星座冰室 (已搬遷) 新店位置

很喜歡吃茄通，所以想試這間好評好潮的冰室好耐啦。香檳大廈格局固然舊，但原來地庫才夠恐怖吧。星座冰室很易找，因為只有它一家餐廳。店子像回到七八十年代，家庭式茶記。許多蚊仔到處飛，阿叔還在我面前拍死了一隻（！）。環境惡劣不是問題，但茄牛通真的令人很失望。份量小，女生都是剛剛好。那不是蕃茄湯，是水蕃茄糊。牛肉幾片，無味。煎蛋OK，通粉是有粗橫紋的那種。這樣的環境，這樣的食物，廿九元真的很貴喔。說茄通，還是喜歡勝香園。

之前行過都會食架!叫左個番茄雞翼米加蛋($32)其實呢個價錢都幾貴!不過d雞翼大大隻又幾入味!炎炎夏日食番茄湯底的確幾醒胃!有個叫左個白菜細($8)都幾大碟架! 抵!

灣仔有間茶餐廳有一個傷風感冒餐，內容是一碗特濃蕃茄火腿通配一杯熱菊花薑蜜。靈機一觸，最出名賣蕃茄通的一定是這間，便與一個同是患上傷風感冒的朋友一同享用。星座冰室的位置看似簡單，但實際上是比較難搵，怎樣也不可能會知道在一幢殘舊不堪的大廈內。來得這裡，真的不能介意門面及裝修，為的只是一碗蕃茄味濃郁的通粉。落單一會後，兩碗充滿蕃茄味的通粉到來。首先是朋友那碗蕃茄豬扒通，蕃茄已經煮得熔熔爛爛，鮮甜的味道盡出，只略帶少許的酸味。豬扒被蕃茄蓉完全遮蓋，證明蕃茄的份量是如何豐富。豬扒質地較為硬身，醃味尚算恰當，與蕃茄汁配合得好。另一碗是蕃茄煎蛋牛肉麵，麵上浮著一隻半熟的太陽蛋，刺穿後，蛋汁湧出與蕃茄蓉混合，更添蛋香，加上煮得恰到好處的牛肉，肉質鮮嫩。蕃茄、雞蛋和牛肉永遠都是一個絕佳的配合，真的美味。講明是做到傷風感冒餐，當然配了一杯熱檸檬可樂煲薑，熱辣辣的可樂嚐到薑的辛辣及檸檬油的苦味，這是煲了一段時間才能有的味道。飲完後，真的藥到病除般，整個人也舒暢了不少。其實味道真的不錯，可是環境真的令人有所保留，而且算是污糟，奉勸不能接受的朋友還是不要到此。但明白到這裡食，是必然出現的現像，盡快食完盡快走是良

落車到達香檳大廈地下, 見到有好多leica機賣, 正呀不過行完一圈, 唔見其蹤影, 經過查問後, 原來係地庫!!!!平時對搵location絕少失手ge我竟在此滑鐵盧, 真係瘀廢話少講, 一坐低, 叫招牌菜, 茄牛麵, 凍檸水誰不知筷子一夾, 原來係通粉不過, 以蕃茄芡湯加鮮牛肉這個配搭, 襯通粉正, 用匙羹連湯吃, 茄味鮮帶點酸, 無茄膏這種濃味個人認為比勝香湯底好!不過份量較細, 嗌多個多士就差唔多

前排睇到Yahoo一段食評，話金巴利道有間好隱蔽嘅冰室，裡面啲蕃茄牛肉通幾好食。所以，今日見得閒，特登出左去金巴利道試一試這間 — 星座冰室。下午兩點去到，外面放左兩張枱，都坐滿左人，心諗以為入邊實爆人。但好彩入到去仲有5、6個位，我1個人就當然有位啦。坐低左之後，睇完餐牌，就叫左豌蕃茄牛肉通粉同西多士。茄牛通香滑好味，牛肉又夠多，而且酸度配合得啱啱好，真係令我一試難忘。西多士，有大又厚，食落去仲有少少花生醬嘅味，加埋糖漿簡直好食到冇倫。而且，進餐期間和前後，店員和老闆的服務態度都非常好，真係一間值得一試嘅餐廳有機會一定再去試，茄牛通 西多士。

