星座冰室 (已搬遷) 新店位置

My friend took me to this restaurant because she said it's delicious.To be honest, it looks like vomit but it tasted very good! I ordered the chicken wings with noodles in tomato soup mixed with egg. The sauce of the chicken wings were not too salty. The soup actually tasted very nice, not too sour and it matched well with the egg. The noodles were a bit over-cook but it was acceptable.

試畢華嫂冰室，下一站是星座冰室。來到金巴利道，在美麗華商場對面找到香檳大廈毫不起眼的入口，店舖十分舊式，平常應該不會走進去。在管理處對面落樓梯，見到按摩的地方，腳步有點猶疑。幸好，再往下走，就見到星座冰室了。比中國冰室還要舊式的裝潢，充滿懷舊風味。看一看餐牌，雖然大同小異，但選擇頗多。蕃茄撈蛋米粉很特別，把蛋撈到蕃茄中，男友說很有兒時媽媽煮的味道。蛋味甚濃，把蕃茄湯弄得稠稠的，很好吃。滑溜的蛋，夾雜著蕃茄肉，口感不錯。吃到一半之後，湯底變回正常的湯水，邊可惜吃完，邊奢望可以整碗也是濃稠的蕃茄蛋。芝士蕃茄牛麵蕃茄湯底不及華嫂的濃，也不及勝香園的鮮，有點茨汁的稠稠口感。但蕃茄味也算突出，算是不過不失。鮮茄咸牛三文治烘得脆脆的麵包，比華嫂的鬆軟。簡單一片蕃茄，一層咸牛肉，味道尚可，略欠驚喜。特意來試的蕃茄撈蛋，滿足我的好奇和食慾。雖然很舊，但衛生不差。上菜極快，正宗的香港特色：平、靚、正。

朋友講去星座冰室食野，我見咁出名都未食過，一於試下先。穿過舊式大廈的小巷，轉個彎就到，其實都幾隱蔽。我選擇叫最出名的蕃茄湯底牛肉一丁及細菜，朋友就叫咗蕃茄蛋牛肉米，不消幾分鐘紅紅的湯麵就送到我面前。失望，非常失望！蕃茄底應該是好濃好香的蕃茄味，但整個麵只有湯面有蕃茄茸，蕃茄味不濃不止，湯底更是遍喊。牛肉及一丁也是一般茶記貨色，不用多講吧！蕃茄湯底完全捉不到應有的精髓，非常失望的一餐。

今朝同男朋友去食個早餐，我以為食好味嘅蕃茄湯淨係得中環咁山長水遠，原來尖沙咀都有得食，不過就隔sip 啲要搵路，因為位置係五金舖再行入去。餐廳唔似其他新開嘅冰室咁光鮮咁靚, 除左店內食,仲可以係店外食,好似食大排擋咁。我同男朋友都各自叫左個蕃茄蛋撈面再叫左個牛肉炒白菜仔,,雖然睇相片賣相不討好,,但佢D公仔面恰到好處,,唔硬亦唔會太林,,佢將蕃茄同蛋打碎曬,,撈埋公仔面食起上黎一D都唔水,,味道充滿蕃茄香,,咪以為蕃茄同蛋的份量實係蕃茄佔多D,,D汁係得個樣,,呢度蕃茄同蛋花嘅份量係一比一咁濟,,而且食完個面仲有蕃茄蛋剩可以撈白菜仔食,,唔知係咪係其他餐廳食得貴價餐廳多,,感覺呢度好抵食,,$35一碗多汁嘅面,,好正另外我自己就叫左杯凍紅豆咖啡試下,,我見個名都幾特別未飲過,,雖然加左紅豆,,仲要凍飲,,但我見呢杯凍啡D冰唔多,,仲仍然保留到佢嘅咖啡香,,無因此而變淡,,吃一口紅豆伴隨少許咖啡,,感覺沒有喧賓奪主,,一D都唔伏 雖然價錢就貴D成21蚊,,但的確好飲!!

