星座冰室 (已搬遷) 新店位置

星座冰室……聽個名好似好浪漫，好似高級餐廳，但其實…佢係一間舊式嘅冰室，入面冇豪華嘅裝修冇浪漫嘅感覺，但有一種好親切好似屋村茶餐廳嘅感覺！間冰室雖然係地庫，好似好難搵咁，但其實個到有個路牌指住行樓梯落去就會見到。就連食物嘅價錢都好平民。我叫左一個蕃茄煎蛋麵$30，我以為係一隻蛋點知佢嚟到嘅時侯係雙蛋，個下真係好開心，仲要個蛋黃係生嘅，正！至於個蕃茄湯，唔係好濃味但都好香蕃茄味同埋好多蕃茄蓉。大家仲可以轉通粉、米粉、米線、意粉做麵底都唔洗加錢！不過就唔係咁建議大家叫小食喇，小食嘅味道我冇試過，不過見到個餐牌$45一個小食仲貴過碗麵，實在唔係好扺。