星座冰室 (已搬遷) 新店位置

記得年前來食過，但已經唔記得係乜野感覺喇，今次佢想食，所以就唻啦！是晚我地1920到，店裡已經坐夠８成，店員叫我地坐係雪櫃隔離張枱，當我坐下，店員又叫我坐過一個位，因為佢要成日開雪櫃喎，我坐呢個位會阻住佢，咁點解佢又要放張櫈係到呢！另有一樽菜脯可以落湯食，我都有試下，可惜勁咸之餘又硬又唔爽........。坐低冇耐好快就諗到食乜喇，呢晚點左以下食物：① 蕃茄魚蛋米 ($30)② 蕃茄豬扒通粉 ($38)③ 白菜(小) ($12)④ 細樽裝可樂 ($12)Total= $89 蕃茄魚蛋米：上到來見到滿滿嘅蕃茄湯好靚，不過只係得面頭一小層蕃茄湯...裡面的米粉係冇蕃茄湯浸住嘅，蕃茄湯稠身但味道其實都唔太濃，我就覺得名符其實左；而米粉碎濕濕，應該係突登碎上，試圖撈蕃茄湯食啩？但蕃茄湯都唔夠多，點撈呢？魚旦似炸過，外層脆脆硬硬的，冇魚旦味。蕃茄豬扒通粉：呢碗蕃茄湯多少少，係濃Ｄ嘅，豬扒肉質又比較韌..。白菜：的確好少，用湯浸住，都算幾好食。 

記得細個媽咪有帶過我黎...今日同同事要趕下場, 起附近打定底先...於是我就提議黎食番茄面...諗住快~靚~正!!我地2個都點左芝士番茄撈蛋公仔面, 其實有爭紮過好冇叫芝士番茄牛肉面, 但唔知做乜鬼嗌左撈蛋-.- 碗野一到左我就後悔啦...同我印象之中果碗紅卜卜ge野唔同左...就係因為個撈蛋....但都冇計啦...都嗌左...照食啦...先試個汁...番茄味唔夠濃...我諗係因為個蛋...溝淡左個番茄底, 但其實佢個番茄汁係調味調得幾好ge, 比平時d茄汁甜少少, 而芝士係就咁個面果塊...比預期中少... 但呢個份量都食得出有芝士味ge撈埋哂成碗食...其實食左半碗已經覺得飽, 因為個汁撈哂之後有d似糊仔, 有d滯~ 我都係覺得係隻蛋累事ga啦... 冇左個撈蛋會好好多....至少唔會所有味都淡哂同稀哂先啦.下次要再黎...一定要試冇撈蛋ge番茄 

江湖流傳，香港有四大奇食，四間鋪分別姓澳、星、新、九。有周街捐窿捐罅搵好嘢食嘅讀者相信已經知小妹講緊邊四度。而呢次小妹就去咗姓新個間茶記去試試佢個街知巷聞嘅蕃茄麵。位處尖沙咀某大廈地庫，地方算係幾隱秘。而間鋪就好典型嘅舊式茶記裝修，其實喺今時今日嘅香港已經唔算好常見。望去角落仲見到有阿姐喺度切緊菜添。食得茶記，就自然有番食茶記嘅節奏：快靚正。首先嚟到嘅係蕃茄撈蛋豬扒米，一望落去，直接啲講真係嚇咗一跳，觀感上認真麻麻地。本來諗住睇下可唔可以轉過第二款，不過本住大無畏嘅精神試一啖睇吓點先啦，原來食落又ok喎。其實碗嘢呈現咁嘅形態係因為蛋發到好碎，同個湯混合咗，所以搞到有啲似蛋漿。先飲個湯一啖，飲得出湯底夠鮮甜，係用新鮮蕃茄製成，同時個湯亦相對上嚟得清淡，有啲似屋企阿媽煲嘅蕃茄湯個種感覺，夠清新，夠自然。至於豬扒同米線，就係大路貨色，冇咩可以著墨。跟住就到蕃茄鹹牛肉拼雞翼撈芝士出前一丁 (小妹有位朋友總要係好多樣嘢拼埋一齊嚟食)。湯底同樣都係食到係用新鮮蕃茄煲出嚟，不過呢個湯就比較杰身，有啲滑潺潺嘅口感，小妹朋友反而就唔太like。至於塊芝士，因為本身帶有鹹味，所以為清淡嘅蕃茄湯底加添咗幾分

