星座冰室 (已搬遷) 新店位置

是日放假,去完九龍公園影相後,就去星座食返碗麵~呢檔聽得多,終於有機會一試~位處香檳大廈地庫,其實都唔易搵...落到去,行幾步就見到~一入到去,普通茶記格局,叫咗碗茄煎蛋麵,盛惠$27,個湯底...其實都唔可以叫湯底,因為已經索晒水咁滯,似半撈麵狀態...都幾蕃茄味,蛋都煎得幾香,個麵又唔會過淋...其實我已經形容完,一句講晒,無咩特別,仲覺得有點貴,加多枝汽水,就差唔多成$40...不過,都一試無妨,但會唔會翻兜,就見仁見智,我就應該唔會喇...

成日去尖沙咀都根本唔知有個地方食茄麵咁好味事原有日搵朋友食LUNCH大家都覺得想食得輕盈D朋友介紹茄麵....聽到都已經覺得好正但朋友帶我行入既舊商場既一條走廊經過一D類似屋企既商舖再轉左幾個神秘彎突然就見到星座冰室....本人係最喜愛小店但咁隱蔽既小店,就係聞所未聞,見所未見真係好有地下組織既感覺因為有好多人食.....看似大部份係SALES但亦不少潮童剛好是lunch time本人撞到分別2個唔係好熟既朋友可能依度真係好熱門只不過係我唔知而已定過神來,還不知道食咩好因為MENU好似來來去去都係茄茄茄當然LA....因為依度出名茄麵咁我就叫左個牛肉腸仔通嘩...."杰"到不得了,蕃茄同牛肉同腸仔通粉已經溶為一體了真係想分開佢地都難如果中意食茄既朋友真係一定要黎拜訪一下好快,無停口就食晒了,好味另一個推介係齊啡由於本人正在減肥齊啡基本上是不可或缺的飲品了這裡的涷齊啡真的不錯,啡糖比例非常好值得一試由於有D地下組織FEEL環境不好是一定的了,而且食食下仲要調下位又有人會係等位外(室內)食下煙又好耐都無人幫你落單但係食物是好好好好的價錢和茶餐廳差不多....但總有種好有型既感覺小店總是值得

說起新鮮蕃茄麵，大家不其然會想起兩間餐廳 - 中環的「勝香園」大牌檔及尖沙咀的「星座冰室」。論規模及就腳度，「星座冰室」或許會略遜一籌；但若論人氣及美味，它一點也不輸蝕。「星座」位於尖沙咀美麗華酒店側，行經的道路是非常的「重慶森林」feel。不要怕，只要向前行，美味就在前面！「蕃茄牛肉腸仔通」先來個招牌蕃茄通，賣相不是太討好，味道卻是一絶。蕃茄多得滿瀉，真材實料；牛肉沒有下鬆肉粉，味道天然；「坑通」浸淫在新鮮蕃茄醬內，吸盡鮮甜的精華，真的非常「哀衣絲」！若嫌不夠䶢，枱面有樽冬菜，要加可悉隨專便。個人覺得齋吃蕃茄通的原汁原味已很夠了。再來一客「奶油多」。此乃「奶油豬」前身，麵包烘得鬆軟，看著那半溶的牛油及媡奶，完全沒有不好吃的理由啦。最好加杯「熱茶走」，掂！若硬要將「勝香園」的番茄麵比較「星座」的話，本少爺會較撐「星座」，因為它的湯底較濃稠，像撈通；「勝香園」的湯底則較稀。Anyway，百貨應百客，唯有親自試過，才能領略涸中的滋味。Go and try it !

一直只聞樓梯響, 今日特登山長水遠行去食, 都唔容易搵架, 大廈環境都好舊. 室內環境光猛, 有吊扇, 好似舊式茶餐廳咁, 因為未有太多人, 我就坐咗中間大檯位, 係一排長檯, 好開放架. 不過一坐低已經見到有幾隻蚊滋喺度飛, 心諗都冇野吖, 用手拂兩野, 繼續睇餐單, 叫左碗馳名蕃茄撈蛋通粉($27), 再加奶油多士($9). 食物好快到, 3分鐘左右, 勁高效率呀!先食奶油多,一片方包, 中間切開, 變成兩塊三角形, 夠多奶, 又搽得好均勻, 幾好食! (見到有蚊滋喺對面個客人頭頂飛.....)好喇, 到蕃茄撈蛋通粉喇, 賣相有10分, 食落去酸酸地, 蛋同蕃茄都好足料, 好豐富的. 因為食物唔覺有味精, 好似自己喺屋企整嘅一樣. 唔洗10分鐘已經食完喇. 快D閃人先!有4個客人諗住坐最近牆角的卡位, 點知個女仔一坐低就嚇親佢, 我聽到佢話"點解有咁多蚊滋?.." 隨即一行4人一齊轉了前兩個卡位坐.P.S. 如果環境能夠改善會更好!