本身唔係去食lee間ga..只係想食既舖頭...執左..即刻諗諗附近有咩好食...所以又黎番lee間隱瞞冰室~~好舊式呀真係...其實lee間野營業左幾耐呢??今次試第二樣野...其實同上次一樣..只係今次冇撈蛋........不過.............冇咁好味囉即刻..可能個湯底比我想像中差..唔夠多蕃茄同埋..唔係蕃茄蓉囉..我覺得唔係咁ga ma..比起有d餐廳d蕃茄餐仲濃過lee到woo...真係要好好檢討下~撈蛋一樣咁好味..因為只係蕃茄撈蛋只得少許肉碎..其餘都係意粉叫左個小食...$30係今晚最貴既一樣野...其實真係好唔抵但又想叫小食又想食菜唯有就叫lee個la...唔係好大碗個碗size同粉個d一樣...有魚蛋同牛丸都係d普通野..唔會話特別彈牙....今次有少少失望..可能都係唔係撈蛋關係...最衰就係蕃茄唔夠多...要明白自己既出名茶式係咩先得ga..如果唔係唔會有人黎食ga..但我下次都會黎..因為要食番撈蛋..

有次朋友曾帶過我來，當時因環境黑暗，我不敢入去逃走了後來得知這就是頗有名氣的蕃茄麵店，終於鼓氣勇氣入去一進去，時光倒留？這不是就是電視、電影中常看到的六十年代(?)場景家庭感很重的茶餐廳，餐牌上的選擇也不算太多跟朋友分別點了蕃茄撈蛋麵&蕃茄牛肉通粉。蕃茄牛肉通粉，很自己煮的蕃茄醬味，就是新鮮蕃茄太多的味道，因為自己會煮就有點失望。其實這味道我很一般，我個人不怎看生蕃茄的味道，牛肉也沒太特別滑蕃茄撈蛋麵，出前一丁的湯料味太重。吃材料是ok，但這味道不是每個人也接受到。湯料的咸混蕃茄的酸，實在有點怪和漏...

認唔住要俾個 丁 期望太高,失望而回叫左個蕃茄牛麵唔系蕃茄湯底, 暈! 又唔系蕃茄茸, 頂!竟然系蕃茄碎粒加生粉水做"獻"變成糊, 錯哂!咁樣做蕃茄, 心痛!撈下撈下,會見到有的味精粉系底, 唉!牛肉, 麵......算吧啦, 普通囉!你想知道咩叫唔好食, 真系要去試下.

要不是朋友帶過我去, 應該會比較難找經過一條暗角位樓梯轉入就會看到星座冰室地方雖較簡陋 但以食物取勝和朋友點了蕃茄牛撈蛋麵+蕃茄腸仔麵有撈蛋的明顯味道較佳 (推薦!)而且在街外亦比較難找撈蛋麵吧!

星期六下午，經友人介紹，嚟試試~下午1點半，到達已見門外坐滿人，我向待應示意3人。他便帶我到旁邊的房子坐，裡面都坐滿人。由於2位朋友未到，餐牌上，大部份以蕃茄為主打，所有飲品都是另計，沒有跟餐的。碰巧我又有點傷風，先叫一杯熱檸樂煲薑。等候期間發現，他們的上菜速度非常之迅速。雖然外面間中會有人等位，但幸好，我沒有遭老板岐視，我的飲品已到，一飲正，很大片的薑在內，熱熱的。過咗30分鐘，我的2位朋友終於都到。分別點了2碗「蕃茄撈蛋麵」及1碗「蕃茄炒蛋麵」。個人覺得，主打以蕃茄作賣點，沒花巧，一般家庭式的食物。以$24吃一個麵算OK的。

成日都想試吓,前日咁啱行過就入去試吓.周圍環境幾up dup,裝修好舊,而且啲人幾晦氣,有少少家族式經營的味道.說回食物,賣點蕃茄面幾貴,於是叫咗個下午茶.食物的味道不錯,煎蛋很香,咖啡也很濃味,但份量未免太少.埋單$24,這樣的環境,這樣的價錢,這樣的服務,真令人難以有再臨的意欲.

