星座冰室 (已搬遷) 新店位置

之前一直都未去試, 今日試過只覺得非常普通, 兩個人叫左雞翼, 蕃茄魚片麵, 蕃茄煎蛋麵, 熱奶茶, 可樂。雞翼 - 都ok, 不過我覺得$27唔值蕃茄魚片麵, 蕃茄煎蛋麵 - 個湯唔係好得, 因為我係如果個湯正會飲埋d湯的人, 會魚片唔好食, 女友試左一塊話唔怕腥都覺得佢好鬼腥, 最後我都無食到d魚片, 因為口感又差熱奶茶 - 女友話唔好飲

今日去左食蕃茄麵好耐都冇食過今次去食發現個湯底有d吾同左我揀左餐肉炒蛋麵~$23+$3(雙拼)個湯底好似冇以前咁濃,感覺上好似冇咁足料但係我就覺得吾錯,之前太濃所以吾太想飲埋佢d湯其實佢d湯應該先係精華所在!所以overall我覺得幾好食~~

每一間有名的食肆都有佢過人出眾之處否則唔會有人記得佢星座冰室亦都唔例外佢係一間港式舊茶座佢能夠羸人最主要係佢住家蕃茄的味道令人一試難忘自此憑茄味變得遠近馳名除此之外,奶茶亦都好好飲奶同茶甲得黎又好滑,真係第二度飲唔到

健康蕃茄通粉~~~無加味精GE濃濃蕃茄湯底~~睇似好容易整...但又唔會買咁多蕃茄去整碗麵喎....所以就要O黎食啦~

星期六老婆係poly 返唔知d 咩，要去尖咀陪佢lunch。原本打算去唯一麵家，不過忽然想起OR人氣食店中，想試好多次都無既星座冰室，因此就立即決定去試下！其實香檳大廈唔算太難搵，因為細個時成日跟阿爸去此商場既出名相機鋪。不過此商場有地庫，真的今日才見識到。係商場地面向下行去星座冰室，又黑、又舊，重要有個男人係樓梯果邊訓係地下，老婆即時有d 驚...... 女仔黎既，要考膽量~~~ 過左樓梯，轉多一個彎就見到星座冰室。見門口有兩張吉枱，如果只得黎兩張，真的唔會食，因為當日太熱了..... 好彩，原來店內都大的，當時唔太多人，我地兩個人佔據左一張4人枱。雖然有開冷氣，不過都係有d 焗既感覺。黎得星座冰室，當然要試佢既蕃茄，要左蕃茄咸牛撈蛋麵、蕃茄餐肉撈蛋麵同一支大可樂。蕃茄撈蛋，非常家庭feel，味道不錯。不過由於我鍾意食酸酸甜甜既蕃茄，勝香園比較合心水；而星座冰室就以甜為主，無咩蕃茄既酸味。星座冰室都幾好味的，間中食下都會既。不過同去大排檔一樣，再美味也未不敵天氣(太熱)既阻攔...........

望住個地址,落到地庫好似去左工廠咁既環境,最後迷路都係要問人!不過入到去已經聞到香噴噴既咖啡奶茶味,果然係港式茶餐廳!叫左一個蕃茄牛肉通,一個蕃茄豬扒通+紅豆冰x2!d新鮮蕃茄鋪滿哂個碗,同埋個汁好杰,連埋d通粉食好好味!正!下次再食會再叫牛肉,因為牛肉比豬扒好味!紅豆冰就麻麻,下次都係叫咖啡奶茶可能好d~

返工返一點 , 同老婆十二點幾黎到 ,兩個食完碗麵之後 , 五點公司食飯時間都仲飽緊 我同老婆都認為 , 因為碗麵好似無湯咁全部真材實料蕃茄蓉蕃茄汁 , 所以好飽肚 ~老婆食蕃茄咸牛肉撈蛋麵 , 之前兩份食過 ,係醜樣左 d , 但係好好味o家喎 , 不過我唔鍾意佢唔夠熱 ,所以今次唔撈蛋 , 我叫左蕃茄豬扒炒蛋麵 ,紅卜卜, 勁吸引 ~~ 好蕃茄好好味 ^v^豬扒麻麻 , 無味的 , d 湯好似無水咁好杰可以改名叫蕃茄溶撈麵 , 唯一唔好係食到一半己經凍晒 ( 其實係我煩要食滾熱辣 )雖然唔太好牛肉 , 不過打算下次試下跟埋通粉 , 食返呢度o既招牌菜

2008年7月12日早上8:10 無沙牛男友一齊, 我點都唔會搵到呢間鋪, 一間舊式大廈重要行兩層舊舊o既樓梯落下面.去到只見姐姐斬緊d蕃茄, 係! 係斬! 大力斬! 我地係第一批客人. 叫咗:1) 蕃茄牛肉麵 – 普通遮! 不過係用鮮牛, 加分啦! 無勝香園噤濃味, 又唔可以話佢唔好食, 不過我鐘意勝多d 2) 豬扒 – 勁普通! 好鹹! 唔好食! 無下次囉! 普普通通囉!