其實不嬲都唔覺得星座好好味, 但地點方便, 價錢合理, 加上佢既蕃茄都算特別, 唔係四圍有得食, 所以都黎過幾次幾年無食再重臨舊地, 懷舊的環境依然健在, 尤其喜歡天花既吊扇, 令人回想起小學時夏天時課室好似焗爐一樣, 就係靠兩把小小既吊扇消暑呢度其中一樣招牌菜係蕃茄撈蛋, 食過一次覺得茄蛋撈埋一齊陣味怪怪, 所以今次都係食茄牛麵說穿左其實就係一碗白灼牛肉公仔麵再係上面淋D蕃茄粒係度蕃茄都幾新鮮既, 但凍既蕃茄撈完之後令成碗麵都凍左, 如果可以淋上碗前已經整熱左會好味D牛肉係薄薄一塊淡而無味的, 基本上食塊火腿或餐肉會更加好, 起碼個味道有保證D公仔麵煮得過淋, ORDER左2分鐘就上到枱, 相信麵底係一早煮好左再翻熱的, 唔好味湯底充滿蕃茄味都幾好飲既, 但又係個句, 唔夠熱呀一碗麵加支大可樂索價$40!!! 太貴喇, 以前好似平好多架喎未黎過食既尚可一試, 但我決定唔再黎喇, 去樓上食碗芝士撈麵仲好

朋友說在我公司附近有間食蕃茄麵好好食的店子，今天專程去試了，我跟著地圖顯示的位置去找，經過一間五金鋪往地牢方向去，行到一半有點怕，除了有點暗之外周圍也有些污濁終於找到了，好像拍戲的茶餐廳，有點舊，希望是老字號那種不求裝修漂亮，只求食物美味~我叫了一碗腸仔雞亦蕃茄通，友人叫了餐肉蕃茄麵。不算很大碗，蕃茄汁很濃很多，反而像撈通粉而不是湯通粉，蕃茄汁是用蕃茄煮成的，不是那種用茄膏溝出來那種味，蕃茄汁幾好味，可是其他配菜真的不行，腸仔真的很喊，煩請店主轉用其他牌子！雞亦不是炸的而是豉油炆的，同樣好咸！我個朋友看見枱上面有盒冬菜，她貪得意放了一些在麵上，變成又咸又酸，十分後悔，哈哈~

HAPPY FRIDAY男朋友說約了公司同事聚餐, 我突然想起這間冰室, 便一個人由深水埗坐車過去尖沙咀吃上一次吃已經是一年多前, 工作關係午飯時間剛好逛到尖沙咀區, 便會上網SEARCH下附近有什麼好吃的, 最後決定了這間星座冰室!習慣是吃前上OPENRICE看有什麼好推介, 再跟推介的落ORDER, 得知這裡的麵用的是出前一丁, 於是當時點了茄牛麵, 店員體貼的問要不要加蛋, 還介紹說有3款選擇, 我最後揀了撈蛋, 那時的味道一試難忘!本人愛吃酸, 也愛吃蛋, 更愛吃牛, 3者合而為一, 再加上本人在即食麵中只會吃的出前一丁, 我不用10分鐘就把整碗麵連湯KO了!坦白說,第一次來的時間的確被它的賣相嚇到, 真像嘔吐物 不過味道卻是十分十分地好吃!我不懂什麼口感, 不懂烹飪, 也說不出為什麼一直只形容它是好吃, 但我想, 好吃的東西就是會讓你有一試難忘的感覺, 願意再回頭去吃的就對了吧因為兩次來都是一個人, 不用等位, 但地方確是有點僻靜, 不過為了吃好吃的, 就算坐得不舒服, 地方不就腳, 也還是會再去!一碗麵索價26元, 我就不點飲品了, 吃了麵, 去尖沙咀區一間新開的FROZE