明將食家表示，茄牛麵味道很住家，因為跟在家煮的真的一樣不難吃但不驚人。首先茄牛麵蕃茄味不太濃郁，跟麻油味混在一起，麻油味比重卻和蕃茄味一樣，很一般。奶油多，正正常常，但18蚊略貴，相比之下，遊客最愛的集團茶餐廳的奶油多反而更好。明將食家認為，這裡是追求懷舊體驗之選，食物OK，但也只限於OK。

茄牛通加蛋同埋茄雞翼 撈蛋星座冰室位於香檳大廈地庫 小編都係友人帶領下先識得去 餐廳佈置好似星座冰室最出名既係蕃薯湯同撈蛋。雖然星座冰室既蕃茄湯底無中上環某間排檔既蕃茄湯底禁濃 但都不失特色。有種家庭式既味道  蕃茄mix蛋  蕃茄唔會太酸 又唔會搶左蛋既味 好夾 通粉煮得岩岩好 份量又唔會太細 重有好耐都冇見到既玻璃瓶版既可口可樂  值得再食

素聞其番茄麵之出色令不少年青男女食過翻尋味，今日在女友的介紹下特意到實地一遊。初來步到，甫踏進商場之內，跟冰室截圖予筆者的感覺有頗大落差。通往地庫的樓梯有兩道，稍加修飾，謂之夠晒地道；直接點說，實在是陰森恐怖。我說服自己，也許禾榦有襟珍珠的。的而且確，雖然冰室的佈置不多，座位擺設一般，亦不太光亮，但陰森的氣氛已經消散。可能係因為小小的冰室坐左近八成人啦。桌上只有兩張餐牌，有番茄就冇野飲，其他均以番茄作主打，一般過$30。賣相稍為複雜的可達$40以上。筆者二人點了$30番茄牛肉麵和$34番茄芝士牛麵。就價錢上$4的分別，恕筆者唔識世界，真心，大相逕庭。而我不知芝士一塊值幾錢，肯定比$4來得平。收貴我4蚊，就甘擺塊芝士上面就算數，會唔會求其得有點過份？撇除價格之差，客觀而言，完整一塊芝士鋪上面可謂有著有唔著。芝士算不上薄，無花無假完整奉上，毫無違反商品說明條例之嫌，價唔真貨都實。不過，就甘擺一塊芝士係面其實叫我點食好？應把它看成伴碟小食嗎？還是將它硬生生地堆進湯裏去呢？不但user-unfriendly，更省下不少功夫。所以，值唔值比多4蚊呢？重點還是番茄麵吧？極稠的番茄湯是它的獨特之處。

港島區有勝香園, 九龍區有星座冰室。雖然大家賣的都是蕃茄麵, 但兩者實在是大不用。勝香園主要用罐裝蕃茄, 蕃茄湯味道比較甜; 而星座冰室主要用新鮮蕃茄, 味道自然酸一點。兩者都足料好吃, 不過中意哪款就要看閣下的口味了。今晚來到星座冰室, 已經是快要打烊的時間了。不想吃得太肥膩就不再要蕃茄撈蛋麵, 不加芝士也不吃牛肉, 配魚片又如何呢? 魚片不知是否自家製, 竟然有一點點的骨藏在里面。味道也隱隱有點腥, 不算好吃。不過主角蕃茄湯還是一貫的開胃鮮甜, 稀哩嘩啦地吃完麵, 放下HK$30, 人家打烊了, 我也回家了。

之前去食過幾次都好ok, 次次都係食番茄芝士撈蛋麵，加魚片炒菜但今次完全係唔掂，話說比賽前諗住去食好耐冇食既番茄麵個fd到先嗌左碗粉已經食緊架啦，咁佢剛剛開始食既同時我就嗌左碗我的最愛，番茄芝士撈蛋麵，等左好耐個fd食完我碗麵都仲未到，當時唔係太多人之後我當然去追單啦，我同佢講話係咪未整，如果未整就算啦，唔要啦，佢好快咁話整緊架啦，要我等，好啦，等左唔使一分鐘就出泥啦碗野，點知，因為佢漏單，用快速既時間整比我，搞到碗麵唔熱，芝士未溶，個麵仲要係硬既，食左一啖，飲左兩啖湯之後就好嬲咁走左啦，為左唔得失個客為左要收多碗麵錢，就夾硬整左碗唔好食既野出泥，但佢已經做得好成功已經夾左兩個客嬲爆