午飯時間，同事話去香檳大廈食蕃茄麵，我一直以為係去同大廈，都係食公仔麵既新記，原來今次係去地庫既，星座冰室，唔講真係唔知有呢間餐廳，都幾隱蔽下，餐牌註明馳名既蕃茄麵，當然要試試，蕃茄牛肉麵，$30好傳統及舊式的碗，份量都有一個公仔麵， 新鮮蕃茄，但不夠濃，湯身好'結'，好似食緊撈麵咁，牛肉都幾香，不過本人鐘意食爽身既公仔麵，呢個就煮得耐左d ，漲漲地最後，午飯時間，無跟餐飲品，想飲野照計，唔抵

今晚有晚宴，先去食少少嘢打底， 2個人share一個茄牛通，咸牛肉多士啦…好久不見嘅蕃茄通，蕃茄味道比以前淡咗，少咗一份舊有驚天動地嘅感覺，有少少失望另外份咸牛多士烘底$20，同普通茶餐廳分別不大係時候發挖吓其他隱世食店

星座冰室既地理位置比較難搵 係openrice見到既係一個普普通通茶餐廳既門口 大家都以為係尖沙咀某條舊街既轉角🙅🏻 其實佢係香檳大廈既地庫 行到去近the mira有個門口轉入去 會見到星座冰室既牌📌 沿住箭嘴方向既樓梯落就到架啦 但中間會見到某類全身按摩既廣告👀 女仔驚既就唔好自己一個黎啦✋🏻叫得做冰室既大部分都保存左香港舊時茶餐廳既模樣 環境唔會太乾淨 亦都比較迫🙇🏻 同埋見到沖野飲煮野食既水吧😀 仲有膠匙膠筷子 呢d原來已經慢慢變左經典😶蕃茄撈蛋係呢度既招牌✌🏻️ 滿滿既湯有好多切粒蕃茄 再將蛋漿撈落湯造成蛋花😊 飲第一啖湯就食到蕃茄既甜味 不過飲多兩啖就開始覺得鹹 仲會口乾😗 如果廚師大哥好人既你仲可能會係蕃茄撈蛋入面有唔少牛肉碎 咁就更加鮮甜😋通粉就比較遜色 因為煮得太稔 通粉有d會煮太耐 已經漲晒🙈😭希望鍾意出前一丁又唔想加錢既都可以黎食下😀

與友人一行四人來試這裡的名物 - 蕃茄撈蛋麵!!賣相實在不是人人可接受點了芝士蕃茄撈蛋麵其實味道不是特別好吃都是出前一丁麻油麵~~就算加了芝士和蕃茄蛋,,還是吃到那陣麻油味~~公仔麵不會煮得過熟過稔就是了~~另外,,蕃茄味也不算濃~~芝士都是普通的片裝芝士放於面讓其融化而已整體不過不失吧~~

店名：星座冰室地址：尖沙咀金巴利道16-20號香檳大廈地庫36號舖好味指數：7／10價錢：$38蕃茄芝士牛肉撈蛋通粉吃第一口時，味道似曾相識，有點家的味道。通粉較腍身，不夠煙韌。牛肉味道不錯，但份量少。而蕃茄和雞蛋味道較淡，但也是不錯的，就如一開始說就像家的味道，配上芝士令整碗通粉味道提升了不少。醬汁初時是比較結身，吃到後期時慢慢開始變水，建議大家吃時不要太大力攪伴，否則很快便出水。 

一直都好想食呢間 因為呢d先係香港既特色 其實呢間野都幾難搵 去到叫左碗番茄牛肉麵 番茄魚片麵同奶醬多 個番茄湯真係超多番茄同好濃 完全唔會水汪汪 係好"傑" 我反而覺得酸左少少 同埋d麵好似未熟咁 牛肉同魚片都幾多 但相比之下我會選擇茄牛麵 喜出望外反而係奶醬多 烘到脆一脆 而且花生醬同煉奶好多 好好味 埋單$80有找 

位置很難找，找了很久，所以期待更高！的確十分懷舊的老店食肆！上枱後，賣相還可以！但味道的確有點失望！有點像自己家中也可以整，或可能比它更好吃！味道只是平平無奇！也不是難吃！簡單的蛋汁和番茄汁配麵！有多種配料！這次選擇雞亦，雞亦算是不錯！比麵和汁好！