這次又到尖沙咀.那時快要到放榜的日子,想在之前吃多點在wish-list之中的餐廳.先到星座冰室吃個在考AL前已經想吃的招牌番茄麵.想了很久要撈蛋還是炒蛋..最後要了番茄炒蛋麵.吃這個不久前才吃過勝香園的番茄麵,自然會拿二者作比較.個人來說,我比較喜歡星座冰室的番茄麵.星座冰室這個的湯底較濃稠,啖啖番茄肉,番茄味香濃,但公仔麵仍保持一定咬口和彈牙,不會變稔;勝香園那個也有不少番茄肉,但湯底較稀,味道較為淡.這裡的炒蛋份量多又夠厚身,吃落夠香滑,味道和番茄麵很夾.下次來就嘗那撈蛋麵吧.

小時每逢經過香檳大廈都會快步閃開，生怕會有東西從高處墜下或是由門口彈出。人大了經歷也多之後，發覺其實包裝得越好，外表看來很道貌岸然，拆穿了其實也不無兩樣。今天就特意去看看這家‘四通八達’的冰室到底是何底蘊！環境在今天的角落來說可以差勁來形容，處於地庫且也是舊式樓宇，不要希望會有舒適空調。不過，這種草根食堂的感覺很特別。當我回想起40年前(張瑛送贈的鏡子我沒見到)沒有空調的 日子，他們是如何看待這一切呢？在過往有片瓦仔在頭頂可能已是賞心樂事，8層高樓是為摩天大廈而且也有兩部電梯，比起唐8樓簡直是天淵之別。好了，蕃茄魚蛋通粉送來：賣相確如其他食友所形容，與周圍環境十分匹配。但從我用湯匙一撈，用口一嘗後便知是與眾不同：沒有蕃茄膏那不自然的酸味，蕃茄的香味也得到保持。雖然你不會在其中找到一個原隻的蕃茄/大片茄肉，但整體來說，這告訴了我這是一碗真正的蕃茄湯通粉，不做作不標榜。通粉及魚蛋交足功課算合格，最最最出色還是那湯底。同場加映了奶醬多及咖啡，水平只是一般。醬料十足但多士如再多烤一會則更好！食畢，份量雖然少但我一個下午都會有飽肚的感覺。食物本身很不錯但始終環境會令一些人卻步。正如現今有很多人，

在九龍區又想吃番茄通的話，多半會走來星座，但要挑時間，太旺場的時間空氣不好，服務不貼心，食物也沒那麼好。幸好自已習慣早吃晚餐，要了個茄牛撈蛋通。蛋類可選煎、炒、撈，自已還是愛撈蛋，雖然賣相不好，但與用匙羹吃的通粉最為配合。賣相一向不討好，有點像BB吃的糊仔，內裡是啥，完全看不懂。但用上新鮮番茄製作的湯底也勝半分，坑紋通粉可能掛上更多番茄蛋「糊」，人少的時間，這家庭式作業的小店也會和年青人談談，很有人情味。在這邊不能和勝香園比太多，畢竟大家風格路線不同，各有利弊，兩邊我也喜歡，至少，這邊可以來作晚餐。

跟三個同事放工第一次去試,夜晚九點幾行入大廈,入面既店舖都已經拉晒閘走廊黑漆漆的,仲要行落地庫都有些少戰戰兢兢.好在入到間舖都幾光猛.蕃茄牛肉撈蛋麵加左蛋入個蕃茄湯度口感好滑, 但個人覺得個汁會變得杰左些少,賣相又無咁好睇.蕃茄餐肉煎蛋麵個太陽蛋黃好似日落咁係碗蕃茄湯入面好靚,而且個湯又唔會變杰,好清楚飲到蕃茄的酸甜味,隻蛋又煎得好香好好味,唯一係個麵煮得唔夠彈牙,如果唔係就一百分.蠔油煎雞翼食落就唔多覺有蠔油味,比較似老抽加豉油王雞翼,好有屋企煮既味道,都OK既.煎牛丸牛丸開邊上碟, 望落去好似話梅咁賣相就差左少少,睇佢應該似係炸出來既,食落都幾香口OK既.如果用原粒去炸多返些少肉汁可能仲好.奶茶有朋友話好正,但我就覺得茶味唔夠濃,又唔係特別滑,甜度適中,不過不失啦.整體來講個蕃茄湯的確唔錯,值得再試,其他你當一般茶餐廳質素來睇都OK既.環境方面-好有懷舊感覺既茶餐廳.加上地點有些少江湖味道.都幾特別.

