星座冰室 (已搬遷) 新店位置

這間尖沙咀很出名的傳統冰室之前也試過想到訪但原來星期日不開所以無緣一試今天原本打算和老婆仔去吃一間快將結業的沙爹餐廳不過去到發現排隊人龍很長老婆仔又想起這間冰室所以便轉場來這裡位於香檳大廈地庫不是它的知名度也不會過來這裡店內很有懷舊特色一切彷如回到八十年代尤其是那台電視機厚厚的配合畫面上的雪花真的別有一番風味我點了32元的馳名蕃茄撈蛋麵在店員的建議下加5元加了芝士腸老婆仔就選了37元的芝士蕃茄牛麵兩碗一起送來這碗蕃茄撈蛋麵感覺很足料其實有點像家裡媽媽製作的那種同樣是充滿誠意的製作吃起來是很新鮮的蕃茄和蛋味味道不會太鹹剛剛好可以把整碗湯底也喝了芝士蕃茄牛麵同樣是用料很簡單可以說是自己在家中也可製作但同樣能感受到其誠意牛肉也算不少芝士蕃茄加起來也是很不錯的配搭將來和老婆仔也可以嘗試一下自己製作我想這裡最濃的還是那份人情味和那份懷舊的感覺

This place is reknowned for their tomato beef noodles and is something I can truly say that you cannot get anywhere else in Hong Kong. Opened in the 1960s, the cafe retains its old school decoration, giving a sense of nostalgia when dining here to its regulars. I ordered a bowl of tomato beef noodles along with some iced tea. The noodles on paper shouldn't be anything out of the ordinary as they are just instant noodles but combined with the fresh thick tomato soup and fresh eggs, the dish jumps

走進星座冰室，好像穿過時光隧道，回到八九十年代一樣。冰室裡的裝潢、桌椅都很懷舊，不是刻意營造的懷舊，而是因為開業多年，東西都變陳舊了。那台熒幕充滿雪花的大牛龜電視，看一眼都會頭痛。但就是這個環境，讓我感到自己真的在一間歷史悠久的冰室內用餐。點了一碗蕃茄餐肉公仔麵（$30），吃得出廚師是用新鮮蕃茄做湯底，有天然的蕃茄味，而非用茄膏、茄汁「扮」出來的人工酸甜味。蕃茄湯底濃郁稠身，說它是湯麵，其實更像撈麵，每一次夾起公仔麵都會掛著蕃茄湯底和蕃茄粒，很滋味。在尖沙咀用$30就可吃到真材實料的美味，實在難得。

咁啱在尖沙咀做完野見時間尚早, 就去左搵下午茶醫肚。 黎到呢間幾出名食蕃茄製品嘅星座冰室, 門面唔算豪華, 應該行平民路線 (不過價錢唔太平民  ) 蕃茄鮮牛撈蛋麵 ($37)坐低就叫左呢個麵試下。 上枱時個觀感其實唔太好, 可能佢個汁撈得太勻, 蕃茄同蛋撈埋成pat野個感覺麻麻  不過好在香味搭救, 聞落蕃茄同蛋嘅香味都唔差。 不過個麵就冇幫您撈勻, 要靠自己撈。 記得要撈勻先好食, 如果唔是啲麵就會太乾唔好食。 整體味道都唔差。

在facebook看到介紹香港4大冰室，無聊到爆嘅我決定帶埋友人3個去拜訪哂4間冰室！今日黎到最後一間- 星座冰室！個位置都幾難搵~係對住美麗華方向嘅香檳大廈入去，樓梯往下走，係一棟好舊式嘅唐樓！來到星座冰室門口，完全保留咗由開業到而家嘅傳統裝潢！走進入面，找了靠邊卡位坐下，叫了個...蕃茄牛肉蛋撈麵 $45集齊哂我最愛及全店最好食嘅材料，蕃茄味道不錯，甜中帶酸，相信用了茄膏同新鮮蕃茄粒兩種混合而成。而撈蛋賣相5吸引，似嘔吐物，但吃落5錯，只係杰身，蛋白蛋黃依然分明，如果稀D可以做到蛋花的效果！好香嘅鮮蛋味！粒粒感喺口中~而牛肉用了碎牛，混喺個撈汁入面，小小塊小小塊，個肉質都好硬但肉味都夠濃！而麵地我選了公仔麵，撈上去都幾夾，麵5會太淋！爽身！