未去過星座以前淨係去過中環果間勝香園食蕃茄系列本人就麻麻地喇覺得之後成日睇雜誌啊openrice啊聽人介紹啊都話星座蕃茄好正斗今日終於試到喇星座冰室位置有dee僻咖都要落一條黑蚊蚊既樓梯先到達令我想起古惑仔打鬥場面我心諗星期六,仲要係夜晚七點一定多人到爆 點知一去到就有位心情靚靚啊舖面人手似乎唔太夠 當日得兩位叔叔幫手咋order一碗蕃茄撈蛋米粉另加一個清湯白菜仔蕃茄撈蛋米粉望落好似無乜蛋 可能已經同蕃茄溶為一體喇食第一啖 想wow一聲酸酸甜甜的蕃茄配以滑滑蛋 太完美的組合而且好杰　一dee都唔稀!加埋米粉 簡直滑到唔駛我咀嚼都直滑入喉嚨　原來個米粉係有湯底 不過都比蕃茄撈蛋味遮蓋如果蛋可以再多少少就更為perfect至於個清湯白菜仔就一般啦 無乜特別不過食完呢餐蕃茄撈蛋米粉個人真係心花怒放感覺到夏天漸近夏天會再來fresh 一fresh 下下次試下蕃茄雞絲米先(呢度既麵係用出前丁丁咖重點係唔駛加錢) nice ! i like!

上OP見佢咁多人都去食又咁多笑,就專登走去食下,點知.. .去到見到,感覺好up dup,之後點左佢,離到食左第一啖,已經唔想再食... ..只係食左佢一果一堆仔既炒蛋就算話晒哩碗咁既.. .要成$24.一D都唔值囉撞正佢地係正隔離Dinner,我完全覺得佢地果幾碟家常便飯足以好味過哩碗咁既.. .多多聲"'

我同朋友仔勁鍾意食有關蕃茄既食品. 好多人都話呢間冰室d蕃茄通係好好味! 琴日終於同個朋友仔去左試. 地點真係好隱蔽, 在一間好舊既大廈入面. 要經一條好黑好舊既樓梯去到地庫, 才去到. 可能係平日, 又過左lunch hour, 去到只有幾張枱是有客的. 我和朋友點了一個蕃茄牛通, 一個番茄蛋通, 一個奶油多, 兩杯少甜涷檸茶. 蕃茄牛通, 蕃茄蛋通 - 原來並吾係蕃茄湯而係蕃茄糊, 都幾特別. 但係食落去並冇想像中咁勁蕃茄味, 好似將d蕃茄就咁加水. 奶油多 - 普通一件奶油多. 薄薄一片多士加薄薄一層醬少甜涷檸茶 - 少甜都好似飲糖水咁, 如果吾係少甜, 吾知點飲. 得個甜字, 冇茶味, 就算篤爛哂d 檸檬, 都可以冇lemon味, 勁! total 食左79元! 以茶餐廳來講, 份量又吾係大, 價錢都算貴! 總括來說, 食一次就夠, 吾會再想去第二次!

I try to eat a bite here whenever I'm in TST. They are famous for their Tomato Beef Noodles which are genuinely tasty and original. The staff are friendly and efficient and while the environment is somewhat lacking (especially the access route), it is a truly minor concern. I've never been disappointed with anything I've tried and I must have come here almost a dozen times. I bring all my out of town visitors here as well as locals who don't know of its existence. My mouth is watering just by wr