其實一直也想見識一下星座冰室的茄蛋麵, 可是去了一兩次, 找來找去也找不到. 前排在尖沙咀區上課. 中午的午飯時間較長, 於是又試圖去找這間冰室. 皇天不負有心人, 今次依照其他食家的指引, 進入香檳大廈後, 找到了一條樓梯, 再沿路向下走, 終於到達了「星座冰室」.雖然走廊比較陰暗, 但冰室的門口也算光猛. 到達時正是中午時候, 但人客只有三分之二滿. 這是間很家庭式經營的餐室, 侍應們就是店主一家人. 隨便的找個位置坐下後, 侍應立即上前招呼, 有禮貌而且很有效率. 冰室很有懷舊的感覺, 地方尚算光猛且寬敞, 與走廊的黑漆漆一片完全不同. 點了的茄蛋麵, 等了一會就送上來. 看上去像碗麥皮, 又像糊仔, 不大吸引. 蕃茄湯是真材實料, 用的是蕃茄, 而不是很多店子常用的茄醬茄膏之類, 蕃茄也煮得熔化, 微酸但味道天然, 而且夾雜著蛋味, 湯很杰身, 因為加了雞蛋的關係, 入口很滑溜; 雞蛋原來是加入蕃茄中, 所以湯的顏色不是紅色, 而是淡淡的黃色, 面上還泛著片片的蛋片; 麵應該是用了即食麵, 煮得剛剛好, 麵質較爽口, 每一口都沾上了薄薄的蕃茄, 味道很配合, 也補足了麵的較淡

大家有看港聞的話，應該都知道XX議員到香檳大廈尋歡那宗新聞吧，看到照片才認得那不是星座冰室的大廈嗎？之前到訪都沒有留意大廈名，只認路而已 雖然是這樣，但仍無損我搵食的雅興。位於地庫的星座冰室，門面殘舊，裝修欠奉，但內裡尚算企理，來得這裡為的就是他們的蕃茄啦！蕃茄牛肉炒蛋通粉新鮮蕃茄粒醬滿滿的鋪在通粉之上，茄香酸中帶一點甜，炒蛋頗滑，略嫌份量少了點，牛肉只是灼熟，有點咬勁是沒有下鬆肉粉的証明，這裡是用＂坑通＂的，比較厚身也飽肚點蕃茄豬扒撈蛋丁其貌不揚，蕃茄蓉跟蛋花拌在一起確實有點像....不過味道確是好，明明是沒有芝士，怎麼吃下去有點芝士味道的錯覺呢 糊身的蕃茄蛋，別的地方沒有吧？豬扒就只是煎豬扒而已，沒什麼特別！食物好吃與否，其實都很個人口味，我覺得這裡收費二，三十元吃一頓蕃茄粉麵，價錢算合理吧！位於尖沙咀區租金昂貴的地段，而且出品種類又不多，地方簡陋也是情有可原啦，吃飽後速速走就好了

之前見電視節目介紹過依間番茄牛肉麵好食, 就諗住試下...點知原來吾好食不但只, 要用難食來形容...碗麵來到時已經嗅到一陣酸叔味..d番茄像變壞的味...個湯似鼻涕汁...牛肉都算ok...但我真的吃不下這樣難食的當東西...我諗我味覺應該無問題的...我的朋友都說很難食...但對面的一對小情侶竟然說好好食...重有我叫了杯熱檸賓, $12都細細杯吾在講, 還要檸檬有陣苦澀味, 利賓納又好似加了太多水, 淡到無啖味...我以後都不會幫襯這店子...

突然好想食蕃茄, 就立即諗起呢到。之前跟同事黎過一次, 一直想再encore。今次就介紹埋男友黎食。呢到位置比較偏僻, 唔係咁易搵到。放工後7點幾黎到, 都好多人哦!我地要左蕃茄雞絲通($29) + 蕃茄餐肉丁($26)好快就有野食!2碗都佈滿濃濃的蕃茄! 正啊~我覺得我個碗唔應該叫蕃茄雞絲, 應該叫蕃茄雞柳囉, 通粉煮得岩岩好, 唔太淋。 男友話佢個碗蕃茄餐肉丁都好好味~~