閒談間，同事得我喜歡到懷舊冰室或到一些老店嘗一下一般餐廳少有的特色食品，知道我早前已先後到過元朗兩間特色冰室後試過榴蓮肉餅飯及鮮茄麵後，就問我有沒有到過「星座冰室」，一間同是以蕃茄來作招來的舊式冰室。找找地址，原來是在尖沙咀，還要在金巴利道？何解經常到尖咀的我從未留意到這間著名食店！這次就特意前來尋找這間神秘的老舖吧！由友人帶路，由港鐵站一直走呀走⋯Er⋯按地圖所示，明明就在這附近⋯為何不見呢！看到有個舊式商場，再入內找找⋯一直往前走. . .左邊兩旁只有其他食肆及店舖，正想離去之際，發現盡頭有條樓梯，上方除了有一塊殘舊的相機店招牌外，旁邊還有細字「星座冰室由此進」！感覺有點陰森吧，要是只有一個人，相信入夜後絕對不敢走下去幸好，樓梯尚算光猛及整潔，只有少量雜物放在左右兩旁。走下樓梯看到有一道綠色門，還以為已經到達，可惜原來是其他食肆的廚房位置。往左面看看，哇！又是一條陰森的走廊！但隱約看到盡頭放有枱櫈，似是一間食店，還是走過去看看吧！終於找對了！完全沒想過一間著名的冰室竟然置身於此！相當隱秘呢！走進店內甚有工廈飯堂的感覺呢！店內感覺殘舊，沒太多裝修，只是隨意地貼上食物餐牌及宣傳海報，還

environment: it's quite hard to find as it's located at the basememt of the very old plaza. there are tables both inside and outside the restaurant and almost all of them are occupied during lunch hour. it's understandable that the tables are placed very close to one another as the shop is not that big and there are legit A LOTTA customers.food: their signature dish is instant noodle in tomato soup with a list of toppings for you to choose from e.g.beef, pork chop, chicken wings etc.i ordered on

原本聽朋友介紹，好中意食茄牛通既我去度滿心歡喜，但點知大失所望。第一，星座既湯底只係普通湯加幾舊蕃茄，湯底完全唔夠茄味，相比起茄牛通出名既勝香園及華嫂冰室，湯底差太遠，無左果種濃度，同普通在家煮無分別。同時，分量亦唔夠，對於一個男人講，果個份量絕對唔夠，細細碗賣35元，性價比亦唔夠。總言之，無論味道，份量及價錢都絕對唔得。不值再去

隱藏於香檳大廈地庫，大部分第一次前往的食客都會覺得比較難揾。店鋪的門面不太光鮮但搶眼够突出，只要在地面找到進入地庫的入口，在地庫走一圈一定可以看見「星座冰室」。除了店內可以用餐，店外也擺放著3、4張枱，好似大排檔咁。店內裝修有點舊，衛生程度完全合格。没有太多粉飾牆壁，十分懷舊。用的桌子及櫈子款式與門外擺放的餐桌是一樣的。廚房是半開放式，一個高高的水吧作為分隔。餐廳主要提供各種粉麵、三文冶及簡單茶餐。大部分食客都是為馳名「蕃茄」及「蕃茄撈蛋」而來。餐牌上用了搶眼的紅色及黃色字標記。當然，我們也是為了「蕃茄撈蛋」而來的。蕃茄撈蛋牛肉面（白色碗）及蕃茄撈蛋咸牛肉通 （藍色花紋碗）我們點了蕃茄撈蛋牛肉面（白色碗）及蕃茄撈蛋咸牛肉通（藍色花紋碗）。蕃茄撈的賣相並不太討好，好像「傑撻撻」。用「匙更」去攪勻整碗通粉，可以令到整碗湯不會過稠，是屬於易入口的。蕃茄呈碎粒煮到半溶狀態與蛋糊融為一體。味道就像媽媽煮的蕃茄炒蛋（沒有添加蕃茄醬及味精），蛋味十足，滑滑的，整碗湯喝完了，没有口渴的感覺。用心製作的食物是最好吃的，不會因為環境及賣相而影響味蕾上的真實感覺。$30-35一碗的粉面結集了 特色、好味、便

蕃茄撈蛋麵 $30尋找了很久的星座冰室終於找到了，它真的很偏僻，要是下次沒有朋友帶路，真的不會找到這。環境比較殘舊，但也算得上是不髒的。這裏最出名的當然是蕃茄撈蛋麵，於是就點了這個。等了不太久，麵到了，它的蕃茄底和撈蛋快要滿溢了，就連筷子插入去的空間也沒有。麵底有些許麻油味，但多的是蕃茄的鮮和撈蛋的香，整體來説真的不俗，但建議大家可以點些有其他餸的蕃茄撈蛋麵，這樣便不會那麼素了。