這是PJ第3次來星座冰室吃蕃茄麵，真材實料的味道多年來都沒變，但每次來都覺得香檳大廈環境越來越惡劣。環境雜亂是意料中事，但室內空氣仿佛越來越嗅，現在正值冬天，真難以想像潮濕天氣下的香檳大厦是什麼景象。急步走過走廊，終於到達星座冰室。這懷舊冰室好像被凍齡一樣，多年來都能保持原貌，白色裝潢、旁邊卡位、中間木枱，簡單樸素，原來在1966年由幾位粵語片明星開設的。我倆都鍾情於蕃茄蛋麵，一人一碗，正！來星座冰室就一定要試這裡的蕃茄湯底，夠哂濃味，又冇下味精。濃濃的蕃茄湯是由廚房大佬每日新鮮熬煮，每日用上五十斤蕃茄，難怪味道微酸濃郁。店內到處放滿新鮮蕃茄，此店標榜無添加，絕不添加味道討厭的茄膏，。PJ 都偏好這裡的"蕃茄蛋麵"，口感特別滑，配Q彈的出前一丁吃就最適合不過。蕃茄湯加了蛋後變得比較濃厚，稀濃度適中，PJ一向都認為蕃茄同蛋註定是一對的，味道奇夾，加埋軟硬度剛好的一丁麵，即時成為最受歡迎組合。這麵既是湯麵，亦是撈麵，香濃的茄蛋湯滿滿的包著每條麵，滿足！茄湯內有粒粒茄肉，為這麵增添嚼勁。看著放到半天高的厚身電視，望著掛在天花的舊式風扇，這一刻我手中的 iPhone，好奇怪。

番茄是公認為有防癌、美容、抗衰老等功效。近年不少餐廳都提供番茄湯麵, 但是不少香港餐廳的番茄湯麵都是用番茄製成的副產品，而不是用新鮮番茄制成。中環有名的「勝香園」, 它的番茄湯底中加了罐頭番茄, 都不是全天然。筆者認為位於尖沙咀的「星座冰室」, 其招牌菜番茄湯底比較正宗及天然。「星座冰室」 藏身於毫不起眼的香檳大廈的地庫内，經過舊式商店再走進一條殘舊的樓梯才到達地庫。地庫的商店大部分已經結業, 四周放滿雜物。環境不太理想, 但是「星座冰室」 卻吸引了不少城中名人及食家光顧，正正因為它美味的番茄湯底。令冰凍的地庫帶來不少人氣及熱鬧聲音。「星座冰室」 充滿舊式冰室的風味, 格局平實。冰室的裝潢跟繁華的尖沙咀格格不入, 店外店內裝潢跟七、八十年代無異。天花上的吊扇、經歷滄桑的街磚、經時間洗禮的木枱令筆者有回到過去的感覺。牆上掛了黑板, 黑板上寫上簡單的飲品及食物, 非常傳統。當然有份現代版的餐牌。番茄當然是這裡的主打食物, 但食客可自由配上雞翼、腸仔、雞蛋、餐肉、牛肉等配料，然後再選擇配搭出前一丁、米線、米粉等麵食。價錢$32~37, 不包飲品。連飲品的話, 大約要五十多元。不叫得上經濟實惠

今日約左個做model嗰陣識既姊妹，佢介紹我黎星座冰室..坐低嗌左一個蕃茄撈蛋麵加芝士，咦，上枱都幾靚喎，一食落口，蕃茄味香濃，每一啖都有濃郁既蕃茄香味，加上食到每一啖既茄肉，喺出面真係唔係咁易食到咁真材實料既出品。啲蛋係蛋花咁既形態，令到整個麵都充斥住蛋香，亦令到每一啖更加香滑，面頭微微融化既芝士，撈埋個麵度好食到不得鳥。口痕再加個小食雞翼，個雞翼勁入味，煮得又夠淋，啲鹵水味滲哂入啲雞肉入面，勁正。呢度雖然環境麻麻，但野食咁好味，我一定會再黎！

之前和朋友相約在尖沙咀見面叙一叙食個Brunch，當然要找個落腳點，朋友提意去一間出名食番茄麵嘅“餐廳”……星座這名字好似幾幽雅，遂跟他去試一下。由朋友帶路，在金巴利道走入了一間殘舊的大廈商場，在地面那層繞咗一個圈，經一條頗為陰沉的樓梯落去地庫，心想好似唔太對路，好像跟這個名字有點不配合吧？幾經波折終於去到門口，原來是一間懷舊冰室。沒有光鮮的門面，亦沒有豪華的裝潢，但就是有一種好親切人情味的屋村茶餐廳感覺。雖然位置都幾隱蔽，在地庫未去過可能會好難搵，但原來有個路牌指示行樓梯落去就會見到。入到去裝修欠奉，一排排座位坐得頗擠迫，一派舊式茶檔格局，但仍見高朋滿坐，食客們都在埋頭苦幹的吃著碗中寶，相信質素應該不俗。望望餐牌，主打番茄湯底，平均$30元左右，價錢中上不算太貴，這裡的招牌麵有一個芝士番茄撈蛋麵，見到都幾多人食，但因賣相欠奉加上唔想食得太膩，所以未有試。我叫了一碗番茄餐肉通粉，上枱碗面滿滿是鮮紅煮爛了的番茄碎，餐肉當然是一般貨式但份量較少；番茄湯底不會太酸，較稠身味道不太濃，可能因沒有用上太多茄膏的關係；番茄味夠香但未至於好像中環歌賦街那牌檔的馳名番茄湯般，一啖飲落去好像在口腔引爆了