今日自己一個出尖沙咀下午茶想食少少野又唔想去茶餐廳就諗起星座永遠都覺得去星座條路好有神秘感好似去緊秘密機地咁😬一如以往叫左個蕃茄牛肉麵加撈蛋記住一定要加撈蛋，因為正好多好多細細碗但原來都好飽，蕃茄唔酸好香另外加杯茶走都好出色奶茶味係呢d舊地方先沖到埋單47蚊唔算平但都可以接受

琴日因為去the one 睇戲同fd 黎佐呢到食野例褲叫我最鍾意嘅蕃茄餐肉蛋撈面+西多士口痕關係我地叫多了一碟炸魚皮好味，不過好油膩但一餐每人平均唔晒$100就食到飽真係無得計較太多!

呢間野啲人講到咁好味  所以就黎試下  可能我期望有啲高  結果失望越大  只係普通野  賣相都有啲衰  蕃茄味係有  但唔夠重  啲芝士又少  頭幾啖都有既  之後就食唔到有  我亦嫌個撈太稀太水~  質素真的普遍!!  而環境地方都係一般喇~

作為路癡的我有好幾次想放棄了，幸好有同事作伴，走過迂迥曲折的路，終於到達了香檳大廈地庫，找到那有名的蕃茄麵。眼前是一間充滿懷舊味道的小店，餐牌簡潔沒有太多選擇我二話不說選了馳名的蕃茄牛肉通粉。上菜的速度非常快，畢竟菜式並沒有太多選擇，廚師只專注於一兩道 菜式，效率自然大大提高。 一碗蕃茄牛肉通粉盛惠30 元，但你不要覺得在尖沙咀以這個價錢吃到午餐很化算。因為它的份量少得可憐，女生僅僅夠吃，相信男生要吃兩碗才會有氣力繼續下午的工作。眼前的蕃茄通份量有點少賣相一般，友人的加了蛋及芝士，賣相有點可怕。可是我的蕃茄通味道很香濃，是我這個蕃茄迷的最愛。不過牛肉沒有什麼味道及口感，通粉亦過淋．．．．．大概是希望愈大失望愈大，感覺上遠近馳名的蕃茄麵有點名過其實，除了份量少，整體食物質素亦一般。 若果你是路過又想吃點輕食，加上喜愛蕃茄的話不妨試一下。

上網search見到有聞名不如見面, 濃厚香港特色嘅星座冰室, 間舖都搵左我一段時間, 事關佢係地庫.之後就叫左個蕃茄蛋公仔面, 賣相就麻麻, 諗住食落會好特別, 點知其實就係屋企嘅感覺, 就係蕃茄加蛋放係個出前一丁上面, 麻油味幾重, 蛋唔覺得特別滑, 其實最大問題係喱碗野咁就差唔多40蚊, 無野飲食得過嘅, 就係茶餐廳嘅感覺囉

睇到食評去食下.叫左:茄牛麵,火腿蕃茄蛋撈麵茄牛麵$30:蕃茄味好普通,牛肉又小,麵質比較硬未煮熟.收$30完全唔值.火腿蕃茄蛋撈麵$34:個老闆重話如果得蕃茄蛋撈麵$30味道會好淡,所以建議加餸加$4加左火腿.睇落有小小似蕃茄炒蛋,味道當然就係蕃茄炒蛋味啦!加左火腿唔會有咩變化喎!不過這樣就收你$34.聰明嘅食友一定會明白的.冬菜:睇到都幾驚,試左小小超鹹.整體:唔值得去囉!又冇套餐,又細碗又貴又冇咩特別.