係用左3個好貼切ge字..''嘔吐物''咁ga lor~不過又要好好食..hahaa叫多個大portion的白菜仔先~~無菜不歡!茄牛蛋麵先來..這裡與勝香園的分別

記得第一次跟同事去，有d驚...環境比以前的重慶仲要陰深...抱著探險的心態在鋪內外參觀，拍照，老闆亦很好人，當見到我在拍鋪內一幅玻璃牌時，很自豪地介紹當年有很多粵語片的電影明星常來光顧，是明星們的聚腳地。平時最愛吃蕃茄牛撈蛋麵，鍾意佢\撈蛋夠特別，未向其他地方食過，亦很喜歡蕃茄的酸味，鮮味配上牛肉的咸香，又可提升肉味，牛肉都好滑。昨晚又去食啦，保持一向的高水準。但無我至喜歡的牛牛，只好叫雞絲，都好好味，只係略為咸左些。亦第一次食蛋治，蛋好滑，但如果更大份蛋則更好，有些唔夠喉。個價又\"UPdate\"咗啦，成廿五蚊個公仔麵，當然唔包飲品，都幾貴，唔知幾時加到三十蚊呢....

茄蛋牛麵x1,茄蛋豬扒麵x1,細白菜x1e道d茄蛋湯底做得幾好~好香茄味~牛肉比豬扒好食~