星座冰室……聽個名好似好浪漫，好似高級餐廳，但其實…佢係一間舊式嘅冰室，入面冇豪華嘅裝修冇浪漫嘅感覺，但有一種好親切好似屋村茶餐廳嘅感覺！間冰室雖然係地庫，好似好難搵咁，但其實個到有個路牌指住行樓梯落去就會見到。就連食物嘅價錢都好平民。我叫左一個蕃茄煎蛋麵$30，我以為係一隻蛋點知佢嚟到嘅時侯係雙蛋，個下真係好開心，仲要個蛋黃係生嘅，正！至於個蕃茄湯，唔係好濃味但都好香蕃茄味同埋好多蕃茄蓉。大家仲可以轉通粉、米粉、米線、意粉做麵底都唔洗加錢！不過就唔係咁建議大家叫小食喇，小食嘅味道我冇試過，不過見到個餐牌$45一個小食仲貴過碗麵，實在唔係好扺。

收藏左呢間野好耐 但一直都未得閒去試😂今次借外國朋友黎順便帶佢去😻間野有點兒難搵我地係地面果層繞左好多圈先落到去地下其實我地一早發現果條樓梯但見到樓梯嘅牆貼滿疑似邪骨嘅poster所以唔敢落🙈🙈🙈幾經波折終於去到佢門口😂 係一間充滿懷舊嘅香港特色冰室～我外國友人見到都大讚好有味道～我地都急不及待叫佢出名嘅麵！ 我同友人分別叫左蕃茄撈蛋麵同芝士蕃茄撈蛋麵對於極愛食芝士同雞蛋嘅我表示...我冇唸過芝士同雞蛋可以咁match!!!!!!熱熱嘅蕃茄撈蛋令表面嘅芝士慢慢融化....宜家望返相都想再去食過！本身怕酸嘅我都驚蕃茄會好酸但佢又唔會窩 👍 再配上樽裝可樂一大支～好耐冇見過咁大支嘅樽裝lu ~如果佢再雪凍d就好lu🙈友人因為唔係太好芝士 叫左冇芝士嘅～亦表示雞蛋好滑！而且量都好夠飽😊我絕對會再黎！

成日都係尖沙咀搵食，點可以miss左呢間冰室呀！其實以前同屋企人都食過，不過呢排唔知係咪興復古，難得未到晏晝高峰期，冇咁多人排隊，咁就試下啦。我地兩個人都係叫蕃茄蛋豬扒麵，人稱嘔吐物麵haha。個蕃茄蛋湯底真係好真材實料！夠哂濃味，又冇味精味，食一啖麵要配翻一口湯！啲豬扒都煎得幾好，唔會太油，good ar :-)最後剩翻啲湯都記住要飲哂佢，雖然賣相真係似嘔吐物^_^

星座冰室是尖沙咀的隱世美食，一定要地道香港人，才懂得尋找神秘的食肆。沿著嘉賓大厦的樓梯向下走，就能到達地庫，沿途流水潺潺(那只是污水渠的漏水聲)，而且昏暗，如沒有熟人帶路，基本上是不會發現這間餐廳。星座最出名的莫過於蕃茄撈蛋，今次吃的是蕃茄撈蛋通粉加雞翼。蕃茄煮成蓉，撈蛋就有如蛋花湯一樣，滑滑的，而湯亦是甜甜的，兩者很匹配。蕃茄撈蛋將雞翼掩沒，一翻之下，竟有三隻之多，雞翼用上了鹵水方法煮，非常入味，而且亦頗大隻。星座冰室，一個好地道的香港食肆，價廉物美，地方雖混沌，卻有獨特的風味。

未到食晚飯既時候但又肚餓，好朋友就推介左我黎呢間星座冰室，聽朋友講原來呢間冰室都好出名，好友帶我經過一間大廈既入口再行入條巷仔，終於黎到呢間神秘又出名既冰室,我地一個叫左餐肉茄蛋麵一個叫雞翼茄蛋麵，未到一陣陣新鮮番茄味已經飄到埋黎，茄蛋麵好特別，茄蛋不婁都係夢幻組合配埋公仔麵冇得頂，佢地既茄蛋係做到好似好濃既醬汁撈係麵到，每啖都食到香滑既茄蛋加麵，而雞翼都做得不錯，好香，餐肉都係平常餐肉味啦，配埋茄蛋麵正！

一向都覺得星座冰室呢個蕃茄麵餐點mix 都好食！無論幾時黎都蕃茄味鮮美。又唔覺得有味精。呢間冰室絕對係尖沙咀區平靚正的其中一個推介。雖然冰室的環境真係幾麻麻，甚至係差....因為你去洗手間條路你會覺得好似會有鬼咁.....但快餐黎ga ma! 快食快閃咪得law!