第一次食,同傻baby share食,.叫左茄牛通+占醬多一碗茄牛通要23蚊,我覺得好貴,仲要冇野飲跟喎...味道又唔係真係咁好味...普通啦占醬多就一般荼記貨色,冇特別

蕃茄牛肉撈蛋面：第一次食既味道始終是最好的…朱肉嫩滑，濃濃的蕃茄味，湯汁唔稀，從未見過咁杰既面蕃茄牛肉撈蛋通：上次試完面，就試下通粉啦…d湯汁滲晒落d通粉度…味道顯得更明顯囉~蕃茄牛肉餐肉通：餐肉就無咩驚喜蕃茄牛肉通/面：無撈蛋既味道，蕃茄味當然會酸d蕃茄餐肉面：無撈蛋既味道，蕃茄味當然會酸d，餐肉更顯無奇！蕃茄咸牛肉通：免治牛肉紅豆冰：普通，不外如是尖沙咀''星座冰室''的蕃茄湯底向來出名，位於較偏僻的地方…係棟大廈裡面的最'深'處…要穿過條樓梯落去至搵到…(夜總會walala~~)

真係非常之咁之入既地方 .. 果度真係又黑又污糟 ..不過為左新鮮既蕃茄麵 .. 污糟d 都要去 ... >口<!!!---好鐘意佢吾係用茄汁做既湯. ..用茄汁就既話就得個甜字 ,,,不過用新鮮蕃茄做既湯係鮮甜的 !...正 !!除左個湯似homemake......通粉果d 都係普通的...另外..個奶茶真係滑哇 ...拉過既真係與別不同 ...諗返起唱k 飲果d 真係吾係奶茶.. 唉所以飲到好味既奶茶老公真係好滿足^@^ !多士就冇特別... 尖沙咀黎講 ..係平平的好選擇>w<

因為女朋友鍾意食茄牛通，所以放工後專登去呢間試試。其實對Service、環境都冇咩要求，最緊要野食。好快地叫左個茄牛通同茄牛麵，時間等得稍長。到了後，就即試一口，Um．．．不算太有味，可能是因為沒有茄羔的原因吧，不過這樣的確較健康。不過跟女朋友的感覺是，公司附近的那間更好，差在就是沒有位坐，只有食煙位，所以我們都是外賣到公司吃的。另外值得一提，看到一碟雞翼、炸丸，每碟要$27!!!真是嚇壞了，怎會這麼貴？

都係在雜誌見到才知道lee間位置偏僻的餐廳..但試過後,係值得推介!!環境:係家庭式經營(我懷疑)的舊港式冰室,位置偏僻,都幾難揾佢正式的入口,我係在美麗華個邊入去的,要穿過所謂的"商場"落後樓梯到地庫向左望先見到,途中經過專業相機舖同時鐘酒店的lift口,若你自問係美女.....哈哈~~~唔好怕被麻甩"聊"喎~~餐廳門口放幾張枱口,係大排檔feel的(可吸煙),內裡係埋牆好幾張木製雙人枱,中間放大長木枱,門口對正已經係煮食位同水吧,但放心,冇油煙味的抬頭望已見到令人懷念的大罐媡奶,紅茶罐,幾張用marker寫成的膠餐單掛滿牆......食物:最近前後食過2次,第一次:馳名菜式 - 茄牛通!! ($23)(絶不是茄汁混罐頭茄膏而成的,係有心思的將新鮮蕃茄切成丁粒滾成的湯,蕃茄的少少的肉同籽剛好成蓉混在湯中, 牛肉係急凍的但冇雪味,好有牛味,同茄湯混合)好食~~好有住家feel!!茶餐廳至愛 - 來冰室,點少得來杯凍奶茶($11)呢?!當望住剛上枱的奶茶,奶同茶仲未混合,奶沿住玻璃杯內壁慢慢瀉下,我就知道,lee杯奶茶絶對唔會令人失望, 不出所料,兩者份量剛好,紅茶絶對係茶餐廳飲開的風味

好心冇咁多伙計就咪擺咁多張枱啦 伙計已經夠少, 仲要手腳勁慢, 又狂落錯單我發覺呢間野永遠係最遲入果張單就最先出食物, 人多果陣, 最先落單既客就睇住人地食完自己都未有得食!

睇到 openrice 既食評, 尋晚特登同 d 朋友黎呢度食 dinner. 呢間食店真係好隱蔽, 最初我地仲要搵左錯街, 搵左金巴利街, 唉............緊係搵唔到啦, 佢係金巴利道. 跟住我地搵到香檳大廈, 但係一路都唔見佢有招牌喎, 點知經過一個門口佢有條樓梯可以落下面, 最初我地都有睇過龍, 因為有最大個字既牌寫住 "大華夜總會" , 我地幾個女仔一見到就緊係當睇佢唔到即刻直行啦, 好彩行最後個 fd 睇到呢個招牌下面有個細 d 既招牌寫住"星座冰室" 咋, 如果唔係我地一定搵唔到呢間食店.終於搵到, 如果唔係睇到食評既話, 我肯定我本人一定唔會黎試, 因為周圍既環境比人個感覺好似係 d 舊式既工廠大廈食堂 feel 咁, 唔知情既人一定會覺得佢好唔乾淨, 唔好食. 我地幾個朋友因為唔食牛既關係, 所以就冇試到呢度既招牌菜 "茄牛", 我地分別叫左1. 豬排茄出前一丁2. 雞絲茄出前一丁3. 腸茄通粉4. 魚片炒菜5. 雞翼total : $132 三人同行d 雞翼好好味, 同埋好入味, 唔同出面 d 茶記咁, 淨係得層皮有味, d 肉就冇味. 可能店主將 d 雞翼