易牙妙手 (已結業)

2個人﹐1男1女﹐星期日晚想去食台灣野﹐旺角區基本上選擇可以話好多﹐但唔駛點等既又真係好少﹐又或者我唔識。咁0岩上網見到呢間評分都ok﹐即管試試。叫左1) 紅燒牛肉飯: 基本上係紅燒牛肉麵唔要麵﹐另外俾碗白飯。湯底味道幾好﹐微微辣﹐少少甜﹐牛肉味恰到好處。蘿蔔好"林"﹐好入味﹐牛肉都係。係一個好適合送飯既菜式。2) 魷魚羹麵線: 魷魚好爽﹐羹"傑"既程度大致同台北既差唔多﹐但就冇茶瓜﹐有酸菜(或者係泡菜)。整體味道幾好﹐只係我本人唔係太鐘意呢類野食。見到隔離叫蒜泥白肉﹐賣相不俗﹐下次試試。